یوحنا دی انجیل

۱۔ شُروع وِچ کلام سی تے کلام خُدا دے نال سی تے کلام خُدا سی ۔
۲۔ اِہو شُروع وِچ خُدا دے نال سی ۔
۳۔ سارِیاں چِیزاں اُہدی راہیں پَیدا ہوئیاں ۔ تے بنااُہدے اک چیز دی پیدا نہ ہوئی ہے ۔
۴۔ زندگی اُہدے وچ سی تے اُہ زندگی آدمیاں دا چانن سی ۔
۵۔ تے چانن ہینرے وچ چمکدا ہے ۔ تے ہینرے اُہنوں نہ پچھانیا ۔
۶۔ اک آدمی خُدادا گھیلا ہویا سی ۔ اُہدا ناں یُوحنا سی۔
۷۔ اُہ گواہی دے لئی آیا پئی چانن دی بابت گواہی دے۔تاں جو سبھ لوگ اُہدی راہیں ایمان لیاون۔
۸۔ اُہ چانن اُہ آپ نہیں سی ۔ پر اوس چانن دی گواہی آیا سی ۔
۹۔ اصل چانن جہڑا ہر اک آدمی نوں چانن دیندا ہے دنیا وچ آون والا سی ۔
۱۰ اُہ دنیا وچ سی تے دُنیا اُہدی راہیں پیدا ہوئی ۔ تے دُنیا اُہنوں نہ جانیا ۔
۱۱۔ اُہ اپنیاں کول آیا تےاُہناں اُہنوں قبول نہ کیتا۔
۱۲۔ پرجنیاں اُہنوں قبول کیتا اوس اُہناں نوں اختیار دتا پئی خُدا دےپتر بن جان یعنی اُہناں نوں جہڑے اُہدے ناں اُتے ایمان لیاوندے نے ۔
۱۳۔ اُہ نہ لُہو تھوں نہ بدن تھوں نہ خون دی چاہ تھوں نہ انسان دی چاہ تھوں پیدا ہوئے سان ۔
۱۴۔ تے کلام دہ دھاری ہویا تے فضل تے سچائی نال بھرپور ہو کے ساڈے کول ڈیرہ کیتا ۔ تے اساں اجہیاجلال ڈٹھا جس طرح باپ دےاکلوتے دا جلال ۔
۱۵۔ یُوحنا اُہدے حق وچ گواہی دتی تے پُکارکے آکھیا پئی اہ اُہو ہے جہدی گل میں کردا ہاں پئی اُہ جہڑا میرے پچھوں آیا ہے میتھوں اگیترا ہویا ہے کیوں جو اُہ میتھوں پہلاں سی ۔
۱۶۔تے اُہدی بھرپوری وچوں اساں سبھناں نوں ملیا یعنی فضل اُتے فضل ۔
۱۷۔ کیوں جو شریعت موسیٰ دی راہیں دتی گئی ۔ پرفضل تے سچائی یسوع ومسیح دی راہیں آئی ۔
۱۸۔ خُدا نوں کدی کسے نئیں ڈٹھا پر اکلوتے بیٹے نے جہڑا باپ دی گد وچ ہے اُہنوں ظاہر کیتا ۔
۱۹۔ تے یوحنا دی گواہی ایہہ ہے پئی جس یلے یہودیاں نے کاہناں تے لیویاں نوں یروشلیموں گھلیاپئی پچھن توں کون ہیں؟
۲۰۔ تے اوس ہنگارا بھر یا تے نہیں مکر یا تے اقرار کیتا پئی میں مسیح نئیں ہاں۔
۲۱۔ تے اُہناں اُہنوں پچھیا ۔ پھیر توں کون ہیں ؟ توں ایلیاہ ہیں ؟ اوس آکھیا میں نئیں ہاں ۔ توں اُہ نبی ہیں ؟ اوس جواب دتا نئیں ۔
۲۲۔ تد اُہناں اُہنوں آکھیا توں ہیں کون ؟ تاں جو اسیں اپنے گھلن والیاں نوں جواب دیئے ۔ توں اپنےنوں کیہ دسنا ہیں ؟
۲۳۔ اوس آکھیا میں جس طرح یشعیاہ نبی آکھیا سی اُجاڑوچ اک ہوکا دین والے دی آواز ہاں پئی خُداوند دے راہ سدھا کرو ۔
۲۴۔ تے اُہ فریسیاں ولوں گھلے ہوئے سان ۔
۲۵۔ تے اُہناں اُہدے تھو ں پچھ کے اُہنوں آکھیا جےتوں نہ مسیح ہیں نہ ایلیاہ نہ اُہ نبی تے پھیر بپتسمہ دینا ہیں ؟
۲۶۔ یوحنا اُہناں نوں جواب دتا پئی میں تاں پانی نال بپتسمہ دینا ہاں ۔ تہاڈے وچ اک کھلوتا ہویا ہے جہنوں تسیں نہیں جاندے ۔
۲۷ ۔اُہ میرے پچھے آوندا ہے ۔ اُہدی جتی دی گھنڈی کھولن دے میں لائق نہیں ۔
۲۸۔ اپ گلاں بیت عنیا وچ یزدنوں پار ہوئیاں جتھے یوحنا بپتسمہ دیندا سی ۔
۲۹۔ دجے دن یوحنا یسوع نوں اپنے ول آوندیاں ویکھ کے آکھیا ویکھو خُدا دا لیلا جہڑا دنیا دا گناہ چُک لے جاندا ہے ۔
۳۰۔ اہ اُہو ہے جہدی بابت میں آکھیا سی پئی اک بندہ میرے پچھے آوندا ہے ۔ جہڑا میتھوں اگیترا ہوگیا ہے کیوں جو اُہ میتھوں پہلاں سی ۔
۳۱۔ تے میں تاں اُہنوں جاندا نیئں سان ۔ پر میں ایس لئی پانی نال بپتسمہ دیندا ٓیا تاں جو اُہ اسرائیل اُتے ظاہر ہوئے ۔
۳۲۔ تے یوحنا اہ آکھ کے گواہی دتی پئی میں روح نوں کبوتر وانگوں اسما نوں اُتر دیاں ڈٹھا ہے ۔ تے اُہ اُہدے اُتے آٹھیریا ۔
۳۳۔ تے میں اُہنوں جاندا نہیں ساں پر جس مینوں گھلیا سی پئی پانی نال بپتسمہ دیاں اوس مینوں آکھیا سی پئی جہدے اُتے توں روح نوں اُتردیا ں تے اُہدے اُتے ٹھیر دیاں ویکھں اُہو ہی ہے جہڑا پاک روح نال بپتسمہ دیندا ہے ۔
۳۴۔ تے میں ویکھیا تے گواہی دتی ہے پئی اُہ خُدا دا بیٹا ہے ۔
۳۵۔ پھیر دجےدن یوحنا تے اُہدیاں شاگرداں وچوں دوکھلوتے ہوئے سان ۔
۳۶۔ تے اوس یسوع نوں جاندیاں ویکھ کے آکھیا ویکھو خُدا دا لیلا۔
۳۷۔ تے اُہناں دوہاں شاگرداں اُہنوں اُہ گل کردیاں سُنیاں تے یسوع دے مگر ٹر پئے ۔
۳۸۔ تد یسوع بھوں کے تے اُہناں نوں مگرآوندیاں ویکھ کے اُہناں نوں آکھیا تسیں کیہ لبھدے ہو؟اُہناں آکھیا اے ربی (جہدا مطلب اہ ہے اے اےستا د ) توں کتھے رہنا ہیں ؟
۳۹۔ اوس اُہناں نوں آکھیا آؤ ویکھو ۔ سواُہ آئے تے جتھے اُہ رہندا سی ویکھیا تے اوس دہاڑے اُہدے کول رہے ۔ اُہ دسویں کُ گھڑی سی ۔
۴۰ ۔ اُہناں دوہاں وچوں جہڑےیوحنا کولوں سُن کے اُہدے مگر ٹر پئے سان اک شمعون پطرس دا بھرا اندریاس سی ۔
۴۱۔ اوس پہلاں اپنے سکے بھرا شمعون نوں لبھ کے اہنوں آکھیا پئی اساں مسیح نوں (جہدا مطلب خرستس ہے ) لبھ لیاہے۔
۴۲۔ تے اُہ اُہنوں یسوع کول لیائیا یسوع اُہدے ول ویکھ کے آکھیا توں یوحنا دا پتر شمعون ہیں ، توں کیفا (جہدا مطلب پطرس ہے ) اکھوائیگا ۔
۴۳۔ اگلے بھلک اُہ گلیل دے دیس نوں جانا چاہندا سی ۔ تے فُلپس نوں لبھیا تے یسوع اُہنوں آکھیا میرے مگر ٹر پو ۔
۴۴۔ فلپس بیت صیدا دا سی جہڑا اندریاس تے پطرس دا شہرہے ۔
۴۵۔ فلپس نے نتنی ایل نوں لبھ کےاُہنوں آکھیا جہدی گل توریت وچ موسیٰ تے نبیاں نے لکھی ہوئی ہے اُہنوں اساں لبھ لیا ہے ۔ اُہ یسوع ناضری یُوسف دا پتر ہے۔
۴۶۔ تے نتنی ایل اُہنوں آکھیا ناضرت وچوں کوئی چنگی شے نکل سکدی ہے ؟ فلپس اُہنوں آکھیا اتے ویکھ لے ۔
۴۷۔ یسوع نتنی ایل نوں اپنے ول آوندیاں ویکھ کے اُہدی نابت آکھیا ویکھو اہ اصل اسرائیلی ہے جہندے وچ مکرنیئں ۔
۴۸ ۔ نتنی ایل اُہنوں آکھیا توں میرا کتہھوں دا واقف ہیں ؟ یسوع اُہنوں جوان دتا ۔ فلپس دے تینوں تھوں پہلاں جدوں توں انجیر دے بوٹے ہیٹھ سیں میں تینوں ویکھ لیا سی ۔
۴۹۔نتنی ایل اُہنوں جواب دتا تاں اسرائیل دا بادشاہ ہیں ۔
۵۰۔ یسوع اُہنوں جوا ب دتا توں ایس لئی ایمان لیاونا ہیں پئی میں تینوں آکھیا پئی میں تینوں انجیر دے بوٹے ہیٹھ ڈٹھا ۔ توں اُہناں نالوں دڈھیاں گلاں ویکھیں گا ۔
۵۱۔ پھیر اُہنوں آکھن لگا میں تہانوں سچ سچ آکھنا ہاں پئی تسیں اسمان نوں کھلیاں تے ابن آدم دے اُتے اُتر دیاں ویکھو گے ۔

۱۔ تے تریجے دن گلیل دے کانا وچ اک ویاہ ہوئیا۔تے یسوع دی ماں اوتھے سی ۔
۲۔ تے یسوع تے اُہدے شاگرد بھی ایس ویاہ وچ سدے گئے سان ۔
۳۔ تے جدوں انگور دی رس مک گئی ۔ یسوع دی ماں اُہنوں آکھیا پئی اُہناں دے کول انگور ی رس نہیں ہے ۔
۴۔ یسوع اُہنوں آکھیا اے عورت میرا تیرا نال کیہ کم ہے ؟ اجے میرا ویلا نہیں آیا ۔
۵۔ اُہدی ماں نوکراں نوں آکھیا جو کجھ اُہ تہانوں آکھے سو کرو ۔
۶۔ تے اوس تھاں پتھر دیاں چھ مٹناں یہودیاں دے نہاوں دھون دی رسم موجب دھریاں ہوئیاں سان پئی ہراک وچ دو یا تن ین من پیندے سان ۔
۷۔ یسوع اُہناں اُہنا ں نوں کنڈھیاں تیکر بھردتا۔
۸۔ تے اوس کول لے جاؤ ۔ تے اُ ہ لے گئے ۔
۹۔ تے جد مجلس دے سردار اوس پانی نوں چکھیا جہڑا انگور دد رس بن گیا سی تے نہیں جانداسی پئی اہ کتھوں آئی ہے (پرنوکر جہناں پانی کڈھیا سی جاندے سان ) تد مجلس دے سردار نے لاڑے نوں سد کے اُہنوں آکھیا ۔
۱۰ ۔ پئی ہر اک بندہ اچھی رس نوں پہلا ں اگے رکھدا ہے ۔ تے ماڑی اودوں جد لوک نشے وچ آجاندے نے ۔ پر توں تاں چنگی رس ہن تیکر رکھ چھڈی ہے ۔
۱۱۔ اہ پہلی کرامات یسوع نے گلیل دے کانا وچ کیتی تے اپناجلال ظاہر کیتا تے اُہدیاں شاگرداں اہدے اُتے ایمان لیاندا ۔
۱۲۔ ایدوں پچھوں اُہ تے اُہدی ماں تے بھرا تے اُہدے شاگرد کفرناحم نوں گئے ۔ تے اوتھے کجھ دن رہے ۔
۱۳۔ تے یہودیاں دی عید فسح نیڑے سی تے یسوع یروشلیم نوں گیا۔
۱۴۔ تے ہیکل وچ بلد تے بھیڈاں تے کبوتر ویچن والیاں تےصرافاں نوں بیٹھیاں ہویاں ویکھیا ۔
۱۵۔ تد اس رسیاں دا کوٹلاوٹ کے ساریاں نوں ہیکل وچوں کڈھ دتا ۔ نالے بھیڈاں تے ڈنگراں نوں ۔ تے صرافاں دے ٹگے کھلار دتے تحتے اُلٹا سٹے ۔
۱۶۔ تے کبوتر ویحچن والیاں نوں آکھیا اُہناں چیزاں نوں اتھوں چک لٹو میرے باپ دے گھرنوں بیاردا گھرنہ بناؤ ۔
۱۷۔ اُہدے شاگراں نوں یاد آگیا پئی لکھیا ہوئیا ہے تیرے گھر دی غیرت مینو ں کھا جائے گی ۔
۱۸۔ تد یہودیاں اُہنوں جواب دتا ۔ توں سانوں کیہ نشان وکھانا ہیں ۔ پئی اپ کم کرنا ہیں
۱۹۔ یسوع اُہناں نوں جواب دتا ۔ ایس ہیکل نوں ڈھا دیو تے میں اُہنوں تناں دناں وچ کھلا کراں گا ۔
۲۰۔ تد یہودیاں آکھیا چھتالیاں ورھیاں وچ اہ ہیکل بنی سی تے توں اُہنوں تناں دناں وچ کھلا کرئیگا ؟
۲۱۔ پر اوس اپنے بدن دی ہیکل دی بابت آکھیا سی ۔
۲۲۔سوجد اُہ مردیاں وچوں جی اُٹھیا تد اُہدیاں شاگرداں نوں یاد آیا پئی اوس ایہی آکھیا سی پاک کتاب داتے اوگل دا جہڑی یسوع آکھی سی یقین کیتا۔
۲۳۔ تے فسح دے ویلے عید وچ جد اُہ یروشلیم وچ سی بُہتیریاں اُہناں اُہناں کراماتاں نوں ویکھ کے جہڑیاں اوس وکھالیاں سان اہدے ناں اُتے ایمان لیاوند ا ۔
۳۴۔ پر یسوع اپنی بابت اُہناندا یقین نہ کیتا کیوں جو اُہ ساریاں نوں جاندا سی ۔
۲۵۔ تے اُہنوں لوڑ نہیں سی پئی انسان دی بابت گواہی دیوے ایس لئی پئی اُہ آپ جاندا سی پئی انسان دے وچ کیہ ہے ۔

۱۔ تے فریسیا ں وچوں اک آدمی نیکدیمس کر کے یہودیاں دا اک سردار سی ۔
۲۔اُہ رات دےویلے اُہدے کول آیا تے اُہنوں آکھیا اے ربی اسیس جاننے ہاں پئی توں خُدا ولوں اُستاد ہوکے آیا ہیں کیوں جو اہ کراماتاں جہڑیاں توں کرنا ہیں کوئی نہیں کر سکدا جے خُدااُہدے نال نہ ہووے۔
۳۔ یسوع اُہنوں جواب دتا میں تینوں سچ سچ آکھنا ہاں کوئی آدمی جے نویں سریوں نہ جمے اُہ خُدا دی بادشاہی نوں ویکھ نہیں سکدا ۔
۴۔ نیکدیمس اُہنوں آکھیا آدمی جد بڈھا ہوگیا تاں اُہ کیکر جم سکدا ہے؟ کوئی اپنی ماں دے ڈھڈھ وچ دوجی وار جا سکدا ہے تے جم سکدا ہے ؟
۵۔ یسوع جواب دتا میں تینوں سچ سچ آکھنا ہاں جے کوئی پانی تے روح تھوں نہ جمے اُہ خُدا دی بادشاہی وچ وڑ نئیں سکدا ۔
۶۔ جہڑا جسم تھوں جمیا اُہ جسم ہے تے جہڑا روح تھوں جمیا اُہ روح ہے ۔
۷۔تعجب نہ کر پئی میں تینوں آکھنا پئی تہانوں نویں سریوں جمیاضرور ہے ۔
۸۔ ہوا جد ھر نوں چاہندی ہے وگدی ہے تے تُوں اُہدی آواز سُننا ہیں پر نہیں جاندا پئی اُہ کتھوں آوندی تے کدھر نوں جاندی ۔ جہڑا کوئی روح تھوں جمیا اہو جیہا ئی ہے ۔
۹۔ نیکدیمس اُہنوں آکھیا ۔ اہ گلّاں کیکر ہو سکدیاں نے ؟
۱۰ ۔ یسوع اُہنوں جواب دتا توں اسرائیلیاں دا اُستاد ہوکے اہ گلاں نہیں جاندا ؟
۱۱۔ میں تینوں سچ سچ آکھنا ہاں پئی جو کجھ اسیں جاننے ہاں سو بولنے ہاں تے جہنوں اساں ویکھیا ہے اہندی گواہی دینے ہاں تے تسیں ساڈی گواہی قبول نہیں کردے ہو ۔
۱۲۔ جے میں تہانوں زمین دیاں گلّاں دسناہاں تاں تسیں نیئں مندے ۔ پھر تسیں کیکر منوگے جے میں اسماندیاں گلاں تہانوں دساں ۔
۱۳۔تےاسمان اُتے کوئی نہیں چڑھیا اُہدے سوا جہڑا اسمانوں اُتریا ہے ۔ یعنی ابن آدم جہڑا آسمان دے وچ ہے ۔
۱۴۔ تے جیکر اں موسیٰ نے سپ نوں جنگل وچ اُچّاکیتا اوسےطرح ضرور ہے پئی ابن آدم بھی اُچّا کیتا جائے ۔
۱۵۔ تاں جو جہڑا کوئی ایمان لیاوے اُہنوں اُہدے وچ سدا دی زندگی ملے ۔
۱۶۔ کیوں جو خُدا دنیا نُوں اجیہا پیار کیتا پئی اوس اپنا اکلوتا بیٹا بخشیا تا ں جہڑا اُہدے اُتے ایمان لیاوے اُہ ہلاک نہ ہوئے سگو ں اُہنوں سدادی زندگی ملے ۔
۱۷۔ کیوں خُدا اپنے بیٹے نُوں دنیا وچ ایس لئی نئیں گھلیا پئی دُنیادی عدالت کر ے سگوں ایس لئی پئی دُنیا اُہدے سببوں بچ جائے ۔
۱۸۔ جہڑا اُہدے اُتے ایمان لیاوندا ہے ۔ عدالت وچ ہُنے آ یسوع تے اُیدے شاگرد یہودیہ دیس وچ آئے تے اُہ اُہناں دے نال اُتھے رہیا تے بپتسمہ دیندا سی ۔
۱۹۔ تے عدالت اہی ہے ۔ پئی چانن دُنیا نئیں لیائیا ہے تے آدمیاں ہنیرے نوں چانن نالوں ودھ پیار کیتا ایس کر کے پئی اُہناں دے کم بھیڑے سان ۔
۲۰۔ کیونجو جہڑا کوئی بریائی کردا ہے چانن نال ویر رکھدا ہے تے چانن کول نیئں آوندا ۔ کتے ایوں نہ ہووے پئی اُہدیاں کماں دی ملامت کیتی جائے ۔
۲۱۔ پر اُہ جہڑا حق کردا ہے چانن دے کول ایس لئی آوند ہے پئی اُہدے کم طاہر ہون پئی خُدا وچ کیتے گئے نے ۔
۲۲۔ ایددں پچھے
دے نیڑے عینون وچ بپتسمہ دیندا سی ایس لئی اوس تھاں بہت پانی سی ۔
تے لوگ آوندے تے بپتسمہ لیندے سان ۔
۲۳۔ تے یوحنا بھی شالیم گیا ہے کیوں جو خُدا دے اکلوتے بیٹے دے ناں اُتے اُہ ایمان نئیں لیائیا ہے ۔
۲۴۔ کیونجو یوحنا اجے توڑی قید خانےوچ نہیں سی پایا گیا ۔
۲۵۔ تد یوحنا دے شاگرداں دی کسے یہودی نال بھاؤن دھون اُتے بحث ہو ئی
۲۶۔ تے اُہ یوحنا کول آئے تے اُنہوں آکھن لگے اے اُستاد اُہ جہڑا یردنوں پار تیرے نال سی جہدی توں گواہی دتی ہے ویکھ اُہ بپتسمہ دیندا ہے ۔ تے سارے اُہدے کول آندے نے ۔
۲۷۔ یوحنا آکھیا آدمی کجھ نئیں کر سکدا جناں چر اُنہوں اسمانوں دتا نہ جائے ۔
۲۸۔ تسیں آپ ہی میری گواہی دیندے ہو پئی میں آکھیا سی پئی میں مسیح نئیں ہاں پر اُہدے اگے گھلیا ہوئیا ہا ں ۔
۲۹۔ جہدے کول وہٹی ہے اُہولاڑے دی آواز نال بڑا خوش ہندا ہے سو میری وہ خوشی پوری ہوئی ہے ۔
۳۰ ۔ ضرور ہے پئی اُہ ودھے تے میں گھٹاں ۔
۳۱۔ اُہ جہڑا اُتوں آوندا ہے ساریاں تھوں اُتے ہے اُہ جہڑا زمینوں ہے زمین ہی دا ہے تے زمین دی گل کردا ہے ۔ اُہ جہڑا اسمانوں آوندا ہے ساریاں تھوں اُتے ہے ۔
۳۲۔ تے جو کجھ اوس ویکھیا تے سُنیا اُہدی گواہی دنیدا ہےتے اُہدی گواہی کوئی نئیں مندا ۔
۳۳۔ جس اُہدی گواہی منی ہے ۔ اوہن اوس گل اُتے مُہر کیتی ہے پئی خُدا سچا ہے ۔
۳۴۔ کیونجو جہنوں خُدا گھلیا اُہ خُدا دیاں گلاں کردا ہے ۔ ایس لئی پئی اُہ روح من کے تیئں دیندا
۲۵۔ باپ بیٹے نوں پیار کردا ہے تے ساریاں چیزاں اُہدے ہتھ وچ کردتیاں نے ۔
۲۶۔ جہڑا بیٹے اُتے ایمان لیاوندا ہے سدای زندگی اُہدی ہے ۔ پر جہڑا بیٹے نوں تئیں مندا اُہ تاں زندگی اُہدی ہے ۔ پر جہڑا بیٹے نو ں تئیں مندا اُہ تاں زندگی تئیں ویکھیگا
سگوں خُدا دا قہرا اُہدے اُتے رہندا ہے ۔

ا۔ سو جد خُداوند نوں معلوم ہوئیا پئی فریسیاں اہ سُنیا پئی یسوع یوحنا نالوں ودھ شاگرد بناندا ہے تے بپتسمہ دیندا ہے ۔
۲۔ بھانویں یسوع آپے تاں تئیں پر اُہدے شاگرد بپتسمہ دیندے سان ۔
۳۔ تد اوس یہودیہ نو ں چھنڈیا تے گلیل نوں ٹرگیا ۔
۴۔ تے سامریہ دے وچوں ہو کے اُہنوں جانا پیا ۔
۵۔ تد سوخار ناں سامریہ دے اک شہر دے مُڈھ آیا اوس زمین دے نیڑے جہڑی یعقوب اپنے پُتر یوسف نوں دتی سی ۔
۶۔ تے یعقوب دا کھوہ اُتھے ہی سی سو یسوع پینڈا کردیاں کردیاں تھکا ہوئیا اینویں کھوہ اُتے بہیہ گیا ۔ اہ دوپہرک دا ویلا سی ۔
۷۔ تد سامریہ دی اک عورت پانی بھرن آئی ۔ یسوع ا ہنوں آکھیاں مینوں پانی پیا۔
۸۔ کیونجو اُہدے شاگرد کھانا مُل لین نوں شہر وچ گئے ہوئے سان ۔
۹۔ تد اُہ سامری عورت اُہنوں آکھن لگی توں یہودی ہو کے میرے کولوں جہڑی سامری ہاں پانی کس طرح منگناہیں ؟ (ایسی لئی پئی یہودی لوک سامریاں نال تئیں ورتدے )
۱۰ ۔ یسوع اُہنوں آکھیا جے توں خُدا دی بخشش جاندیوں تے اہ وی جاندیوں پئی اُہ کون ہے جہڑا تینوں آکھدا ہے پئی مینوں پانی پیا تاں توں اُہدے کولوں منگدیوں اُہ تینوں آب حیات دیندا ۔
۱۱۔ اُہ عورت انہوں آکھن لگی اے خُداوند تیرے کول تے ڈول نئیں ہے تے کھوہ ڈونگھا ہے پھر اُہ آب حیات تینو ں کھتوں ملیا ہے ۔
۱۲۔ توں ساڈے پیو یعقوب نالوں وڈا ہیں جن اہ کھوہ سانوں دتا تے ا ٓپ تے اُہدی آل اولاد تے اُہدے وچوں پیتا ؟
۱۳۔ یسوع اُہنوں آکھیا ایس پانی نوں جہرا پیوے پھر ترہایا ہوئیگا ۔
۱۴۔ پر جہڑا اوس پانی تھوں پیوے جہڑا میں اُہنوں دیا نگا اُہ کد ی ترہایا نہ ہوویگا ۔ پر جہڑا پانی میں اُہنوں دیا نگا اُہ اُہدے وچ اک چشمہ بن جائیگا جہڑا سدا دی زندگی لئی وگدا رہیگا ۔
۱۵۔ عورت اُہنوں آکھن لگی اے خُداوند اُہ پانی مینو ں دے پئی میں ترہانی نہ ہواں تے نہ ایتھے تیکر بھرن نوں آیا کراں ۔
۱۶۔ یسوع اُہنوں آکھیا جا اپنے خصم نوں سد تے ایتھے آ۔
۱۷۔ عورت اُہنوں میرا کوئی خصم نئیں ہے ۔یسوع اُہنوں آکھیا توں ٹھیک آکھیا ہئی میرا کوئی خصم نئیں ہے۔
۱۸۔ کیونجو توں پنج خصم کر بیٹھی ہیں ۔ تے جنہوں توں ہن رکھیا ہوئیا ہے اُہ تیرا خصم نیئں ہے ۔
۱۹۔ عورت اُہنوں آکھن لگی اے خُداوند معلوم ہندا ہے پئی توں نبی ہیں ۔
۲۰ ۔ ساڈے وڈیاں ایس پہاڑ اُتے بندگی کیتی پر تسیں آکھدے ہو پئی اُہ تھاں جھتے بندگی کرنی چاہندی ہے یروشلیم وچ ہے ۔
۲۱۔ یسوع اُہنوں آکھیا اے عورت میری گل من ۔ اُہ ویلا آوندا ہے جدوں نہ ایس پہاڑ اُتے تے نہ یروشلیم تسیں باپ دی بندگی کرو گے ۔
۲۲۔ تسیں جہنوں تئیں جاندے ۔ اُہدی بندگی کرنے ہاں ایسں لئی پئی نجات یہودیاں وچوں ہے ۔
۲۳۔ پر ویلا آوندہے تے مہنے ہے جدوں بندگی کر ن گے کیونجو باپ اجہاں نوں چاہندا ہے ۔ پئی اُہدی بندگی کرن ۔
۲۴۔خُدا روح ہے تے جہڑے اُہدی بندگی کردے نے اُہناں نوں چاہندا ہے ۔ پئی روح تے سچیائی نال بندگی کرن ۔
۲۵۔ عورت اُہنوں آکھن لگی میں جاننی ہاں پئی مسیح (جہنوں خُرستس آکھدے نے ) آون والا ہے تے اُہ جد آوے گا سانو ں ساریاں گلاں دی خبری دیونگا ۔
۲۶۔ یسوع اہنوں آکھن لگا ۔ میں جہڑا تیرے نال بولنا ہاں اُہو ہی ہاں ۔
۲۷۔ اینے نوں اُہدے شاگرد آگئے تے حیران ہوئے پئی اُہ عورت نال گلاں کردے ۔ تد بھی کسے نہ آکھیا پئی اُہ عورت نال گلاں کردا ہیں ؟
۲۸۔ تد عورت اپنا گھڑا چھڈ کے شہر وچ گئی تے لوکا نوں آکھن لگی ۔
۲۹ ۔ آؤ اک آدمی نوں ویکھو جہن جو کجھ میں کیتا ہے ۔ سھبومینوں دس اُہدے لول آؤن لگے ۔
۳۰ ۔ اُہ شہروں نکل کے اُہدے کول آون لگے ۔
۳۱۔ اینے وچ شاگرداں عرض کیتی پئی اے ربی کجھ کھا ۔
۳۲۔ پر اوس اُہناں نوں آکھیا میرے کول کھان واسطے اجیہا کھانا ہے جہنوں تسیں نہیں جاندے ۔
۳۳۔ ایس کر کے شاگرد آپو وچ آکھن لگے بھانویں اُہنوں آکھن واسطے اجہیا کھانا نو ں دے گیا ہودے ؟
۳۴۔ یسوع اُہناں اُہنوں نوں آکھیا میرا کھانا اہ ہے پئی اپنے گھلن والے دی مرضی اُتے چلاں تے اُہدا کم کراں ۔
۳۵۔ تسیں نہیں آکھدے پئی چونہوں آکھنا ہاں اپنیاں اکھیاں چکو تے پلیاں نوں ویکھو پئی اُہ واڈھی لئی ہن بھی پکیاں نے ۔وڈھن والے نوں مزدُوری ملدی ہے تے اُہ سدا دی زندگی لئی ۔پھل اکٹھا کردا ہے تانجو بیجن والا تے وڈھن والا رل کے خوشی کرن ۔
۳۸۔ میں تہانوں اُہدے وڈھن نوں گھلیا جہندی تساں محنت نئیں کیتی ہے ۔ ہورناں محنت کیتی تے تسیں اُہناں دی محنت وچ رل گئے ہو۔
۳۹ ۔ تے اوس شہر و چوں بہتیرے سامری لوک اوس عورت دی گواہی دے سبب اہدے اُتے ایمان لیائے پئی اوس آکھیا جو کجھ میں کیتا اوس سبھو کجھ مینوں دس دتا ۔
۴۰ ۔ سو سامریاں جد اُہدے کول آئے تد عرض کیتی پئی ساڈے کول ہی رہو ۔ تے اہ دو دن اُتھے رہیا۔
۴۱۔ تے ہور بہتیرے اُہدے اپنے کلام سے سبب ایمان لیائے ۔
۴۲۔ تے اُہناں عورت نو ں آکھیا ہن تیرے ہی آکھن نال ایس تئیں مندے ایس لئی پئی اساں آپی سُنیا ہئ ۔ تے معلوم کیتا پئی اہ ٹھیک دُنیا دا بچان والا ہے ۔
۴۳۔ تے اُہناں دو ہاں دناں پچھوں اُہ اُتھوں گلیل نوں ٹرگیا۔
۴۴۔ کیونجو یسوع آپ گواہی دتی پئی بنی دی اپنے وطن وچ عزت تئیں ۔
۴۵ ۔ سو جد اُہ گلیل وچ آگیا تد ایس واسطے گلیلیاں اُہنوں قبول کیتا پئی اُہناں سب کجھ
۴۶ ۔ جو اوس عید دے ویلے یروشلیم وچ کیتا سی ویکھیا ہوئیا سی ۔ کیونجو اُہ بھی عید نوں گئے سان ۔
۴۷ ۔ پھیر یسوع مُڑ گلیل نوں آیا ہے تاں اُہدے کول جا کے عرض کیتی پئی جل کے میرے پُر نوں ول کر دے کیونجو اُہ مرن لگا سی ۔
۴۸ ۔ تد یسوع اُہنوں آکھیا اے خُداوند میرے بچے دےمرن تھوں پہلا ں چل ۔
۵۰۔ یسوع اُہنوں آکھیا جا تیرا پُتر جیوندا ہے ۔ اوس آدمی ایس گل اُتے جہڑی یسوع اُہنوں آکھی سی یقین کیتا تے ٹر پیا ۔
۵۱۔ اجے لگا جاندا ہی سی پئی اُہدے نوکر اُہنوں اگوں آکے ملے ۔ تے خبر دتی پئی تیرا لڑکا جیوند ا ہے ۔
۵۲۔ تد اوس اُہناں تھوں اُہ گھڑی پچھی جہدے وچ اُہ ول ہون لگ پیا ۔ تے اُہناں اُہنو ں آکھیا پئی کل ستویں گھڑی اُہدی کس لہہ گئی ۔
۵۳۔ تف پیو نو ں معلوم ہوئیا پئی اُۃ اُہو گھڑی سی جد یسوع مینوں آکھیا سی ترا پُتر جیوندا ہے ۔ سواوس آپ تے اُہدے سارے ٹبر ایمان لیا ند ا ۔
۵۴۔ اہ دو جا معجزہ ہے جہڑا یسوع یہودیہ تھوں گلیل وچ آکے کیتا ۔

اُہدے پچھوں یہودیاں دی عید سی ۔ تے یسوع یروشلیم نوں گیا ۔
۲۔ تے یروشلیم وچ والے دروازے دے کول اک حوض ہے جنہوں عبرانی بولی وچ بیت حسدا آکھدے نے جہدے پنج برانڈے نے ۔
۳۔ اُہناں وچ روگیاں تے انھیاں تے لنگیاں تے ہوئیاں دی بڑی بھیڑ پئی رہندی سی ۔
۴(۔ جد اُہ کلام کر چکُیا تے شمعون نوں آکھیا ڈہونگے وچ لے جاؤ تے تسیں اپنے جال سٹّوؤ۔ )
۵۔ تے اُتھے اک آدمی سی جہڑا اٹھیتا ورھیاں تھوں ردگی سی ۔
۶۔ یسوع اُنہوں پیا ہوئیا ویکھ کے تے اہ جان کے پئی اوہ چر و کتا پیا ہوئیا ویکھ کے تے اہ جان کے پئی اوہ چروکنا پیا ہے۔ اُنہوں آکھیا توں دل ہونا چاہنا ہیں
۷۔ اوس روگی اُہنوں جواب دتا اے خُداوند میرا کوئی آدمی تئیں پئی جدوں پانی ملا یا جائے تاں مینوں حوخ وچ اُتار دے پر جناں چر میں جانا ہاں ۔ دُوجا میتھوں پہلاں اُتر پیندا ہے ۔
۸۔ یسوع اُنہوں آکھیا اُٹھ تے منجی چُک تے تر پو ۔
۹۔ اوسے ہی ویلے اُہ آدمی ول ہوگیا تے اپنی منجی چُک کے ٹر پیا ۔ تے اُہ سبت دا دن سی ۔
۱۰ ۔ ایس کر کے یہودیاں اُہنوں جہڑا ول ہویا سی آکھیا اج سبت دا دن ہے تینوں منجی چکنی نئیں چاہیدی ۔
۱۱۔ اوس اُہناں نو ں جواب دتا پئی جس مینوں ول کیتا اوسے مینوں آکھیا اپنی منجی چُک تے ٹریو ۔
۱۲۔ تد اُہناں اُہنوں پچھیااُہ کہڑا آدمی ہے جس تنیوں آکھیا پئی اپنی منجی چک تے ٹر پو؟
۱۳ ۔ پر اُہ جہڑا ول ہوئیا سی ۔ نہیں سی جانداپئی اُہ کون ہے۔ کیونجو اوس تھاں بھیڑ سی تے ایس واسطے یسوع لاہبنے ہوگیا سی ۔
۱۴۔ اُہدے پچھوں یسوع اُہنوں ہیکل وچ ویکھ کے اُہنوں آکھیا ویکھ توں ول ہوگیا میں مڑ گناہ نہ کریں ۔ میں تے تیرے اُتے ایدوں بھی بہتی خرابی آپوے ۔
۱۵۔ اُہ آدمی ٹر گیا تے یہودیاں نوں خبر دتی پئی جس مینوں ول کیتا سی اُہ یسو ع ہے ۔
۱۶۔ تے ایس گلے یہودی یسوع دے مگر پئے ۔ کیونجو اوہ اجہیے کم سبت نوں کردا سی ۔
۱۷۔ پر یسوع جواب دتا پئی میرا باپ ہن تیکر کم کردا ہے تے میں بھی کم کرنا ہاں ۔
۱۸۔ ایس لئی یہودی ہور بھی دوھکے اُہدے مارن دا داء لبھدے سان کیونجو اوس نہ نرا سبت نوں توڑ دتا پر اہ بھی پئی خُدا نوں خاص اپنا باپ آکھ کے اپنے آپ نوں خُدا دے برابر کیتا ۔
۱۹۔ ایس واسطے یسوع اُہناں نوں جواب دتا میں تہانوں سچ سچ آکھنا ہاں پئی بیٹا آپ تھوں کجھ نئیں کر سکدا پر جو کجھ اُہ باپ نوں کردیاں ویکھے ۔کیونجو جہڑے کم اُہ کردا ہے بیٹا بھی اوسے طرح کردا ہے ۔
۲۰ ۔ کیونجو باپ اپنے بیٹے نوں پیار کردا ہے تے سارے کم جہڑے اُہ آپ کردا ہے اُہنوں وکھاندا ہے ۔تے اُہ اُہناں نالوں وڈے کم اُہنوں وکھا لے گا پئی تسیں تعجب کرو ۔
۲۱ ۔ کیونجو جس طرح باپ مُردیاں نوں اُٹھاندا تے جوالدا ہے ۔
۲۲۔ کیونجو ؓاپ کسے دی عدالت نئیں کردا ۔پر اوس ساری عدالت بیٹے دے سپُرد کیتی ۔
۲۳۔ تا نجو سبھ لوگ بیٹے دی عزت کرن جس طرح باپ دی عزت کردے نے ۔جہڑا بیٹے دی عزت نئیں کردا اُہ باپ دی بھی جس اُہنوں گھلیا عزت نئیں کردا ۔
۳۴۔ میں تہانوں سچ سچ آکھنا ہاں پئی اُہ جہڑا میرا کلام سندا ہے تے اُہدے اُتے جس مینو ں گھلیا ہے ایمان لیاوندا ہے سدا دی زندگی اُہدی ہے تے اُہ عدالت وچ نئیں آوندا سگوں موت تھو ں نکل کے اُہ زندگی وچ جا پُنچدا ہے ۔
۲۵۔ میں تہانوں سچ سچ آکھنا ہاں پئی اُہ گھڑی آوندی ہے تے ہن ہی ہے جدوں مُردے خُدا دے بیٹے دی آواز سنننگے تے جہڑے سُننگے جیوپینگے ۔
۲۶۔ کیونجو جس طرح باپ اپئنے وچ زندگی رکھدا ہے اوسے طرح اوس بیٹے نوں بھی دتا پئی اپنے وچ زندگی رکھے ۔
۲۷۔ تے اُہنوں اختیار دتا پئی عدالت کرے ایس لئی پئی اُہ ابن آدم ہے ۔
۲۸ ۔ایس گلوں حیران نہ ہو ۔ کیونجو اُہ گھڑی آوندی ہے جدوں سارے جہڑے قبراں وچ نے اۃہدی آواز سننگے ۔
۲۹۔ تے باہر نکل آون گے ۔ جنہاں نیکی کیتی زندگی دی قیامت لئی ۔ تے جنہاں بھیڑے کم کیتے عدالت دی قیامت دے لئی ۔
۳۰۔ میں اپنے آپ کجھ نئیں کر سکنا ہاں ۔ جس طرح میں سُتا ہاں اوسے طرح عدالت کرنا ہاں تے میری عدالت سچی ہے ۔ کیونجو میں اپنی مرضی نوں نئیں لبھندا پر اُہدی مرضی نوں جس مینوں گھلیا ہے ۔
۳۱۔ جے میں اپنے حق وچ گواہی دیاں تاں میری گواہی سچی نئیں ۔
۳۲۔ اک ہور ہے جہڑا میرے حق وچ گواہی دیندا ہے تے میں جاننا ہاں پئی جہڑی گواہی اُہ میرے حق وچ دیندا ہے سو سچی ہے ۔
۳۳۔ تسان یوحنا کول سُنیہا گھلیا تے اُتے گواہی دتی ہے ۔
۳۴۔ میں تاں آدمیاں ولوں گواہی نیئں لیندا پر میں اہ گلاں آکھنا ہاں تانجو تسیں بچ جا ؤ ۔
۳۵ ۔ اُہ اک بلدا ہوئیا تے چمکدا ہوئیا دیوا سی تے تسیں گھڑی توڑی اُہدے چانن وچ خوش رہنا چاہند ے ساؤ۔
۳۶۔ پر میرے کول جہڑی گواہی ہے اُہ یوحنا دی گواہی تھوں وڈی ہے کیونجو جہڑے کم باپ میرے سُپر د کیتے پئی میں اُہناں نوں پُوریاں کراں یعنی وچ گواہی دیند ے نے پئی باپ مینوں گھلیا ہے ۔
۳۷۔ تے باپ جس مینوں گھلیا اوس ہی میرے حق وچ گواہی دتی ہے تساں تاں نہ کدے اُہدی آواز سُنی ہے تے نہ اُہدی شکل ڈٹھی ہے ۔
۳۸۔ تے اُہدا کلام تہاڈے وچ نئیں رہندا کیونجو جہنوں اوس گھلیا تسیں اُہنوں نئیں مندے ۔
۳۹۔تسیں نوشیتاں نوں پھولدے رہندے ہو ۔ کیونجو تسیں سمجھدے ہو پئی اُہناں وچ تہاڈے لئی سدا دی زندگی ہے ۔ تے اپہ اُہی نے جہڑے میرے حق وچ گواہی دیندے نے ۔
۴۰ ۔تے تسیں میرے کول زندگی لین نوں آؤنا نہیں جاہندے ہو ۔
۴۱۔ میں آدمیاں کولو ں وڈیائی نہیں چاہندا ۔
۴۲۔ پر میں تہانوں جاننا ہا ں پئی تسیں خُدا دی محبت اپنے وچ تئیں رکھدے ۔
۴۳۔ میں اپنے باپ دے ناں اُتے آیا ہاں تے تسیں مینوں قبول نہیں کردے ۔ جے ہور کوئی اپنے ہی ناں اُتے آوے اُہنو ں تسیں قبول کر لو گے ۔
۴۴۔ تسیں کیکر ایمان لیا سکدے جہڑے اک دوجے ولو ں وڈیائی چاہندے ہو تے اوں وڈیائی نوں جہڑی اکلے خُدا ولوں آندی ہے نئیں لبھدے ۔
۴۵۔ اہ نہ سمجھو پئی میں باپ اگے تہاڈے اُتے الزام لانگا ۔ اک ہے تہاڈے اُتے الزام لان والا یعنی موسیٰ جہداُتے تساں بھر وسا رکھیا ہوئیا ہے ۔
۴۶۔ کیونجو جے تسیں موسیٰ نوں مندے تا ں مینوں بھی مندے ایس لئی پئی اوسے میرے حق وچ لکھیا ۔
۴۷۔ پر جد تسیں اُہدیاں نوشتیاں نوں نئیں مندے تاں میریاں گلاں کیکر منو گے ۔

۱۔ اُہناں گلاں دے پچھوں یسو ع گلیل دے سمندرو ں یعنی طبر یاس دے سمندروں پار گیا ۔
۲۔ تے بڑی بھیڑ اُہدے مگر ہو ٹر ی ایس لئی پئی اُہناں اُہ معجزے ویکھے جہڑے اوس بیماراں اُتے کیتے سان ۔
۳۔ تد یسوع پہاڑ اُتے چڑھ کے اپنے شاگرداں نال اُتھے بہہ گیا ۔
۴۔ تے فسح جہڑی یہودیاں دی عید ہے نیڑے سی ۔
۵۔ تد یسوع اپنیاں اکھیاں چک کے ویکھیا پئی ایس اُہنا ں دے کھان لئی روٹیاں کتھوں مل لئیے ؟
۶۔ تے اوس اہ گل اُہنوں ازمان لئی آکھی سی کیونجو اُہ آپ جاندا سی پئی میں کیہ راں گا ۔
۷۔فلپس اُہنوں جواب دتا پئی دو سو دنیار دیاں اُہناں لئی پوریاں نئیں ہونگیاں پئی ہر اک نوں تھوڑی جہی بھی ہتھ لگے ۔
۸۔ اُہدے شاگرد اں وچوں اک شمعون پطرس دا بھرا اندریاس اُہنوں آکھن لگا ۔
۹۔ ایتھے اک چھوکرا ہے جہدے کول جواں دیاں پنج روٹیاں تے دومچھیاں نے پر اینیاں بندیاں واسطے اہ کیہ نے ۔
۱۰ ۔ یسوع آکھیا پئی لوکاں نوں بہا دیو ۔ تے اوس تھاں بڑا گھاہ سی ۔ سو گینتری وچ پنجک ہزار آدمی بہہ گئے ۔
۱۱۔ تے یسوع روٹیاں لیاں تے شکر کر کے بیٹھاں ہوئیاں نوں ونڈ دتیاں تے ایہنویں مچھیاں وچوں جنی جنی اُہ چاہیندے سان ۔
۱۲۔ تے جداوہ رج گئے اُہ اپنے شاگرداں نوں آکھن لگا پئی بچیاں ہوئیاں ٹکڑیاں نوں اکھٹے کرو پئی کجھ خراب نہ ہو جائے ۔
۱۳۔ سو اُہنا ں اکھٹے کر لئے تے جواں دیاں پنجاں روٹیاں دے ٹکڑیاں نال جہڑے کھان والیاں تھوں دوھ رہے سان باراں ٹوکریاں بھریاں ۔
۱۴۔ تد اُہناں لوکاں اہ معجزہ جہڑا اوس کیتا ویکھ کے آکھیا بے شک اُہ نبی جہڑا دُینا وچ آون والا ہے ایہو ہے ۔
۱۵۔ سو جد یسوع نوں معلوم ہوئیا پئی اُہ آون گے پئی مینوں بدو بدی پھڑ کے بادشاہ بنا لین تد آپ اکلا پہاڑ نوں مڑٹر گیا ۔
۱۶۔ تے جدوں شام ہوئی اُہدے شاگرد سمندر ول اُتر گئے ۔
۱۷۔ تے بیڑی وچ چڑھ کے سمندر دے پر لے پاسے کفر ناخم نوں ٹر پئے ۔ تے ہن ہنیرا ہوپیا سی ۔ تے یسوع اُہناں کول اجے نہیں سی آیا ۔
۱۸۔ تے بڑی ہنیری دا صدقہ سمندر ٹھاٹھاں مارن لگا ۔
۱۹۔ تے جداُہ دو تین کوہ تیکر نکل گئے سان تد اُہناں یایسوع نوں سمندر اُتے ٹردیاں تے بیڑی دے نیڑے آوندیاں ویکھیا تے ڈرگئے ۔
۲۰ ۔ پر اُہ اہناں آکھن لگامیں ہی ہاں ڈرو نہ ۔
۲۱۔ تد اوہ اُہنوں بیڑی و چ لین نوں راضی سان تے بڑی چھیتی نال اوس تھاں جھتے جانا سی اپڑ گئی ۔
۲۲۔ دوجے دن جد اوس بھیڑ جہڑی سمند ر دے اوس پار کھلوتی سی ویکھیا پئی ایس جگہ اک چھوٹی جہی بیڑی دے بناں ہور کوئی بیڑی ہے نئیں ۔ تے اہ بھی پئی یسوع اپنے شاگرداں نال بیڑی اُتے گیا ۔ پر اُہدے شاگرد اکلے ٹر گئے سان ۔
۲۳۔ پر ہاں ہور چھوٹیاں بیڑیاں طبریاسوں اوس تھاں دےنیڑے آئیاں (جھتے خُداوند دے شکر کرن پچھوں اُہناں روٹیاں کھا دیا ں سان )
۲۴۔سو جد لوکاں ویکھیا پئی ایتھے نہ یسوع تے نہ اُہدے شاگرد نے تد اُہ بھی بیڑیا ں وچ چڑھ کے یسوع نوں لبھن لئی کفر ناخم نوں آئے ۔
۲۵۔ تے اُہناں اُہنوں سمندروں پار لبھ کے آکھیا اے ربی توں ایتھے کدوں آیا ؟
۲۶۔ یسوع اُہناں نوں آکھیا ۔ میں تہانو ں سچ سچ آکھنا ہاں تسیں مینوں ایس واسطے نئیں لبھدے پئی تساں کراماتا ویکھیاں پر ایس واسطے پئی اُہنا ں روٹیاں وچوں کھا کے تسیں رج گئے ۔
۲۷۔ فنا ہ ہون والے کھانے لئی محنت نہ کرو پر اوس کھانے لئی جہڑا سدا دی زندگی توڑی رہن والا ہے جہڑا ابن آدم تہانوں دیوے گا ۔ کیونجو خُدا جہڑا باپ ہے اوس اہدے اُتے مہر کر دتی ہے۔
۲۸۔تد اُہناں اُہنوں آکھیا ایس کیہ کر یئے پیئ خُدا دے کم ساتھوں ہون ؟
۲۹۔ یسوع اُہنا ں نو ں جواب دتا خُدا دا کم اہ ہے پئی تسیں اُہدے اُتے جنہو ں اوس گھلیا ہے ایمان لیاؤ۔
۳۰۔ تد اُہناں اُہنوں آکھیا پھیر ا توں کہڑی کرامات کرنا ہیں ؟ پئی ایس ویکھئے تے تینو ں نئے توں کیہ کرنا ہیں ؟
۳۱۔ ساڈے وڈیاں جنگل وچ من کھادا جس طرح آکھیا ہوئیا ہے پئی اوس اُہناں نوں اسمانوں وٹی کھان نوں دتی ۔
۳۲۔ تد یسوع اُہناں نوں آکھیا میں تہانوں سچ سچ آکھنا ہا ں پئی موسیٰ تہانو ں اسمانوں روٹی نہیں دتی پر میرا باپ تہانوں اسمانوں سچی روٹی دیندا ہے ۔
۳۳۔ کیونجو خُدا دی روٹی اُہ ہےجہڑی اسمانو ں اُتر دی تے دُنیا نوں زندگی میں دیندی ہے ۔
۳۴۔ تد اُہناں نوں آکھیا اہ روٹی سانوں سدادیا کر ۔
۳۵۔ یسوع اُہناں نوں آکھیا زندگی دی روٹی میں ہاں جہڑا میرے کول آوندا ہے بھُکھا نہ ہوویگا ۔ تے جہڑا میرے اُتے ایمان لیاوندا ہے کدی کدی ترہایانہ ہوویگا ۔
۳۶۔ پر میں تہانوں آکھ دتا ہے پئی تساں مینوں ڈٹھا ہے ۔ تد بھی ایمان نئیں لیاوندے ۔
۳۷ ۔سب کجھ جو باپ مینوں دیندا ہے میرے ول آویگا تے جہڑا میرے کول آوندا ہے اُہنو ں میں کدے بھی باہر نہ کڈھا نگا ۔
۲۸۔ کیو نجو میں اسمانو ں اپنی مرضی پورا کرن نوں نئیں اتریا ہا ں ۔ پر اُہدی مرضی جس مینوں ۔گھلیا ہے ۔
۳۹۔ تے جس مینوں گھلیا ہے اُہدی اہ مرضی ہے پئی جو کجھ اوس مینوں دتا ہے اُہدے وچوں میں کجھ نہ گواواں پر اوڑک دے دہاڑے اُہنوں اُٹھاواں ۔
۴۰ ۔کیونجو میرے باپ دی مرضی ہے پئی جہڑا بیٹے نو ں ویکھدا ہے تے اُہدے اُتے ایمان لیاوندا ہے سدا دی زندگی اُہنوں ملے تے اوڑک دے دہاڑے میں اُہنوں اُٹھاو انگا ۔
۴۱۔ تد ایس لئی پئی اوس آکھیا ۔ اُہ روٹی جہڑی اسمانوں اُتری میں ہا ں ۔ یہودی اُہدی بابت کڑاکڑان لگے ۔
۴۲۔ تے آکھن لگے اہ یسوع یوسف دا پتر نہیں ہے جہدے ماں پیو نوں ایس جاننے ہاں ؟
۴۳۔یسوع اُہناں نو ں آکھیا آپو وچ نہ کُڑاکڑا ؤ ۔
۴۴۔ میرے کول کوئی نئیں آسکدا جے باپ جس مینوں گھلیا ہے اُہنوں نہ کھچے ۔ تے اوڑک دے دہاڑے میں اُہنوں اُٹھاواں گا۔
۴۵ ۔نبیاں دیاں کتاباں وچ اہ لکھیا ہوئیا ہے پئی اُہ سب خُدا دے سکھائے ہوئے ہون گے ہر اک جس باپ ہ کولوں سنیا تے سکھیا میرے کول آوندا ہے ۔
۴۶۔ اہ نہ سمجھو پئی کسے باپ نوں ویکھیا ہے ۔ بناں اُہدے جہڑے خُدا ولوں ہے اوس باپ نوں ویکھیا ہے ۔
۴۷۔میں تہانوں سچ آکھنا ہاں پئی جہڑا میرے اُتے ایمان لیاوندا ہے سدا دی اُہدی ہے ۔
۴۸۔ زندگی دی روٹی میں ہاں ۔
۴۹۔ تہاڈے وڈیاں جنگل وچ من کھادا تے مر گئے ۔
۵۰۔ اُہ روٹی جہڑی اسمانوں اُتردی ہے اہ ہے پئی آدمی اُہدے وچوں کھائے تے نہ مرے ۔
۵۱۔جیوندیروٹی میں ہاں جہڑی اسمانوں اُتری ہے جے کوئی ایس ر وٹی وچوں کھائے سدا تیکر جئیگا سگوں جہڑی روٹی میں دُنیا دی زندگی لئی دیا نگاہ اُہ میرا گوشت ہے ۔
۵۲۔ ایس واسطے یہودی آپو وچ جھگڑلگے پئی اہ اپنا گوشت کیکر سانوں کھان نوں دے سکدا ہے ؟
۵۳۔ تد یسوع اُہناں نوں آکھیا میں تہانوں سچ سچ آکھنا ہاں ۔ جے تسیں ابن آدم گوشت نہ کھاؤ تے اُہدا لہُو نہ پیو تہاڈے اپنے وچ زندگی ہے تئیں ۔
۵۴۔ اُہ جہڑا میرا گوشت کھاندا تے میرا لُہو پیندا ہے سدا دی زندگی اُہدی ہے ۔ تے اوڑک دے دہاڑے میں اُہنوں اُٹھاوانگا ۔
۵۵۔ ایس لئی پئی میرا اصل کھان والی شے تے میرا لُہو اصل پین والی شے ہے ۔
۵۶۔ اُہ جہڑا میرا گوشت کھاندا تے میرا لہُو پیندا ہے میرے وچ رہندا ہے تے میں اُہدے وچ ۔
۵۷۔ جس طرح باپ جہڑا جیوندا ہے مینوں گھلیا تے میں باپ دے سبب جیوناہاں ۔ اُہ بھی جہڑا مینوں کھاندا ہے ۔ میرے سبب جیویگا ۔
۵۸۔ روٹی جہڑی اسمانو ں اُتری ہے اجہی نئیں جہڑی وڈیاں کھادی تے مر گئے جہڑا ایس روٹی نوں کھائے سدا جیو یگا ۔
۵۹۔ اوس اہ گلاں کفر ناخم دے عبادت خانے وچ سکھاندیاں ہوئیاں آکھیاں ۔
۶۰ ۔ تد اُہدے شاگرداں وچوں بہتیریاں سُن کے آکھیا اہ گل سخت ہے اُہنوں کون سُن دسکدا ہے ؟
۶۱۔ پر یسوع اپنے آپ جانکے پئی میرے شاگرد ایس گل اُتے کڑکڑاندے نے اُہناں نو ں آکھیا اُہدے تھوں تہانو ں ٹھوکر لگدی ہے ۔
۶۲۔ جے تسیں ابن آدم نوں اوس تھاں جھتے پہلاں سی چڑھدیاںویکھو تد کیہ ہویگا ؟
۶۳۔ جوالن والی تے روح ہے جسم تھوں کجھ فاعدہ نہیں ۔ جہڑیاں گلاں میں تہانوں آکھیاں نے اُہ روح نے تے زندگی بھی نے ۔
۶۴۔ پر تہاڈے وچ کئی نے جہڑے ایمان نئیں لیاوندے ۔ کیونجو یسوع مڈھوں جاندا سی پئی کہڑے نےجہڑے ایمان نئیں لیاوندے تے کون ہے جہڑا مینوں پھڑوائیگا ۔
۶۵۔ تے اوس آکھیا میں ایس ہی واسطے تہانوں اہ گل آکھی ہے پئی کوئی میرے کول نہیں آسکدا ۔ جے باپ تھوں اُہنوں بخشیا نہ گیا ہووے ۔
۶۶۔ ایس گل تھوں بہتیرے اُہدے شاگرداں وچوں پچھاں مڑ گئے تے پھیر اُہدے نال نہ چلے ۔
۶۷۔تد یسوع باہاں نوں آکھیا تسیں بھی ٹر جانا چاہندے ہو؟
۶۸۔ شمعون پطرس اُہنوں جواب دتا اے خُداوند ایس کہندے کول جایئے ؟ سدا دی زندگی دیاں گلاں تاں تیرے کول نے ۔
۶۹۔ ایس ایمان لیائے تے جان گئے ہاں پئی خُدا دا قدوس توں ہی ہیں ۔
۷۰ ۔ یسوع اُہنا ں نو ں جواب دتا میں تہانوں باراں نوں نئیں سی چنیاں ؟ تے تہاڈے وچوں اک جنا شیطان ہے ۔
۷۱۔ اوس شمعون اسکریوتی دے پُتر یہودہ دی گل کیتی ایس لئی پئی اوسے اُہنوں پھڑوانا سی تے بارہاں وچوں اک سی ۔

۱۔ تے ایدوں پچھوں یسوع گلیل وچ پھردا رہیا کیونجو یہودیہ دیس وچ اوس پھرنا پسند نہ کیتا ایس کر کے پئی یہودی اُہدے مارن لئی داء لبھدے سان ۔
۲۔تے یہودیاں دی عید خیمہ نیڑے آئی سی ۔
۳۔ سو اُہدے بھراوں اُہنوں آکھیا ایتھوں نکل کے یہودیہ نوں جا ۔ پئی تیرے شاگرد بھی اُہناں کماں نوں ویکھن جہڑے توں کرنا ہیں ۔
۴ ۔ کیونجو کوئی اُہلے وچ کجھ نئیں کردا ہے اُتے چاہندے ہے پئی میں آپ مشہور ہوواں جے توں کم کرنا ہیں تاں اپنے آپ نوں دُینا اُتے ظاہر کر ۔
۵۔ کیونجو اُہدیاں بھرانوں اُہدے اُتے ایمان نہیں سی لیاوندا ۔
۶۔ سو یسوع اُہناں نوں آکھیا میرا ویلا اجے نہیں آیا پر تہاڈا ویلا ہمیش تیار رہندا ہے ۔
۷۔ دُنیا تہاڈے نال ویر نہیں رکھ سکدی پر میرے نال ایس لئی ہے کیونجو میں اُہدے حق وچ گواہی دینا ہاں پئی اُہدے کم بُرے نے۔
۸۔ عید نوں تسیں جاؤ میں ایس عید نوں اجے نئیں جاندا کیونجو میرا ویلا اجے پُورا نئیں ہوئیا ہے ۔
۹۔ اُہناں نوں اہ گلاں آکھ کے اُہ گلیل وچ ہی رہیا ۔
۱۰ ۔ پر جدوں اُہدے بھرا عید نوں ٹر گئے اُہ بھی گیا کھلا کھلی نئیں پر چھپ کے ۔
۱۱۔ سو یہودی عید وچ اُہنوں لبھن لگے تے آکھیا اُہ کھتے ہے؟
۱۲۔ تے گجھے گجھے اُہدی بابت بہت چرچا لوکاں وچ ہوئی ۔ کئی آکھدے سان اُہ چنگا اآدم می ہے ۔ تے کئی آکھدے سان نئیں سگوں اُہ لوکاں نوں بدراہ کر دا ہے ۔
۱۳۔ تد بھی یہودیاں دے ڈر دے ماریاں اُہدی بابت کھلم کھلا کوئی کجھ نہ بولیا ۔،
۱۴۔ پر جد ادھیک عید رہندی سی یسوع ہیکل وچ جاکے سکھالن لگا ۔
۱۵۔ ایس واسطے یہودیاں تعجب کر کے آکھیا پئی ایس آدمی نوں بنا سکھیاں کتاباں دا علم کتھوں ایا ۔
۱۶۔ تد یسوع اُہناں نوں جواب دتا میری تعلیم نہیں پر میرے گھلن والے دی ہے ۔
۱۷۔ جے کوئی اُہدی مرضی کرنی چاہے اُہ ایس تعلیم نوں جانیگا پئی خدوالو ہے یا میں اپنے ولوں بولناں ہاں ۔
۱۸۔جہڑا اپنے ولوں بولدا ہے ۔ اپنی وڈیائی چاہندا ہے پر اُہ جہڑا اپنے گھلن والے دی وڈیائی چاہندا ہے اوہی سچا ہے تے جھوٹھ اُہدے وچ نئیں ہے ۔
۱۹۔ موسیٰ تہانوں شریعت نہیں دتی ؟ تد تہاڈے وچوں کوئی شریعت اُتے تئیں ٹردا ۔ تسیں کاہنوں میرے مار سُٹن دے مگر پئے ہوئے ہو۔
۲۰ ۔ لوکاں جواب دتا تینوں بد روح چمیڑی ہوئی ہے کون تیرے مار سٹن دے مگر پیا ہوئیا ہے؟
۲۱۔ یسوع اُہناں نو ں جواب دتا میں اک کم کیتا تے تسیں سبھو تعجب کردے ہے ۔
۲۲۔ ایس لئی موسیٰ تہانوں سُنتی بہان دا حکم دتا ہے (بھانویں اُہ موسیٰ ولوں تئیں پر وڈیاں ولو ں ہے سی ) تے تسیں سبت دے دن آدمی نوں سنتی بہاندے ہو ۔
۲۳۔ جد سبت دے دن آدمی سنتی بہندا ہے پئی کتے موسیٰ دی شریعت ٹُٹ نہ جائے تسیں ایس لئی میرے اُتے غصے ہندے ہو پئی میں آدمی نوں سبت دے دن پُورا ول کیتا ؟
۲۴۔ لوکا چاریناں نہ کرو سچانیاں کر ۔
۲۵۔ تد بعض نے یروشلیمیاں آکھیا اہ اُہو نئیں ہے جہدے مار سُٹن دے مگر پئے ہوئے نے؟
۲۶۔ پر ویکھو اُہ تاں کھلا کھلی بولدا ہے تے اُہ اُہنوں کجھ نیئں آکھدے ۔ اہ ہوسکدا ہے پئی سردار سچ سچ سمجھ گئے نے ۔ پئی اہ مسیح ہے ؟
۲۷۔ اُہنوں تے ایسی جاننے ہاں پئی کتھوں دا ہے ۔ پر مسیح جد آویگا کسے نوں معلوم نئیں پئی اہ کتھوں دا ہے ۔
۲۸۔ ایس واسطے یسوع ہیکل وچ سکھالن ویلے نالے وہ وی جاندے ہو میں کتھوں دا ہاں ۔ تے میں اپنے ولوں نئیں آیا ہاں پر میرا گھلن والا جہنوں تسیں نہیں جاندے سچا ہے ۔
۲۹۔ میں اُہنوں جاننا ہاں کیونجو میں اُہدے ولوں ہاں تے اوس مینوں گھلیا ۔
۳۰۔ تد اُہ چاہندے سان پئی اُہنوں پھڑلین پر ایس گلے کسے اُہنوں ہتھ نہ پایا ۔ پئی اُہدا ویلا اجے نہیں سی آیا ۔
۳۱۔ پر لوکاں وچوں بہت سارے اہ آکھ کے اُہنوں من گئے پئی مسیح جد آئے گا ۔ اہناں نالوں ودھ معجزے کریگا ۔ جہڑے ایس کیتے نے ؟
۳۲۔ فریسیاں سُیناں پئی لوک اُہدی بابت ایس طرح گجھے گجھے چرچا کردے نے ۔ تد فریسیاں تے سردار کاہناں پیادیاں نوں گھلیا پئی اُہنوں پھڑ لین ۔
۳۳۔ تد یسوع آکھیا ہور اجے تھوڑا چر میں تہاڈے نال ہاں تے جس مینوں گھلیا میں اُہدے کول جانا ہاں ۔
۳۴۔ تسیں مینوں ڈھونڈو گے پر لبھوگے نیئں تے جتھے میں ہاں تسیں نہیں آسکدے ۔
۳۵۔ تد یہودی آپو وچ آکھن لگے پئی اُہ کتھے جائیگا ۔ پئی ایسی اُہنوں نہ لبھ سکانگے اُہ اُہناں کو ل جانیگا جہڑے یُونانیاں نوں سکھالیگا؟
۳۶۔ اہ کیہ گل ہے جہڑی اوس آکھی پئی تسیں مینوں ڈھونڈو گے؟ پر مینوں لبھو گے نہیں تے جھتے میں ہاں تسیں نہیں آسکدے ۔
۳۷۔ چھیڑے دن جہڑا عید دا وڈا دن ہے یسوع کھلو گیا تے اُچی اُچی آکھن لگا جے کوئی ترہایا ہووے میرے کول آئے تے پیئے ۔
۳۸۔ اُہ میرا جہڑا میرے اُتے ایمان لیاؤندا ہے جہیا کتاب آکھدی ہے اُہدے ڈھڈ وچون جیوندے پانی دیاں ندیا ں وگنگیاں ۔
۳۹۔ پر اوہن اہ روح دی بابت آکھیا سی جہڑا اُہدے منن والیاں نوں ملنا سی ۔ ایس لئی پئی اجے توڑی روح نہیں سی ملیا کیو نجو یسوعاجے اپنے جلال نوں نہ سی پہنچیا ۔
۴۰ ۔ تے لوکاں وچوں بعضیا جد اہ گلاں سُنیاں تد آکھیا سچ مچ اہو اُہ نبی ہے۔
۴۱۔ دوجیاں آکھیا پئی اہ مسیح ہے ۔ پر ہورناں آکھیا مسیح گلیوں آوندا ہے ؟
۴۲۔ پاک کیاب نیئں دسدی پئی مسیح داؤد دی نسلوں تے بیت لحم دے پنڈ ولوں آوے گا ۔ جتھوں دا داؤد سی؟
۴۳۔ سو لوکا ں وچ اُہدی بابت پُھٹ پے گئی ۔
۴۴۔ تے اُہناں وچوں کئی چاہندے سان پئی اُہنوں پھڑیئے پر کسے اُہنوں ہتھ نہ پایا ۔
۴۵۔ تد اُہ پیادے سردار کاہناں تے فریسیاں کول آئے تےاُہناں اُہنا ں نوں آکھیا ۔ تسیں اُہنوں کیوں نئیں لیائے ؟
۴۶۔ پیادیاں جواب دتا پئی کوئی بندہ کدے ایس طرح نئیں بولیا۔
۴۷۔ تد فریسیا ں اُہناں نوں آکھیا ۔ تسیں بھی بدراہ ہوگئے ہو ؟
۴۸۔سردارں یا فریسیاں کسے اُہنوں منیا ہے ؟
۴۹۔ پر اُہ عام لوگ جہڑے شریعت نوں نئیں جاندے لعنتی نے ۔
۵۰ ۔ اُہناں وچوں اک نیکدیمس جہڑا پہلاں بھی اُہدے کول آیا سی اُہناں نوں آکھن لگا ۔
۵۱۔ ساڈی شریعت ایدوں پہلاں پئی کسے دا عُذر نہ سُنے تے معلوم نہ کرے پئی کیہ کردا ہے فتویٰ دیندی ہے ؟
۵۲۔ اُہناں اُہنوں آکھیا توں بھی گلیلوں میں تلاش کر تے ویکھ پئی گلیلوں کوئی نبی نئیں اُٹھدا ۔
۵۳۔ تے ہر اک اآپو اپنے گھر نوں ٹر گیا ۔

۱۔ پر یسوع زتیون دے پہاڑ نو ں گیا ۔
۲۔تے سویرے پھیر ہیکل نوں گیا ۔ تے سارے لوک اُہدے کول آئے ۔ تے اُہ بہیہ کے اُہناں نوں سکھالن لگا ۔
۳۔ تد ققیہ تے فریسی اک زنانی نوں لیائے جہڑی زنا کردیاں پھڑی گئی سی تے اُہنوں وچکار کھلا ر کے ۔
۴۔ اُہنوں آکھیا اے اُستاد اہ زنانی زنا کردیا ٹھیک ویلے سر پھڑی گئی ہے ۔
۵۔ ہین شریعت وچ موسیٰ نے سانوں حکم دتا پئی اہو جہیاں نوں پتھراں نال مار سٹو سو توں اُہدی بابت کیہ آکھنا ہیں ؟
۶۔ پر اُہناں اُہنوں ازمان لئی اہ گل کیتی سہ پئی اہدے اُتے نالش کرندا موقع ملے ۔ پر یسوع ہٹھا نہہ نیوں کے انگل نال زمین اُتے لکھّن لگا ۔
۷۔ جد اُہ اُہنو ں آکھیا جہڑا تہاڈے وچوں بے گناہ ہووے اُہو پہلاں پتھر اُہدے اُتے مارے ۔
۸۔ تے پھیر ہٹھا نہہ نیوں کے زمین اُتے لکھّن لگا ۔
۹۔ اُہ اہ سن کے وڈیاں تھوں لیکے نکیاں تکیر اک اک کر کے نکل گئے ۔ تے یسوع اکلا رہ گیا تے زنانی اوتھے ہی وچکار رہ گئی ۔
۱۰ ۔ جد یسوع اُتا نہہ ہو کے زنانی بناں کسے نوں نہ ویکھیا ۔ تاں اُہنوں آکھیا اے عورت اُہ کتھے نے ؟ کسے نے تیرے اُتے فتویٰ نئیں دتا؟
۱۱۔ تےاوس آکھیا اے خُداوند کسےبھی تئیں ۔ تد یسوع اُہنوں آکھیا میں بھی تیرے اُتے فتوے نئیں دیندا ٹر جاتے ایدوں اگے مڑ کدی گناہ نہ کریں ۔
۱۲۔ تد یسوع پھیر اُہناں نوں آکھیا دُنیا دا چانن میں ہاں ۔ اُہ جہڑا میرے مگر آوندا ہے ہنیرے وچ نئیں ٹریگا سگوں اُہنوں زندگی دا چانن میلگا ۔
۱۳۔ تد فریسیاں آکھیا اپنے حق وچ توں آپ گواہی دینا ہیں ۔ تیری گواہی سچی نئیں ۔
۱۴۔ یسوع اُہناں نوں آکھیا ۔ بھانویں میں آپ اپنے حق وچ گواہی دینا اہاں تاں بھی میری گواہی سچی ہے کیونجو میں جاننا ہاں پئی کدھروں آیا تے کدھر نوں جانا ہاں ۔
۱۵۔ تسیں جسم دے مُطابق فصیلہ کردے ہو ۔ میں کسے دا فیصلہ نیئں کردا ۔
۱۶۔ تے جے میں فیصلہ کرنا ہاں تاں میرا فیصلہ سچا ہے کیونجو میں اکلا نئیں ہاں پر میں تے باپ جس مینوں گھلیا ۔
۱۷۔ تہاڈی شریعت وچ لکھیاہے پئی دو آدمیاں دی گواہی سچی ہندی ہے۔
۱۸۔ میں ہاں جہڑا اپنے حق وچ گواہی دینا ہاں تے باپ جس مینوں گھلیا ہے حق وچ گواہی دیندا ہے ۔
۱۹ ۔ تد اُہناں آکھیا کتھے ہے تیرا باپ ؟ یسوع جواب دتا نہ تسیں مینو ں جاندے ہو تے نہ میرے باپ نوں جے تسیں مینوں جاندے تاں میرے باپ نو ں بھی جاندے ۔
۲۰ ۔ اوس ہیکل دے وچ تعلیم دیندیاں ہوئیاں اہ گلاں خزانے وچ آکھیاں ۔ تے کسے اُہنوں نہ پھڑیا کیونجو اُہدا ویلا اجے نئیں آیا ۔
۲۱۔ تد اوس پھیر اُہناں آکھیا میں جانا ہا ں ۔ تے تسیں مینوں لبھو گے تے اپنے گناہ وچ مرو گے ۔ تےجتھے میں جانا ہاں تسیں نئیں آسکدے ۔
۲۲۔ تد یہودیاں آکھیا اُہ اپنے آپ نوں مار سُٹیا جہڑا آکھدا ہے پئی جھتے میں جانا ہاں تسیں نئیں آسکدے ؟
۲۳۔ تےاوس اُہناں نوں آکھیا تسیں ہیھٹوں ہوئیں اُتوں ہا ں ۔ تسیں ایس دُنیا تھوں ہومیں ایس دُنیا تھوں نئیں ۔
۲۴۔ ایس کر کے میں تہانوں آکھیا پئی تسیں اپنے گناہاں وچ مرو گے کیونجو جے تسیں نئیں منوگے پئی میں اُہو ہاں تاں تسیں اپنے گناہاں وچ معگے ۔
۲۵۔ تد اُہناں اُہنوں آکھیا توں میں کون ؟ یسوع اُہناں نوں آکھیا اُہ جہڑا میں تہانوں مڈھوں دسدا آیا ۔
۲۶۔ مینوں تہاڈی بابت کجھ بولنا تے فصیلہ کرنا ہے پر میرا گھّلن والا سچا ہے ۔ تے جہڑیاں گلاں میں اُہدے کولوں سُنیاں نے سو ہی میں دُنیا وچ بولبا ہاں ۔
۲۷۔ اُہناں نوں پتہ نہ لگا پئی اُہ ساڈے نال باپ دہ ی گل کردا ہے ۔
۲۸۔ایس لئی یسوع آکھیا جد تسیں ابن آدم نوں اُچیاں کرو گے تد تہانوں پتا لگیگا پئی میں اُہ ہاں تے اہ پئی میں اپنے ولوں کجھ نہیں کردا ہاں ۔ پر جس طرح باپ مینوں سکھا لیا میں اہ گلاں کرنا ہاں ۔
۲۹۔ تے میرا گھلن والا میرے نال ہے اوس مینوں اکلا نئیں چھڈیا کیونجو میں ہمیش اُہ ہی کم کر نا ہاں جہڑے اُہنوں چنگے لگدے نے ۔
۳۰ ۔جد اُہ اہ گلاں پیا آکھدا سی بہتیرے اُہدےاُتے ایمان لیائے ۔
۳۱۔ تد یسوع اُہنا ں یہودیاں نوں جہڑے اُہدے اُتے ایمان لیائے سان آکھیا جے تسیں میرے کلام وچ رہو گے تد تسیں سچ مچ میرے شاگرد بنوگے ۔
۳۲۔ تے تسیں سچیائی نوں جانو گے تے سچیائی تہانوں آزاد کریگی ۔
۳۳۔ اُہناں نوں آکھیا ایسی ابراہیم دی نسل ہاں تے کدے کسے دے غلام نئیں ساں ہوئے توں کیکر آکھنا ہیں پئی تسیں آزاد ہو ؤ گے ؟
۳۴۔ یسوع جواب دتا میں تہانوں سچ مچ آکھنا جہرا کوئی گناہ کردا ہے گناہ دا غلام ہے ۔
۳۵۔ تے غلام سدا گھر وچ نئیں رہندا پر بیٹا سدا رہندا ہے ۔
۳۶۔ تے جے بیٹا تہانوں آزاد کرے گا تاں تسیں ٹھیک آزاد ہوؤ گے ۔
۳۷۔ میں جاننا ہاں پئی تسیں ابراہیم دی نسل ہو ۔ تد بھی تسیں میرے مارن دا دا ء لبھدے ہو کیونجو میرے کلام نو ں تہاڈے وچ تھاں نئیں ملدا ۔
۳۸۔ جو کجھ میں اپنے باپ کول ویکھیا ہے اُہنوں میں بولباہاں تے تسیں اُہو کردے ہو جہڑا تساں اپنے باپ کولوں سُنیا ہے۔
۳۹۔ اُہنا ں اُہنوں آکھیا ساڈا باپ ابراہیم ہے ۔یسوع اُہناں نوں آکھیا جے تسیں ابراہیم دی اولاد ہندے تاں ابراہیم جہے کم کردے ۔
۴۰ ۔ پر ہن میرے جہے آدمی نون مارنا چاہندے ہو جس تہانو ں اہ سچی گل دسی ہے جہڑی میں خُدا کولوں سُنی ابراہیم اجہیا نئیں کیتا ۔
۴۱۔ تسیں اپنے باپ دے کم کردے ہو ۔ اُہناں اُہنوں آکھیا ایسی حرام تھوں نئیں جمے ۔ساڈا اک باپ ہے یعنی خُدا ۔
۴۲۔یسوع اُہناں نوں آکھیا جے تہاڈا باپ ہندا تاں تسیں مینوں پیار کر دے کیونجو میں خُدا تھوں نکلیا تے آیا ہاں ۔ میں آپ تھوں نیئں آیا ہاں پر اوس مینوں گھلیا ۔
۴۳۔ تسیں میریاں گلاں کیوں نئیں سمجھدے؟ ایس لئی پئی تسیں میرے کلام نوں نئیں سُن سکدے ۔
۴۴۔ تسیں اپنے باپ شیطان تھوں ہو تے اپنے باپ دیاں خواہشاں نوں پورا کرنا چاہندے ہو۔ اُہ مڈھوں ہی خونی سی تے سچیائی اُتے کھلوتا نہ رہیا کیونجو اُہدے وچ سچیائی ہے نئیں ۔ جدوں اُہ جھوٹھ بولدا ہے اُہ اپنے ہی ولوں بولدا ہے کیونجو اُہ جھوٹھا ہے تے جھوٹ دا باپ ہے ۔
۴۵۔ پر تسیں مینوں ایس گلے نیئں مندے کیونجو میں سچ آکھنا ہاں ۔
۴۶۔ تہاڈے وچوں کون ہے جہڑا میرے اُتے گناہ ثابت کردا ہے جے میں سچ آکھنا ہاں تسیں مینوں کیوں نئیں مندے ۔
۴۷۔ اُہ جہڑا خُدا تھوں ہے خُدا دیاں گلاں سندا ہے تسیں ایس کر کے نئیں سُندے کیونجو خُدا تھوں نہیں ہو۔
۴۸۔ یہودیاں نے جواب دتا اساں ٹھیک نہیں آکھیا پئی توں سامری ہیں تے تینوں بدروح چمیڑی ہوئی ہے ؟
۴۹۔ یسوع جواب دتا میرے وچ بد روح نئیں پر میں اپنے باپ دی عزت کرنا ہاں تے تسیں میری بے عزتی کردے ہو۔
۵۰ ۔ پر اپنا جلال نئیں لبھدا اک ہے جہڑا لبھدا تے فیصلہ کردا ہے ۔
۵۱۔ میں تہانوں سچ مچ آکھنا ہاں جے کوئی میریا ں گلاں نوں منے اُہ موت نوں کدی بھی نئیں ویکھے گا ۔
۵۲۔ تد یہودیاں اُہنوں آکھیا ہن اساں جان لیا ہے پئی تیرے وچ بد روح ہے ۔ ابراہیم تے بنی تاں مر گئے پر توں آکھنا ہیں پئی جہڑا میریاں گلاں نوں منے اُہ کدی بھی موت دا مزا نئیں چکھیگا ۔
۵۳۔توں ساڈے باپ ابراہیم نالوں وڈا ہیں ؟ اُہ تے مر گیا ہے تے نبی بھی مر گئے تو ں آپنے آپ نوں کیہ بنایا ہیں ؟
۵۴۔ یسوع جواب دتا جے میں اپنے آپ نوں وڈیاواں تا ں میری وڈیائی کجھ نئیں ہے پر میری وڈیائی باپ کردا ہے جہنون تسیں آکھدے ہو پئی اُہ ساڈا خُدا ہے ۔
۵۵۔ تے تساں اُہنوں نئیں پچھاینا ہے پر میں اُہنوں جاننا ہاں تے جے میں آکھاں پئی میں اُہنوں نئیں جاندا تاں تہاڈے وانگوں جھوٹھا ہوواں گا ۔ پر میں اُہنو ں جاننا ہاں تے اہدے کلام نوں مننا ہاں ۔
۵۶۔ تہاڈا باپ ابراہیم بڑا ہی خوش سی پئی میرا دن ویکھے تے اوس ویکھیا تے خوش ہوئیا ۔
۵۷۔ تد یہودیاں اُہنوں آکھیا توں اجے توڑی پنجاہاں ورھیاں دا نہیں ہوئیا توں ابراہیم نوں ڈٹھا ہے ؟
۵۸۔ یسوع اُہناں نوں آکھیا میں تہانوں سچ مچ آکھنا ہاں اددوں پہلاں پئی ابراہیم سی میں ہا ں ۔
۵۹۔ تد اُہناں اُہنوں مارن لئی پتھر چُکے ۔ پر یسوع لُک گیا تے ہیکلوں باہر نکلگیا ۔

۱۔ تے اوس لنگدیاں ہوئیاں اک جماندروانھے نوں ویکھیا ۔
۲۔ اُہدے شاگردا ں اُہنوں پچھیا پئی اے ربی کس گناہ کیتا ۔ ایس یا اہدے ما ں پیو پئی اہ انھا جمیا ۔
۳۔ یسوع جواب دتا گناہ نہ تے ایس کیتا نہ اُہدے ماں پیو نے ہر ایس لئی پئی خُدا دے کم اُہدے وچ ظاہر ہون۔
۴۔ جلد تائیں دن ہے مینوں ضرور ہےپئی اپنے گھلن والے دے کم کراں ۔ رات آوندی ہے جد کوئی کم نئیں کر سکدا ۔
۵۔ جد تیکر میں دُینا وچ ہاں میں دُینا دا چانن ہا ں ۔
۶۔ اہ آکھ ش کے اوس زمین اُتے تھکیا تے تھک نال مٹی گنھی تے اُہدیاں اکھیاں اُتے اُہ مٹی لمب دتی ۔
۷۔ تے اُہنوں آکھیا جا شیلوخ دے حوض وچ (جہد ا مطلب گھلیا ہوئیا ہے ) نہا تد اُہ جاکے نہاتا تے سجاکھا ہو کے آیا ۔
۸۔ تد گوانڈیاں تے اُہ بھی جہناں اہنوں پہلاں بھکیھ منگدیاں ویکھیا سی آکھیا اہ اُہونئیں ہے جہڑا بیہہ کے منگدا ہندا سی ؟
۹۔ کئیاں نےآکھیا پئی اہ اُہی ہے ۔ ہورناں آکھیا نہیں پر اُہدے ونگر ہے ۔ پر اوس آکھیا میں ہی ہاں ۔
۱۰ ۔ تد اُہناں اُہنوں ااکھیا پھیر تیریاں اکھیاں کیکر کھل گیاں ؟
۱۱۔ اوس جواب دتا اک آدمی جہنوں یسوع آکھدے نے اوس مٹی گنھکے میریاں آکھیاں اُتے لیپ کیتا تے مینوں آکھیا جا شلیوخ دے حوض وچ نہا ۔ میں گیا تے نہاتا تے ویکھن لگا ۔
۱۲۔ تد اُہناں اُہنوں پچھیا اُہ کتھے ہے ؟ اوس آکھیا میں نہیں جاندا ۔
۱۳۔ اُہ اُہنوں جہڑا پہلاں انھا سی فریسیاں کول لیائے ۔
۱۴۔ تے جس دن یسوع مٹی گنھ کےاُہدیاں اکھیاں کھولیاں سبت دا دن سی ۔
۱۵۔ ایس لئی پھیر فریسیاں بھی اُہنوں پچھیا پئی ےتوں کیکر ویکھن لگ پیا؟ اوس اُہناں نوں آکھیا اوس میریاں اکھیاں اُتے مٹی لائی تے میں نہاتا تے سُجا کھا ہاں ۔
۱۶۔ تد فریسیاں وچوں کئیاں آکھیا پئی آدمی رب ولوں نئیں ہے کیونجو اُہ سبت نوں نئیں مندا ۔ پر دوجیاں آکھیا گناہیں بندہ کیکر اہو جہیاں کراماتا وکھا سکدا ہے ؟ تے اُہنا ں وچ پھٹ پئی ۔
۱۷۔ تد اُہناںاوس انھےنوں آکھیا توں حق اُہدے وچ کیہ ہیں اوس تیریاں اکھیاں جو کھولیاں؟ اوس تیریاں اکھیاں جو کھولیاں ؟ اوس آکھیا اُہ پئی ہے۔
۱۸۔ یہودیاں اُہدی بابت سچ نہ منیا پئی اُہ انھا سی تے پھیر ویکھن لگا جنا چر اوس سُجاکھے ہوئے ہوئے دے ماں پیو نوں سد کے ۔
۱۹ ۔ اُہناں کولوں اُہ پچُھ نہ لیاپئی اہو تہاڈا پُتر ہے جہڑا تسیں آکھدے پو پئی انھا جمیا سی ؟ ہیُن کیکر ویکھدا ہے ؟
۲۰ ۔ اُہدے ماپیاں اُہناں نوں جواب دتا اسی جاننے ہاں پئی اہ سا ڈا پتر ہے تے انھا جمیا سی ۔
۲۱۔ پر اہ سانوں خبر ہے پئی کس اُہدیاں اکھیاں کھول دتیاں نے اُہنوں پچھو اُہ گبھرو ہے اپنا حال اُہ آپے دسیگا۔
۲۲۔ اہ گلاں اُہدے ماپیاں ایس واسطے آکھیاں کیونجو اُہ یہودیاں کولوں ڈردے سان ایس لئی پئی یہودیاں آپو وچ ایکا کیتا ہوئیا سی پئی جہڑا کوئی اُہنوں مسیح آکھے عباد ت خانیوں کڈھیا جائے ۔
۲۳۔ تد اُہدے ماپیاں آکھیاں سی اُہ گبنھُرو ہے ۔ اُہنوں پچھُو ۔
۳۴۔ تد دوجی واری اُہناں اوس آدمی نوں جہڑا انھا سی سد کے آکھیا رب دی دڈیائی کرا اسی جاننے ہاں پئی اُہ گناہیں بندہ ہے ۔
۲۵ ۔اوس جواب دتا میں ئیں جاندا پئی اُہ گناہیں ہے کہ نئیں ۔ پر اک گل میں جاننا ہاں پیی میں انھا ساں تے ہُن سُجاکھا ہاں ۔
۲۶۔تد اُہناں اُہنوں آکھیا اوس تینوں کیہ کیتا ؟ ۔ اوس تیریاں اکھیاں کس طرح کھولیاں؟
۲۷۔ اوس اُہناں نوں جواب دتا تہانوں آکھیا تے تساں سُییا نہیں تسیں بھی اُہدے شاگرد بننا چاہندے ہو؟
۲۸۔ تد اُہناں اُہنوں گالاں کڈھیاں تے آکھیا توں ہی اوہدا شاگرد ہیں پر ا سی تے موسیٰ نال کلام کیتا ہے پر اُہنوں اسی نہیں جاندے پئی اہ کتھوں دا ہے ۔
۳۰ ۔ اوس آدمی اُہناں نوں جواب دتا اچرج گل ہے پئی تسیں نہیں جاندے پئی اُہ کتھوں د ا ہے تے اوس میریاں اکھیاں کھول دتیاں ۔
۳۱۔ اسی جاننے ہاں پئی خُدا گناہیاں دی نہیں سُندا پر جے کوئی خُدا دا بھگت ہوئے تے اُہدی مرضی اُتے چلے ۔ اُہ اُہدی سُندا ہے ۔
۳۲۔ دُنیا دے شروع تھوں نئیں سُنیا گیا پئی کسے جماندرو انھے دیاں اکھیاں کھولیاں ہون ۔
۳۳۔ جے اُہ آدمی خُدا ولوں نہ ہندا تاں کجھ نہ کر سکدا ۔
۳۴۔ اُہناں اُہنوں جواب دتا توں تاں گناہاں وچ جمیا سی تے سانوں سکھانا ہیں ؟ تے اُہنوں باہر کڈھ دتا ۔
۳۵۔ یسوع سنیا پئی اُہناں اُہنوں کڈھ دتا ۔تے اُہنوں لبھ کے آکھیا توں خُدا دے بیٹے اُتے ایمان لیاونا ہیں ؟
۳۶۔ اوس آکھیا اے خُدا وند اُہ کہڑا ہے پئی اُہدے اُتے ایمان لیاواں ؟
۳۷۔ یسوع اُہنوں آکھیا ےتوں تاں اُہنوں ویکھیا ہے تے اُہ اُہو ہے جہڑا تیرے نال گلاں کردا ہے ۔
۳۸۔ اوس آکھیا اے خُداوند میں ایمان لیاونا ہاں ۔ تے اوس اُہنوں سجدہ کیتا ۔
۳۹۔ ایس دُنیا وچ عدالت کرن آیا ہاں پئی اُہ جہناں نوں نئیں دسدا ویکھن تے جہناں ں نوں دسدا ہے انھے ہو جان ۔
۴۰۔ کیئاں فریسیاں جہڑے اُہدے نال سان اہ سُن کے اُہنوں آکھیا اسی بھی انھے ہاں ؟
۴۱۔ یسوع اُہناں نوں آکھیا جے تسیں آکھدے ہو پئی سانوں دسدا ہے ۔ تہاڈا گناہ تہاڈے زمہ رہندا ہے۔

۱۔ میں تہانوں سچ سچ آکھنا ہاں جہڑا بھیڈاں دے واڑے وچ بوہے راہ نئیں وڑدا پر کسے ہور پاسیوں پٹدا ٓوندا ہے اُہ چور تے ڈا کو ہے ۔
۲۔ پر جہڑا بوہے راہ اندر وڑدا ہےاُہ بھیڈاں دا یالی ہے۔
۳۔ دربان اُہدے واسطے بوہا کھولدا ہے ۔ تے بھیڈاں نوں اُہدی آواز سُندیاں نے تے اُہ اپیناں بھیڈاں نوں ناں لے کے سددا ہے ۔ تے اُہناں نوں باہر لے جاندا ہے ۔
۴۔ جد اُہ اپنیاں ساریا ں بھیڈاں نوں باہر کڈھدا ہے تاں اُہناں دے اگے لگ ٹر دا ہے تے بھیڈاں اُہدے مگر ٹر پیندیا ں نے کیو نجو اُہ اُہدی آواز پچھاندیاں نے ۔
۵۔ تے اُہ اوپر ے دے مگر نئیں جانگیاں سگوں اُہدے کولو ں بھنجگیاں ۔ کیونجو اُہ اوپریاندی آواز نئیں پچھاندیاں ۔
۶۔ یسوع اہ تمثیل اُہناں نوں دسی پر اُہناں نئیں سمجھیا پئی اُہ گلاں کیہ نے جہڑیاں اوس اُہناں نوں آکھیاں ۔ ؎
۷۔ سو یسوع اُہناں نوں پھیر آکھیا میں تہانوں سچ سچ آکھنا ہاں بھیڈاں دا بوہا میں ہاں ۔
۸۔ سارے جنے میتھوں پہلاں آئے چور تے ڈاکو نے ۔ پر بھیڈاں اُہناندی نئیں سُنی ۔
بوہا میں ہاں۔ جہڑا میری راہیں وڑے اُہ بچ جائیگا تے اندر باہر آویا جاویا کرے گا تے چارا پائیگا ۔
۱۰ ۔ چور بناں چو ری کرن تے خون کرن تے بناں دھاڑا مارن دے نئیں آوندا ہے میں ایس لئی آیا پئی اُہناں نوں زندگی ملے سگوں زیادہ اُہناں نوں ملے ۔
۱۱۔ چنگا ایالی میں ہاں ۔چنگاایالی بھیڈاں لئی اپنی جان دیندا ہے۔
۱۲۔ پر مزدر تے اُہ جہڑا ایالی نئیں ہے تے نہ بھیڈا ں اُہدیاں اپنیاں نے بگھیاڑنوں آوندیاں ویکھدا تے بھیڈاں نوں چھڈ کے نس جاندا ہے تے بگھیاڑ اُہناں نوں پاڑدا تے کھنڈا دیندا ہے ۔
۱۳۔ کیونجو اُہ مزدور ہے تے اُہنوں بھیڈاں دی پر وا ہ نئیں ہے ۔
۱۴۔ چنگاایالی میں ہاں تے میریا ں مینوں جاندیاں نے ۔
۱۵۔ جس طرح باپ مینوں جاندا ہے تے میں باپ نو ن جاننا ہاں ۔ تے بھیڈاں لئی میں اپنی جان دینا ہاں ۔
۱۶۔ میریاں ہور بھی بھیڈاں نے جہڑایاں اس واڑے دیاں نیئں نوں بھی میں لیاونا ہے تے اُہ میری آواز سُنن گیاں تے اُہ اک اجڑا ک ایالی ہو جان گیا ں۔
۱۷۔ باپ مینوں ایسے گلے پیار کردا ہے پئی میں اپنی جان دینا ہاں تانجو پھیر میں اُہنوں لیلاں ۔
۱۸۔ کوئی میتھوں اُہنوں نئیں کھوند پر میں اُہنوں آپے ہی دینا ہاں ۔ میرا اخیتار ہے پئی اُہنوں دیدیاں تے میرا اختیار ہے پئی مڑا اُہنوں لے لواں ۔اہ حکم مینوں اپنے باپ کولوں ملیا ہے ۔
۱۹۔ اہناں گلاں دا صدقہ یہودیاں دے وچ پھیر پھُٹ پئی ۔
۲۰ ۔ تے اُہناں وچوں بہُتیاں آکھیا اُہدے وچ بدورح ہے ۔ اہ کملا ہے کیوں اُہدی سندے ہو؟
۲۱۔ ہورناں آکھیا اہ اُہدیاں گلاں نئیں جہنوں بدروح چمبڑی ہووے ۔ بدوح انھیاں دیاں اکھیاں کھول سکدی ہے؟
۲۲۔ تے یروشیلم وچ تجدیدی عید آئی ۔ اُہ سیال دی بہار سی ۔
۲۳۔ تے یسوع ہیکل دے سلیمانی برانڈے وچ پھر دا سی ۔
۲۴۔ تے یہودیاں گھیرا پا اُہنوں آکھیا کناک چرتوں ساڈے جی نوں شک وچ شک رکھنا ہیں ؟ جے توں مسیح ہیں تاں سانوں صاف دس ۔
۲۵۔یسوع اُہناں نوں جواب دتا میں تہانوں دسیا تے رتسیں نئیں مندے ۔ جہڑے کم میں اپنے باپ دے ناں اُتے کرنا ہاں میرے گواہ نے ؟
۲۶۔ پر تسیں نئیں مندے کیونجو تسیں میریاں بھیڈایاں وچوں نئیں ہو ۔
۲۷۔ میریاں بھیڈاں میری آواز سُندیاں نے تے میں اُہناں نوں جاننا ہاں تے اُہ میرے مگر ٹر دیاں نے ۔
۲۸۔ تے میں اُہناں نوں سدا دی زندگی دینا ہاں۔ تے اُہ کدی ہلاک نہ ہونگیاں تے کوئی میرے ہتھوں اُہنا ں نوں نئیں کھوئیگا ۔
۲۹۔ میرا باپ جس اُہناں نوں مینوں دتا ہے ساریاں نالوں وڈا ہے تے کوئی باپ دے ہتھوں کھو نئیں سکدا ۔
۳۰ ۔ میں تے باپ اک ہاں
۳۱۔ یہودیاں پھیر تےپتھر چُکے پئی اُہنوں مارن ۔
۲۳۔ یسوع اُہناں نوں باپ جواب دتا پئی بہت سارے چنگے کم میں باپ ولوں تہانوں وکھائے اُہناں وچوں کہڑے کم بدے مینوں پتھر ماردے ہو۔
۳۳۔ یہودیاں اُہنوں جواب دتا اسی تینوں چنگے کم لئی پتھر نئیں ماردے پر کُفر لئی کیونجو تو آدمی ہو کے اپنےآپ نوں خُدا بنانا ہیں ۔
۳۴۔ یسوع اُہناں نوں جواب دتا تہاڈی شریعت وچ اہ نئیں لکھیا پئی میں آکھنا تسیں خُدا ہو؟
۳۵۔ جد اوس اُہناں نوں جہناں نوں خُدا دا کلام آیا خُداآکھیا ۔ ( تے پاک جھوٹی نئیں ہو سکدی )
۳۶۔ جہنوں باپ نے مقدس کیتا تے دُنیا وچ گھیلا تسیں اُہنوں آکھدے ہو پئی تو ں کُفر بکنا ہیں جد میں آ کھیا پئی میں خُدا دا بیٹا ہاں ؟
۳۷۔ جے میں باپ دے کم نہ کراں مینوں نہ منو۔
۳۸۔ پر جے میں کرنا ہاں ۔ تد مینوں بھانویں نہ منو پر میرے کماں تو ں منو تا نجو تسیں جانوں تے سمجھو پئی باپ میرے وچ ہے تے میں باپ وچ ۔
۲۹۔ سو اُہ پھر اُہنوں پھڑن دا داء لان لگے تے اُہ اُہناں دے ہتھوں نکل آگیا ۔
۴۰۔ تد پھیر اُہ یردنوں پار گیا جہڑے تھاں یوحنا پہلاں بپتسمہ دیندا ہندا سی تے اُتھے رہیا ۔
۴۱۔ تے بہتیاں اُہدے کول آن کے آکھیا یوحنا کوئی معجزہ نہ کیتا پر جنیاں گلاں یوحنا اُہدے حق وچ آکھیا ساریاں سچ نکلیاں ۔
۴۲۔تے اوس تھا ں بہتیاں اُہدے اُتے ایمان لیاوندا ۔

۱۔ اک آدمی لعزر کر کے ماندہ سی ۔ جہڑا مریم تے اُہدی بہن دے پنڈ بیت عنیا دا سی ۔
۲۔ تے اہ مریم اُہ سی ۔ جس خُداوند نوں عطر ملیا تے اُہدے پیر اپنے والاں نال پُونجے سان ۔ اوسے دا بھرا لعزر ماندہ سی ۔
۳۔ اُہدی بھیناں اُہنوں اہ سنیہاں گھلیا پئی اے خُدا وند ویکھ جنہوں توں پیار کرنا ہیں اُہ ماندہ ہے ۔
۴۔ یسوع اہ سن کے آکھیا اہ ماندگی موت دی نئیں ہے پر خُدا دے جلال لئی تانجو خُدا دے بیٹے دا اُہدے کرکے جلال ہووے ۔
۵۔ مرتھا نوں تے اُہدی بہن تے لعزر نوں یسوع پیار کردا سی ۔
۶۔ سو جد اوس سُنیا پئی اُہ ماندہ ہے تے جتھے اودوں سی اُتھے دو دن ریہا ۔
۷۔ اُہدے پچھوں یسوع شاگرداں نوں آکھن لگا چلو یہودیہ نوں پھیر چلئے ۔
۸۔ شاگرد اُہنوں آکھن لگے اے ربی یہودی ہُنے تینوں پتھر مارنا چاہندے سان تے توں پھیر اوتھے جانا ہیں ؟
۹۔ یسوع جواب دتا دن دے باراں گھنٹے نیں ہندے جے کوئی دن نوں ٹرے تاں ٹھوکر نئیں کھاندا کیونجو اُہ ایس دنیا دا چانن ویکھدا ہے ۔
۱۰ ۔ پر جے کوئی رات نوں ٹرے تاں ٹھوکر کھاندا ہے کیونجو اُہدےاندر چانن نئیں ہے ۔
۱۱۔ اہ گلاں آکھ کے اُہناں نوں آکھن لگا پئی ساڈا دومست لعزر سوں گیا ہے۔ پر میں جانا ہاں پئی اُہنوں جگاواں۔
۱۲۔ تد شاگرداں نے اُہنوں آکھیا اے خُداوند اجے سوں گیا ہے تاں چنگا بھلا ہو جائیگا ۔
۱۳۔ یسوع نے اُہدے مرن توں آکھیا سی پر اُہناں سمجھیا اوس نیندر دے آرام دی گل کیتی ہے ۔
۱۴،تد پھیر یسوع اُہناں نوں صاف آکھیا پئی لعزر مر گیا ہے ۔
۱۵۔ تے میں تہاڈے لئی ایس گلے خوش ہاں پئی میں اتھے نئیں ساں تانجو تسیں ایمان لیاؤ پر چلواُہدے کول چلے ۔
۱۶۔ تد تو ما جہنوں جوڑا آکھداے نے اپنے نالدے شاگرداں نوں آکھیا آؤ اسی بھی چلے تانجو اُہدے نال مرئیے ۔
۱۷۔تد یسوع آکے معلوم کیتا پئی اُہنوں قبر وچ پیاں چاردن ہوئے نے۔
۱۸۔ بیت عنیاہ یروشلیم دے نیڑے سی ۔ یعنی ڈیڑھ کوہ دے نیڑے تریڑے ۔
۱۹۔ تے بہت سارے یہودی مرتھا نے مریم کول اُہنان دے بھرا دی مُکانیں آئے ہوئے سان ۔
۲۰۔ جد مرتھا سُینا پئی یسوع آیا ہے اگوں والی ،ملن گئی ۔ پر مریم گھر ہی رہی ۔
۲۱۔ تد مرتھا یسوع نوں آکھیا اے خُداوند جے توں اتھے ہندو ں تاں میرا بھرا نہ مردا ۔
۲۲۔ تے ہن بھی میں جاننی ہاں پئی جو کجھ ےتوں خُدا کولوں منگیں خُدا تینوں دیویگا ۔
۲۳۔ یسوع اُہنوں آکھیا تیرا بھرا پھیر جی اُٹھیگا ۔
۲۴۔ مرتھا اُہنوں آکھیاں ہاں پئی اوڑک دے دہاڑے قیامت نوں اُہ جی اُٹھیگا ۔
۲۵۔ یسوع اُہناں آکھیا قیامت تے زندگی میں ہاں ۔ جہڑا میرے اُتےے ایمان لیاوندا ہے بھانویں اُہ مر جائے تد بھی جیئیگا۔
۲۶۔ تے جہڑا کوئی جیوندا ہے تے میرے اُتے ایمان لیاوندا ہے کدی بھی نئیں مریگا ۔ توں اہ گل مننی ہیں ؟
۲۷۔اُہ اُہنوں آکھن لگی ہاں خُداوند من لیا ہے پئی تو ں مسیح خُدا دا بیٹا ہیں جہڑا دُنیا وچ آوندا ہے ۔
۲۸۔ تے اہ آکھ کے ٹر گئی تے اپنی بہن مریم نون چُپ کیتیاں سد کے آکھن لگی اُستاد آگیا ہے تے تینوں سد دا ہے۔
۲۹۔ جد اوس اہ گل سنی تد چھیتی اُٹھ کے اُہدے کول گئی ۔
۳۰ ۔( تے یسوع اجے پنڈ وچ نئیں سی اپڑیا ۔ پر جھتے اُہنوں مرتھا ملی سی اوسے تھاں سی )
۳۱ ۔ سواُہ یہودی جہڑے اُہدے نال گھر وچ سان تے اُہنوں تسلی پے دیندے سان جد مریم نوں ویکھیا پئی اُہ چھیتی اُٹھ کے باہر گئی ہے ۔ اہ سمجھ کے اُہدے مگر ٹر پے پئی اُہ قبر اُتے رون جاندی ہے ۔
۳۲۔سو مریم جد اوتھے آئی جھتے یسوع سی ۔ اُہنوں ویکھدیاں ہی اہ آکھکے اُہدی پیریں ڈگ پئی پئی خُداوند جے توں ایتھے ہندوں تاں میرا بھرا ناں مردا ۔
۳۳۔ جد یسزیسوع اُہنوں روندیاں تے اُہدے نالدے یہودیاں نوں روندیاں ڈٹھا تاں اُہ بڑا رنج نال بھر گیا ۔
۳۴۔ تے آکھیا تساں اُہنوں کتھے دھریا ہے ؟ اُہ اُہنوں آکھن لگے اے خُداوند چل تے ویکھ ۔
۳۵۔ یسوع دے اتھروُ وگ پئے ۔
۳۶۔ تد یہودیاں آکھیا ویکھو اُہ اُہنوں کنا پیار کردا سی ۔
۳۷۔ پر اُہناں وچوں کیئاں آکھیا اہ آدمی جس انھے دیاں اکھیاں کھول دیتاں اناں نہ کر سکیا پئی اہ نہ مردا ؟
۳۸۔ تد یسوع رنج نال بھریا ہوئیا قبر اُتے آیا اُہ اک غار سی تے اُہدے اگے پتھر رکھیا ہوئیا سی ۔
۲۹۔ یسوع آکھیا پتھر نوں ہٹا دیئو مرتھا اوس موئے ہوئے دی بہن اُہنوں آکھن لگی اے خُداوند ہُن تے ا ہدے وچوں مُشک آوندی ہے کیونجو اج اُہنوں چوتھا دن ہو گیا ہے ۔
۴۰۔ یسوع اُہنوں آکھیا میں تینوں نیئں سی آکھیا جے توں ایمان لیاویں تاں خُدا دا جلال ویکھیں گی ؟
۴۱۔ سو اُہناں پتھر نوں ہٹایا تے یسوع آکھیاں اُنانہہ کر کے اے باپ میں تیرا شکر کرنا ہاں پئی توں میری سنی۔
۴۲۔ تے مینوں تے پتہ سی پئی توں ہمیشہ میری سُننا ہیں ۔ پر لوکاں لئی جہڑے آلے داولے کھلوتے ہوئے نے میں اہ آکھیا تانجو ایمان لیاؤن پئی توں مینوں گھلیا ہے
۴۳۔ ۔ تے اہ آکھ کے بڑے زور نال آکھیا اے لعزر باہر آ ۔
۴۴ ۔ مُردہ پٹیاں نال ہتھ پیر بدھے ہوئے نکل آیا تے اُہدا مُنہ رومال نال ولیٹیا ہویا سی ۔ یسوع اُہناں نوں آکھیا اُہنوں کھوکو تے اُہنوں جان دئیو۔
۴۵۔ تد بتھیرے یہودی جہڑے مریم دے نال آئے ہوئے سان جو کجھ اوس کیتا سی ویکھ کے اُہدے اُتے ایمان لیائے ۔
۴۶۔ پر کئی اُہناں وچوں فریسیاں دے کول گئے تے جو کجھ یسوع کیتا سی اُہناں نوں دیسا ۔
۴۷۔ تد سردار کاہناں تے فریسیاں اپنی جماعت اکٹھی کر کے آکھیا اسی کیہ کرنے ہا ں ؟ اہ آدمی تاں بڑے معجزے کردا ہے۔
۴۸۔ اُہنوں اسی اینوں چھڈ دئیے تاںسااے لوک اُہدے اُتے ایمان لیاؤنگے تے رومی آکے ساڈا ملک تے قوم کھولینگے ۔
۴۹۔ اُہناں وچوں کائفاناں جہڑے اوس دوھے سردار کاہن سی اُہناں نوں آکھیا تسیں کجھ نئیں جاندے ۔
۵۰۔ تے نہ خیال کردے ہو پئی تہاڈے لئی چنگا ہے پئی سارے لوکاں دے بدلے اک آدمی مرجائے تے ساری قوم بر باد نہ ہووے ۔
۵۱۔ اہ اوس اپنے ولوں نئیں سی آکھیا پر اوس ورھے سردار کاہن ہوکے اوس اگیتری خبر دتی پئی یسوع ایس قوم دے بدلے مریگا ۔
۵۲۔ تے صرف اوس قوم دے بدلے نئیں ۔ پر ایس گلے بھی خُدا دے پُتراں نوں جہڑے کھلرے پُلر ے نے اکھٹیاں کر کے اک بناوے ۔
۵۳۔ سو اوس دن تھوں اُہناں صلاح کیتی پئی اُہنوں مار سُٹن ۔
۵۴۔ یسوع اُہدے مگروں یہودیاں وچ کھلیاں نہ پھریا سو اُہ تھوں ٹر کے جنگل دے نیڑے دے ملک وچ افرائیم کر کے ناں اک شہر وچ ٹر گیا تے شاگرداں نال اوتھے رہیا ۔
۵۵۔ تے یہودیاں دی عید فسح نیڑے سی تے بہت لوک فسح دے پہلاں پنڈاں تھوں یروشیلم نوں گئے تانجو اپنے آپ نوں پاک کرلین ۔
۵۶۔ تد اُہ یسوع نوں لبھدے سان تے ہیکل وچ کھلو کے آپو وچ آکھن لگے پئی تہاڈا کیہ خیال ہے اُہ عید وچ نئیں آئیگا؟
۵۷۔ تے سردار کاہناں تے فریسیاں حکم دتا سی پئی جے کسے نوں معلوم ہووے پئی اُہ کتھے ہے تا خبر دیوے تانجو اُہ اُہنوں پھڑ لین ۔

۱۔ تد یسوع عید فسح تھوں چھ دن پہلاں بیت عنیا وچ آیا جھتے لعزر سی جہنوں یسوع فردیاں وچوں جوالیاں سی ۔
۲۔ تے اوتھے اُہناں اُہدی روٹی کیتی تے مرتھا ٹہل کردی سی پر لعزر اُہناں وچوں اک سی جہڑے اُہدے نال کھان بیٹھے سان ۔
۳۔ تد مریم اودھ سیر خالص تے بڑا مہنگا جٹاما سی دا عطر لیکے یسوع دے پیراں نوں ملیا ۔ تے اپنے والاں نال اُہدے پیر پُونجھے ۔ تے گھر عطر دی خوشبو نال بھر گیا ۔
۴۔ تد اُہدے شاگرداں وچوں اک جنا یہودا سکر یُوتی جس اُہنوں پھڑانا سی آکھن لگا ۔
۵۔ پئی اہ عطر ترے سو دینار تھوں ویج کے منسکیناں نوں کیوں نہ دتا گیا؟
۶۔ اہ گل اوس ایس کر کے نئیں سی آکھی پئی اُہنوں مکسیناں دا فکر سی پر ایس لئی پئی اُہ چور سی تے بٹوا کول رکھ کے جو کجھ اُہدے وچ ہندا سی اُہ لے لیندا سی ۔
۷۔ تد یسو ع آکھیا اہ میرے دفن دے دن لئی اُہنوں رکھن دے ۔
۸۔ مسکین تے ہر ویلے تہاڈے کول نے پر میں ہر ویلے تہاڈے نال نئیں ہاں ۔
۹۔ تد یہودیاں وچوں بہتے لوک جان گئے پئی اُہ اُتھے ہے تے اُہ آئے ۔ نہ نرا یسوع دے یسوع دے واسطے پر ایس واسطے پئی لعزر نوں بھی ویکھن ۔ جہنوں اوس مُردیاں وچوں جوالیا سی ۔
۱۰ ۔ پر سردار کاہناں صلاح کیتی پئی لعزر نوں بھی مار سُٹئے ۔
۱۱۔ کیونجو اُہدے سبب کر کے یہودیاں وچوں بہت سارے ٹر گئے یسوع اُتے ایمان لیاندا ۔
۱۲۔ اگلے بھلک بہت لوکاں جہڑے عید اُتے آئے ہوئے سان جد سُنیا پئی یسوع یروشلیم نوں آوندا ہے۔
۱۳۔ کھجوراں دیاں ٹہنیاں لیاں تے اگوں والی اُہنوں ملن لئی نکلے تے زور نال آکھن لگے ہوشعنا ! دھن اُہ ہے جہڑا خُداوند دے نال اُتے آوندا ہے ۔ اسرائیل دا بادشاہ ۔
۱۴۔ تے یسوع چھوٹا جہیا کھوتا لھب کے اُہدے اُتے چڑھ بیٹھا جس طرح لکھیا ہوئیا ہے۔
۱۵۔ اے صیون دی بیٹی نہ ڈر ویکھ تیرا بادشاہ کھوتے دے بچے اُتے چڑھیا ہوئیا آوندا ہے ۔
۱۶۔ اُہدے شاگرد پہلاں اُہناں گلاں نوں نہ سمجھے ۔ پر جد یسوع اپنے جلال نوں پہنچ گیا سی ۔ تد اُہناں نوں یاد آیا پئی اہ گلاں اُہدی بابت لکھیاں ہوئیا ں سان ۔ تے نالے اہ پئی اُہناں اُہدے نال اہ سلوک کیتا سی ۔
۱۷۔ تد اُہناں لوکاں جہڑے اوس ویلے اُہدے نال سان جد اوس لعزر نوں قبروں باہر سدیا تے مُردیاں وچوں جوالیا سی گواہی دتی۔
۱۸۔ تےلوک ایس کر کے اُہنوں اگوں والی ملن گئے پئی اُہناں سُینا سی پئی اوس اہ مُعجزہ کیتا سی ۔
۱۹۔ تد فریسی آپو وچ آکھن لگے ویکھو تاں تہا تھوں کجھ نئیں بندا ویکھ دُنیا اُہدے مگر ٹر پئی ہے ۔
۲۰۔ تے اُہناں وچوں جہڑے عید اُتے بندگی کرن گئے کئی یونانی سان ۔
۲۱۔ تد اُہ فلپس کول آئے جہڑا گلیل دے بیت صیدا دا سی تے عرض کیتی اسی یسوع نوں ویکھنا چاہنے ہاں ۔
۲۲۔فلپس آکے اندریاس نوں دسیا ۔ اندریاس تے فلپس نے آکے یسوع نوں خبر دتی ۔
۲۳۔ یسوع نے اُہناں نوں جواب دتا ویلا آگیا ہے پئی ابن آدم دا جلال ہووے ۔
۲۴۔ میں تہانوں سچ سچ آکھنا ہاں پئی جنا کنک دا ادنہ زمین وچ پیکے نہ مرے اُہ کلاہی رہندا ہے ۔ پر جے مرجائے تاں بہتا پھل لیاوندا ہے ۔
۲۵۔ اُہ جہڑا اپنی جان پیاری سمجھدا ہے ۔ اُہ اُہنوں گواندا ہے ۔ تے اُہ جہڑا اپنی جان نال ایس دُنیا وچ ویر رکھدا ہے سدا دی زندگی توڑی اُہنوں سانبھی رکھیگا ۔
۲۶۔ جے کوئی میری ٹہل کرے تاں اُہ میرے مگر آئے ٹہل کرے تاں اُہ میرے مگر جتھے میں ہاں میرا ٹہلیا بھی اُتھے ہوہویگا ۔جے کوئی میری ٹہل کرے تاں باپ اُہدی عزت کریگا ۔
۲۷۔ ہن میرا جی گھبراندا ہے تے میں کی آکھاں ؟ پئی اے باپ مینوں ایس گھریوں بچا ۔ پر میں ایسے سبب ایس گھڑی تیکر آیا۔
۲۸۔ اے باپ اپنے ناں نوں جلال دے تد اسمانو ں آواز آئی پئی میں جلال دتا ہے تے پھیر بھی جلال دیا نگا ۔
۲۹۔ تد اُہ لوک جہڑے کول کھلوتے سُندے سان آکھن لگے پئی بدل گجیا ہے ہورناں آکھیا فرشتہ اُہدے نال بولیا ہے۔
۳۰۔ یسوع جواب دتا اہ آواز میرے واسطے نہیں پر تہاڈے واسطے آئی ہے ۔
۳۱۔ ہن ایس دُنیا عدالت ہندی ہے ہُن ایس دُنیا دا سردار کڈھیا جانیگا ۔
۲۳۔ تے میں جے زمین اُتوں اُچا کیتا جاواں تاں ساریاں نوں اپنے ول کھنچا نگا ۔
۳۳۔ اہ آکھ کے اوس اشارے نال دسیا پئی اوس کہڑی موت نال مرنا سی ۔
ایس گل اُتے لوکاں اُہنوں جواب دتا پئی اساں شریعت وچوں سُنیا پئی مسیح سدا تیکر رہیگا ۔ تے تو کیکر آکھنا ں ہیں پئی ابن آدم دا اُچا کیتا جانا ضرور ہے ؟ اہ ابن آدم کون ہے ؟
۳۵۔ تد یسوع اُہناں نوں آکھیا اجے تھوڑا چر چانن تہاڈے وچ ہے جنا چر تہاڈے وچ چانن ہے ٹر وپھرو اجہیانہ ہووے پئی ہنیرا تہانوں آگھیرے تے ہنیرے وچ ٹرن والے نوں پتا نئیں لگدا پئی کتھے جاندا ہے۔
۳۶۔ جنا چر چانن تہاڈے وچ ہے چانن نوں منو تاں جو تسیں چانن دے پُتر بن جاؤ۔ یسوع اہ گلاں آکھیاں تے جا کے اُہناں کولوں چھپ گیا ۔
۳۷۔ پر بھانویں اوس امینیاں کراماتا اُہناں دے سامنے ویکھا یا ں سان تد بھی اُہ اُہدے اُتے ایمان نہ لیائے
۳۸۔ تانجو یسعیاہ نبی دا کلام جہڑا اوس آکھیا سی پورا ہووے پئی اے خُداوند ساڈے سنیے نوں منیا تے خُداوند دی نہہ کہدے اُتے ظاہر ہوئی ۔
۳۹۔ اُہ ایس کر کے ایمان نیئں لیاسکے کیوں نجو یسعیاہ نے پھیر آکھیا ۔
۴۰۔ اوس اُہناں دیاں اکھیاں انھیا ں انھیاں کیتیاں نے تے اُہناں دے ول سخت کیتے کیتے ایوں نہ ہووے پئی اُہ اکھیاں نال ویکھن تے نال سمجھن تے میں اُہناں نوں ول کراں ۔
۴۱۔ یسعیاہ اہ گلا ں آکھیاں کیونجو اوس اُہدا جلال ڈٹھا تے اوس اہدیاں گلا ں کیتیاں ۔
۴۲۔تد بھی سرداراں وچوں بہتیاں نے اُہدے اُتے ایمان لیاؤندا پر فریسیاں دے ڈردے ماریا ں اقرر نہ کیتا اجہیا نہ ہووے ۔ پئی جماعتوں کڈھے جان ۔
۴۳۔ کیونجو اُہ بندیاں دی وڈئیائی نوں خُدا دی وڈیائیائی نالوں ودھ پیار کردے سان ۔
۴۴۔ یسوع اُچی اُچی آکھیا پئی اُہ جہڑا میرے اُتے ایمان لیاؤندا ہے ۔
۴۵۔ تے اُہ جہڑا مینوں ویکھدا ہے میرے گھلن والے نوں ویکھدا ہے ۔
۴۶۔ میں دُنیا وچ چانن ہو کے آیا ہاں تانجو جہڑا کوئی میرے ناں اُتے ایمان لیاؤند ہے ۔ ہنیرے وچ نہ رہے ۔
۴۷۔ جے کوئی میریاں گلاں سُنے تے نہ منے میں اُہدی عدالت نئیں کردا کیونجو میں دُنیا دی عدالت کرن واسطےنئیں آیا پر دُنیا نوں بچان دے واسطے ۔
۴۸۔ اُہ جہرا مینوں رد کر کے میریاں گلاں نوں نئیں قبولدا اُہدا اک عدالت کرن والا تا ں ہے کلام جہڑا میں آکھیا اُہ ہی اوڑک دے دن اُہدی عدالت کریگا ۔
۴۹۔ کیونجو میں اپنے ولو ں نئیں بولیا پر باپ جس مینوں گھلیا اوس مینوں حکم دتا ہے پئی میں کیہ آکھاں تے کیہ بولا ں ۔
۵۰۔ تے میں جاننا ہا ں پئی اُہدا حکم سدا دی زندگی ہے سو جو کجھ میں بولنا ہاں جس طرح باپ نے مینوں آکھیا ہے اوسے طرح بولنا ہاں۔

۱۔عید فسح تھوں پہلاں جد یسوع اہ جاتا پئی میری گھڑیڑئے آپجی ہے پئی دُنیا تھوں باپ کول جاں اُہ اُہناں اپنیاں لوکاں نوں جہڑے دُنیا وچ سان جس طرح پیار کردا سی اخیر تیکر پیار کردا رہیا ۔
۲۔ تے جد شیطان شمعون دے پُتر یہودا اسکر یوتی دے دل وچ اُہ پایا سی پئی اُہ اُہنوں پھڑادیوے ۔
۳۔ تے رات دی روٹی کھاندیاں ہوئیاں یسوع اہ جان کے پئی باپ نے سب کجھ میرے ہتھ وچ دتا تے میں خُدا ولوں آیا تے خُدا دے کول جانا ہاں ۔
۴۔ کھانے تھوں اُٹھیا تے اپنے کپڑے لا ہے تد رومال لیکے لک نال بنھیا ۔
۵۔ تے پھر لوٹے وچ پانی پا کے شاگرداں دے پیر دھون لگا تے اوس رومال نال جہڑا لک دوالے بدھا ہوئیا سی پونجھن لگا ۔
۶۔ سو اُہ شمعون پطرس توڑی آیا ۔ اُہ اُہنوں آکھن لگا اے خُداوند توں میرے پیر وھونا ہیں ؟
۷۔ یسوع اُہنوں جواب دتا ۔ جو کجھ میں کرنا ہاں اجے توں نئیں جاندا پر مگرو ں توں سمجھینگا ۔
۸۔ پطرس اُہنوں آکھیا توں میرے پیر کدے نہ دھوئینگا ۔ یسوع اُہنوں جواب دتا جے میں تینوں نہ دھوواں تاں میرے نال تیرا کوئی حصہ نئیں ہے ۔
۹۔ شمعون پطرس اُہنوں آکھیا اے خُداوند تد نرے میرے پیر نئیں پر ہتھ تے سر بھی دھو دے۔
۱۰۔ یسوع اُہنوں آکھیا اُہ جس نہالیا ہے اُہنوں بناں پیر دھون دے ہور کجھ لوڑ نئیں ۔ پر بالکل پاک ہے ۔ تے تسیں صاف ہو پر سارے نیئں ۔
۱۱۔ کیونجو اُہ اپنے پھڑان والے نوں جاندا سی ۔ تد ے اوس آکھیا پئی تسیں سارے پاک نئیں ہو ۔
۱۲۔ سو جد اوس اُہناں دے پیر دھولئے ۔ تے اپنے کپڑے پالئے تد پھیر بیہ کے اُہنا ں نوں آکھن لگا تسیں سمجھدے ہو پئی میں تہاڈے نال کیہ کیتا ہے ؟
۱۳۔ تسیں مینوں اُستاد تے خُداوند آکھدے ہو ۔ چنگا آکھدے کیونجو میں ہاں وی ۔
۱۴۔ سو جد میں خُداوند تے اُستاد ہو کے تہاڈے پیر دھوتے ۔ نے تاں تہانوں بھی چاہیدا ہے پئی اک دُجے دے پیر دھوؤ ۔
۱۵۔ کیونجو میں تہانوں نمونہ دتا ہے پئی جس طرح میں تہاڈے نال کیتا تسیں بھی کریا کرو۔
۱۶۔ میں تہانوں سچ سچ آکھنا ہاں پئی نوکر اپنے مالک نالوں وڈا نئیں ہے تے نہ گھلیا ہوا یا اپنے گھلن والے نالو ں ۔
۱۷۔ جے تسیں اہ گلاں جاندے ہو تے اُہناں اُتے چلدے ہو تاں مُبارک ہو ۔
۱۸ ۔ میں تہاڈی سنبھنا ندی گل نئیں کردا جہناں نوں میں چُنیاں ہے ۔ اُہناں نوں میں جاننا ہاں ۔ پر اہ ایس لئی ہے پئی نوشتہ پورا ہووے پئی جہڑا میری روٹی کھاندا ہے اوس میرے اُتے اڈی چُکی ۔
۱۹۔ ہُن اوس گل دے ہون تھوں پہلاں میں تہانوں خبر دینا ہاں ےتانجو جد ہووے ۔ تسیں منو ں پئی میں اُہ ہی ہاں۔
۲۰۔ میں تہانوں سچ سچ آکھنا ہاں جے کوئی میرے گھلے ہوئے نوں قبول کرے مینوں قبول کردا ہے تے جہڑا مینوں قبول کردا ہے میرے گھلن والے نوں قبول کردا ہے۔
۲۱۔ اہ آکھدیاں ہی یسوع دا جی گھبرایا تے اہ گواہی دتی ۔میں تہانوں سچ سچ آکھنا ہاں پئی تہاڈے وچوں اک مینوں پھڑوائیگا ۔
۲۲۔ شاگرد ایس شبے وچ ہو کے پئی اُہ کہدی گل کردا ہے اک دُجے ول ویکھن لگے۔
۲۳۔اُہدے شاگرداں وچوں اک جہنوں یسوع پیار کردا سی ۔ کھانا کھاندیاں یسوع دی ہک ول سرجھکایا ہوئیا سی۔
۲۴۔ایس لئی شمعون پطرس اُہنوں سینت ماری پئی سانوں دس اُہ کہدی گل کردا ہے۔
۲۵۔ اوس یسوع دی ہک دا ڈھا سُنالا کے اُہنوں آکھیا اے خُداوند اُہ کون ہے ؟
۲۶ ۔ سو یسوع جواب دتا اُہ اُہی ہے جہنوں میں بُرکی بھئیوں کے دیا نگا تد بُرکی نو ں بھئیوں کے اوس شمعون اسکریوتی دے پُتر یہودانوں لیکے دتی ۔
۲۷۔ تے بُرکی لین دے پچھوں اوسے ویلے شیطان اُہدے اندر وڑ گیا۔ تد یسوع اُہنوں آکھیا جو کجھ توں کرنا ہے سو چھتی کر ۔
۲۸۔ پر کھانے اُتے بہین والیاں وچوں کوئی نئیں سی جاندا پئی اوس اہ کاہدے لئی اُہنوں آکھیا ۔
۲۹۔ کئیاں سمجھیا پئی ایس کر کے پئی یہودا کول بٹوا ہے یسوع اُہنوں آکھیا ہو ویگا پئی جو کجھ سانوں عید لئی لوڑیدا ہے سومل لے ۔ یاں اہ پئی غریباں نوں کجھ دیوے ۔
۳۰۔ سو اُہ بُرکی لیکے جھٹ باہر نکلگیا تے اُہ رات دا ویلا سی ۔
۳۱۔ جد اُہ باہر نکل گیا تد یسوع آکھن لگا پئی ہُن ابن آدم نوں جلال ملیا ہے خُدا نوں اُہدے وچ جلال ملیا ہے ۔
۳۲۔ تے خُدا اُہنو ں وی اپنے وچ جلال دیویگا ۔ تے چھیتی اُہنوں جلال دیویگا ۔
۳۳۔ اے بچیو اجے تھوڑا چر میں تہاڈے نال ہاں تسیں مینوں لبھو گے تے جس طرح میں یہودیاں نوں آکھیاسی پئی جتھے میں جانا ہاں تسیں نئیں آسکدے ہُن تہانوں بھی آکھنا ہاں ۔
۳۴۔ میں تہانوں اک نواں حکم دینا ہاں تسیں اک ودجے نوں پیار کرو جیکن میں تہانوں پیار کیتا ۔
۳۵۔ ایس گلوں سارے جاننگے پئی تسیں میرے شاگرا ہو جے آپو وچ پیار رکھو۔
۳۶۔ شمعون پطرس اُہنوں آکھیا اے خُداوند تو ں کتھے جانا ں ہیں ۔ یسوع جواب دتا پئی جتھے میں جانا ہاں توں ہُن میرے مگر نئیں آسکدا پر پچھوں توں میرے مگرآوینگا ۔
۳۷۔ پطرس اُہنوں آکھیا اے خُداوند میں ہُنے تیرے مگر کیوں نئیں آ سکدا ؟ میں تاں تیرے بدلے اپنی جان دیا نگا۔
۳۸۔ یسوع جواب دتا توں اپنی جان میرے بدلے دینگا؟ میں تینوں سچ سچ آکھنا ہاں پئی ککڑ بانگ نہ دیگا جد توں ترے واری میرا انکار نہ کریں ۔

۱۔ تہاڈا دل نہ گھبرائے ۔ تسیں خُدا اُتے یقین کردے ہو میرے اُتے بھی یقین کر و ۔
۲۔ میرے باپ دے گھر وچ بہت سارے مکان نے جے ناں ہُندے تاں میں تہانوں آکھ دیندا کیونجو میں تہاڈے لئی تھاں تیار کرن جانا ہاں ۔
۳۔ تے جے میں جاکے تہاڈے لئی تھاں تیار کراں میں مڑ آکے تہانوں اپنے نال لیلانگا پئی جتھے میں ہاں تسیں بھی ہوؤ ۔
۴۔ تے جتھے میں جانا ہا ں تہانوں راہ معلوم ہے ۔
۵۔ توما اُہنوں آکھیا اے خُداوند سانوں معلوم نئیں پئی توں کتھے جانا ہیں سانوں راہ لیکر معلوم ہووے ۔
۶۔ یسوع اُہنوں آکھیا میں ہی راہ تے سچیائی تےزندگی ہاں میرے بناں کوئی باپ دے کول نئیں آوندا ۔
۷۔ جے تسیں مینوں جاندے تاں میرے باپ نوں بھی جاندے تے ہُن تھوں تسیں اُہنوں جاندے ہو تے اُہنوں ویکھ لیا ہے ۔
۸۔ فلپس اُہنوں آکھیا اے خُداوند سانوں باپ وکھا تے سانوں اہو ہی بس ہے۔
۹۔ یسوع اُہنوں آکھیا اے فلپس میں اینے چر دا تہاڈے نال ہاں ہے توں ویکھ لیا ہے ۔ تے توں کیکر آکھنا ہیں پئی باپ سانو ں وکھال ؟
۱۰۔ توں سچ نئیں مندا پئی باپ وچ ہاں تے باپ میرے وچ ہے ؟ جہڑیاں گلاں میں تہانوں آکھنا ہاں میں اپنے ولوں نئیں آکھدا ۔ پر باپ میرے وچ رہ کے اپنے کم کردا ہے۔
۱۱۔ مینوں منو پئی باپ وچ ہاں تے باپ میرے وچ ۔ تے جے ایوں نئیں تاں اُہناں یؤکماں دے سبب ہی مُینوں منو۔
۱۲۔ میں تہانوں سچ سچ آکھنا ہاں پئی اُہ جہڑا میرے اُتے ایمان لیاؤند ا ہے جہڑے کم میں کرنا ہاں اُہ بھی کریگا تے اُہناں نالوں بھی وڈے کریگا کیونجو میں باپ کول جانا ہاں ۔
۱۳۔ تے جو کجھ تسیں میرا ناں لیکے منگو گے میں اُہ کرانگا تانجو بیٹے وچ باپ نو ں جلال ملے ۔
۱۴۔ جے تسیں میراناں لیکے میرے کولوں کجھ منگو گے میں اُہ کرانگا ۔
۱۵۔ جے تسیں مینوں پیار کردے ہو تاں میرے حکماں نوں منو گے۔
۱۶ ۔ تے میں باپ کول عرض کرانگا تے اُہ تہانوں دُجا مدگار بخشیگا پئی اُہ سدا تہاڈے نال ہووے ۔
۱۷۔ یعنی سچیائی دا روح جہنوإ دُنیا نئیں پا سکدی کیونجو اُہ نہ اُہنوں ویکھدی ہے تے نہ اُہنوں جاندی ۔ تسیں اُہنوں جاندے ہو کیونجو اُہ تہاڈے نال رہندا ہے تے تہاڈے وچ ہوؤیگا ۔
۱۸۔ میں تہانوں یتیم نہ چھڈا نگا ۔ میں تہاڈے کول آاواں گا ۔
۱۹۔ اجے تھوڑا چر ہے تے دُنیا مینوں پھیر نہ ویکھیگی پر تسیں ویکھدے رہو گے ایس کر کے پئی میں جیونا ہاں تسیں بھی جیوگے۔
۲۰۔ اوس دن تسیں جانونگے میں اپنے باپ وچ ہاں تے تسیں میرے وچ تے میں تہاڈے وچ ۔
۲۱۔ جہدے کول میرے حکم نے تے اُہ اُہناں نوں مندا ہے اُہ ہی ہے جہڑا مینوں پیار کردا ہے تے جہڑا مینوں پیار کردا ہے میرے باپ دا پیارا ہوؤیگا تے میں اُہنوں پیار کرانگا ۔ تے اپنے آپ نو ں اُہدے اُتے ظاہر کرانگا ۔
۲۲۔ اوس یہودا نے جہڑا اسکریوتی نئیں سی اُوہنوں آکھیا اے خُداوند اہ کیہ ہوئیا ہے پئی تو ں اپنا آپ ساڈے اُتے ظاہر کرنیگا تے دُنیا اُتے نئیں ؟
۲۳۔ یسوع اُہنوں جواب دتا جے کوئی مینوں پیار کردا ہے اُہ میرا کلام نوں منیگا تے میرا باپ اُہنوں پیار کریگا ۔ تے ایسی اہدے کول آوانگے تے اُہدے نا ل رہا نگے ۔
۲۴۔ اُہ جہڑا مینوں پیار نئیں کردا اُہ میرا نئیں پر باپ دا ہے جس مینوں گھلیا۔
۲۵۔ اہ گلاں میں تہاڈے نال رہندیاں تہانوں آکھیاں نے ۔
۲۶۔ پر مدگار جہڑا پاک روح ہے جہنوں باپ میرے ناں اُتے گھلیگا اُہو تہانوں سب کجھ سکھالیگا ۔ تے جو کجھ میں تہانوں آکھیا ہے تہانوں یاد کراویگا ۔
۲۷۔ میں تسلی تہانوں دے کے جانا ہاں ۔ اپنی تسلی تہانوں دینا ہاں جس طرح دُنیا دیندی ہے اوس طرح تہانوں نئیں دیندا ۔ تہاڈا دل نہ گھبرائے نہ ڈرے۔
۲۸۔ تساں سُن لیا پئی میں تہانوں آکھیا پئی میں جانا ں تے تہاڈے کول پھیرآونا ہاں جے تسیں مینون پیار کردے تاں خوش ہندے پئی میں باپ کول جانا ہاں کیونجو باپ میتھوں وڈا ہے ۔
۲۹۔ تے ہن میں تہانوں اُہدے ہون پہلاں ہی دس چھڈیا ہے تانجو جدا ُہ ہو لوے تسیں ایمان لیاؤ۔
۳۰۔ ایدوں پچھوں میں تہاڈے نال بہت گلاں نہ کرانگا کیونجو دُنیا دا سردر آوندا ہے تے میرے وچ اُہدا کجھ نئیں ہے۔
۳۱۔ اہ ایس لئی ہندا ہے تانجو دُنیا جانے پئی میں باپ نوں پیار کرنا ہاں تے جس طرح باپ نے مینوں حکم دتا اوسے طرح میں کرنا ہاں ۔ اُوٹھو اتھوں چلئے ۔

۱۔ سچے انگور دا بوٹا میں ہاں ۔ تے میرا باپ مالی ہے ۔
۲۔ جہڑی ٹہنی میرے وچ ہو کے پھل لیاؤندی ہے اُہنوں اُہ صاف کردا ہے تانجو اُہ ہور بھی پھل لیاوے ۔
۳۔ ہُن اوس گل دا صدقہ جہڑی میں تہانوں آکھی ہے تسیں پاک ہو ۔
۴۔ تسیں میرے وچ رہو تے میں تہاڈے وچ جس طرح ٹہنی جنا چر انگور دے بوٹے وچ نہ رہے ۔ آپے پھل نئیں لیا سکدی ایسے طرح تسیں بھی نئیں ۔ جنا چر میرے وچ نہ رہو۔
۵۔ میں انگور دا بوٹا ہاں تے تسیں ٹہیناں ہو۔ اُہ جہڑا میرے وچ رہندا تے میں اُہدے وچ آہو بہت پھل لیاؤندا ہے کیونجو میتھوں دکھ تسیں کجھ نئیں کر سکدے ۔
۶۔ جے کوئی میرے وچ نہ رہے اُہ ٹہنی وانگو ں باہر سُٹیا جاندا ہے تے لوک اُہناں نوں اکٹھیاں کر کے اگ وچ سُٹ دیندے نے تے اُہ بل جاندیاں نے ۔
۷۔ جے تسیں میرے وچ رہو تے میریاں گلاں تہاڈے وچ رہن تاں جو چاہو منگو تے اُہ تہاڈے لئی ہوؤیگا ۔
۸۔ میرے باپ دا جلال اُہدے وچ ہے پئی تسیں بہت پھل لیاؤتد ہی میرے شاگرد ہووگے ۔
۹۔ جس طرح باپ مینوں پیار کیتا اوسے طرح میں بھی تہانوں کیتا تسیں میرے پیار وچ رہو۔
۱۰۔ میرے حکماں نوں منو تاں میرے پیار وچ رہو گے ۔ جس طرح میں اپنے باپ دے حکماننوں منیا ہے تے اُہدے پیار وچ رہنا ہاں ۔
۱۱۔ اہ گلاں میں تہانوں آکھیاں نے تانجو میری خوشی تہاڈے وچ رہے تے تہاڈے خوشی پوری ہو جائے۔
۱۲۔ میرا حکم اہ ہے پئی تسیں اک ودجے نو ں پیار کرو جس طرح میں تہانوں پیار کیتا ۔
۱۳۔ کوئی آدمی اُہدے تھوں ودھ پیارنئیں کردا پئی اپنے دوستاں لئی اپنی جان دیوے ۔
۱۴۔ تسیں تد ہی میرے دوست ہو جے میرے حکماننوں پُوریاں کرو ۔
۱۵۔ ایدوں اگے میں تہانوں نوکر نئیں آکھانگا کیونجو نوکر نئیں جاندا پئی اُہدا مالک کیہ کردا ہے پر میں تہانوں ودست آکھیا ہے کیونجو ساریاں گلاں جہڑیاں میں اپنے باپ کولوں سُنیاں نے تہانوں دسیاں ۔
۱۶۔ تساں مینوں نئیں چُنیا پر میں تہانوں چُنیاں تے تہانوں مقرر کیتا ۔ پئی تسیں جاؤ تے پھل لیاؤ تے تہاڈا پھل قائم رہے تانجو تسیں باپ کولوں میرے ناں اُتے جو کجھ منگو اُہ تہانوں دیوے ۔
۱۷۔ اُہناں گلاں دا میں تہانوں ایس واسطے حکم دینا ہاں پئی تسیں اک دوجے نوں پیار کرو۔
۱۸۔ جے دُنیا تہاڈے نال ویر رکھدی ہے تسیں جاندے ہو پئی اوس رتہاتھوں پہلاں میرے نال ویر کیتا ہے ۔
۱۹۔ جے دُنیا دے ہندے تا ں دُنیا اپیناں نوں پیار کردی ۔ پر تسیں دُنیا دے جو نیئں ہو ایس لئی پئی تہانوں دُنیا وچوں چُنیاں دُنیا تہاڈے نال ویر رکھدی ہے۔
۲۰ ۔ اُہ گل یاد کر و جہڑی میں تہانوں آکھی پئی نوکر اپنے مالک نالوں وڈا نئیں جے اُہناں مینوں ستایا ےتاں تہانوں بھی ستانگے جے اُہناں میرے کلام نوں بھی مننگے۔
۲۱۔ پراُہ سب کجھ میرے ناں کرکے تہاڈے نال کرن گے ایس لئی پئی اُہ اُہنو ں نیئں جاندے جس مینوں گھلیا ہے۔
۲۲۔ جے میں نہ آیا ہندا تے اُہناں نوں نہ وسدا تد اُہناں دا گناہ نہ ہندا ۔ پر ہُن تاں کول اُہناں نوں دے گناہ دا کجھ عذر نئیں ۔
۲۳۔ جہڑا میر ے نال ویر رکھدا ہے میرے باپ نال بھی ویر رکھدا ہے ۔
۲۴۔ جے میں اُہناں وچ اُہ کم جہڑے مکسے دُجے نے نیئں کیتے نہ کرد ا تاں اُہناں دا گناہ نہ ہُندا ۔پر ہُن تا ں اُہناں مینوں تے میرے باپ نوں دوہاں نوں ویکھیا تے ساڈے نال ویر بھی کیتا ۔
۲۵۔ پر اہ ایس کرکے ہوئیا پئی اُہ گل جہڑی اُہناں دی شریعت وچ لکھی ہوئی ہے پوری ہووے پئی اُہناں اینویں میرے نال ویر رکھیا ۔
۲۶۔ پر جاں اُہ مدگار آویگا جہنوں میں باپ ولوں تہاڈے کول گھلانگا ۔ یعنی سچیائی دا روح جہڑا باپ ولوں نکلدا ہے تا ں اُہ میری بابت گواہی دیگا ۔
۲۷۔ تے تسیں بھی گواہ ہو کیونجو تسیں مڈھوں میرے نال ہو ۔

اہ گلاں میں تہانوں آکھیاں تے تانجو رتسیں ٹھوکر نہ کھاؤ۔
۲۔ لوک تہانوں جماعتوں کڈھ دینگے تے اُہ گھڑی آوندی ہے پئی جہڑا کوئی تہاڈا خون کرے اُہ ایس واسطے اہ سمجھیگا پئی میں خُدا دی خدمت کرنا ہاں ۔
۳۔ اُہ ایس واسطے اہ کرن گے کیونجو نہ اُہناں باب نوں جاتا ہے نہ مینوں ۔
۴۔ پر اہ گلاں میں تہانوں آکھیا نے پئی جد اُہناں دی گھڑی آوے تد اُہناں نوں یاد کرو پئی میں تہانوں آکھیاں سان تے اہ گلاں میں شروع تھوں تہانوں نئیں دسیاں کیونجو میں تہاڈے نال ساں ۔
۵۔ تے ہُن میں اُہدے کول جانا ں ہاں ۔ جس مینوں گھلیا سی ۔ تد بھی تہاڈے وچوں کوئی نئیں پچھدا پئی توں کتھے جانا ہاں ہیں ۔
۶۔ پر ایس کر کے پئی میں اہ گلاں تہانوں آکھیاں نے تہاڈے دل غم نال بھرگیا ہے ۔
۷۔ تد بھی میں تہانوں ٹھیک آکھنا ہاں پئی میرا ٹرجانا تہاڈےواسطے چنگا ہے کیونجو جے میں نہ جاں تاں اُہنوں تہاڈے کول گھلانگا۔
۸۔ تے اُہ آ کے دُنیا نوں گناہ تے نیکی تے عدالت دی بابت قصور وار بنائیگا ۔
۹۔ گناہ دی نابت ایس لئی پئی اُہناں میرے اُتے ایمان نئیں لیاؤندا ۔
۱۰۔ نیکی دی بابت ایس لئی پئی میں باپ کول جانا ہاں تے تسیں مینوں پھیر نہ ویکھوگے ۔
۱۱۔ عدالت دی بابت ایس لئی پئی دُنیا دا سردار مجرم کیتا گیا۔
۱۲۔ میں اجے بہت ساریاں گلاں تہانوں آکھنیاں نے پر تسیں اُہناں نوں ہُن نئیں سہہ سکدے ۔
۱۳۔ پر جد اُہ آویگا کیونجو اُہ اپنے ولوں نئیں آکھیگا ۔ پر جو کجھ سنیگا سو ہی آکھیگا تے آؤن والیاں گلاں دی خبر تہانوں دیگا ۔
۱۴۔ اُہ میرا جلال ظاہر کریگا ۔ ایس لئی پئی اُہ میریاں چیزاں وچوں لئیگا تے تہانو ں خبردیگا ۔
۱۵ ۔ ساریاں چیزاں جہڑیا ں باپ دیاں نے میریا ں نے تد ے میں آکھیا پئی اُہ میریاں چیزاں وچوں لیندا ہے تے تہانوں خبر دیگا ۔
۱۶۔ تھوڑے چر نوں تسیں مینوں پھیر نہ ویکھو گے تے پھیر تھوڑے چر نوں مینوں ویکھو گے ۔
۱۷۔ تد شاگرداں وچوں کئیاں اک دوجے نوں آکھیا اہ کیہ ہے جو اُہ سانوں آکھدا ہے ۔ تھوڑے چر نوں تسیں ویکھو گے تے اہ گے تے اہ گل وی ۔ کیونجو میں باپ کول جانا ہاں ۔
۱۸۔ ایس لئی اُہناں آکھیا اہ کیہ ہے جو اُہ آکھدا ہے تھوڑا چر ؟ ایسی نئیں سمجھدے پئی اُہ کیہ آکھدا ہے ۔
۱۹۔ یسوع جان گیا پئی اُہ میتھوں پُچھنا چاہندے نے ۔ تد اُہناں نوں آکھیا تسیں کیہ آپو وچ اہدی بابت پچھدے ہو پئی میں آکھیا تھوڑے چر نوں مینوں ویکھو گے تے پھیر تھوڑے چر نوں تسیں مینوں ویکھو گے؟
۲۰۔ میں تہانوں سچ سچ آکھنا ہاں تسیں روؤ گے تے کرلاؤ گے۔ پر دُنیا خوشی کریگی تسیں غم کرو گے پر تہاڈا غم خوشی بن جائیگا ۔
۲۱ ۔ زنانی جد بچہ جمن لگدی ہے غم کردی ہت کیونجو اُہدی گھڑی آپہنچی ہے ۔ پر جد بچہ جم پیا اُہ اپنے دُکھ نوں مڑیا د نئیں کردی ۔ ایس خوشی دی ماری پئی دُنیا وچ اک آدمی جمیا ہے۔
۲۲۔ سوہُن تاں تہانوں غم ہے پر میں تہانوں پھیر دیکھانگا تے تہاڈا دل خوشی کریگا تے تہاڈی خوشی تہاتھوں کوئی کھو نئیں لیندا ۔
۲۳۔ تے اوس دن تسیں میتھوں کجھ نہ پچھو گے میں تہا نوں سچ سچ آکھنا ہاں جے تسیں باپ کولوں کجھ منگو گے تاں اُہ میرے تاں اُتے تہانوں دیویگا ۔
۲۴۔ اجے تیکر تساں میرے ناں اُتے کجھ نئیں منگیا ۔ منگو تے تہا نوں میگا تانجو تہاڈی خوشی پوری ہو جائے ۔
۲۵۔ اہ گلاں میں تہانوں تمثیلاں وچ نئیں بولانگا پر صاف صاف تہانوں باپ دی خبر دیا نگا ۔
۲۶۔ اوس دن تسیں میرے ناں اُتے منگو گے تے میں تہانوں اہ نیئں آکھدا پئی باپ کول تہاڈے لئی عرض کرانگا ۔
۲۷۔ کیونجو باپ آپ ہی تہانوں پیار کردا ہے ایس لئی پئی تساں مینوں پیار کیتا ہے تے ایمان لیاؤندا ہے پئی میں باپ کولوں نکلیاں ہاں ۔
۲۸۔ میں باپ وچوں نکلیا تے دُنیا وچ آیا ہاں پھیر دُنیا توں ودیا ہو کے باپ کول جانا ہاں
۲۹۔ اُہدے شاگرد آکھن لگے لو ہن تاں توں صاف صاف آکھنا ہیں تے کوئی تمثیل نیئں دیندا ۔
۳۰۔ ہُن ایسی جاننے ہا ں پئی توں سب کجھ جاننا ہیں تے تینوں لوڑ نئیں پئی کوئی تیتھوں پچھے ۔ ایس گل تھوں سانوں یقین آؤندا ہے پئی توں خُدا رتھوں نکلیا ہیں ۔
۳۱۔ یسوع اُہناں نوں جواب دتا ہُن تہانوں یقین آؤندا ہے ؟
۳۲۔ ویکھو اُہ گھڑی آؤندہے ۔ سگوں آگئی ہے پئی تسیں ہر اک آپو اپنی تھامئیں کھنڈائے جاؤ گے تے مینوں اکلیاں چھڈ جاؤ گے۔ تد بھی میں اکلیا نئیں کیونجو باپ میرے نال ہے ۔
۳۳۔ اُہ گلاں میں تہانوں آکھیاں نے تاں جو تہانوں میرے وچ تسلی ملے دُنیا وچ تہانوں دُکھ ہے پر تگڑے رہو کیونجو میں دُنیا نوں جت لیا ہے ۔

۱۔یسوع اُہ گلاں آکھیاں تے اکھیاں تے اسمان ول کر کے آکھیا اے باپ گھڑی آگئی ہے اپنے بیٹے نوں جلال دے تانجو بیٹا تینوں جلال دیوے ۔
۲۔ جیکر اں اُہنوں کُل انسان اُتے اخیتار دتا ہے پئی جہڑے توں اُہنوں دتے نے اُہ اُہناں سنبھاں نوں سدا دی زندگی دیوے ۔
۳۔ تے سدا دی زندگی اُہ تینوں جانن جہڑا کلُاسچا خُدا ہیں تے نالے یسوع مسیح نوں جہنوں توں گھلیا ہے ۔
۴۔ میں اوس کم نوں جہڑا توں مینوں کرن نوں دتا سی پورا کر کے زمین اُتے تیرا جلال ظاہر کیتا ۔
۵۔ تے ہُن اے باپ توں مینوں اپنے نال جلال دے اوسے جلال نال جہڑا میں دُنیا دے ہون تھوں پہلاں ہی تیرے نال رکھدا ساں ۔
۶۔ میں تیرے ناں نوں اُہناں آدمیا ں اُتے ظاہر کیتا ہے جہڑے توں مینوں دُنیا وچوں دتے ۔ اُہ تاں تیرا کلام من لیا ہے۔
۷۔ تے ہُن اُہناں جان لیا ہے پئی اُہ ساریاں چیزاں جہڑیاں توں مینوں اُہناں جان لیا ہے پئی اُہ ساریاں چیزاں جہڑیاں توں مینوں دیتاں نے تیرے ولوں نے۔
۸۔ ایس لئی پئی اہ کلام جہڑا توں مینو ں دتا میں اُہناں نوں دتا ہے ۔ تے اُہناں قبول کیتا ہے سچ مینا پئی تیرے ولوں نکلیا ۔ تے ایمان لیاوندا پئی توں مینوں گھلیا۔
۹۔ میں اُہنا ں لئی جہڑے توں مینوں دُنیا لئی درخواست نئیں کردا پر اُہناں لئی جہڑے تو ں مینوں دتے نے کیونجو اُہ تیرے نے۔
۱۰ ۔ تے میریاں ساریاں چیزاں تیریاں نے تے تیریاں میریاں نے ۔ تے اُہناں وچ میرا جلال ظاہر ہویا ہے ۔
۱۱۔ تے ہُن میں دُنیا وچ ہورنئیں رہنا ۔ تے اہ دُنیا وچ نے ۔ تے میں تیرے کول آؤنا ہاں ۔ اے قدوس باپ تو ں اپنے اوس ناں دی راہیں جہڑا توں مینوں دتا ہے اُہناں دی سبنھالنا کرنا تانجو اُہ ساڈے وانگوں اک ہون ۔
۱۲۔ جد میں اُہناں دے نال ساں تیرے ناں دی راہیں جہڑا توں مینوں دتا ہے اُہناں دی سبنھالنا کیتی تے میں اُہناں دی راکھی کیتی تے ہلاک دے پتر دے باجھوں کسے دا نا س نئیں ہوئیا تانجو نوشتہ پورا ہوئے ۔
۱۳۔ پر ہُن میں تیرے کول آؤنا ہاں ۔ تے اہ گلاں میں ایس واسطے دُنیا وچ آکھنا ہاں پئی میری خوشی اُہناں وچ ہو جاوے ۔
۱۴۔ میں اُہناں نوں تیرا کلام دتا ہے تے دُنیا دا نئیں ہاں ۔
۱۵۔ میری اہ درخواست پے پئی توں اُہناں ننوں دُنیا وچوں چُک لویں پر اہ پئی توں اوس شریر تھوں اُہناں دی راکھی کر۔
۱۶۔ اُہ دُنیا دے نئیں جس طرح میں بھی دُنیا دا نئیں ہاں ۔
۱۷۔ اُہناں نوں سچیائی دی راہیں مقدس کر ۔ تیرا کلام سچیائی ہے ۔
۱۸۔ جس طرح توں مینوں دُنیا وچ گھلیا اوسے طرح میں بھی اُہناں نوں دُنیا وچ گھلیا ۔
۱۹۔ تے اُہناں دا صدقہ میں اپنے آپ نوں مقدس کرنا ہاں تانجو اُ ہ بھی سچیائی دی راہیں پاک ہون ۔
۲۰۔ ،میں نر اُہناں ہی لئی درخواست نئیں کردا پر اُہناں لئی بھی جہڑے اُہناں دے کلام دی راہیں میرے اُتے ایمان لیاؤندے نے۔
۲۱۔ تانجو سب اک ہون پئی جس طرح ہاں اُہ بھی ساڈے وچ ہون تانجو دُنیا ایمان لیاوندے پئی توں مینوں گھلیا۔
۲۲۔ تے اُہناں نوں اُہ جلال دتا ہے جہڑا توں مینوں دتا ہے تانجو اُہ اک ہون جس طرح اسی اک ہاں ۔
۲۳۔ میں اُہناں وچ تے توں میرے وچ پئی تانجو کامل ہو کے اک ہوجان تے دُنیا جانے پئی توں مینوں گھلیا ۔ تے جس طرح توں مینوں پیار کیتا اوسے طرح تو اُہناں نوں بھی پیار کیتا۔
۲۴۔اے باپ میں چاہنا ہاں پئی جتھے میں ہاں اُہ بھی جہڑے توں مینوں دتے نے۔ میرے نال ہون ۔ تا نجو اُہ میرا جلال جہڑا توں مینوں دتا ویکھن کیونجو توں دُینا دے بنن تھوں پہلاں ہی مینوں پیار کیتا۔
۲۵۔ اے منصف باپ دُنیا تینوں نئیں جانیا پر میں تینوں جانیا ۔ تے اُہناں جانیا پئی توں مینوں گھلیا ۔
۲۶۔تے میں اُہناں نوں تیرے ناں تھوں واقف کر ایا تے کراونگا بھی ۔ تانجو اُہ پیار جہدے نال توں مینو ں پیار کیتا اُہناں وچ ہووے تے میں اُہناں وچ ہوواں ۔

۱۔ اہ گلاں آکھ کے یسوع اپنے شاگرداں نال قدر دن دے نالیوں پار گیا اُتھے اک باغ سی جہدے وچ اُہ تے اُہدے شاگرد جاوڑے ۔
۲۔ تےیہوداہ اُہدے پھڑان والے نوں اُہ تھاں معلوم سی کیونجو یسوع اکثر اپنے شاگرداں نال اُتھے بہت جاندا ہندا سی ۔
۳۔ سو یہودا سپاہیاں دی پلٹن تے سردار کاہناں تےفریسیاں ولوں پیادے لے کے لالٹیناں تے مسالاں تے ہتھیارا ں سنے اُتھے آیا ۔
۴۔ تد یسوع جوکجھ اُہدے اُتے ہونا سی جان کے باہر نکلیا تے اُہناں نوں آکھیا تسیں کہنوں لبھدے ہو ؟
۵ ۔ اُہناں اُہنوں جواب دتا یسوع ناصری نوں ۔ یسوع اُہناں نوں آکھیا اُہ میں ہی ہا ں ۔ تے یہودا بھی جس اُہنوں پھڑوائیا اُہندے نال کھلوتا ہوئیا سی ۔
۶۔تے جد اوس آکھیا میں ہی ہاں اُہ پچھاں ہٹکے زمین اُتے ڈگ پئے ۔
۷۔ ایس لئی اوس اُُہناں تھوں پھیر پچھیاں تسیں کہنو ں لبھدے ہو؟ اُہناں آکھیا یسوع ناصری نوں ۔
۸۔ یسوع جواب دتا میں جو تہانوں آکھیا پئی اُہ میں ہاں ۔ سو جے کرتسیں مینوں لبھدے ہو تاں اُہناں نوجان دئیو۔
۹ تاں جو اُہ گل جہڑی اوس آکھی سی پوری ہووے پئی جہناں نوں توں مینوں دتا ہے تا ں اُہناں وچوں میں اک بھی نہ گوایا ۔
۱۰ ۔ تد شمعون پطرس تلوار جہڑی اُہدے کول سی کھچی تے سردار کاہن دے نوکر اُتے چلائی تے اُہدا سچا کن وڈھ سُٹیا ۔ اوس نوکر دا ناں ملکوس سی ۔
۱۱۔ تد یسو ع پطرس نوں آکھیا تلوار میان کر ۔ اُہ پیالہ جہڑا باپ مینوں دتا ہے میں نہ پئیاں؟
۱۲۔ سپاہیاں دی پلٹن تے صوبہ دار تے اُہنوں بنھ لیا ۔
۱۳۔ تے پہلاں اُہنوں حنا کول لے گئے کیونجو اُہ کائفا دا سوہر سی جہڑا اوس ورھے سردار کاہن سی ۔
۱۴۔ تے کائفا اہو سی جہن یہودیاں نوں صلاح دتی پئی قوم دے بدلے اک آدمی دا مرنا چنگا ہے ۔
۱۵۔ تے شمعون پطرس یسوع دے مگر ٹر پیا تے دُجا شاگرد بھی ۔ تے نال ہی سردار کاہن دا واقف سی ،۔ تے اُہ یسوع دے نال ہی سردار کاہن دے وہڑے دے اندر ٹر گیا ۔
۱۶۔پر پطرس باہر بوہے کول کھلوتا رہیا ۔ تد دُجا شاگرد جہڑا سردار کاہن دا واقف سی باہر گیا تے درنابن نوں آکھ کے پطرس نوں اندر واڑ لیا ۔
۱۷۔ تد دربانن کُڑی پطرس نوں آکھن لگی تو ں بھی ایس آدمی دے شاگردا ں وچوں ہیں ؟ اوس آکھیاں میں نیئں ہاں ۔
۱۸۔ تے نوکر تے پیادے کولیاندی اگ بھکھا کے سیک دے سان کیونجو پالا پیندا سی ۔ تے پطرس بھی اُہناں دے نال کھلو کے پیا سیکدا سی ۔
۱۹۔ سو سردار کاہن یسوع نوں اُہدے شاگرداں تے اُہدی تعلیم دی بابت پچھیا ۔
۲۰۔ یسوع اُہنوں جواب دتا پئی میں کھلم کھلا دُینا وچ گلاں کیتیاں نے تے ہمیش عبادت خانے تے ہیکل وچ جتھے سارے یہودی اکٹھے ہندے نے میں تعلیم دتی ۔ تے چھپا کے میں کجھ نئیں آکھیا ۔
۲۱۔ توں متیھوں کیوں پچھنا ہیں ؟ اُہناں کولو ں پچھ لے پئی میں اُہناں نوں کیہ آکھیا جو کجھ میں آکھیا سو اُہ جاندے نے ۔
۲۲۔ تے جد اوس اہ آکھیا پیادیاں وچوں اک نے جہڑا کول کھلوتا ہوئیا سی یسوع نوں اہ آکھ کے دھپا مارپئی سردار کاہن نوں توں ایس طرح جواب دینا ہیں ؟
۲۳۔ یسوع اُہنوں جواب دتا جے میں بُرا آکھیا تاں اوس بُریائی دی گواہی دے ۔ پر جے چنگا آکھیا تاں توں مینوں کاہنوں مارنا ہیں ۔
۲۴۔ تد حنا نے کائفا سردار کاہن کول اُہنوں بدھیاں بدھایاں گھل دتا۔
۲۵۔ تے شمعون پطرس کھلو کے پیا سکدا سی تد اُہناں اُہنوں آکھیا توں بھی اُہدے شاگرداں وچوں ہیں ؟ اُہ مکرپیا تے آکھیا میں نئیں ہاں ۔
۲۶۔ سردار کاہن دے نوکر اں وچوں اک نے جہڑا اہدا ساک سی جہدا کن پطرس وڈھ سٹیا سی آکھیا میں تینوں اُہدے نال باغ وچ نئیں سی ڈٹھا؟
۲۷۔ تد پطرس پھیر مُکر گیا تے جھٹ کُکڑ نے بانگ دتی ۔
۲۸۔ تد اُہ یسوع نوں کائفا لوکوں کچری وچ لے گئے تے سویر دا ویلا سی ۔ تے اُہ پر فسح کھا سکن ۔
۲۹۔ سو پیلاطس اُہناں دے کول باہر نکل آیا تے آکھن لگا تسیں ایس آدمی اُتے کیہ جرم لاندے؟
۳۰۔ اُہناں اُہنوں جواب دتا جے اہ بد کار نہ ہندا تاں اسی اُہنوں تیرے حوالے نہ کردے ۔
۳۱۔ سو پیلاطس اُہناں نوں آکھیا تسیں اُہنوں لے جاؤ تے اپنی شریعت موجب اُہدا فصیلہ کرو یہودیاں اُہنوں آکھیا پئی ساڈے واسطے روانئیں پئی کسے نوں ماردیئے ۔
۳۲۔ تانجو یسوع دی اہ گل جہڑی اوس اشارے نال آکھی سی پوری ہووے پئی میں کہڑی موت نال مرانگا ۔
۳۳۔ تد پیلاطس پھیر کچری دے اندر گیا تے یسوع نوں سد کے اُہنوں ااکھیا توں ہی یہوددیاں ندا بادشاہ ہیں ؟
۳۴۔ یسوع اوہنوں جواب دتا توں اپنے ولوں اہ گل آکھنا ہیں ۔ یا ہور ناں تینوں میرے حق وچ آکھیا ہے؟
۳۵۔ پیلاطس جواب دتا میرا حوالے کیتا ہے توں کیہ کیتا ہے ؟
۳۶۔ یسوع جواب دتا میرا راج ایس دُنیا دا نئیں ہے جے میرا راج ایس دُنیا دا ہندا تا ں میرے پیاد ے لڑائی کردے تانجو میں یہودیاندے حوالے نہ کیتا جاندا ۔ پر حا ل تاں میرا راج ایتھوں دا نئیں ہے۔
۳۷۔ تد پیلاطس اُوہنوں آکھیا ۔ تاں پھیر توں بادشاہ ہیں؟ یسوع جواب دتا تے آکھیا توں آپی آکھنا ہیں پئی میں بادشاہ ہاں ۔ میں سچیائی اُتے گواہی دیاں ہر اک جہڑا سچیائی دا ہے میری آواز سُندا ہے۔
۳۸۔ پیلاطس اوہنوں آکھیا سچیائی کیہ ہندی ہے ؟ تے آکھ کے اُہ پھیر یہودیاں کول باہر گیا تے اُہنا ں نوں آکھن لگا مینوں اُہدے وچ کجھ جرم نئیں لبھدا ۔
۳۹۔ پرتہاڈا دستور ہے پئی میں عید فسح اُتے تہاڈے لئی اک نوں چھڈیا ں سوتسیں چاہندے ہو پئی تہاڈے لئی میں یہودیاں دے بادشاہ نوں چھڈادیاں ؟
۴۰ ۔ تد اُہناں اُچی اُچی آکھیا اُہنوں نئیں پر برابا نوں ۔ تے برابا اک ڈاکو سی ۔

۱۔ سو اوس ویلے پیلاطس یسوع نوں لیکے کوٹلے مروائے ۔
۲۔ تے سپاہیاں نے کنڈیاں دا تاج بنا کے اُہدے سر اُتے رکھیا تے نالے اُہنوں قرمزی چوغہ پایا ۔
۳۔ تے اُہدے کول آکے آکھن لگے اے یہودیاں دے بادشاہ سلام تے اُہنوں دھپے مارے ۔
۴۔ تد پیلاطس پھیر باہر جاکے اُہناں نوں آکھیا ویکھو میں اُہنوں تہاڈے کول لیاؤنا ہاں تانجو تہانوں معلوم ہووے پئی میں اُہدے وچ کم کوئی جرم نئیں ویکھدا ۔
۵۔ یسوع کنڈیاں دا تاج تے قرمزی چوغہ پایاں ہویاں باہر آیا ۔ تے پیلاطس اُہناں نوں آکھیا ویکھو ایس آدمی نوں ۔
۶۔ سو جد سردار کاہناں تے پیادیاں اُہنوں یکھیا اُہناں اُچی اُچی آکھیا ۔ صلیب دے صلیب دئیو ۔ کیونجو میں اُہدے وچ کوئی جرم نئیں ویکھدا ۔
۷۔ یہودیاں اُہنوں جواب دتا پئی اسی شریعت والے ہاں تے شریعت موجب اُہ قتل کرن دے لائق ہے ایس لئی پئی ایس اپنے آپ نوں خُدا دا بیٹا بنایا ۔
۹۔ تے کچری دے اندر پھیر گیا تے یسوع نوں آکھیا پئی توں کتھوں دا ہیں ، پر یسوع اُہنوں جواب نہ دتا ۔
۱۰۔ پیلاطس اُہنوں آکھیا میرے نال توں نئیں بولدا؟ توں نئیں جاندا پئی میرے وس وچ ہے تینوں چھڈنا تے میرے وس وچ ہے تینوں صلیب دینا ؟
۱۱۔ یسوع اُہنوں جواب دتا پئی تیرا میرے اُتے کجھ وی وس نہ ہُندا جے تینوں اُتوں دتا نہ جاندا ۔ ایس لئی جس مینوں تیرے حوالے کیتا اُہدا ودھ گناہ ہے ۔
۱۲۔ ایس گل پیلاطس اُہنوں چھڈن دا موقع لھیا ۔ پر یہودیا ں اُچی اُچی آکھیا پئی جے توں اُہنو ں چھڈ دینگا تاں توں قیصر دا دوست نئیں میں ہر اک جہڑا اپنے آپ نوں بادشاہ بناندا ہے قصیر دے خلاف آکھدا ہے ۔
۱۳۔ تد پیلاطس اہ گلا ں سُن کے یسوع نوں باہر لے آیا تے اک تھاں جہدا ناں چبوترہ ( تے عبرانی بولی وچ گپناسی) ہے تخت اُتے بیہ گیا ۔
۱۴۔ تےفسح دی تیاری سی تے چھونیک گھڑی سی تے اُہ یہویاں نوں آکھن لگا ویکھو اپنا نادشاہ ۔
۱۵۔ پر اُہ اُچی اچی آکھن لگے پئی لے جانے جا اُہنوں صلیب دے پیلاطس اُہناں نوں آکھیا میں تہاڈے بادشاہ نوں صلیب دیاں ؟ سردر کاہناں جواب دتا قصیر باجھوں ساڈا کوئی بادشاہ نئیں ہے۔
۱۶۔ تد اوس اُہنوں صلیب دین نوں اُہناں دے حوالے کیتا ۔ تد یسوع نوں لے گئے ۔
۱۷۔ تے اُہ اپنی صلیب چُک کے شہروں باہر اوس تھاں نوں جہنون کھوپری دی جگہ (تے عبرانی بولی وچ گلگتا آکھدے نے) گیا۔
۱۸۔ اوتھے اُہناں اُہنوں صلیب دتا تے اُہدے نال ہور نال ہور دُوں نوں اک نوں اک پاسے تے اک نوں اک پاسے تے یسوع نوں وچکار ۔
۱۹۔تے پیلاطس نے اک پٹی بھی لکھ کے صیلب اُتے لوا دتی تے لکھیا ہویا اہ سی یسوع ناصری یہودیاں دا بادشاہ ۔
۲۰ تے ایس پٹی نوں بہت یہودیاں نے پڑھیا کیونجو اُہ ےتھاں جتھے یسوع صیلب دتا گیا سی شر دے نیڑے سی ۔
۲۱۔ تد یہودیاں دے سردار کاہناں پیلاطس جواب دتا پئی جو میں یہودیاں دا بادشاہ نہ لکھ پر اہ پئی اوس آپی آکھیا پئی میں یہودیاں دا بادشاہ ہاں ۔
۲۲۔ پیلاطس جواب دتا پئی جو میں لکھیا سو لکھ چھڈیا ۔
۲۳۔ تد سپاہیاں جد یسوع نوں صلیب دے دتا اُہدے کپڑے لے کے چارحصے کیتے اک اک واسطے اک اک حصہ تے اُہدا کڑتا بھی لیا ۔ تے اُہ کڑتا ان سینا سارا اُنیا ہوئیا سی۔
۲۴۔ تد اُہناں اک دُجے نوں آکھیا اُہنوں پاڑئیے نہ ۔پر اہدے اُتے گنے پایئے پئی کہدا ہووے تانجو اُہ نوشتہ پورا ہووے جہڑا آکھیا گیا سی پئی اُہناں میرے کپڑے ونڈ لئے تے میری پوشاک اُتے گنے پاسے ۔ سواہ گلاں سپاہیاں کییتاں ۔
۲۵۔ یسوع دی صلیب کول اُہدی ماں تے اُہدی ماسی کلو پاس دی وہٹی مریم مگدلینی کھلوتیاں ہوئیاں سان ۔
۲۶۔ سو یسوع اپنی ماں نوں تے نالے اوس شاگرد نو ں جہنون پیار کردا سی کول کھلوتا ہوئیا ویکھ کے اپنی ماں نوں آکھیا اے عورت اہ رتیرا پُتر ہے۔
۲۷۔ پھیر شاگرد نوں آکھیا پئی ویکھ اہ تیری ماں ۔ تے اوسے گھڑی شاگرد اُہنوں اپنے گھر لے گیا۔
۲۸۔ اُہدے پچھوں یسوع اہ جان کے ہُن سب کجھ پورا ہو گیا ہے تانجو نوشتہ بھی پورا ہووے آکھیا میں تریا ہاں ۔
۲۹۔ اُتھے اک سر کے دا بھرا ہوئیا بھانڈا رکھیا ہوئیا سی سو اُہناں اسفنج نوں سرکے نال بھیون کے تے زدفے دی لکڑی اُتے رکھ کے اُہدے منُہ نال لایا۔
۳۰۔ جد یسوع سرکا چھکیا تاں آکھیا پورا ہوئیا تے سرجھکا کے جان دے دتی ۔
۳۱۔ تد ایس لئی پئی تیاری دا دن سی یہودیا ں پیلاطس اگے عرض کیتی پئی اُہناں دیاں لتاں بھنیاں جان تے اُہ لا ہے جان تانجو سبت دے دن صلیب اُتے لوتھاں نہ رہن کیونجو اُہ سبت دا دن سی ۔
۳۲۔ تد سپاہیا ں آکے پہلے دیاں لتاں بھنیاں تے دُجے دیاں بھی جہرا اُہدے نال صلیب دتا گیا سی ۔
۳۳۔ پر یسوع دے کول آکے جدویکھیا پئی اُہ مر گیا ہے تاں اُہدں لتاں نہ بھنیاں ۔
۳۴ ۔تد بھی سپاہیاں وچوں اک نے برچھی نال اُہدی وکھی وہنی تے اونویں ہی لہُو تے پانی نکلیا ۔
۳۵۔ تے جس ویکھیا اہ گواہی دتی ہے تےاُہدی گواہی سچی ہے تے اُہ جاندا ہے پئی میں سچ آکھنا ہاں ۔ تانجو تسیں بھی ایمان لیاو ۔
۳۶۔ اہ ایس کر کے ہوئیا تانجو نوشتہ پورا ہووے پئی اُہدی کوئی ہڈی بھی نہ جاویگی ۔
۳۷۔ تے دُوجا نوشتہ بھی آکھدا ہے پئی اُہ اُہدے ول ویکھن گے جہنوں اُہناں ونھیا ہے۔
۳۸۔ ایدوں پچھوں ارمیتا دے رہن والے یوسف نے جہڑا یسوع دا شاگرد سی ۔پر یہودیاندے ڈردے ماریاں گھجے گھجے ۔ پیلاطس اگے عرض کیتی پئی یسوع دی لوتھ لے جاں ۔ تے پیلاطس اجازت دتی سو اُہ آکے اُہدی لوتھ لے گیا۔
۳۹۔ تے نیکدیمس بھی جہڑا پہلاں یسوع کول رات نوں آیا سی پنجاہ کو سیر مُر تے عود رلے ہوئے نال لے کے آیا ۔
۴۰ ۔ سو اُہناں یسوع دی لوتھ لے دستور دے موجب دھیلٹی ۔
۴۱۔ تے اوس تھاں جتھے اُہ صیلب دتا گیا اک باغ سی تے اوس باغ وچ اک نویں قبرسی جہدے وچ کدے کوئی نیئں سی رکھیا گیا۔
۴۲۔ اُتھے ہی یہودیاں دی تیاری دے سبب کر کے (قبر کول جو سی ) یسوع نوں رکھیا۔

۱۔ ہفتے دے پہلے دن مریم مگدلینی وڈے ویلے اجے ہییرا ہی سی قبر اُتے آئی تے ویکھیا پئی قبروں پتھر رہڑیا ہویا ہے۔
۲۔ تد اُہ شمعون پطرس تےاوس دُجے شاگرد کول جہنوں یسوع پیار کردا سی نٹھی آئی تے اُہناں نوں آکھن لگی اُہناں خُداوند نوں قبر وں کڈھ لیاہے تے سانوں پتہ نئیں پئی اُہنوں کتھے رکھیا ۔
۳۔ تد پطرس تے اُہ دُجا شاگرد نکلے تے قبر اُتے آئے ۔
۴۔ تے دونویں اکھٹے بھجے تے دُجا شاگرد پطرس نالو ں بھجن وچ ودھ گیا ۔ تے قبر اُتے اپڑیا ۔
۵۔ تے نیوں کے سوتی کپڑیاں نوں پیاہوئیا ڈٹھا پر اُہ اندرنہ وڑیا۔
۶۔ تد شمعون پطرس بھی اُہدےمگروں اپڑگیا تے قبر دے اندر وڑیا ۔ تے سوتی کپڑیاں نوپیا ہوئیا ویکھیا ۔
۷۔ تے اوس رومال نوں جہڑے اُہدے سر دوالے سی سوتی کپڑیاں دے نال نئیں سگوں اک تھاں وکھرا وھیٹیاہو یا پیاسی ۔
۸۔ سو اوس ویلے دُجے شاگرد نے بھی جہڑا پہلا ں قبراُتے اپڑیا اندوڑ کے ویکھیا ۔ تے یقین کیتا ۔
۹۔ایس لئی پئی اجے توڑی اُہ اوس نوشتے نوں نئیں سان سمجھدے پئی اوس ضرور مردیاں وچوں جی اُٹھنا ہے ۔
۱۰۔ سوشاگردا پنے گھرنوں پھیڑ مڑگئے ۔
۱۔ پر مریم باہر وار قبردے کول کھلوتی ہوئی روندی سی ۔ تے روندیاں ہوئیاں نیوں کے قبردے اندرڈٹھا۔
۱۲۔ پئی دو فرشتے چٹے کپڑے پائے ہوئے اک سر ہاندی تے دُوجا پواندی جتھے یسوع دی لوتھ پئی سی بیٹھے نے۔
۱۳۔ تے اُہ اُہنوں آکھن لگے اے عورت توں کیوں رونی ہیں ؟ اوس اُہناں نوں آکھیا ایس لئی پیئ میرے خُداوند نوں چُک لے گئے نے تے میں نئیں جاندی پئی اُہنوں کتھے رکھیا ہے۔
۱۴۔ اہ آکھ کے اُہ پچھاں مڑی تے یسوع نوں کھلوتا ویکھیا تے نہ آکھ جاتا پئی اہ یسوع ہے ۔
۱۵۔ یسوع اُہنوں آکھیا اے عورت توں کیوں رونی ہیں ؟ توں کہنوں لبنھی ہیں ؟ اوس اہ سمجھ کے پئی مالی ہے اُہنوں آکھیا اے میاں جے توں اُہنوں لیگیا ہیں تا ں دس پئی کتھے رکھیا ہے تےمیں اُہنوں لے جانگی ۔
۱۶۔ یسوع اُہنوں آکھیا اے مریم ! اوس پچھاں مُڑ کے عبرانی بولی وچ آکھیا اے ربی یعنی اے اُستاد ۔
۱۷۔ یسوع اُہنوں آکھیا مینوں نہ چھوہ کیونجو اجے میں باپ کول اُتاہاں نئیں گیا ہا ں ۔ پر میرے بھرا وا ں دے کول جا۔ تے اُہناں نوں آکھ پئی میں اپنے باپ تے تہاڈے باپ کول تے اپنے خُدا تے تہاڈے خُدا کول اُتا ہاں جانا ہا ں ۔
۱۸۔ مریم مگدلینی آکے شاگرداں نوں دسیا پئی میں خُداوند نوں ڈٹھا ہے تے اوس مینوں اہ گلا ں آکھیاں نے ۔
۱۹۔ پھیر اوسے دن جہڑا ہفتے دا پہلاں دن سی ترکالاں ویلے جہڑے تھاں یہودیا ں دے ڈر دے ماریاں شاگردں بوہے مارے ہوئے سان یسوع وچکار آکھلوتا تے اُہناں نوں آکھیا تہاڈی سلامتی ہووے ۔
۲۰ ۔ تےاہ آکھ کے اُہناں نوں اپنے ہتھ تے وکھی وکھائی ۔ تد شاگرد خدواند نو ں ویکھ کے خوش ہوئے ۔
۲۱۔ تد یسوع اُہناں نوں پھیر آکھیا تہاڈی سلامتی ہووے باپ نے جس طرح مینوں گھلیا ہے اوسے طرح میں تہانوں گھلنا ہاں ۔
۲۲۔ تے اہ آکھ کے اُہناں اُتے پُھوک ماری تے اُہناں نوں آکھیا ہا ں پاک روح لو ۔
۲۳۔ جہناں دے گناہاں نوں تسیں بخشو اُہناں دے بخشے گئے نے تے جہناں دے تسیں قائم رکھو اُہناں دے قائم رکھے گئے نے۔
۲۴۔ پر جدوں یسوع آیا تد بارہاں وچوں اک جنا توما جہنوں جوڑا آکھدے نے اُہناں دے نال نئیں سی ۔
۲۵۔ دُجے شاگرداں آکھیا ں اساں خُداوند نوں ویکھیا ہے ۔ پر اوس اُہناں نوں آکھیا جنا چر میں اُہدے ہتھاں وچ کلاں دے چھیک نہ ویکھاں تے کلاں دے چھیلکا ں وچ اپنی اُنگلی نہ پاں تے نہ اُہدی وکھی وچ اپنا ہتھ پاں اوناں چر میں کدے نہ منانگا ۔
۲۶۔ تے اٹھاں دناں پچھوں پھیر اُہدے شاگرد اندر سان تے نوما اُہناں دے نال سی بوہےوجے ہوئے سان یسوع آیا تے وچکار کھلو کے آکھیا تہاڈی سلامتی ہووے ۔
۲۷۔ تد اوس توما نوں آکھیا اپنی اُنگل اُراں کرتے میرے ہتھا ننوں ویکھ تے اپنا اُراں کر تے میری وکھی وچ پاتے بے اعتبار نہ ہو پر اعتبار کر ۔
۲۸۔ توما اُہنوں آکھیا اے میرے خُداوند اے خُدا ۔
۲۹۔ یسوع اُہنوں آکھیا ایس کر کے پئی توں مینوں ویکھیا ہے توں ایمان لیاؤن ہے مبارک اُہ نے جہناں ڈٹھا نئیں تد بھی ایمان لیاؤندا ۔
۳۰ ۔ تے بہت ہور بھی کراماتاں یسوع شاگرداں دےسامنے کیتیاں جہڑیاں ایس کتاب وچ نئیں لکھیاں گئیاں۔
۳۱۔ پر اہ لکھیاں گئیاں نے تانجو تسیں ایمان لیاؤ پئی یسوع جو ہے اُہو مسیح خُدا دا بیٹا ہے تے ایمان لیا کے اُہدے ناں تھوں تہانوں زندگی ملے۔

۱۔ اُہناں گلاں دے پچھوں یسوع پھیر طبریاس دے سمندر اُتے اپنے آپ نوں شاگرداں اُتے ظاہر کیتا ۔ تے اوس بس ایس طرح ظاہر کیتا ۔
۲۔ شمعون پطرس تے توما جہنوں جو ڑا ٓکھدے نے تے گلیل دے کانا دا نتنی ایل تے زبدی پُترتے اُہدے شاگرداں وچوں دو ہور اکٹھے ہوئے سان ۔
۳۔ شمعون پطرس اُہناں نوں آکھیا میں مچھیاں پھڑن جانا ہاں اُہ اُہنو ں آکھن لگے اسی بھی تیرے نال چلنے ہاں ۔ اُہ باہر نکلے بیڑی اُتے چڑھ بیٹھے تے اوس رات کجھ نہ پھڑیا ۔
۴۔ جددن چڑھن لگا یسوع کنڈے اُتے آکے آکھلوگیا پر شاگرد نئیں سان جاندے پئی اہ یسوع ہے۔
۵۔ تد یسوع اُہناں نو ں آکھیا اے بچیو ! تہاڈے کول کجھ کھان نوں ہے ؟ اُہناں اُہنوں جواب دتا پئی نئیں۔
۶۔ اوس اُہناں نو ں آکھیا بیڑیو ں سجے پاسے جال سٹوتاں پھڑو گے ۔ سو اُہناں سُٹیا تے ہُن بہتیاں مچھیاں دے سبب کر کے اُہ اُہنو کھچ نہ سکے۔
۷۔ ایس لئی اُہ شاگرد جہنوں یسوع پیار کردا سی پطرس نوں آکھن لگاہ تاں خُداوند ہے ۔ سو جد شمعون پطرس اہ سُنیا پئی اہ خُداوند ہے تد اپنا کپڑا لک نال (کیوں جو ننگا سی ) تے سمندر وچ چھال ماری ۔
۸۔ پر ہور شاگرد مچھیا ں دا جال کھچدے ہوئے نکی بیڑی وچ آئے ایس لئی پئی اُہ کنڈھے تھوں دُور نئیں سان پر دوک سو ہتھ دی رتھ سی ۔
۹۔ سو جد اُہ کنڈھے اُتے اُترے کولیاں دی اگ دھری ویکھی تے اُہدے اُتے مچھی رکھی ہوئی تے نال روٹی ۔
۱۰ ۔ یسوع اُہناں نوں آکھیاں جہڑیاں مچھیاں تساں ہُن پھڑیاں نے اُہناں وچوں لیاؤ۔
۱۱۔ سو شمعون بیڑی اُتے چڑھ کے جال نوں زمین اُتے کھچیا تے اُہ اک سو ترونجاں وڈیاں مچھیاں نال بھریا ہویا سی ۔ تے بھانویں اینیاں ساریاں سان پر جال نہ ٹٹا ۔
۱۲۔ یسوع اُہناں نوں آکھیا آوروٹی کھاؤ تے شاگرداں وچوں کسے نوں پچھن دی دیری نہ ہوئی پئی توں کون ہیں ؟ کیونجو اُہ جاندے سان پئی اُہ خُداوند ہی ہے ۔
۱۳۔ یسوع آ کے روٹی لئی تے اُہناں نوں دتی اس طرح مچھی بھی ۔
۱۴۔ ہُن اہ تریجی وار ہے پئی یسوع مردیاں وچوں جی اُٹھن دے پچھوں شاگرداننوں دکھائی دتی ۔
۱۵۔ اے شمعون یوحنا دے پُتر توں اُہناں نالوں میرے نال ودھ پیار کرنا ہیں تے اوس اُہنوں آکھیا اے خُداوند توں تے جاننا ہیں پئی میں تیرے نال محبت رکھنا ہاں اوس اُہنوں آکھیا میرے لیلیاں نوں چار ۔
۱۶۔ پھیر دُجی وار اُہنوں آکھیا اے شمعون یوحنا دے پُتر توں میرے نال پیار کرنا ہیں ؟ اوس اُہنوں آکھیا خُداوند توں تے جاننا ہیں پئی میں تیرے نال محبت کرنا ہاں ۔ اوس اُہنوں آکھیا میریاں بھیڈاں نوں پال ۔
۱۷۔ او س اُہنوں تریجی وار آکھیا توں مینوں پیار کرنا ہیں ؟ پطرس اُدس ہویا تے اُہنوں آکھیا اے خُداوند توں ہی سب کجھ جاننا ہیں تینوں معلوم ہے پئی میں تینوں محبت کرنا ہاں ۔ یسوع آکھیا ں میریاں بھیڈاں نوں چار ۔
۱۸۔ میں تینوں سچ سچ آکھنا ہاں جد توں جوان سیس توں اپنا آپ دانے جتھے جی کردا سی ٹر دا پھردا سیس پر جدوں تو ں بڈھا ہوویئگا تواپنے ہتھ پسارنیگا تے دوجا تیرا مالک نبھینگا تے جتھے تیرا جی نیئں ،کر دا اُتھے تینوں چک لے جائیگا ۔
۱۹ ۔ اوس ایس گل نال اشارہ کیتا پئی اُ ہ کہڑی موت نال خُدا دی وڈیائی کریگا تے اُ ہ آکھے آکھیا میرے مگرآ۔
۲۰ ۔ پطرس پچھاں مڑ کے اوس شازگردنو ں جہنوں یسوع پیار کردا سی مگر آؤندیاں ویکھیا جس رات دی روٹی ویلے بھی اُہدی ہک اُتے ڈھا سنا لائیاں ہوئیاں آکھیا سی اے خُداوند اُہ کون ہے جہڑا تینوں پھڑواندا ہے ؟
۲۱۔ سو پطرس اُہنوں ویکھ کے یسوع نوں آکھیا اے خُداوند کیہ ہوویگا ؟
۲۲۔ یسوع اُہنوں آکھیا جے میری مرضی ہووے پئی اہ میرے آؤن توڑی رہے تاں تینوں کیہ ؟ تو ں میرے مگر آ۔
۲۳۔ تد بھا ئیاں وچ اہ گل مشہور ہو گئی پئی اُہ شاگرد نہ مریگا تاں بھی یسوع اُہنوں اہ نئیں سی آکھیا پئی اہ مریگا پر اہ جے میری مرضی ہوئے پئی اہ میرے آؤن توڑی رہے تاں تینوں کیہ؟
۲۴۔ اہ اُہو ہی شاگرد ہے جہڑا اُہناں گلاں دی گواہی دیندا ہے تے ۔ جس اہ گلاں لکھیاں تے اسی جاننے ہاں پئی اُہدی گواہی سچی ہے۔
۲۵۔ تے ہور ڈھیر سارے کم نے جہڑے یسوع کیتے جے اُہ وکھو کھرے لکھے جاندے تاں میں سمجھنا ہاں پئی جہڑیاں کتاباں لکھیاں جاندیاں اُہ دنیا وچ نہ سماندیاں ۔