پولس رسُول دا پہلاں خط تمیتھیس دےناں

۱۔پولس وَلّوں جہڑا ساڈے نجات دین والے خداتے ساڈی اُمید مسیح یسوع دےحکم نال مسیح یسوع دا رسول ہے ۔
۲۔ تمیتھیس دے ناںن تےجہڑا یمان وچ میرا سچا پتر ہے فضل رحم تےتسلی خدا باپ تے ساڈے خداوند مسیح ولوں تینوں ملدی رہے ۔
۳۔جیکراں مکدنیہ جان دے ویلے میں تینوں نصیحت دتی ہی پئی افسس وچ رہ کے بعضیا ں بند یاں نو ں حکم دیاکر پئی اُہ ہور طرح دی تعلیم نہ دین ۔
۴۔تے اُہناں کہا نیاں تے بے انت شجریاں دا خیا ل نہ کرن جہڑے جھگڑ ے دا سبب ہندے نے تےاوس خدا ئی بندوبست موجب نہیں جہڑا ایمان اُتے بنیاہویا ہے اوسے طرح میں ہن وی کرنا ہاں ۔
۵۔حکم دا مطلب اِہ پئی پاک دلی نیک نیتی تےسچے ایمان نال محبت ہووے ۔
۶۔اِہناں نوں چھڈ کے بہت بندے واہیات بکواس وَل پھر گئےنے۔
۷۔ تےشریعت دے اُستا د ببنا چاہندےنےسگوں جہڑیاں گلاں آکھدےنے تے جہناند اویقین نال وعدہ کردے نے اُہ اہناں نوں سمجھدے وی نہیں ۔
۸۔پر اسیں جاننے ہاں پئی شریعت چنگی ہےایس شرط تے پئی کوئی اُہنوں شریعت وانگوں ورتے ۔
۹۔یعنی اِہ سمجھ کے پئی شریعت راست لوکاں لئی مقر ر نہیں ہوئی سگوں بےشریعت تےکب لوکاں تے بے دیناں تے گنا ہیاں تےپلیتاں تے لچیا ں تے ماں پیو دے قتل کرن والیاں تے خونیاں ۔
۱۰۔تے زناہیاں تے منڈے بازاں ےت بردہ فرو شاں تےجھوٹھیاں تے جھوٹھی سونہہ کھان والیا ں تے اُہناں ننوں چھڈ کے تے ہور ٹھیک تعلیم دے اُلٹ کم کرن والیاں واسطے ہے ۔
۱۱۔ اِہ مبارک خدادےجلا ل دی اوس خوشخبری موجب ہے جہڑی میرے سپرد ہو ئی ہے ۔
۱۲۔میں اپنے طاقت دین ولاے مسیح یسوع داایس لئی شکر کرنا ہاں پئی اوس مینوں دیا نتدار جان کےاپنی ٹہل لئی مقرر کیتا ۔
۱۳۔بھا نویں میں پہلاں کفر آکھن والا تے ستاںوالا تے بے عزت کرن والا سا ں تد وی میرے اُتے رحم ہویا ایس واسطے پئی میں بےایمانی دی حا لت وچ نادانی نال اِہ کم کیتے سان ۔
۱۴۔تے ساڈے خداوند فضل اوس ایمان تے پیار دی را ہیں جہڑ ا مسیح یسوع وچ ہے بہت ودھ کے ہویا ۔
۱۵۔اِہ سچی گل ہےتے سبھنیں پاسیں منن والی ہے پئی مسیح یسوع گنا ہیاں نوں نجات دین واسطے دنیا وچ آیا جہناں وچوں میں ودھ کے ہا ں ۔
۱۶۔میرے اُتے ایس لئی رحم ہویا پئی یسوع مسیح میرے گنا ہی دا صد قہ اپنا پورا ظاہر کرے تانجو جہڑے لوک سدا دی زندگی لئی اُہدے اُتے ایمان لیاؤن گے۔اُہناں لئی نمونہ بناں ۔
۱۷۔ہن سدا جیون والے تے انڈٹھ تے ہمشہ دے بادشاہی یعنی اکلے خدا دی عزت تے جلال سدایتکر ہندا رہے ۔آمین ۔
۱۸۔میرے پتر تمتھیس اُہناں پشینگوئیاں موجب جہڑ یا ں پہلاں تیر ی بابت کیتاں گئیاں سان نینوں اِہ حکم سونپنا ہا ں ۔
تانجو توں اُ ہناں وچ چنگی لڑائی لڑیں ۔
۱۹۔ایمان تے نیک نیتی نوں قائم رکھیں ۔جہناندے چھڈن دا صدقہ بہتیاں لوکا ں دے ایمان د بیڑا غرق ہوگیا ہے ۔
۲۰۔اُہناں وچو ں ہمنیس تے سکندر نے اُہناں نوں میں شیطان دےوہتھ وچ دے دتا ہے ۔تانجو آکھن تھوں مڑ جاناں سکھن۔

۱۔میں ساریاں تھوں پہلاں اِہ نصیحت دینا ہا ں ۔پئی ساریاں بندیاں لئی دعا تے بنیتی تے عرض تے شکر کیتے جان ۔
۲۔بادشاہا ں تے اُچے رتبے والیاں ایس واسطے لئی کتیے جان پئی اسیں پوری دنیداری تے حلیمی تے امن تے ارمان نال زندگی کٹئے ۔
۳۔ اِہ ساڈے نجات دین والے خدانوں نیک تے چنگا لگدا ہے ۔
۴۔اُہ چاہندا ہے پئی سارے لوک نجات پان تےسچیا ئی تیکر اپڑ جان ۔
۵۔کیونجو خدا اِکّو ہی ہے تے خداتے بندیا ں وچ وچولاوی اِکو ہی ہے یعنی یسوع مسیح جہڑ انسان ہے ۔
۶۔جس ساریاں واسطے اپنےآ پ نوں قر بان کیتا تانجو پننگیاں ویلیاں وچ اُ ہد ی گواہی دتی جا ئے ۔
۷۔میں سچ آکھنا ہاں تے جھوٹھ نہیں آکھد ا پئی میں ایسے مطلب نال منادی کرن والا تے رسول تے غیر قوماں نوں ایمان تے سچائی دیاں گلا ں سکھان والا بنیا ہاں۔
۸۔میں چا ہناں پئی مرد سبھنیں تھا ئیں غصیوں تے جھگڑ ےبناں پاک ہتھ چک کے دعا منگیا کرن ۔
۹۔ایسے طرح زنانیاں حیا والے لباس نال شرم تے پرہیز گاری نال اپنے آ پ نوں سنوارن وال گندن تے سیو نےتے موتیاں تے بہتے مل والیاں کپڑ یاں نال نہیں ۔
۱۰۔سگوں جیکراں خدا دیاں منن والیاں نوں چاہیدا ہ ے پئی اپنے آپ نوں چنگے کماں نال سنوار ن ۔
۱۱۔زنانیاں نوں چپا تیاں پوری تابعداری نال سکھنا چاہیدا ہے ۔
۱۲۔تے میں اِہ انازت نہیں دیندا پئی زنانی سکھا ئے یا مرد اُتے حکم کرے سگوں چپ چپتی رہوے ۔
۱۳۔کیونجو پہلاں آدم نبا یا گیا سی تے اودوں پچھوں حوا ۔
۱۴۔تے آدم فریب سی کھاوا سگوں زنانی فریب کھاکے گناہ وچ پے گئی ۔
۱۵۔پر اولا جمن دا صدقہ نجات پا ئیگی ایس شرط نا ل پئی ایمان تے پیار تے پا کیزگی تے پرہینر گاری نال قائم رہے۔

۱۔سچی گل اِہ پئی جہڑا بندہ نگہبان ہونا چاہندا ہے اُہ چنگے کم دی تا نگہہ کردا ہے ۔
۲۔بے نقص تےاِک زنانی دا حصم تے پرہیز گار تے سوچ کرن والاتے نیک مزاح تے مسافراں دی ٹہل کرن والاتے سکھان وچ چنگا ہووے ۔
۳۔تے نہ نشے وچ ڈنڈ پان والا تے نہ کُٹن والا ہووے سگوں حلیم ہووے تےجھگڑ کرن والاتے پیسے دا پیارا نہ ہووے ۔
۴۔اپنے گھر دا چنگی طرح بست کرن والا ہووے تے اپنیاں بچیاں نوں پوری سنجید گی نال تابع رکھن والا ہووے ۔
۵۔(جدوں کوئی اپنے گھر دا ہی بند وبست نہیں کر سکدا تاں اُہ خد اد کلیسیا دی کیکراں راکھی کریگا ۔؟)
۶۔نواں مرید نہ ہووے متے فخر کرکے شیطان دی سزا پائے ۔
۷۔تے غیر قوماں وچ نیک نام ہونا چاہیدا ہے تانجو ملامت وچ تے شیطان دی پھا ئی وچ پھاس نہ جائے ۔
۸۔ایسے طرح خادماں نو ںوی سنجیدہ ہو نا چا ہیدا ہے نگلے شرابی تے نا جا یز نفع لین دے لالچی نہ ہون ۔
۹۔تے خدادت ایمان دے بھیت نوں صاف دل وچ حفا ظت نال رکھن ۔
۱۰۔اُہ وی پہلاں ازمائے جان پچھوں جے بے نقص نکلن تاں خدمت داکم کرن ۔
۱۱۔ ایسے طرح زنانیاں وی سنجید ہ ہونیاں چاہید یاں نے اُوج لان والیاں نہ ہون سگوںپرہیز گارتے ساریاں گلاں وچ ایمان دار ہون ۔
۱۲۔خادم اِکّو اِک زنانی دے خصم ہون تے اپنے بچیاں تے گھر اں دا چنگی طرح بند وبست کردےہون۔
۱۳۔کیونجو جہڑ ے خدمت دا کم چنگی طرح مکا ندے نے اُہ اپنے لئی چنگا رتبہ تے اوس ایمان وچ جہڑا یسوع مسیح اُتے ہے بڑی دلیری پاندے نے۔
۱۴۔تیرے کول چھیتی آؤن دی اُمید کرکے میں اِہ گلا ں تینوں لکھنا ہاں ۔
۱۵۔تے جے مینوں چر لگے تاں تُوں جان کے پئی خدا دے گھر یعنی جیو ند ے خدا دی کلیسیا وچ جہڑی سچا ئی داتھم تے نیہہ ہے کیکراں ورتنا چاہید اہے ۔
۱۶۔اِہدے وچ شک نہیں پئی دین داری دا بھید بڑا ہےیعنی اُہ بند ہ جہڑ ا جسم وچ ظاہر ہویا تے روح وچ راستباز بنیا تے فرشتیاں وچ وکھالی دتی غیر قوماں وچ اُہدی منادی ہوئی دنیا وچ منیا گیا ۔تے جلا ل وچ اُتا نہہ چکیا گیا ۔

۱۔پرروح صاف آکھد ہے پئی آؤن والیاں زمانیاں وچ بعض بھلان والیاں روحاں تے شیطان دیاں تعلیماں ول پھر جان گےتے ایمان نوں بھل جان گے۔
۲۔اِہ اُہناں جھو ٹھیاں بندیاں دے فر یب دا صدقہ ہوویگا جہناں اپنے دلاں نوں گویا تتے لوہے نال دا غی کتیا ۔
۳۔ اِہ لوک کرن تھوں ڈکن گے تے اُہناں کھا نیاں تھوں نفرت کرن دا حکم دین گے ۔جہڑ ےخدا ایسے لئی بنائے نے پئی ایمان دار تے سچ نوں پچھا نن والے لوک اُہناں نوں شکرکرکے کھان ۔
۴۔کیونجو خدادیاں بنا ئیاں ہو ئیاں ساریاں چیزاں چنگیاں نےتے کوئی شے انکا ر کرن جوگی نہیں ایس شرط نال پئی شکر کرکے کھا دی جائے ۔
۵۔ایس لئی پئی خدادےکلام تے دعا نال پاک ہندی ہے ۔
۶۔جےتوں بھرانواں نوں اِہ گل یاد کرائینگا تاں مسیح یسوع دا چنگا خادم بنے گا تے ایما ن تے اوس چنگی چیزدیاں گلاں نال جہناں نوں تُوں مندا آیا ایں پلد ارہےگا ۔
۷۔پر واہ ہیات تے بڈ ھیاں دیاں کہا نیاں تھوں لانبھے رہوتے دینداری لئی مشق کریا کر ۔
۸۔کیونجو جسمانی مشق دا فائد ا تھوڑے چر لئی ہے پر دینداری ساریاں گلا ں وچ فا ئد ہ دنیدی ہے ایس لئی پئی ہن وی تے آؤن والی زندگی دا وعد وی اِہدے نا ل ہی ہے ۔
۹۔اِہ سچی گل ہےتے سبھنیں پا سیں منن والی ہے ۔
۱۰۔کیونجو اسیں ایسے واسطے محنت تے جتن کرنے ہاں پئی ساڈی اُمید اوس جیوندے خدا تھوں ہے جہڑا سارے آدمیاننوں نجا ت دین والا ہے تےخاص کر ایمان والیاں نو ں ۔
۱۱۔اہناں گلا ں دا حکم دہ تے سکھا۔
۱۲۔کوئی تیری جوانی وَلّوں تیری حقارت نہ کرے سگوں ایمان والیاں لئی گلاں کرن تے چال چلن تے پیار تے ایمان تے پاکیزگی وچ نمونہ بن ۔
۱۳۔جد تیکر میں نہ آواں پڑ ھن تے نصیحت کرن تے سکھان ول دھیان رکھ ۔
۱۴۔اوس بخشش نوں نہ بھل جہڑی تیر ے کول ہے تے بنو ت دی راہیں بز رگاں دے ہتھ رکھن نال تینوں ملی سی ۔
۱۵۔اِہناں گلا ند ا فکرکرتے اِہناں وچ لگارُہ تانجو رتیر ے ودھن داساریاں نوں پتہ لگے ۔
۱۶۔اپنی تے اپنی تعلیم دی راکھی کراُہناں گلا ں اُتے پکار ہ کیو نجو اجہیا کرن نال توں اپنی تے سنن والیاں دی نجات دا سبب ہووینگا ۔

۱۔کسے بڈ ھے نو نہ جھڑکیں سگوں پیو سمجھ کے نصیحت کریں ۔
۲۔تے گبر و ؤاں نوں بھرا سمجھ کے تے بڈھیاں زنانیاں نوں ماں سمجھ کے تے مٹیا راں زنانیاں نوں پوری پاکیزگی نال بہن سمجھ کے ۔
۳۔اُہناں رنڈ یاں زنا نیاں دی جہڑیا سچی مچی رنڈ یاں نے عزت کریں۔
۴۔تےجےکسے رنڈی زنانی دے پتر پوترے ہون تاں پہلا ں اپنے گھرانے نال دینداری دا ور تاؤ کرنا سکھن تےماں پیو دا حق دین ۔
کیونجو اِہ خدانوں پسند ہے ۔
۵۔جہڑی سچی مچی رنڈی ہے تے اُہداکوئی وی نہیں اُہ خدا اُمید رکھدی ہےتےراتیں دنے بینتی تے دعا وچ لگی رہندی ہے۔
۶۔پر جہڑی شو قین بن گئی ہے اُہ جیوندیاں ہی مرگئی ہے ۔
۷۔اِہناں گلاں دا وی حکم دے تانجو اُہ بے الزام رہن ۔
۸۔جے کوئی اپنیاں تے خاص کراپنے گھروالیاں دی وی خبر نہ لوے تاں اُہ ایمان دا منکر تے بے ایمان نالوں وی بھیڑا ہے ۔
۹۔اُہ رنڈی کتا ب وچ لکھی جائے جہڑی سٹھاں ورھیاں تھوں گھٹ نہ ہووے تے اِکّو ہی خصم کیتا ہووے ۔
۱۰۔تے چنگیاں کماں وچ مشہور ہووے بچیاں نوں پالیا ہو وے تے پردیساں وی ٹہل کیتی ہووے تے مسیحیاں دے پیر دھوتے ہون تے خستہ حال والیاں دی مد کیتی ہووے تے سارے نیک کرن وچ لگی رہی ہووے ۔
۱۱۔پر مٹیار رنڈیاں دے ناں نہ لکھیں کیونجو جد اُہ مسیح دے اُلٹ جسم دےتابع ہو جاندیاں نےتے ویاہ کرنا چاہند یا ں نے ۔
۱۲۔تاں سزا دے لائق بن جاندیاں نے ایس لئی پئی اُہناں اپنے پہلے ایمان نوں چھڈ دتا ۔
۱۳۔تے نالے گھر گھر پھر کے دھلیاں رہناں سکھ جاندیاں نےتے نریاں ہی دھلیاں ہی نہیں رہندیاں سگوں بکواس کردیاں رہند یان نےتے دوجیاں دے کماںوچ دخل وی ویندیاں نےتے نا جائز گلاں آکھدیاں نے ۔
۱۴۔سو میں چاہنا ہاں پئی مٹیار رنڈ یاں ویاہ کرلین تے اولادجمن تے گھر دا بند ونست کرن تے کوئی ویر ی بھلا برا نہ آکھ سکے ۔
۱۵۔کیونجو بہتیاں بھل کے شیطا ن دیاں ہوگیاں نے۔
۱۶۔جےکسےایمان والی زنانی کول رنڈیاں زنانیاں ہون تاں اُہ ہی اُہناندی مدد کرے تے کلیسیا اُتے بھارنہ پائے تانجو اُہ اصلی رنڈیاں دی مدد کرسکے ۔
۱۷۔جہڑے بزرگ چنگا عمل کردےنے خاص کرکے اُہ جہڑے کلام تے تعلیم دی محنت کردے نےدونی عزت دے لا ئق سمجھے جان ۔
۱۸۔کیونجو پاک کتا ب اِہ آکھدی ہے پئی گاہ وچ وگدے بلد دا منہ نہ بنھ تے مزدوری مزدور داحق ہے ۔
۱۹۔جہڑا دعو ٰی کسے بزرگ اُتے کیتا جائے ۔اُہنوں دوتن گواہاں بناں نہ سُنیں ۔
۲۰۔گناہ کرن والیاں نوں ساریاں دے سامنے جھڑک تانجو دوجیاں نوں وی ڈر ہووے ۔
۲۱۔خداتے خداوند یسوع مسیح تےچنیاں ہویا ں فر شتیا ں دے سامنے میں تینوں آکھد دینا ہا ں پئی اہناں گلاں اُتے انصاف نال عمل کریں تے کوئی کم رئی نال نہ کریں ۔
۲۲۔ کسے بندے اُتے چھیتی نہ ہتھ رکھیں تے دوجیاں دے گناہ وچ نہ رلیں تے اپنے آپ نوں پاک رکھیں ۔
۲۳۔اگے نوں نراپانی نہ پیویں سگوں اپنے ڈھڈ ھ دی کمزوری دا صدقہ تھوڑی جہی مے وی ورتیاکریں ۔
۲۴۔بہتے بندیاں دے گناہ ظاہر ہو جاندے نے تے پہلاں ہی عدالت وچ اپڑی جاندے نےتے بہیتاں دے پچھوں اپڑ دے نے ۔
۲۵۔ایسے طرح بہتے چنگے کم وی ظاہر ہوجاندے نے تے جہڑ ے ہوری طرح دے نےاُہ وی چھپ نہیں سکدے ۔

۱۔جہڑے نوکر جولے ہیٹھ نے اپنے اپنے مالکاں نوں پوری عزت دے لائق جانن تانجو خداداناں تے تعلیم بد نام نہ ہووے ۔
۲۔تے جہناں دے مالک ایمان والے نےاُہ اُہناں ننو ں بھراہون دا صداقہ حقیر نہ جانن سگو ایس لئی ودھ کے اُہناند ی ٹہل کرن پیہ فا ید ہ لین والے ایماندار تے پیارےنے تُوں اِہناں گلا ں دی تعلیم تےنصیحت دِہ۔
۳۔جیکوئی بندہ ہور تعلیم دیندا ہےتے ٹھیک گلا ں نوں یعنی ساڈے خداوند یسوع مسیح دیاں گلاں تے تعلیم نہیں ہندا جہڑی دینداری موجب ہے ۔
۴۔اُہ مغرور ہے تے کجھ وی نہیں جاندا سگوں اُہنوں بحث تے لفظی جھگڑیاں دی بیماری ہے جہناں توں ساڈے لڑ ائیاں تے بد گوئیاں تے بد نیتی ۔
۵۔تے اُہناں آدمیاںوچ جھگڑ ے ہندے نے جہناند ی عقل بگڑگئی ہے تے سچیائی تھو ں خالی نے تے دینداری نوں نفع لین دا وسیلہ سمجھدےنے
۶۔ہاں دیندار صبر دے نال تاں بڑے نفع داوسیلہ ہے ۔
۷۔کیونجو نہ اسیں دنیا وچ کجھ لیائے تے نہ ہن کجھ اِہدےوچوں لے جاسکنے ہاں۔
۸۔سوجےساڈے کول کھان ہنڈان نوں ہےتاں اوسے اُتے صبر کرئیے ۔
۹۔پر جہڑے دولت مند چاہندے نےاُہ ایسے ہی ازمائش تے پھا ہی تے بہت ساری واہیات تے نقصا ن دین والیاں خواہشاں وچ پھس جاندے نے جہڑیا ں آدمیاں نو ں بر بادی تے موت دے دریا وچ ڈوب دنید یاں نے ۔
۱۰۔کیونجو پیسے دی محبت ساریاں برایا ں دی اک جڑ ہے ۔جہد تانگھ وچ بہتیاں ایمان وِلّوں پر ت کے اپنے دلاں نوں طرح طرح دےغماں نال چھا ننی وانگر کرلیاہے۔
۱۱۔پرتوں اے خدادے بندیااِہناں گلاں تھوں نس تے راست بازی تے دینداری تے ایمان تے محبت صبر تے حلیمی نوں منگ ۔
۱۲۔ایمان دی چنگی کشتی گھل اوس سدا دی زندگی اُتے قبضہ کرلے ۔جہد ے لئی سدیا گیا سیس تےبہت سارےگواہاں اگے چنگا اقرار کیتا سی ۔
۱۳۔میں اوس خدانوں جہڑ ا ساایاں چیزاں نوں جوالد ا ہے تے مسیح یسوع نوں جس پنطس پلاطس دے اگے چنگا اقرار کیتا سی گواہ کرکے تینوں پکی کرنا ہاں۔
۱۴۔پئی ساڈے خداوند یسوع مسیح دے ظاہر ہون تیکر حکم نوں بقص تے بے عیب رکھ ۔
۱۵۔اُہنوں اُہ چنگے ویلے وچ ظاہر کریگا ۔جہڑ امبارک تے اکلاحاکم تے بادشاہاں دا بادشاہ تے خداونداں دا خداوند ہے ۔
۱۶۔بے انت زندگی نری اُہدی ہےتے اُہ چانن وچ رہند ا ہے جتھے کوئی اپڑ نہیں سکدا تے نہ کسے بندے اُہنوں ویکھیا ہےتے نہ ویکھ سکد ا ہے اُہدی عز ت تے بادشاہی سدا تیکر رہے۔آمین ۔
۱۷۔ہن دے جہاں دیا ں دولت مندا ں نوں حکم دہ ۔پئی مغر ور نہ ہون تے قا ئم نہ رہن والی دولت اُتے نہیں سگوں خداُتے اُمید رکھن جہڑ اسانوں
سوا دلین واسطے ساریاں چیزاں کھلے دل نال دیندا ہے۔
۱۸۔تے نیکی کرن تے چنگے کماں وچ دولیمند بنن تے سخی ہون نوں تیار تے مدد کرن اُتے قائم ہون۔
۱۹۔تے اگے واسطے چنگی نینہ قا ئم کررکھن تانجو اصلی زندگی اُتے قبضہ کرلین ۔
۲۰۔اے تمتھیس ایس امانت نوں چنگی طرح رکھ تے جہڑ ےعلم نوں علم آکھنا ہی نہیں چاہند ا اُہد ی واہیات بکواساں تے مخالفتاں اُتے دھیان نہ کر ۲۱۔بہتے اُہدا اقرار کرکے ایمان ولوں بھل گئے نے ۔تہاڈے اُتے فضل ہندا رہے۔