متی دی انجیل

۱۔ یِسُوع مسیح داؤد دے پُتّر اِبراہیم دے پُتّر دا جنم نامہ۔
۲۔ ابراہیم تھوں اِضحاق جمّیا۔ تے اضحاق تھوں یعقوب جمّیا۔ تے یعقوب تھوں یہوداتے اُہدے بھائی جمّے۔
۳۔ تے یہوداتھوں فرص تے زورح تامار دے گربھوں جمے۔ تے فرص تھوں حصرون جمّیا۔ تے حصرون تھوں رام جمّیا
۴۔ تےرام تھوں عیمنا داب جمّیا۔ عیمنا تےداب تھوں نحشون جمّیاتے نحشون تھوں سلمون جمّیا۔
۵۔ سلون تھوں راحاب دے گربھوں بوعز جمّیا۔ تے بوعز تھوں عو بید روت دے گربھوں جمّیا تے عوبید یشے جمّیا۔
۶۔ تے یشے تھوں داؤد باشادہ جمّیا۔
تے داؤد دے گھرسلیمان اُہندے گربھوں جمّیا۔ جڑی اگے اُوریا دی وہٹی سی۔
۷۔ تے سلیمان تھوں رحبعام جمّیا۔ تے رحبعام تھوں ابیاہ جمّیا۔ تے۔ ابیاہ تھوں آساجمّیا۔
۸۔ تےآساتھوں یہوشافاط جمّیا۔ تے یہوشافاط تھوں یورام جمّیا۔ تے یورام تھوں عزیاہ جمّیا۔
۹تےعزیاہ تھوں یوتام جمّیا ۔تے یوتام تھوں آحاز جمّیا۔ تے آحاز تھوں حزقیاہ جمّیا۔
۱۰۔ تے حزقیاہ تھوں منشہ جمّیا منشہ تھوں آمون جمّیا۔
۱۱۔ تے آمون تھوں یوشیاہ جمّیا۔ تے بابل وچ کھڑےجان دے ویلے یوشیاہ دے گھر یُکنیاہ تےاُہدے بھراجمے۔
۱۲۔ تےبابل وچ کھڑے جان تھوں پچھے یکنیاہ تھوں شلتی ایل جمّیا۔ تےشلتی ایل تھوں زروبابل جمّیا۔
۱۳۔ تے زروبابل تھوں ابیہودجمّیا۔ تےابیہود تھوں الیاقیم جمّیا۔ تےالیاقیم تھوں عازور جمّیا۔
۱۴۔ تے عازور تھوں صدوق جمّیا۔ تے صدوق تھوں اخیم جمّیا۔ تے اخیم تھوں الیہود جمّیا۔
۱۵۔ تےالیہود تھو ں العازار جمّیا ۔تےالعاذارتھوں متان جمّیا۔ تے متان تھوں یعقوب جمّیا۔
۱۶۔ تے یعقوب تھوں یوسف جمّیا۔ جڑامریم دا خاوند سی جہدے گزبھوں یِسُوع جہڑامسیح اکھواوندا ہےجمّیا۔
۱۷۔ سوابراہیم تھوں لے کے داؤد تیکر سبھ چودہ پیڑھیاں نے۔تےداؤد تھوں لے کے بابل نُوں کھڑے جان
تیکرچودہ پیڑھیاں نے۔ تے بابل نُوں کھڑےجان۔ دے ویلیوں لَےکے مسیح تیکرچودہ پیڑھیاں نے۔
۱۸۔ تےیِسُوع مسیح داجنم ایوں ہویا پئی جداُہدی ماںمریم دی یوُسف نال کُڑمائی ہوئی تداوہناندے اکٹھےہون تھوں پہلا معلوم ہویا پئی اُہنُوں پاک رُوح
تھوں گربھ ہویا ہویا ہَے ۔
۱۹۔ تد اُہدے خاوند یُوسف جہڑادھرمی آدمی سی تے اُہنُوں بد نام کرنا نہ سی چاہندا۔ ایہ صلاح کِیتی پئی چُپ کیتیاں اُہنُوں چھڈدیاں۔
۲۰۔ پرجداُہ اہناں گلاں دی سوچ وچار کردا سی۔ ویکھو خُداوند دےفرشتے سُفنے وچ اُہنُوں وِکھالی دے کے آکھیا۔ اے یوُسف داؤد دے پُتر۔ تُوں اپنی وہٹی مریم نُوں اپنے کول لیاون تھوں نہ ڈر۔ کیوں جو جہڑا اُہدے گربھ وچ ہویا ہے پاک رُوح تھوں ہے ۔
۲۱۔ اُہ پُتر جمیگی۔ تےتُوں اُہدا ناں یِسُوع رکھیں کیوں جواوہو اپنے لوکاں نُوں اُہناندےگُناہاں تھوں بچائیگا۔
۲۲۔ اِہ سبھ کجھ ایس لئی ہویا پئی اُہ گل جہڑی خداوندپیغمبر دی زبانی آکھی سی پُوری ہووے پئی۔
۲۳۔ ویکھواک کواری گربھنی ہوئیگی تے پُتر جمیگی تے اُہداناں عمانوایل رکھنگے۔ جِہدا مطلب اِہ ہے خدا ساڈے نال۔
۳۴۔ تےیُوسف نےجاگ کے جہیا خداوند دے فرشتے اُہنُوں آکھیا سی تہاہی کیِتا۔ تے اپنی وہٹی نُوں اپنے گھرلِیاندا۔
۲۵۔ تے اُنہوں نہ جانیاجد رتوڑی اوس پُتر نہ جمّیا۔ تے اوس اُہدا ناں یِسُوع رکھیا۔

۱۔ تے جد یِسُوع ہیرودیس بادشاہ دے ویلےیہودیہ دے بیت لحم وچ جمّیا۔ تاں ویکھو کئی نجومیاں چڑھدے پاسیوں یروشلیم وچ آکے آکھیا۔
۲پئی یہودیاں دا بادشاہ جڑا جمّیا ہے اُہ کتھے ہے ؟کیوں جو اَساں چڑھدے پاسے اُہداتارا ڈٹھا ہے تے اُہنُوں سجدہ کرن آئے ہاں۔
۳۔ اہ گل سُن کے ہیرودیس بادشاہ گھابر گیا۔ تے سارا یروشلیم اُہدے نال۔
۴۔ تے اُس سارے سردار کاہناں تے قوم دے فقیہاں نُوں اکٹھیاں کر کے اُہناں نُوں پُچھیا۔ پئی مسیح کتھے جمّے گا؟
۵۔ اُہناں نے اُہنُوں آکھیا یہودیہ دے بیت لحم وچ۔ کیوں جو پیغمبردی راہیں ایس طرح لکھیا ہوئیاہے۔
۶پئی ہے بیت لحم۔ یہُودادے دیس تُوں یہُودا دیاں سرداراں وِچّوں کسے طرح نِکّا نہیں ہَیں کیو ں جو تیرے وِچّوں اِک سردار نکلے گا جِہڑا میری قوم اسرائیل دی راکھی کرے گا۔
۷۔ تد ہیرودیس نجومیاں نُوں پڑدے نال سدّیا تے اُہناں کولوں ٹھیک پتا لیا پئی تارا کدوں وکھالی دِتّا۔
۸۔ تےاوس اُہناں نُوں اِہ آکھ کے بیت لحم نُوں گھلیا پئی جاوجا کے اوس بال داچنگی طرح پتہ کرو۔ تے جَد تُسِیں اُہنُوں لبھ لوو تَدمُڑ کے منیوں خبردیو تاں جومیں وی جاکے اُہنُوں سجدہ کراں۔
۹۔ تےبادشاہ دِی گل سُن کے اُہ ٹُرپئے۔ تے ویکھواُہ تارا جِہڑا اُہناں چڑھدے پاسے ڈِٹھّا سی اُہناں دے اگّے اگّےٹُردا گیا تے جِتّھے اُہ بال سی اُس تھاں دے اُتے جا کھلوتا۔
۱۰۔ تے تارے نُوں ویکھ کے اُہ بڑے خُوش ہوئے۔
۱۱۔ تے اُہناں اوس گھردے اندر جاکے بالِک نُوں اُہدی ماں مریم دے نال ویکھیا۔ تے پیریں پیکے اُنہوں سجدہ کیتا۔ تے اپنیاں تھیلیاں کھول کے سونا تے لُبان تے مُراُہدی نذر کِیتا۔
۱۲۔ تے سُفنے وچ خبر پاکے پئی ہیرودیس دے کول مُڑنہ جان۔ اُہ ہوری راہ اپنے دیس نُوں مُڑگئے۔
۱۳۔ جَد اُہ ٹُرگئے سان تاں ویکھو خُداوند دے فرشتے یُوسف نُوں سُفنے وچ وِکھالی دے کے آکھیا اُٹھ مُنڈے تے اُہدی ماں نُوں نال لے تے مصروچ نس جا۔ تے جِنّاں چِر میں نہ آکھاں اوتھے ہی رہو کیوں جو ہیرودیس مُنڈے نُوں ڈھونڈے گاپئی اُہنُوں مار سُٹے ۔
۱۴۔ تداُہ اُٹھ کے مُنڈے تے اُہدی ماں نُوں نال لیکے راتورات مِصرنُوں ٹُر پِیا۔
۱۵۔ تے ہیرددیس دے مرن تیکر اُتھے ہی رہیا۔ تاں جو اُہ گل جِہڑی خُداوند پیغمبر دِی راہِیں آکھِی سی پُوری ہووے۔ پئی اپنے پُتّرنُوں مِصروں سدّیا۔
۱۶۔ جد ہیرودیس ویکھیا پئی نجُومِیاں میرے نال مخَول کِیتا اُہ بڑا غصّے ہویا تے آدمی گھل کے ساریاں مُنڈِیاں نُوں جِہڑے بیت لحم تے اُہدے آلے دوالے وچ سان دو ورھیاں دیاں تے اودُوں نِکّیاں نُوں مروا سُٹّیا یعنی اوس ویلے دے حساب موجب جِہڑااوس نجُومِیاں کولوں پکّی طرح پُچھیا ہویا سی۔
۱۷۔ تداُہ جو یرمیاہ پَیغمبر دِی راہِیں آکھیا گیا سی پُورا ہویا۔
۱۸۔ پئی رامہ وچ اک آواز سُنائی دیندی سی رون تے بڑے سیا پے دی۔ پئی راخیل اپنے بچیاں نُوں روندی ہے تے تسلی نہیں چاہندی۔ کیوں جو اُہ ہین نہیں۔
۱۹۔ جَد ہیرودیس مرگیا تد ویکھوخُداوند دے فرشتے مصر وچ یُوسف نُوں سُفنے وچ وکھالی دے کے آکھیا۔
۲۰۔ اُٹھ مُنڈے نُوں تے اُہدی ماں نُوں نال لےکے اسرائیل دے دیس وچ جا۔ کیوں جو جِہڑے لوک مُنڈے دی جان دے ویری سان سو مرگئے۔
۲۱۔ تداُہ اُٹھیا تے مُنڈے تےاُہدی ماں نُوں لےکے اسرائیل دے دیس وچ آیا۔
۲۲۔ پر جد سُنیا پئی ارخلاوس اپنے پیوہیرودیس دے تھاں یہودیہ وچ راج کرداہے تد اُہ اوتھے جان تھوں ڈریا پر سُفنے وچ خبرپاکے گلیل دے عِلاقے وَل ٹُر پِیا۔
۲۳۔ تےناصرت ناں اِک نگّروچ جاوسِیّا۔ تاں جو اُہ جِہڑا پیغمبر آکھیا سی پُورا ہووے پئی اُہ ناصری اَکھوائے گا۔

۱۔ اونہیں دِنیں یُوحنا بپتسمہ دین والا یہُودیہ دے جنگل وِچ آیا تے منادی کرکے۔
۲۔ آکھن لگا توبہ کرو کیوں جواَسمان دی بادشاہی نیڑے آگئی ہَے۔
۳۔ کیوں جو اِہ اوہی ہَےجہدی یسؔعیاہ پیغمبر گل کیتی سی پئی جنگل وچ اک ہوکا دین والے دی آواز آوندی ہے۔ پئی خُداوند داراہ تیارکرو۔اُہدے راہاں نُوں سدھیاں بناؤ۔
۴۔ تے یُوحنا دے اپنے کپڑےاُوٹھ دی جَت دےسان۔ تے چم دی پیٹی اُہدے لک دواےلےسی تے اُہدی خُوراک مکڑی تے جنگل داشہد سی۔
۵۔ تدیروشلیم تےسارا یہودیہ تے یردن دے سارے علاقے دے لوک اُہدے کول ٹُرآئے۔
۶تے اپنے گناہاں دا اِقرار کر کے یردن ندی وچ اُہدے ہتھوں بپتسمہ لیا۔
۷پرجداُس ویکھیا پئی بہت سارے فریسی تے صدوقی میرے کول بپتسمہ لَین آوندے نے تداوس اُہناں نُوں آکھیا سپّاں دے بچّیو تُہانُوں آؤن والے غضبوں بھجناکِس دسّیا؟
۸۔ تُسِیں توبہ جوگا پَھل لیاؤ۔
۹۔ تےاپنےدلاں وچ ایس گل دا خیال نہ کروپئی اِبراہیم ساڈاپیوہے کیوں جومیں تہانُوں آکھنا ہاں پئی خُدااہناں پتھراں وچوں ابراہیم دے لئی اولاد پیدا کر سکداہے۔
۱۰۔ پرہُن رُکھاں دی جڑاُتے کُہاڑارکھیا ہوئیا ہے سو جہڑا جہڑا رُکھ ہچّھا پھل نہیں لیاوندا اُہ وڈھیا جاندا تے اگ وچ سُٹیا جاندا ہے۔
۱۱۔ میں تے تُہانُوں توبہ دے واسطے پانی نال بپتسمہ دیناہاں۔ پراُہ جہڑا میرے پچھے آوندا ہے میتھوں زوراورہے۔ اُہدی جُتی چُکن دے میں لائق نہیں ہاں۔ اُہ ہی تہانُوں پاک رُوح تےاگ نال بپتسمہ دیوے گا۔
۱۲۔ اُہداچھج اُہدے ہتھ وچ ہے۔ تے اُہ اپنے کھلواڑےنُوں چنگی طرح صاف کرے گا۔ تےاپنی کنک نُوں کوٹھی وچ جمع کرے گا پر توڑی نُوں اوس اگ نال ساڑے گا۔ جڑی کدی نہیں بُجھدی۔
۱۳۔ تدیِسُوع گلیل تھوں یردن دے کنڈھےیُوحناکول آیاپئی اُہدے ہتھوں بپتسمہ لئے۔
۱۴۔ پریُوحنااُنہوں اِہ آکھ کےروکیا پئی مینُوں تیتھوں بپتسمہ لین دی لوڑہےتُوں میرے کول آیاہیں؟
۱۵۔ تےیِسُوع اُہنُوں جواب دِتّا۔ حالی تے ہون دےکیوں جو سانُوں چاہیداہے پئی ایسے طرح ساری راست بازی نُوں پوراکرئیے۔ تداوس ہون دِتا۔
۱۶۔ تے یِسُوع بپتسمہ لے کے جھٹ پانیوں باہرنِکل آیا۔ تے ویکھو اَسمان اُہدےلئی کُھل گیاتے اوس خدادے روح نُوں کبوتروانگوں اُتردیاں تے اپنے اُتےآوندیاں ڈِٹھا۔
۱۷۔ تےویکھو اَسماناں تھوں اک آواز آئی پئی اِہ میرا پیارابیٹاہے جِس تھوں میں بڑاخوش ہاں۔

۱۔ اوس ویلےروح یِسُوع نُوں جنگل وچ لےگیا پئی شیطان کولوں آزمایاجائے۔
۲۔ تےجداہنے چالی دن تے چالی رات روزا رکھ لیاسی پھیراہنُوں بھکھ لگی۔
۳۔ تدآزمان والےنیڑے آکے اہنُوں آکھیاجے تُوں خدادابیٹاہیں تاں آکھ پئی اِہ پتھر روٹیاں بن جان۔
۴۔ پراوس جواب دِتا لِکھیاہویاہے پئی آدمی نری روٹی نال ہی جیوندانہیں رہے گا پر ہراک گل نال جہڑی خدادے مُنہوں نکلدی ہے۔
۵۔ پھیرشیطان اُہنُوں مقدس شہر وِچ نال لَے گیا تے ہیکل دے کُنگرے اُتّے کھلیار کے آکھیا۔
۶۔ جے تُوں خدا دا بیٹاہیں تاں اپنے آپ نُوں ہیھٹاں ڈیگ دےکیوں جو لکھیا ہویا ہے۔پئی اُہ اپنے فرشتیاں نُوں تیری بابت حُکم دے گا تےاُہ ہتّھاں اُتّےتینُوں چُک لین گے پئی کِتے پتھرنال تیرے پیرنُوں سَٹ نہ لگے۔
۷۔ یِسُوع اُہنُوں آکھیااِہ وِی لکھیا ہویاہےپئی تُوں خداوند اپنےخدانُوں نہ آزما۔
۸۔ پھیرشیطان اِک بڑےاچے پہاڑاُتےاُہنُوں لے گیاتےدُنیادیاں ساریاں بادشاہیاں تے اہناں دی شان شوکت اُہنُوں وِکھالی۔
۹۔ تے اُہنُوں آکھیا اِہ سبھوکُجھ میں تینُوں دیاں گاجے تُوں نِیوں کےمینُوں سجدہ کریں۔
۱۰۔ تدیِسُوع اُہنُوں آکھیااَےشَیطان دُورہوجا۔ کیوں جولکھیا ہویاہےپئی تُوں خداونداپنےخدا نُوں سجدہ کر۔ تے نری اوسےدی بندگی کر۔
۱۱۔ تدشیطان اُہنُوں چھڈ گیاتےویکھوفرشتیاں کول آکےاُہدی ٹہل کیتی۔
۱۲۔ تےاِہ سُن کےپئی یُوحنّاپھڑیاگیاہَےاُہ گلیل نُوں ٹُرپِیا۔
۱۳۔تے ناصرت نُوں چھڈکےکفؔرناحُم وِچ(جہڑاسمندردےکنڈھے زبُولون تےنفتالی دِیاں حدّاں وچ ہے)جارہیا۔
۱۴۔ تاں جویسؔعیاہ نبی دی گل پوری ہووےپئی۔
۱۵۔زبولؔون دی دھرتی نفتؔالی دی دھرتی غیرقوماں داگلیل سمندردےراہ یردنُوں پار۔
۱۶۔اُہناں لوکاں جِہڑےہنیرےوچ بیٹھےہوئےسان بڑاچانن ویکھاتےموت دےدیس تےچھاں وچ بَیھٹیاں ہویاں اُتّےچانن چمکیا۔
۱۷۔ اوس ویلےتھوں یِسُوع منادی کرنی تےاِہ آکھناشُروع کِتیاپئی تَوبہ کرو کیوں جواَسمان دی بادشاہی نیڑےآگئی ہَے۔
۱۸۔ تےگلیل دے سمندردے کنڈےپھردیاں ہویاں اوس دوبھراواں نُوں اِک شمعون جہڑاپطرس اکھوانداہے تےاُہدےبھرااندریاس نُوں سُمندروچ جال پاندیاں ڈِٹّھا۔ کیوں جواُہ مچِھیاں پھڑن والےسان۔
۱۹۔ تے اُہناں نُوں آکھیا میرے مگر آؤ۔ تےمیں تُہانُوں آدمِیاں دے پھڑن والے بناواں گا۔
۲۰۔ تے اُوجھٹ جالاں نُوں چھڈکےاُہدےمگرٹُرپئے۔
۲۱۔ تےاوتھوں اگےودھکےاوس ہوردوبھراواں نُوں زبدی دےپُتّریعقوب تےاُہدےبھرایُوحنّانُوں ویکھیاپئی اُہ بیڑی وچ اپنے پیو زبدی دے نال اپنیاں جالاں نُوں گنڈھ رہےسان۔ تےاوس اہناں نُوں سدیا۔
۲۲۔ تےاُہ جھٹ بیڑی نُوں تےاپنےپیو نُوں چھڈکےاُہدے مگرٹرپئے۔
۲۳۔ تےیِسُوع اُہناں دےعبادت خانیاں وچ سکھاندا تےبادشاہی دی خوشخبری دی منادی کرداتےلوکاں دیاں ساریاں روگاں تےساریاں ماندگیاں نُوں چنگاکرداہویاسارےگلیل وچ پھرداگیا۔
۲۴۔ تےسارےسُریادیس وچ اُہدی دُھم پئی گئی تےلوکاں نےساریاں بیماراں نُوں جِہڑےکئی طرح دےروگاں تےدُکھاں وچ پھسےہوئےسان جنہاں نُوں بدروحاں چمڑیاں ہویاں سان۔ تےمرگی والیاں۔ تےاَدھرنگیاں نُوں اُہدےکول لیاندا۔ تےاوس اہناں نُوں چنگیاں کیِتا۔
۲۵۔ تےبڑیاں بڑیاں بھیڑاں گلیل تھوں تےدِکاپلُس تےیروشلیم تےیہودیہ تھوں تےیردن دے پاروں اُہدےمگرٹُرپیاں۔

۱۔تےبھیڑنُوں ویکھ کےاُہ پہاڑاُتےچڑھ گیاتےجد بہہ گیااُہدےشاگرداُہدےکول آئے۔
۲تےاُہ اپنامنہ کھول کےاُہناں نُوں اِہ آکھ کےسکھالن لگا۔
۳۔ دھن نے اُہ جِہڑے دِل دے غرِیب نے کیوں جو اَسمان دی بادشاہی اُہناں دی ہَے۔
۴۔ دھن نےاُہ جِہڑےغمگین نے کیوں جواُہناں نُوں تسلّادِتّی جائے گی۔
۵۔ دھن نےاُہ جِہڑےحلیم نےکیوں جواُہ زمین دے وارث ہون گے۔
۶۔ دھن نےاُہ جِہڑےراستبازی دےبُھکّھےتےتریہائےنے کیوں جواُہ ر جائےجان گے۔
۷۔ دھن نےاُہ جِہڑےرحم دِل نےکیوں جواُہناں اُتّےرحم کِیتاجائے گا۔
۸۔ دھن نےاُہ جِہڑےدل دے صاف نے کیوں جو اُہ خُدا نُوں ویکھن گے۔
۹۔ دھن نےاُہ جِہڑےصُلح کران والے نے کیوں جواُہ خدا دےپُتّر اکھوان گے۔
۱۰۔ دھن نے اُہ جِہڑےراستبازی دی خاطر ستائےگئے نے کیوں جو اَسمان دی بادشاہی اُہناں دی ہے۔
۱۱۔ دھن ہو تُسِیں جَدمیری خاطرتُہانُوں ملامت کرن گے تے ستان گے تے جُھوٹھ مُوٹھ ہر طرح دِیاں بُریائِیاں تُہاڈے اُتّے بکن کے۔
۱۲۔ خوش ہوتےچھالاں مارو کیوں جو اَسمان وِچ تُہاڈا بدلہ بڑا ہَے۔ ایس کر کے پئی اُہناں پیغمبراں نُوں جِہڑے تُہاتھوں اگّے سان ایسے طرح ستایا سی۔
۱۳۔ تُسِیں زمین دالُون ہو پر جے لُون بے سواداہو جائے تاں اُہ کہڑی شے نال سلُونا کتیا جائےگا ؟اُہ پھیر کسے کم دا نہ رہیا بناں ایس دے پئی باہر سٹیا جائے تے لوکاں دے پیراں ہیٹھاں لتاڑیا جائے۔
۱۴۔ تُسِیں دنیا دا چانن ہوجہڑا نگر پہاڑ اُتے وسدا ہَے سو چھپ نہیں سکدا۔
۱۵۔ تے نہ دیوا بال کے لوک اُہنُوں ٹوپے ہیٹھ رکھ دیندے نے۔ پر دیوڑی اُتے رکھدے نے۔ تے اہ سبھناں نُوں جِہڑے گھروچ نے چانن دیندا ہے۔
۱۶۔ ایسے طرح تُہاڈا چانن آدمِیاں دے سامنے چمکے۔ تاں جو اُہ تُہاڈے بھلے کماں نُوں ویکھن تے تہاڈے باپ دی جہڑااَسمان وچ ہے وڈیائی کرن۔
۱۷۔ اِہ خیال نہ کرو پئی میں توریت نُوں یا پیغمبراں نُوں کھنڈن آیا۔ میں کھنڈن نہیں سگوں پُوریاں کرن نُوں آیا ہاں۔
۱۸۔ کیوں جو میں تہانُوں سچ آکھنا ہاں پئی جچِر اَسمان تےزمین ٹل نہ جان توریت دااک نقطہ یا اِک شوشہ کدی نہ ٹلےگا جَد تِیکر سبھ کجھ پورا نہ ہووے۔
۱۹۔ سوجو کوئی اِہناں چھوٹیاں تھوں چھوٹے حُکماں وچوں اِک حکم نُوں بھی توڑے تے اوسے طرح لوکاں نُوں سکھالے۔ اَسمان دی بادشاہی وچ اُہ سبھناں تھوں چھوٹا اکھوائے گا۔ پر جو کوئی عمل کرے تے نالے سکھالے اُہوئی اَسمان دی بادشاہی وچ وڈّا اکھوائے گا۔
۲۰۔ میں تُہانُوں دسناں ہاں پئی جے تُہاڈی راستبازی فقیہاں تے فریسیاں دی راستبازی نالوں ودھ نہ جائیگی تُسِیں اَسمان دی بادشاہی وچ کدی بھی نہ وڑوگے۔
۲۱۔ تُساں سُنیا ہے پئی اگلیاں نُوں آکھیا گیا سی پئی تُوں خُون نہ کرتےجہڑاخُون کرے گا ۔ اُہ عدالت وچ سزادے لائق ہووےگا۔
۲۲۔ پر میں تُہانُوں آکھناں ہاں پئی جہڑا کوئی اپنے بھرا اُتّے غُصّہ کرے۔ عدالت وِچ سزا دے لائق ہووےگا۔ تےجہڑااپنے بھرا نُوں آکھے گا مُورکھااُہ صدر عدالت وچ سزا دےلائق ہووے گا۔ پر جہڑا آکھے گا بیوقُوفا۔ اَگ دے دوزخ دے لائق ہووے گا۔
۲۳۔ سوجے قُربان گاہ دے اُتے قُربانی چڑھاندیاں تینُوں چیتا آجاوے پئی تیرے بھرادا تیرے اُتےدعوےٰ ہے۔
۲۴۔ تاں اوتھے ہی اپنی قربانی قربان گاہ دے سامنے چھڈ کے ٹُرجا۔ پہلاں اپنے بھرا نال میل کر۔ تےپھیر آکے اپنی قُربانی چڑھا۔
۲۵۔ تُوں اپنے مُدعی نال راہ وچ ہی چھیتی راضی ہوجا۔ کِتے اَیوں نہ ہووے پئی مُدعی تینُوں حاکِم دے حوالے کرے تےحاکم تینُوں پیادے حوالے کرے تےتُوں قیدخانے وچ سٹیا جاویں۔
۲۶۔ میں تینُوں سچ آکھناں ہاں پئی جچر تُوں دمڑی دمڑی دے نہ لئیں تُوں اُتھوں کسے طرح نہ چُھٹیں گا۔
۲۷۔ تُساں سُنیا ہے پئی آکھیا گیا سی پئی تُوں زنانہ کر۔
۲۸۔ پر مَیں تُہانُوں آکھنا ہاں پئی جہڑا کوئی بُری نیّت نال کسے عورت ول ویکھداہے سو اوس اپنے منُوں اہدے نال زنا کرلیا ہے۔
۲۹۔ تےجے تیری سجی اَکھ تینُوں ٹھوکر کھوائے تاں اُہنُوں کڈھ کے پرھاں سٹ دے۔ کیوں جو تیرے لئی اِ ہو چنگا ہے پئی تیرے انگاں وچوں اک دا ناس ہووے تے تیرا سارا بدن جہنم وچ نہ سٹیا جاوے۔
۳۰۔ تے جے تیرا سجا ہتھ تینُوں ٹھوکر کھوائے تاں اُہنُوں وڈھ کے پراں سٹ دے۔ کیوں جو تیرے لئی ا ہو چنگا ہے پئی تیرے انگاں وچوں اک داناس ہووے۔ تے تیرا سارا بدن جہنم وچ نہ جاوے۔
۳۱۔ تے اہ آکھیا گیا سی پئی جو کوئی اپنی وہٹی نُوں چھڈے دے اہ اہنُوں طلاق نامہ لکھ دیوے۔
۳۲۔ پرمیں تہانُوں آکھنا ہاں پئی جہڑاکوئی اپنی وہٹی نُوں زنا دے بناں کسے ہور سبب نال چھڈدیوے اُہ اُہدے کولوں زنا کراندا ہے تے جہڑا اوس چھڈی ہوئی نال ویاہ کرے اُہ زناکرداہے۔
۳۳۔ پھیر تساں سنیا ہے پئی وڈیاں نُوں آکھیاں گیا سی تُوں جھوٹھی سونہہ نہ کھا۔ پر اپنیاں سونہاں خداوند دے لئی پوریاں کر۔
۳۴۔ پر میں تہانُوں آکھنا ہاں پئی کدی بھی سونہہ نہ کھانی نہ اَسماندی کیوں جو اُہ خدا داتخت ہے۔
۳۵۔ تے نہ زمین دی کیوں جو اُہ اہدے پیراں دی چونکی ہے تے نہ اپنے یروشلیم دی کیوں جواُہ وڈے بادشاہ دا شہرہے۔
۳۶۔ نہ اپنے سردی سونہہ کھا کیوں جو تُوں اک وال نُوں بھی چٹا یا کالا نہیں کر سکدا۔
۳۷۔ پر تہاڈی گل ہاں دی ہاں تے ناں دی ناں ہووے۔ تےجو کجھ اہدے نالوں ودھ ہے سوبرے تھوں ہنداہے۔
۳۸۔ تساں سنیاں ہے پئی اِہ آکھیا گیا ہے اکھ دے بدلے اکھ تے دنددے بدلے دند۔
۳۹ ۔پر میں تہانُوں آکھناں ہاں پئی برے داسامنا نہ کرو سگوں جو کوئی تیری سجی گلھ اتے چپیڑ مارے دُجی بھی اُہدے ول کردے۔
۴۰۔ تے جہڑا تیرے اتے عرضی پاکے تیرا کرتا کھولیناں چاہے تُوں چوغہ بھی انہوں لین دے۔
۴۱۔ تے جو کوئی تینُوں اک میل وکار لے جاوے اہدے نال ود میل لگاجا۔
۴۲۔ تے جہڑا تیتھوں منگے اُہنُوں دے تے جہڑا تیھتُوں ادھار لنیاچاہے اہدے تھوں منہ نہ موڑ۔
۴۳۔ تساں سنُیا ہے پئی آکھیا گیا سی پئی تُوں اپنےگوانڈھی نُوں پیار کرتے اپنے دشمن نال ویر رکھ۔
۴۴۔ پر میں تہانُوں آکھنا ہاں پئی دشمنان نال پیار کرو تے جِہڑے تہانُوں دُکھ دین اُہناں دہ خیرمنگو۔
۴۵۔ تاں جو تُسِیں اپنے باپ دے جہڑا اَسمان وچ ہے پُتّربن جاؤ کیوں جو اُہ تےاپنے سورج نُوں بُریاں تے بھلیاں اُتے چڑھاندا ہے۔ نالے نیکاں تے بداں اُتے منیہ وساندا ہے۔
۴۶۔ کیوں جو جے تُسِیں اہناں نُوں پیار کرو جِہڑے تہانُوں پیار کردے نے تاں کیہ انعام تہانُوں ملنا ہے؟ محصولئے بھی اہو نہیں کردے ؟
۴۷۔ تے جے تُسِیں اپنے بھائیاں نُوں ہی سلام کرو تاں تساں کیہ ودھ کیتا ہے ؟غیر قوم بھی اِہو نہیں کردے۔
۴۸۔ سوتُسِیں کامل ہوؤو جس طرح تہاڈا اَسمانی باپ کامل ہے

۱۔ خبردار ہو پئی تُسِیں اپنی نیکی نُوں لوکاں دے سامنے وکھان لئی نہ کرو۔ نہیں تاں تہاڈے باپ کولوں جہڑا اَسمان اُتے ہے تہانُوں کوئی اِنعام نہیں ملیگا۔
۲۔ سو جد تُوں خیرات کریں اپنے اگے تُرھی نہ وجا جس طرح مکار عبادت خانیاں تےبزاراں وچ ایس کر کےکردے نےپئی لوک اہناندی وڈیائی کرن۔ میں تہانُوں سچ آکھنا ں ہاں پئی اُہناں اپنا انعام پالیا۔
۳۔ پرجدتُوں خیرات کرنا ہیں تاں تیرے کھبے ہتھ نُوں خبر نہ ہووے پئی تیرا سجا ہتھ کیہ کردا ہے۔
۴۔ تاں جوتیری خیرات پڑدے وچ ہووے تے تیرا باپ جہڑا پڑدے وچ ویکھ لیندا ہے تینُوں بدلہ دیوے گا۔
۵۔ تے جد تُسِیں دعا منگوتاں مکاراں وانگوں نہ ہوو کیوں جو اُہ عبادت خانیاں وچ تے چونکاں دیاں موڑاں اُتے کھلوکے دعا منگنی پسند کردےنے۔ پئی لوک اُہناں نُوں ویکھن۔ میں تہانُوں سچ آکھنا ں ہاں پئی اُہناں اپنا انعام پالیا۔
۶۔ پر تُوں جد دعا منگیں تد اپنی کوٹھڑی وچ وڑ تے بوہامار کے اپنے باپ تھوں جہڑاپڑدے وچ ہے دعا منگ تے تیرا باپ جہڑا پڑدے وچ ہے ویکھ لیندا ہے تینُوں بدلہ دے گا ۔
۷۔ دعا منگدیاں ہورناں قوماں وانگوں بک بک نہ کرو کیوں جو اُہ سمجھدے نے پئی ساڈے بہتا بولن نال ساڈی سنی جائےگی۔
۸۔ سوتُسِیں اُہناں وانگوں نہ ہوؤ کیوں جو تہاڈا باپ منگن تھوں پہلاں ہی جانداہے پئی تہانُوں کڑیاں کڑیاں چیزاندی لوڑہے۔
۹۔ سوتُسِیں ایس طرح دعا منگو۔ ہے ساڈے باپ جو اَسماناں اتےہیں تیرا ناں پاک رکھیا جائے۔
۱۰۔ تیرا راج آوے۔ تیری مرضی جس طرح اَسماناں اتے پوری ہندی ہے زمین اتے بھی ہووے۔
۱۱۔ ساڈی روزی دی روٹی اج سانُوں دے۔
۱۲۔ تے ساڈیاں قصوراں نُوں بخش دے جس طرح اساں اپنے قصوروارں نُوں بخش دتاہے۔
۱۳۔ تےسانُوں آزمائش وچ نہ لیا۔ سگوں بریائی تھوں بچا۔
۱۴۔ کیوں جوجے تُسِیں لوکاں نُوں اہناں دیاں تقصیراں بخشوگےتاں تہاڈا اَسمانی باپ تہانُوں بھی بخشے گا۔
۱۵۔ پر جے تُسِیں لوکاں نُوں اہناں دیاں تقصیراں نہ بخشو گے ۔تاں تہاڈا باپ بھی تہاڈیاں تقصیراں نہ بخشے گا۔
۱۶۔ تے جد تُسِیں روزہ رکھومکاراں وانگوں اپنا منہ اُداس نہ بناؤ کیوں جو اُہ ایس لئی اپنا منہ وگاڑدے نے پئی لوکاں نُوں روزہ رکھے ہوئےمعلوم ہون۔ میں تہانُوں سچ آکھنا ہاں پئی اُہناں اپناانعام پالیا۔
۱۷۔ پر تُوں جاں روزہ رکھیں اپنے سر نُوں تیل مل تے منہ دھو۔
۱۸۔ پئی تُوں آدمیاں نُوں نہیں پراپنے باپ نُوں جہڑاپڑدے وچ ہے روزہ رکھیاہویا معلوم ہوئیں تے تیرا باپ جہڑا پڑدے وچ ویکھ لیندا ہے تینُوں بدلہ دیوے گا۔
۱۹۔ زمین اُتے اپنے لئی خزانہ اکٹھا نہ کرو جتھے کیڑا تے جنگال خراب کردے تے جتھے چور بھی سنہہ ماردے تے چرا لے جاندے نے۔
۲۰۔ پر اَسمان اتے اپنے لئی خزانہ اکٹھاکرو جتھے نہ کیڑا نہ جنگال خراب کردا ہے تےجتھے چور نہ سنہہ ماردے تے نہ چُرالے جاندے نے۔
۲۱۔ کیوں جو جتھے تیرا خزانہ ہے اوتھے ہی تیرا دل بھی ہووے گا۔
۲۲۔ بدن دادیوااکھ ہے سو جیکر تیری اکھ صاف ہووے تاں تیراسارا بدن چانناہووے گا۔
۲۳۔ پرجیکر تیری اکھ بری ہووے تاں تیرا سارابدن ہنیراہووے گا۔ سو جے تیرا اندر دا چانن ہنیرا ہووے تاں کیڈا وڈاہنیرا ہویا ؟
۲۴۔ کوئی آدمی دو مالکاں دی ٹہل نہیں کر سکدا ایس لئی پئی یا اک نال ویر رکھیگا تے دوجے نال پیار یا اک نال ملیا رہے گا تے دوجے نُوں کجھ نہ سمجھے گا۔ تاتُسِیں خدا تے دولت دوہاں دی ٹہل نہیں کر سکدے۔
۲۵۔ ایس کر کے میں تہانُوں آکھناں ہاں پئی اپنی جان دا فکرنہ کروپئی اسیں کیہ کھاواں کے یا کیہ پیاں گے تے نہ اپنے بدن داپئی کیہ پانگے ؟جان خوراک نالوں تے بدن کپڑیاں نالوں ودھ نہیں ہے ؟
۲۶۔ ہوادیاں پنچھیاں ول ویکھو پئی اُہ نہ بیجدے نہ وڈھدے تے نہ کوٹھیاں وچ جمع کردے نے۔ تاں بھی تہاڈا اَسمانی باپ اہناں نُوں پالداہے۔ بھلا تُسِیں اُہناں نالوں قدروالے نہیں ہو؟
۲۷۔ اُہ کون ہے تہاڈے وچوں جہڑا فکر کرن نال اپنا قد اک ہتھ ودھا سکدا ہے ؟
۲۸۔ تےکپڑیا ندا کاہنُوں فکرکردے ہو جنگلی سوسناں تھوں مت لو پئی اہ کیکر ودھدے نے۔ اُہ محنت کردے نہ کتدے نے۔
۲۹۔ پر میں تہانُوں آکھناں ہاں پئی سلیمان وی اپنی ساری بھڑک وچ اہناں وچوں اک جہا نہیں سی طرح پاندا ہندا۔
۳۰۔ سو اے تھوڑے ایمان والیو جد خدا جنگلی گھاہ نُوں ایس طرح پواندا ہے جہڑا اج ہی ہے تےبھلکے بھٹھی وچ جھوکیا جانداہے تہانُوں سگوں ضرور نہ پوائے گا ؟
۳۱ ۔سوتُسِیں فکر کر کے اِہ نہ آکھو پئی اسیں کیہ کھائیے یاں کیہ پئیے یاں کیہ پائیے۔
۳۲۔ کیوں جو اہناں ساریاں چیزاں نُوں غیر قوماں لبھدیاں نے۔ تے تہاڈا اَسمانی باپ جانداہے پئی تہانُوں اہناں سبھناں چیزاں دی لوڑہے۔
۳۳۔ پر تُسِیں پہلاں اُہدی بادشاہی تے سچائی نُوں لبّھو۔ تد اِہ ساریاں چیزاں بھی تہانُوں دیتاں جانگیاں۔
۳۴۔ سو کل دے لئی فکر نہ کرو کیوں جو کل اپنے لئی آپ فکر کرے گا اج دا دکھ اج لئی بہتیراہے۔

۱۔ الزام نہ لاو پئی تہاڈے اتے الزام نہ لگے۔
۲۔ کیوں جو جس طرح تُسِیں الزام لاندے ہو تہاڈے اتے بھی الزام لگن گے۔ تے جس ناپ نال تُسِیں ناپدے ہواوسے نال تہاڈے لئی ناپاپیا جاو ے گا۔
۳۔ تے اوس ککھ نُوں جہڑا تیرے بھرا دی اکھ وچ ہے تُوں کیوں ویکھنا ہیں۔ تے اوس کڑی ول جہڑی تیری اپنی اکھ وچ ہے دھیان نہیں کردا؟
۴۔ یا تُوں کہڑے منہ نال اپنے بھرا نُوں آکھیں گا۔ ’’لیا تیری اکھ وچوں ککھ کڈھاں ‘‘تے ویکھ تیری اپنی اکھ وچ کڑی ہے۔
۵۔ اے مکارا۔ پہلاں ایس کڑی نُوں اپنی اکھوں کڈھ لے۔ تد چنگی طرح ویکھ کے تُوں اپنے بھرادی اکھوں اوس ککھ نُوں کڈھ سکیں گا۔
۶۔ پاک چیزکُتیاں نُوں نہ دیو تے نہ اپنیاں موتیاں نُوں سوراں اگے سُٹّو۔ اجیہا نہ ہووے پئی اہ اہناں نُوں پیراں ہیٹھ لتاڑن تے مڑکے تہانُوں پاڑ سُٹّن۔
۷۔ منگوتے تہانُوں دتا جائے گا لبھو تے ملے گا۔ کھڑکاؤ تے تہاڈے لئی کھولیاجائے گا۔
۸۔ کیوں جو ہراک منگن والا پالیندا ہے تے لبھن والے نُوں لبھ پیندا ہے۔ تے کھڑکان والے لئی کھولیا جائے گا۔
۹۔ یا تہاڈے وچوں اُہ کہڑاآدمی ہے پئی اُہدا پتر اُہدے تھوں روٹی منگے تے اُہنُوں پتھر دیوے گا؟
۱۰۔ یا جے مچھی منگے اہنُوں سپ دیوے گا؟
۱۱۔ سو جدوں تُسِیں جِہڑے بُرے ہو اپنیاں بچیاں نُوں چنگیاں چیزاں دینیاں جاندے ہو تاں تہادا باپ جہڑا اَسمان اتےہے اہناں نُوں جِہڑے اُہدے لوکوں منگدےنے۔ چنگیاں چیزاں ضرور دے گا ؟
۱۲۔ ایس کرکے سبھو کجھ جو تُسِیں چاہندے ہو پئی لوگ تہاڈے نال کرن اُہ ہی اہناں نال تُسِیں بھی کرو کیوں جو توریت تے نبیوں دی تعلیم اِہوئی ہے۔
۱۳۔ بھیڑےبوہے راہ وڑو۔ کیوں جو موکلاہے اُہ بوہا تے کُھلاہے اُہ راہ جہڑا بربادی نُوں پہنچاندا ہے۔ تے بہتےنے۔ جِہڑے اوتھوں دی وڑدے نے۔
۱۴۔ کیوں جو بھیڑاہے اُہ بوہاتے سوڑا ہےاُہ راہ جہڑا زندگی نُوں پہنچاندا ہے۔ تے جہڑا اُہنُوں لبھدے نے تھوڑے نے۔
۱۵۔ جھوٹے پیغمبراں تھوں خبردار رہو جِہڑے تہاڈےکول بھیڈاں دے بھیس وچ آندے نے پر وچوں پاڑن والے بھگیاڑنے۔
۱۶۔ تُسِیں اہناندے پھلاں تھوں اہناں نُوں پچھانُوں گے۔ کنڈیاں تھوں داکھ یا ممولیاں تھوں ہجیراں لوک اکٹھیاں کردے نے؟
۱۷۔ ایسے طرح ہر اک چنگے رکھ نُوں چنگا تے برے رکھ نُوں براپھل لگدا ہے ۔
۱۸۔ چنگا رکھ برا پھل نہیں لیا سکداہے تے نہ برا رکھ چنگا پھل لیا سکدا ہے۔
۱۹۔ ہراک رکھ جہڑا چنگا پھل نہیں لیاوندا اُہ وڈھیا جاندا تے اگ وچ سٹیا جاندا ہے۔
۲۰۔ سوتُسِیں اہناندے پھلاں تھوں اہناں نُوں پچھانُوں گے۔
۲۱۔ نہ ہرکوئی جہڑا مینُوں خداوند خداوندآکھداہےاَسمان دی بادشاہی وچ وڑیگا پر اُہ جہڑا میرے باپ دی جو اَسمان اُتے ہے مرضی پوری کرداہے۔
۲۲۔ اوس دہاڑے بہتیرے مینُوں آکھن گے خداوندخداوند تیرا تیرا ناں لیکے نبوتاں اساں نہیں سان کتیاں ؟تے تیرا ناں لے کے بدروحساں نہیں کڈھیاں ؟تے تیرا ناں لیکے ڈھیر ساریاں کراماتاں نہیں وکھالیاں ؟
۲۳۔ تےمیں اہناننُوں تد صاف آکھاں گا پئی میں کدی تہانو ں نہیں جاتا۔ اے شریعت توڑن والیو میتھوں دور ہو جاؤ۔
۲۴۔ سو جہڑاکوئی میریاں اِہناں گلاں نُوں سنداتے اُہناں نُوں کردا ہے اُہ اک عقل والے آدمی وانگر سمجھیاجائے گا جس پتھراُتےاپنا گھر بنایا۔
۲۵۔ تے مینہ وسیا تے ہڑآئے تے ہنیریاں وگیاں تے اوس گھراتے سٹاں ماریاں تے اُہ نہ ڈگیا کیوں جو اہدی نینھ پتھراُتے رکھی گئی سی۔
۲۶۔ تے جہڑاکوئی میریاں اِہ گلاں سن کے اہناں نُوں نہیں کرداسو اک مورکھ وانگر سمجھیا جائےگا۔ جس اپنا گھر ریت اتے بنایا۔
۲۷۔ تے مینہ وسیا تے ہڑآئے تے ہنیریاں وگیاں تے اوس گھر نُوں دھکا ماریا تے اُہ ڈھے پیا تےاُہدا ڈگنا بُرا ہویا۔
۲۸۔ تےایوں ہویا پئی جد یِسُوع اِہناں گلاں نُوں مکالیا تد بھیڑاُہدی تعلیم تھوں حیران ہوئی۔
۲۹۔ کیوں جواُہ اہناندے فقیہاں وانگر نہیں سگوں اختیار والے جیہااُہناننُوں سکھالداسی۔

۱۔ تے جداُہ اوس پہاڑوں اتریا بہت سارے لوک اُہدے مگرٹرپئے۔
۲۔ تے ویکھواک کوڑھے اگّے ہو کے اہنُوں سجدہ کر کے آکھیا خداوندا جے تُوں چاہیں تاں مینُوں پاک صاف کر سکناں ہیں۔
۳۔ تےہتھ ودھا کے اوس اُہنُوں چھویا تے آکھیا میں چاہناں ہاں۔ تُوں پاک صاف ہوجا۔ تے اوسے ویلے اُہدا کوڑھ صاف ہوگیا۔
۴۔ تے یِسُوع اُہنُوں آکھیا خبردار کسے نُوں نہ دسّیں۔ پر جاکے اپنا آپ کاہن نُوں وکھیا۔ تے جہڑی نذر موسیٰ نے ٹھیرائی ہے۔ چڑھا۔ تاں جو اُہناں لئی گواہی ہووے۔
۵۔ تے جد اوہ کفرناحم وچ اپڑیا اک صوبیدار اُہدے کول آیا۔ تے اہدی منت کرکے آکھیا پئی۔
۶۔ اے خداوند میرے چھوکرا جھولیداماریا گھر وچ پیا ڈاہڈا تڑپھدا ہے۔
۷۔ تے اوس اہنُوں آکھیا میں آکے اُہنُوں ول کراں گا۔
۸۔ تد صوبیدار جواب دتا۔ خداوندا میں ایس لائق کتھوں ہویا پئی تُوں میرے چھت ہیٹھاں آویں ؟پر نِرا کلام کرتے میرا چھوکرا ول ہو جائےگا۔
۹۔ کیوں جو میں بھی نوکر شخص ہاں سپاہی میرے حکم وچ نے۔ تے میں اک نُوں آکھناں ہاں پئی جا تے اوہ جاندا ہے۔ تے دوجے نُوں آ۔ تے اوہ آوندا ہے تے اپنے غلام نُوں پئی اِہ کم کر تے اوہ کردا ہے۔
۱۰۔ تے یِسُوع اِہ سن کے تعجب کتیا۔ تے اُہناں نُوں جِہڑےمگرمگر آوندے سان آکھیا۔ میں تہانُوں سچ آکھناں ہاں پئی اسرائیل وچ وی میں اینا ایمان نہیں ڈٹھا۔
۱۱۔ تے میں تہانُوں آکھناں ہاں پئی بہترے چڑھدیوں تے لہندیوں آون گے تے ابراہیم تے اضحاق تے یقوب دے نال اَسمان دی بادشاہی وچ بیٹھن گے۔
۱۲۔ پر بادشاہی دے فرزند باہرلے ہنیرے وچ سٹے جان گے۔ اُتھے رونا تے دند پینا ہووے گا۔
۱۳۔ تے یِسُوع صوبیدار نُوں آکھیا۔ جا تے جیہا تُوں یقین کتیا اوہی تیرے لئی ہووے۔ تے اوہ چھوکرا اوسے گھڑی ول ہوگیا۔
۱۴۔ تے یِسُوع پطرس دے گھر دے وچ آکے اہدی سَس نُوں کس ناں ڈگیاں ہویاں ویکھیا۔
۱۵۔ تے او ہن اُہداہتھ چھویا تے کس لہہ گئی۔ تے اوس اُٹھ کے اُہدی ٹہل کتیی۔
۱۶۔ تےجد شام پئی لوک بہتیاں بدروح چڑھیاں ہویاں نُوں اُہدے کول لے آئے۔ تے اوس اُہناں روحاں نُوں کلام ہی نال باہر کڈھ دتا۔ تے ساریاں بیماراں نُوں ول کتیا۔
۱۷۔ تاں جو اوہ گل جہڑی یسعیاہ نبی آکھی سی پوری۔ پئی اوس آپ ساڈیاں ماندگیاں لے لیاں۔ تے ساڈیاں روگاں نُوں چُک لیا۔
۱۸۔ تے جد یِسُوع اپنے چوپھیرے بڑی خلفت ویکھی تد اوس پار چلن دا حکم دتا۔
۱۹۔ تے اک فقیہ اگے ہوکے اُہنُوں آکھیا۔ اے استاد جھتے کِتے تُوں جائیں میں تیرے مگر چلاں گا ۔
۲۰۔ تے یِسُوع اہنُوں آکھیا لومڑیاں کول گُھر نے نے تے ہوا دیاں پنچھیاں کول آہلنے۔ پر ابن آدم کول تھاں نہیں ہے جتھےسردھرے۔
۲۱۔ تے شاگرداں وچوں اک ہور اُہنُوں آکھیا۔ خداوندا اِجازت دے میں پہلاں جاکے اپنے پیو نُوں دفناواں۔
۲۲۔ پر یِسُوع اہنُوں آکھیا میرے مگر ٹر آ۔ تےمُردیاں نُوں اپنے مُردے دفنان دے۔
۲۳۔ تے جد اوہ بیڑی اتےچڑھیااہدے شاگرد اہدے مگر آئے۔
۲۴۔ تے ویکھوسمندروچ ایڈی ہنھیری آئی پئی بیڑی ٹھلاں وچ چھپدی جاندی سی۔ پر اوہ آپ سُتّاپیا سی۔
۲۵۔ تے اہناں کول آکے اہنُوں اٹھایا تے آکھیا خداوندا بچا ۔ایس مر چلے ہاں۔
۲۶۔ تے اوس اہناں نُوں آکھیا اےتھوڑے ایمان والیو تُسِیں ڈردے کیوں ہو؟تد اوس اُٹھ کے ہوا تے سمندرنُوں جھڑکیا تے بڑا امن ہوگیا۔
۲۷۔ تےاوہ لوک تعجب کر کے آکھن لگے پئی اِہ کس طرح دا آدمی ہے پئی ہوا تے سمندر وی اُہدی مندے نے۔
۲۸۔ تے جدپار جاکے اوہ گدرینیاں دے دیس وچ اپڑیا اُہنُوں دو آدمی جنہاں وچ بدروحاں سان۔ قبراں وچوں نکل کے آملے تے اوہ ایڈے ڈاہڈے سان پئی کوئی اوس راہوں لنگھ نہیں سی سکدا۔
۲۹۔ تےویکھو اُہناں چیخ مار کے آکھیا۔ اے خدا دے بیٹے تیرا ساڈے نال کیہ واسطہ؟تُوں ویلے تھوں پہلاں ہی سانُوں دُکھ دین نُوں اِتھے آگیا ہیں ؟
۳۰۔ تے اُہناں تھوں دُور وار بہت سارے سُوراں دااِ جّڑاچُگدا سی۔
۳۱۔ سو بدروحاں اِہ آکھ کے اُہدی مِنّت کِیتی جے تُوں سانُوں کڈھناں ہیں تاں سانُوں اُہناں سُوراں دے اِجّڑ وچ گھلدے۔
۳۲۔ تے اُس اُہناں نُوں آکھیا جاؤ۔ تے اوہ نکل کے سُوراں وچ جا وڑیاں۔ تے ویکھو سارا اِجّڑ ڈھائے اُتُوں سمندر وچ سر توڑ بھجیا تے پانی وچ ڈُب مویا۔
۳۳۔ تدچُگان والے نس گئے تے نگر وچ جا کے سارا حال دسیا۔ تے نالےبدروحاں والیاں دا حال وی۔
۳۴۔ تے ویکھو سارا شہر یِسُوع نُوں اگوں ہوکے ملن نُوں نکلیا تے اُہنُوں ویکھ کے اُہدی مِنّت کیتی پئی ساڈیاں حدّاں تھوں باہر ٹُر جا۔

۱۔ پھیربیڑی اُتے چڑھ کے اوہ پار لنگھیا تے اپنے شہر نُوں آیا۔
۲۔ تے ویکھو اک جھولے دے مارے ہوئے نُوں منجی اُتے پیا ہویا اہدے کول لِیائے۔ تےیِسُوع اُہناندا ایمان ویکھ کے اوس جھولے دے مارے ہوئے نُوں آکھیاپتر خاطر جمع رکھ تیرے گناہ بخشے گئے۔
۳۔ تے ویکھو کئیاں فقیہاں اپنے دلاں وچ آکھیا پئی اُہ کفر بولدا ہے۔
۴۔ تے یِسُوع اُہناندیاں خیالاں نُوں بجھ کے آکھیا تُسِیں کاہنُوں اپنے دلاں وچ بُرے خیال کردے ہو؟
۵۔ کہڑی گل آکھنی سکھلّی ہے پئی تیرے گناہ بخشے گے یا اِہ پئی اُٹھ تے ٹرن لگ پو۔
۶۔ پر ایس لئی پئی تُسِیں جانو پئی ابن آدم نُوں زمین اُتے گناہ بخشندااختیار ہے۔ تداوس جھولے دے مارے ہوئے نُوں آکھیا اُٹھ اپنی منجی چک لے تے اپنے گھر ٹُر جا۔
۷۔ اُہ اٹھ کے اپنے گھر نُوں ٹُر گیا۔
۸۔ تے لوک ویکھ کے ڈر گئے تے خدادی وڈیائی کیتی پئی اوس اجہیااختیار آدمیوں نُوں دِتّا۔
۹۔ جد یِسُوع اوتھوں لنگھ کے اگاہا نہہ گیا اوس اک شخص نُوں جِہدا ناں متی سی محصول دی چوکی اتے بیٹھیاں ڈِٹھا تے اُہنُوں آکھیا میرے مگر ٹُر پو تے اوہ اُٹھکے اُہدے مگر ٹر پیا۔
۱۰۔ پھیرا یوں ہو جا جدوں اوہ گھر وچ روٹی کھان بیٹھاہویا سی تاں ویکھو بہت سارے محصولئے گنہگار آکے یِسُوع تے اہدے شاگرداں نال بہہ گئے۔
۱۱۔ تےفریسیاں ویکھ کےاہدے شاگرداں نُوں آکھیا تہاڈا استاد محصولیاں تےگناہیاں دے نال کیوں کھاندا ہے ؟
۱۲۔ اوس اِہ سن کے آکھیانویاں نرویاں نُوں حکیم دی لوڑ نہیں سگوں ماندیاں نُوں۔
۱۳۔ پر تُسِیں جاکے اِہدا مطلب سمجھو پئی میں قربانی نہیں چاہنداسگوں رحم نُوں چاہندا ہاں کیوں جو میں نیکاں نُوں سدّن لئی نہیں آیا سگوں گُناہیاں نُوں۔
۱۴۔ تد یوحنا دے شاگرداُہدے کول آکے آکھن لگے پئی اسیں تے فریسی کیوں اکثرروزہ رکھنے ہاں۔ پرتیرے شاگرد روزہ نہیں رکھدے ؟
۱۵۔ تے یِسُوع اُہناں نُوں آکھیا جناں چر لاڑا اُہناں دے نال ہے جانجی غم کر سکدے نے ؟پر اوہ دن آون گے جد لاڑااُ ہناں تھوں نکھیڑیا جائے گا تے تد اوہ روزہ رکھ لین گے۔
۱۶۔ کورے کپڑے دی ٹاکی پُرانے کپڑے نُوں کوئی نہیں لاندا۔کیوں جو اُہ ٹاکی کپڑے نُوں کھچ لیندی ہے تے لنگار ہور بھی ودھ جانداہے۔
۱۷۔ تےنواں شراب پرانیاں کھلّا ں وچ لوک نہیں بھردے۔ تے جے بھرن تے کھلّاں پاٹ جانگیاں تے شراب وگ جائے گا۔ تے کھلّاں داناس ہو جائے گا پر نواں شراب نویاں کھلّا ں وچ بھردے نے تے اُہ دوویں بچے رہندے نے۔
۱۸۔ جد اوہ اہناں نُوں اِہ گلاں پِیا آکھدا سی ویکھو اِک سردار آکے اُہنُوں سجدہ کیتا تے آکھیا میری دِھی ہُنے ہی مر گئی ہے پر تُوں آکے اُہدے اُتے ہتھ رکھ تے اوہ جیوپویگی۔
۱۹۔ تے یِسُوع اُٹھ کے اپنے شاگرداں دے نال اُہدے مگر ٹُر پیا۔
۲۰۔ تے ویکھو اک زنانی نے جہنُوں بارھاں(۱۲) ورھیاندا لہو آونداسی اُہدے پچّھوں دی آکے اُہدے کپڑے دی کنی چھوئی۔
۲۱۔ کیوں جو اوس اپنے جی وچ آکھیا سی جے میں نرااُہدا کپڑاچھولواں تاں ول ہوجا ں گی۔
۲۲۔ تدیِسُوع بھونکے اُہنُوں ڈِٹھا تے آکھیا۔ دِھئے خاطر جمع رکھ تیرے ایمان تینُوں ول کیتا ہے تے اوہ زنانی اوسے گھڑیوں ول کِیتی گئی۔
۲۳۔ تے جددں یِسُوع سردار دے گھر اپڑیا اوس بانسری بجان والیاں تے بھیڑنُوں رولا پاندیاں ویکھیا۔
۲۴۔ تاں آکھیا لانبھے ہوجاؤ۔ کیوں جو کُڑی موئی نہیں پر سُتّی ہوئی ہے۔ تے اوہ اُہدے اُتے ہسّے۔
۲۵۔ پرجد بھیڑباہر کڈی گئی اوس اندر وڑ کے اُہدا ہتھ پھڑیا تے اوہ کُڑی اُٹھی۔
۲۶۔ تے اِہ خبرسارے دیس وِچ پھیل گئی۔
۲۷۔ تے جد یِسُوع اوتھوں لنگھدا جاندا سی دو اَنّھے اُہدے مگرٹُر پئے تے ڈنڈ پا کے آکھن لگے۔ اے داؤد دے پُتّر دے ساڈے اُتے رحم کر۔
۲۸۔تے جد اوہ گھر دے اندر آگیااوہ اَنّھے اُہدے کول آئے۔ تے یِسُوع اُہناں نُوں آکھیا۔ تُہانُوں یقین ہے پئی میں اِہ کم کر سکناں ہاں ؟اوہ اہنُوں آکھن لگے ہاں خداوندا۔
۲۹۔ تد اوس اُہناں دیاں اکھیاں نُوں اِہ آکھ کےچھویا پئی جِہیا تہاڈا ایمان ہے تہیاہی تہاڈے لئی ہووے۔
۳۰۔ تےاُہناں دِیاں اَکھیاں کُھل گئیاں۔ تے یِسُوع تا کید نال اُہناں نُوں آکھیا۔ خبردار کوئی نہ جانے۔
۳۱۔ پر اُہناں باہر جاکے اوس سارے دیس وِچ اُہنُوں مشہور کِیتا۔
۳۲۔ تے اِہ جے باہر پئے جاندے سان پئی ویکھو لوک اک گُنگے نُوں جِہدے وچ بدروح سی اُہدے کول لِیائے۔
۳۳۔ تے جد بدروح کڈھی گئی تد گُنگا گلاں کرن لگ پِیا۔ تے بھیڑ حیران ہوکے آکھن لگی۔ پئی اجہی گل اِسرائیل وچ کدی نہیں سی ڈِٹھی گئی۔
۳۴ ۔پر فریسیاں آکھیا۔ اوہ تے بدرُوحاں دے سردار دی مدد نال بدرُوحاں نُوں کڈھداہے۔
۳۵۔ تے یِسُوع اُہناں دیاں عبادت خانیاں وچ تعلیم دیندا تے بادشاہی دی خوشخبری دی منادی کردا تے سبھ دُکھ درد تے سارے روگ نُوں دُور کردا ہویا ساریاں نگراں تے پنڈاں وچ پھریا۔
۳۶۔ تے بھیڑنُوں ویکھ کے اُہنُوں اُہناں اُتے ترس آیا کیوں جو اوہ اُہناں بھیڈاں وانگر اوکھیاں تے کھنڈیاں ہوئیاں سان جِنہاندا یالی نہ ہووے۔
۳۷۔ تد اوہ اپنے شاگرداں نُوں آکھن لگا فصل تے بُہت ہے پر کامے تھوڑے نے۔
۳۸۔ ایس لئی فصل تے دے مالک دی منّت کرو پئی اوہ اپنے فصل لئی کامیاں نُوں گھل دے۔

۱۔ تے اوس اپنے بارھاں (۱۲)شاگرداں نُوں کول سد کے اُہناں نُو ں اِختیار دتّا پئی پلیت رُوحاں نُوں کڈھن تے سبھ دُکھ درد تے سارے روگ نُوں دور کرن۔
۲۔ اُہناں بارھاں (۱۲)رسُولاں دے ناں اِہ نے پہلا شمعون جہڑا پطرس اکھواندا ہے۔ تے اندریاس اُہدابھرا۔ زبدی دا پُتر یعقوب تے یُوحنا اُہدا بھرا۔
۳۔ فلپس تے برتلمئے۔ توما تے متی محصُولیہ۔
۴۔ حلفئی دا پُتر یعقوب تے تدئی۔ شمعون غیرتی تے یہودا اسکریوطی جس اُہنُوں پھڑوا بھی دِتّا۔
۵۔ اُہناں بارھاں(۱۲) نُوں یِسُوع اِہ حکم دیکے گھلیا پئی غیرقوماں دے راہ نہ جانا تے نہ سامریاں دے کسے نگر وچ وڑنا۔
۶۔ سگوں اسرائیل دے گھرانے دیاں گواچیاں ہویاں بھیڈاں کول جاؤ۔
۷۔ تےجاندے جاندے اِہ منادی کرو پئی’’ اَسمان دی بادشاہی نیڑے آگئی ہے‘‘۔
۸۔ روگیاں نُوں ول کرو مُردیاں نُوں جوالو۔ کوڑھیاں نُوں پاک صاف کرو۔ بدرُوحاں نُوں کڈھو مفت تہانُوںملیا ہے مفت ہی دیو۔
۹۔ نہ سونا نہ نونا روپانہ تانبا گھٹکے اپنے لک نال بنّھو۔
۱۰۔ تے نہ راہ لئی جھولی لَو نہ دو جھگے۔ نہ جُتیاں تے نہ سوٹا۔ کیوں جو کاماں اپنی روٹی دا حقدار ہے۔
۱۱۔ تے جس شہر یا پنڈ وچ جاؤ پتہ لو پئی ایس تھاں وچ کون لائق ہے تے جِنّا چِر تُسِیں ٹُرنہ پئو اُتھے ہی رہو۔
۱۲۔ تے گھر دےاندروڑن لگیاں اُہنُوں سلام کرو۔
۱۳۔ تے جے اوہ گھر لائق ہووے تاں تُہاڈی برکت اُہنُوں پہنچے تے جے نا لائق ہووے تد تہاڈی برکت تہانُوں مُڑآوے۔
۱۴۔ تے جے کوئی تہانُوں قبول نہ کرے نہ تُہاڈیاں گلاں سُنے تاں اوس گھروں یا اوس شہروں نِکلدیاں ہی اپنے پیراں دی دُھوڑ جھاڑ دیو۔
۱۵۔ میں تہانُوں سچ آکھناں ہاں پئی عدالت دے دن اوس نگر نالوں سدوم تے عمورہ دے دیس دی سزاگھٹ ہو وے گی۔
۱۶۔ ویکھو میں تُہانُوں ایس طرح گھلناں ہاں جہابھیڈاں نُوں بگیاڑاں دے وچ۔ سوسپّاں وانگر ہوشیار ہوو تے کبُوتراں وانگر بھولے۔
۱۷۔ پر آدمیاں تھوں خبردار رہو کیوں جو اوہ تُہانُوں مجلساں دے حوالے کرن گے تے اپنے عبادت خانیاں وچ کو ٹڑے مارن گے۔
۱۸۔ تے تُسِیں حاکماں تے بادشاہاں دے اگے میری خاطر کھڑے جاؤ گے تاں جو اُہناں نُوں تے غیرقوماں نُوں بھی گواہی ہووے۔
۱۹۔ پر جدوں اوہ تہانُوں حوالے کرن گے تاں چِنتا نہ کرو پئی کس طرح یا کیہ بولوگے۔ کیوں جوکُجھ تساں بولناہووے گا سو اوسے گھڑی تُہانُوں دسیّا جائے گا۔
۲۰۔ کیوں جو بولن والے نہیں ہو۔ پر تُہاڈےباپ دا روح۔ جہڑا تہاڈے وچ بولدا ہے۔
۲۱۔ بھائی بھائی نُوں موت لئی پھڑوائے گا تے پیو پُتر نُوں تے اپنے ماپیاں دا سامنا کرن گےتے اہناں نُوں مرواسٹن گے۔
۲۲۔ تے میرے ناں کرکے سبھ لوک تُہاڈے نال ویر رکھنگے۔ پر جو کوئی اخِیرتوڑی قائم رہیگا سو ہی بچایا جائے گا۔
۲۳۔ جداوہ تُہانُوں اک شہر وچ دکھ دین تاں دوجے وچ بھج جاؤ۔ کیوں جو میں تُہانُوں سچ آکھناں ہاں پئی تُسِیں اِسرائیل دے شہراں نُوں مکا نہ لوگے جو ابن آدم آجائے گا۔
۲۴۔ شاگرداپنے استاد نالوں وڈا نہیں تے نہ نوکر اپنے مالک نالوں۔
۲۵۔ ایناہی بہت ہے پئی شاگردااپنے اُستاد جیہا تے نوکر اپنے مالک جیہا ہووے۔ جد اُہناں گھر دے مالک نُوں بعلربول آکھیا تاں اُہدے گھر دیاں نُوں ضرور ہی آکھنگے ؟
۲۶۔ سو تُسِیں اُہناں کولوں نہ ڈرو۔ کیوں جو کوئی چیز ڈھکی ہوئی نہیں جہڑی ظاہر نہ کِیتی جائے گی تے نہ لکی ہُوئی۔ جِہڑی جانی نہ جائے گی۔
۲۷۔ جو کجھ میں ہنھیرے وچ تہانُوں آکھناں ہاں تُسِیں چانن وچ دسو۔ تے جو کجھ کن وچ سُندے ہو اہدی کوٹھیاں اُتے چڑھکےمنادی کرو۔
۲۸۔ تے اُہناں نُوں تھوں نہ ڈروجِہڑے بدن نُوں مار سُٹدے تے روح نُوں نہیں مار سکدے۔ سگوں اُہدے تھوں ڈرو جہڑا بدن تے روح دوہاں دا جہنم وچ ناس کر سکدا ہے۔
۲۹۔ اک پیسے دیاں دو چڑیاں نہیں وکدیاں ؟تے اُہناں وچوں اک بھی تہاڈے باپ دی مرضی بنا زمین اتے نہیں ڈگدی۔
۳۰۔ پر تہاڈے سر دے وال بھی سبھ گنے ہوئے نے۔
۳۱۔ سو تُسِیں نہ ڈرو۔ تُسِیں بُہتیاں چڑیاں نالوں زیادہ مُلدےہو۔
۳۲۔ جہڑا کوئی آدمیاں دے اَگے میرا اقرار کرئے گا۔ میں بھی اُہدا اپنے باپ دے اگّے جہڑا اَسمان اُتے ہے اقرار کراں گا۔
۳۳۔ پر جہڑا کوئی آدمیاں دے اگے میرا انکار کر ئے گا میں بھی اپنے باپ دے اگّے جہڑااَسمان اُتے ہے اُہدا انکار کرا ں گا۔
۳۴۔ اِہ نہ سمجھو پئی میں زمین اُتے امن کران آیا۔ میں امن کران نہیں۔ سگوں تلوار چلان آیا ہاں۔
۳۵۔ کیوں جو میں آیا پئی آدمی نُوں اُہدے باپ تھوں۔ تے دھی نُوں ماں تھوں۔ تے نُونہہ نُوں سس تھوں نکھیڑاں۔
۳۶۔ تے آدمی دے ویری اُہدے گھر ہی دے لوک ہون گے۔
۳۷۔ جہڑا باپ یا ماں نُوں میرے نالوں ودھ پیار کردا ہے میرے کم دا نہیں۔
۳۸۔ تے جہڑا اپنی صلیب چُک کے میرے مگر نہیں آوندا اوہ میرے لائق نہیں ہے۔
۳۹۔ جس اپنی جان نُوں لبھ لیا اوہ اہنُوں گوائے گا۔ پر جس میرے واسطے اپنی جان نُوں گوایا اوہ اُہنُوں لبھ لے گا۔
۴۰۔ جہڑا تہانُوں قبول کردا ہے مینُوں قبول کردا ہے۔ تے جہڑا مینُوں قبول کردا ہے میرے گھلن والے نُوں قبول کردا ہے۔
۴۱۔ جہڑا نبی دے ناں اُتے نبی نُوں قبول کردا ہے اُہنُوں نبی دا اجر ملے گا۔ تے جہڑا نیک آدمی دے ناں اتے نیک آدمی نُوں قبول کردا ہے اُہنُوں نیک آدمی دا اجر ملے گا۔
۴۲۔ تے جو کوئی اِہناں نکیاں وچوں اک نُوں شاگرد دے ناں اُتے نِرا ٹھنڈے پانی دا کٹورا پیائے۔ میں تہانُوں سچ آکھناں ہاں اُہ اپنا اجر کدی نہ گوائے گا ۔

۱۔ تےایوں ہویا پئی جد یِسُوع اپنے بارھاں(۱۲) شاگرداں نُوں حکم دے دِتا تد اُہ اُہناں دے شہراں وچ تعلیم دین تے منادی کرن نُوں اوتھوں ٹُر پیا۔
۲۔ تے یُوحنؔا قید خانے وچ مسیح دیاں کماں دا حال سن کے اپنے شاگرداں دی راہیں اُہنُوں اَکھوا گھلیاں پئی۔
۳۔ اُہ جہڑا آون والا سی تُوں ہی ہیں یا اسیں ہوری کسے نُوں اوڈیکئے ؟
۴۔ تے یِسُوع اُہناں نُوں جواب دِتا۔ پئی جو کجھ تُسِیں سُندے تے ویکھدے ہو یوحنا نُوں جا کے دسّو۔
۵۔ پئی اَنھے ویکھدے تے لنگے ٹُردے پھردے کوڑھے پاک صاف کیتے جاندے نے تے سُندے تے مُردے جوائے جاندے نے۔ تے غریباں نُوں خوشخبری سنُائی جاندی ہے۔
۶۔ تے دھن اُہ ہے جہڑا میرے سبب ٹھوکر نہیں کھاندا۔
۷۔ تے جد اُہ ٹر گئےیِسُوع یوحنا دی بابت لوکاں نُوں آکھن لگا پئی تُسِیں جنگل وچ کیہ ویکھن گئے ساؤ؟اک ہوانال ہلدے کانے نُوں ؟
۸۔ پر تُسِیں کیہ ویکھن گئے ساو؟ اک چنگے کپڑے پالے ہوئے آدمی نُوں ؟ویکھو جِہڑے چنگے کپڑے پاندے نے اُہ بادشا ہاں دے محلاں وچ نے۔
۹۔ پر تُسِیں کاہنُوں باہر گئے ساؤ؟اک نبی نُوں ویکھن لئی۔ ہاں میں تُہانُوں آکھناں ہاں سگوں نبی نالوں وڈے نُوں۔
۱۰۔ اُہ اُہوہی ہے جِہدی بابت لکھیا ہویا ہے پئی’’ ویکھومیں اپنا رسول تیرے اگّے اگّے گھلنا ہاں۔ اُہ تیرا راہ تیرےاگّے تیار کرئے گا۔
۱۱۔ میں تُہانُوں سچ آکھناہاں پئی اہناں وچوں جِہڑے عورتاں تھوں جمے نے یوحنا بپتسمہ دین والے نالوں وڈا کوئی بھی نہیں اُٹھیا ،پر جہڑا اَسمان دی بادشاہی وچ نکّا ہے اُہ اُہدے نالوں وڈاہے۔
۱۲۔ تے یوحنا بپتسمہ دین والے دیاں دناں تھوں لیکے ہُن تیکر اَسمان دی بادشاہی اُتے زدرا زوری ہُندی ہے تے زوراور لوک اُہنُوں زبردستی مل لیندے نے۔
۱۳۔ کیوں جو سارے نبی تے توریت بھی یوحنا تیکر اَگے دِیاں خبراں دیندے آئے سان۔
۱۴۔ تے ایلیاہ جہڑا آون والا سی اہو ہے۔ چا ہوتے منو۔
۱۵۔ جہڑا سُنن واسطے کن رکھداہے سو سُنے۔
۱۶۔ پر میں ایس زمانے دیاں لوکاں نُوں کہدے وانگر آکھاں ؟ اُہ تاں اُہناں مُنڈیاں جہے نے جِہڑے بازاراں وچ بہہ کے اپنے یاراں نُوں اوازاں مارکے آکھدے نے ؟
۱۷۔ پئی اساں تہاڈےلئی بانسری وجائی پر تُسِیں نہ نچے۔اساں سیاپے کتیے پر تُسِیں نہ پٹے۔
۱۸۔ کیوں جو یوحنا نہ کھاندا نہ پیندا آیا۔ تے اُہ آکھدے نے پئی اُہدے وچ بدرُوح ہے۔
۱۹۔ ابن آدم کھاندا پِیندا آیا۔ تے اُہ آکھدے نے پئی ویکھو کھاؤ تے شرابی آدمی محصُولیاں تے گناہیاں دایار۔ پردانائی اَپیناں کماں تھوں سچی ٹھہری۔
۲۰۔ تد اُہناں سبھناں شہراں نُوں جہناں وچ اُہدیاں بہتیاں کراماتاں کیتیاں ہویاں سان ملامت کرن لگا۔ ایس کر کے پئی اُہناں توبہ نہ سی کتیی۔
۲۱۔ ہائے تینُوں خُرازین ہائے تینُوں بیت صیدا۔ کیوں جو اُہ کراما تاں جہڑیاں تُہاڈے وچ ہویاں سان جیکر صور تے صیدا وچ ہُندیاں۔ تاں تر پڑپا کے تے سواہ وچ بہکے اہ کدوں دی توبہ کر لیندے۔
۲۲۔ پر میں تُہانُوں آکھنا ہاں۔ پئی عدالت دے دن تہاڈے نالوں صورتے صیدادا سوکھل ہوو ے گا۔
۲۳۔ تے اے کفر ناحوم تُوں اَسمان تِیکر اُچا کِیتا جائیں گا ؟ تُوں تے عالم ارواح تِیکر نینواں کِیتا جائیں گا کیوں جو اِہ کراماتاں جہڑیاں تیرے وچ ہویاں نے جے سدوم وچ ہُندیاں۔ تاں اُہ اج تِیکر رہ جاندا۔
۲۴۔ پر میں تہانُوں آکھنا ہاں پئی عدالت دے دِن تیرےدن تیرے نالوں سدُوم دیس واسطے سوکھل ہوئے گا۔
۲۵۔ اوس ویلے یِسُوع نے جواب وچ آکھیا۔ اے باپ اَسمان تے زمین دے خداوند میں تیری وڈیائی کرنا ہاں پئی تُوں اِہناں گلّاں نُوں داناواں تے سیانیاں تھوں لُکایا۔ تے انجانیاں اُتّے ظاہر کِیتا۔
۲۶۔ ہاں اے باپ کیوں جو ایسے طرح تینُوں چنگا لگا۔
۲۷۔ سارِیاں چیزاں میرے باپ تھوں مینُوں سونپیاں گئیاں۔ تے کوئی بیٹے نُوں نہیں جاندا پر باپ۔ تے نہ باپ نُوں کوئی جاندا ہے پر بیٹا۔ تے اُہ جہدے اُتے بیٹا اُہنُوں ظاہر کرنا چاہے۔
۲۸۔ اے سارے لوکو جِہڑے محنت کردے تے بھار ہیٹھ دبے پئے ہو۔ میرے کول آؤ تے میں تہانُوں آرام دیا ں گا۔
۲۹۔ میری پنجالی اپنے اُتے رکھ لو تے میتھوں سِکھو کیوں جو میں حِلیم تے دل دا غریب ہاں تے تُسِیں اپنیاں جِیاں وچ آرام پاؤگے۔
۳۰۔ کیوں جو میری پنجالی سکھلی تے میرا بھار ہَولا ہے۔

۱۔ اوس ویلے یِسُوع سبت دے دن پیلیاں وچوں دی لنگھیا تے اُہدے شاگرداں نُوں بھکھ لگی ہوئی سی۔ تے اُہ سِٹے توڑ توڑ کے چبن لگے۔
۲۔ تے فریسیاں اِہ ویکھ کے اُہنُوں آکھِیا۔ ویکھ تیرے شاگرد اُہ کم پے کردے نے جہڑا سبت نُوں کرنا روانہیں۔
۳۔ پر اوس اُہناں نُوں آکھیا تُساں نہیں پڑھیا پئی داؤد نے کیہ کیتا جدوں اُہ تے اُہدے ساتھی بھکھے سان۔
۴۔ اُہ کس طرح خدادے گھروچ گیا تے چڑھاوے دِیاں روٹیاں کھادیاں جہڑیاں نہ اُہنُوں نہ اُہدے ساتھیاں نُوں پر نریاں کاہناں نُوں کھانیاں روا سان۔
۵۔ یا تساں توریت وچ نہیں پڑھیا پئی کاہن سبت دے دن ہیکل دے وچ سبت نُوں توڑدیندے نے۔
۶۔ تے بے دوسے رہندے نے۔ پر میں تُہانُوں آکھنا ہاں پئی ہیکل نالوں ایتھے اک وڈا ہے۔
۷۔ تے جیکر تُسِیں سمجھ دے پئی اہ کیہ گل ہے۔ پئی میں قربانی نُوں نہیں چاہندا پر رحم نُوں چاہناں ہاں۔ تاں تُسِیں بے گناہیاں اُتے الزام نہ لاندے۔
۸۔ کیوں جو ابن آدم سبت دا خداوند ہے۔
۹۔ تےاُتھوں ٹُر کے اُہ اُہناں دے عبادت خانے وچ گیا۔
۱۰۔ تے ویکھو اک آدمی سی جہدا ہتھ سُکیا ہویا سی۔ تےاُہناں ایس مطلب نال پئی اُہدے اُتے عیب لان اِہ آکھ کے اُہدے کولوں پُچھیا۔ سبت دے دن آدمی نُوں ول کرنا رواہے ؟
۱۱۔ تے اوس اُہناں نُوں آکھیا پئی تُہاڈے وچوں اجہیا کہڑا آدمی ہے جہدے کول اک بھیڈ ہووے تے اُہ سبت دے دن ٹوئے وچ ڈگ پوئے۔ اُہ اُہنُوں پھڑ کے نہ کڈھے گا ؟
۱۲۔ سو آدمی بھیڈ نالوں کِنّاودھ چنگا ہے۔ ایس لئی سبت دے دن بھلا کرنا روا ہے۔
۱۳۔ تد اُہ اوس آدمی نُوں آکھن لگا۔ اپنا ہتھ ودھا۔ تے اوس ودھایا تے اُہ دوجے وانگر پھیر ول ہو گیا۔
۱۴۔ تد فریسیاں باہر جاکے اُہدے خلاف صلاح کیتی پئی اُہنُوں کس طرح مار سُٹیے۔
۱۵۔ تے یِسُوع اِہ سمجھ کے اوتھوں ٹُرگیا۔ تے بہت سارےلوک اُہدے مگر ٹُر پئے۔ تے اوس اُہناں سبھناں نُوں وَل کِتیا۔
۱۶۔ تے اوس اُہناں نُوں تاکِید کِیتی پئی مینُوں مشہور نہ کرنا۔
۱۷۔ تا ں جو اِہ گل جہڑی یشعیاہ نبی دی راہیں آکھی گئی سی پوری ہووے۔
۱۸۔ پئی ویکھو میرا بندہ جہنُوں میں چُنیا۔ میرا پیارا جہدے تھوں میرا جی خوش ہے میں اپنا روح اُہدے اُتے رکھا ں گا تے اُہ غیر قوماں نُوں نیاں دی خبر کرئے گا۔
۱۹۔ اُہ نہ جھگڑا کرئے گا۔ تے نہ اُچی بولئے گا۔ تے نہ کوئی اہدی آواز چوکاں وچ سُنے گا۔
۲۰۔ مِدھے ہوئے کانے نُوں اُہ نہیں بھننے گا۔ تے دُھکھدی ہوئی سن نُوں نہیں بجھائے گا۔ جَدتوڑی اُہ نیاں دی فتح نہ کرا دیوے۔
۲۱۔ تے اُہدے ناں اُتے غَیرقَوماں آسرارکھن گئیاں۔
۲۲۔ تد اِک بد رُوح والا آدمی جہڑا اَنّھا تے گونگا سی اُہدے کول لیاندا گیا۔ تے اوس اُہنُوں ول کتیا تے اُہ گونگا بولن تے ویکھن لگ پیا۔
۲۳۔ تے ساریاں لوکاں تعجب کر کے آکھیا !اِہ داؤد دا پُتر نہیں ؟
۲۴۔ پَر فرِیسیاں سُن کے آکھیا۔ اِہ بدرُوحاں نُوں نہیں کڈھدا۔ پربدرُوحاں دے سردار بعل زبُول دی مدد نال۔
۲۵۔ تے اوس اُہناں دیاں خِیالاں نُوں بُجھ کے اُہناں نُوں آکھیا ہر اِک راج جِہدے وِچ پُھٹ پَے جاوے سواُجڑ جاندا ہے۔ تے ہر اک شہر یا گھر جہدے وچ پُھٹ پےجائے اُہ قائم نہیں رہے گا۔
۲۶۔ تے جے شیطان شیطان نُوں کڈھدا ہے۔ تاں اُہدے اپنے آپ وچ ہی پھٹ پئی ہے۔ پھر اُہدا راج کیکرقائم رہے گا۔
۲۷۔ تے جے میں بعلزبول دی مدد نال بدرُوحاں نُوں کڈھنا ہاں۔ تاں تُہاڈے پُتّرکہدی مدد نال کڈھدے نے ؟بس اوہی تُہاڈی مُنصفی کرن گے۔
۲۸۔ پر جے مَیں خدادے روح نال بد رُوحاں نُوں کڈھناں ہاں۔ تاں تے خدا دی بادشاہی بے شک تہاڈے کول آپہنچی ہے۔
۲۹۔ یا کوئی کسے زور اور آدمی دے گھر وچ کس طرح اندر وڑ کے اُہدا مال لُٹ سکدا ہے۔ جے پہلاں اُہ اوس زوراور نُوں بنھ نہ لے۔ تے تد اُہدا گھر لٹُے گا۔
۳۰۔ جہڑا میرےنال نہیں میرے بر خلاف ہے تے جہڑا میرے نال اکٹھا نہیں کردا سو کھلار دا ہے۔
۳۱۔ ایس لئی میں تہانُوں آکھنا ہاں پئی ہر اک گناہ تے کُفر آدمیاں نُوں بخشیا جائے گا پر اُہ کفر جہڑا کوئی رُوح دے حق وچ ہووے بخشیا نہ جائے گا۔
۳۲۔ تے جہڑا کوئی ابن آد م دے برخلاف کوئی گل کرے اُہ اُہنُوں بخشیا جائے گا۔ پر جہڑا پاک روح دے بر خلاف بولے اُہنُوں بخشیا نہ جائے گا۔ نہ ایس جہان وچ نہ اگلے جہان وچ۔
۳۳۔ یا تے رُکھ نُوں چنگا آکھو تے اُہدے پھل نُوں وی چنگا۔ یا رکھ نُوں ماڑا آکھوتے اہدے پھل نُوں وی ماڑا۔ کیوں جو رکھ اپنے پھل تھوں پچھانیا جاندا ہے۔
۳۴۔ سپاں دے بچیو تُسِیں بُرے ہو کے کس طرح چنگیاں گلاں کر سکدے ہو۔ کیوں جو جہڑا من وچ بھرا ہویا ہے منہ اُتے آوندا ہے۔
۳۵۔ کھرا آدمی اپنے کھرے خزانے وچوں کھریاں گلاں کڈھدا۔ تے بُرا آدمی بُرے خزانے وچوں بُریاں گلاں کڈھدا ہے۔
۳۶۔ پرمیں تہانُوں آکھناں ہاں پئی ہر اک وادھی جہڑی لوکی بولن گے عدالت دے دن اُہ اُہدا حساب دین گے۔
۳۷۔ کیوں جو تُوں گلاں تھوں سچاتے اپنیاں گلاں تھوں مجرم ٹھیرایا جائیں گا ۔
۳۸۔ تد بعضیاں فقیہاں تے فریسیاں اُہنُوں جواب دے کے آکھیا اَے اُستاد اسیں تیتھوں کوئی نِشان ویکھنا چاہنے ہاں۔
۳۹۔ پراوس اُہناں نُوں جواب دِتّا پئی بُرےتے زناکار لوک نِشان لبھدے نے۔ پر اُہناں نُوں کوئی نِشان دِتّا نہ جائے گا۔ بناں یونس نبی دے نشان دے۔
۴۰۔ کیوں جو جس طرح یونس تن رات دن مچھی دے ڈھڈھ وچ رہیااوسے طرح اِبن آدم تن رات دن زمین دے اندر رہے گا۔
۴۱۔ نینوے د ے لوک عدالت وچ ایس زمانے دےلوکاں نال اُٹھن گے تے اہناں نُوں مجرم ٹھہران گے کیوں جو اُہناں یونس دی مُنادی سُن کے توبہ کر لئی۔ تے ویکھو یونس نالوں اِتھے اک وڈّا ہے۔
۴۲۔ دکھن دی رانی ایس زمانے دیاں لوکاں نال عدالت دے دن اُٹھے گی۔ تے اُہناں نُوں مجرم ٹھیرائیگی۔ کیوں جو اُہ تے سلیمان دی دانائی سُنن لئی زمین دیاں حداں تھوں آئی تے ویکھو ایتھے سلیمان نالوں بھی اِک وڈّا ہے۔
۴۳۔ پلیت روح جد آدمیوں باہر نکل گئی ہووے تاں سُکِیاں تھانواں وچ آرام لبھدی پھر دی ہے۔ پر نہیں پاندی۔
۴۴۔ تدآکھدی ہے میں اپنے گھر نُوں جتھوں نکلی ساں مُڑ جاں گی۔ تے آکے اُہنُوں وِہلا تے جھاڑیا سنواریا ہویا ویکھدی ہے۔
۴۵۔ تد اُہ جاندی ہے تے ہور ست(۷) رُوحاں اپنے نالوں بُریاں نال لیاوندی ہے تے اُہ وچ وڑکے اوتھے وسدیاں نے۔ تے اوس شحض دا پچھلا حال پہلے نالوں بھیڑا ہو جاندا ہے۔ ایس بُرے زمانے دے لوکاں دا بھی اہو جہیا حال ہووئے گا۔
۴۶۔ اجے اُہ لوکاں نال گلاں پیا کردا سی تاں ویکھو اُہدی ماں تے بھرا باہر کھلوتے ہوئے اُہدے نال گل کرنی چاہندے سان۔
۴۷۔ تے کسے اہنُوں آکھیا ویکھ تیری ماں تے بھرا باہر کھلوتے ہوئے نے تے تیرے نال گل کرنی چاہندے نے۔
۴۸۔ پر اوس دسّن والے نُوں جواب دِتا کون ہے میری ماں تے کون میرا بھرا۔
۴۹۔ تے اپنے شاگرداں ول اپنا ہتھ کر کے آکھیا۔ ویکھو میری ماں تے میرے بھرا۔
۵۰۔ کیوں جو جہڑاکوئی میرے باپ دی جہڑا اَسماناں وچ ہے مرضی نُوں پورا کردا ہے اُہوہے میرابھر ا تے بہن تےماں۔

۱۔ اوسے دن یِسُوع گھروں نکل کے دریا دے نیڑے جا بیٹھا۔
۲۔ تے اُہدے کول بڑی بھیڑاکٹھی ہوگئی ایس کر کے اُہ آپ بیڑی اُتے چڑھ بیٹھا۔ تے ساری بھیڑ کنڈھے اُتے کھلوتی رہی۔
۳۔ تے تمثیلاں دے دے کے اوس اُہناں نُوں بہت ساریاں گلّاں دسّیاں۔ پئی ویکھو اک بیجن والا بِی بیجن نُوں نکلیا۔
۴۔ تے اہدے بیجدیاں ییجدیاں کُجھ دانے پہے ول ڈِگ پئے۔ تے پنچھی آکےاُہناں نُوں چُگ گئے۔
۵۔ تے ہور کُجھ پتھراں والی زمین اُتے ڈگ پئے جِتّھے اُہناں نُوں بُہت مِٹّی نہ ملی۔ تے بُہتی مٹی نہ مِلن کر کے اُہ چھیتی اُگ تے پئے۔
۶۔ پر جَدوں دُھپ چڑھی اُہ جُھلس گئے۔ تے جڑ نہ ہون دے سبب کر کے سک گئے۔
۷۔ تے ہور کُجھ کنڈیاں وِچ ڈِگّے۔ تے کنڈیاں نے وَدھ کے اُہناں نُوں دبالیا۔
۸۔ تے ہور کُجھ چنگی زمین اُتے ڈگے تے پھل دِتّا۔ کُجھ سَوگُنا کُجھ سٹھ گُنا۔ کُجھ تِرہیہ گُنا۔
۹۔ جِہدے کَن ہون سوسُنے۔
۱۰۔ تے شاگرداں کول آکے اُہنُوں آکھیا۔ تُوں تمثیلاں وِچ اُہناں نال کیوں گلّاں کرنا ہیں ؟
۱۱۔ اوس اُہناں نُوں جواب دِتّا تے آکھیا اَسمان دی بادشاہی دے بھیتاں نُوں جان لینا تُہانُوں بخشیا گیا ہے۔ پر اِہناں نُوں اِہ بخشیا نہیں گیا۔
۱۲۔ ایس لئی جہدے کول ہے اُہنُوں دِتّا جائے گا۔ تے اُہدا بڑا وادھا ہو جائے گا۔ پر جہدے کول نہیں ہے اُہدے کولوں اُہ وی جو کجھ اُہدے کول ہے لے لیا جائے گا۔
۱۳۔ میں اُہناں نال تمثلیلاں وچ ایس لئی گلاں کرنا ہاں پئی اُہ ویکھدے ہوئے نہیں ویکھدے تے سُندے ہوئے نہیں سُندے تے نہ سمجھدے نے۔
۱۴۔ تےاُہناں اُتے یشعؔیاہ دی نبوت پوری ہوئی۔ پئی کناں نال تے سنوگے پر کدی بھی نہیں سمجھوگے تےویکھدے ہوئے ویکھو گے پرکدے بھی نہیں بُجھوگے۔
۱۵۔ کیوں جو ایس قوم دا دل موٹا ہو گیا ہے تے کناں تھوں اُہ اُچا سُندے نے تےاُہناں اپنیاں اکھیاں میٹ لیاں نے۔ کِتّے اِہ نہ ہووے پئی اکھیاں نال ویکھن تےکناں نال سُنن تے دل نال سمجھن تے پرت آؤن تے میں اُہنان نُوں ول کردیاں۔
۱۶۔ پردھن نے تہاڈیاں اکھیاں کیوں جو اُہ ویکھدیاں نے تے تہاڈے کن کیوں جو سُندے نے۔
۱۷۔ میں تہانُوں سچ آکھنا ہاں پئی بہت سارے نبی تے نیک بندے ایس گل دی چاہ کردے گئے پئی جو کجھ تُسِیں ویکھدے ہو ویکھن۔ پر اُہناں نہیں ڈِٹّھا۔ تے جوکجھ تُسِیں سندے ہو سنن پر نہیں سنیا۔
۱۸۔ سو تُسِیں بیجن والے دی تمثیل سنو۔
۱۹۔ جدکوئی بادشاہی دی کلام سندا تےنہیں سمجھدا تد اُہدے من وچوں جو کجھ بیجیا ہوئیا سی اُہ بُرا آکے کھوہ لے جاندا ہے۔ اِہ اُہ ہے جہڑا پہے ول بیجیا گیا۔
۲۰۔ سواُہ ہے۔ جہڑا کلام سُنداتے جھٹ خوشی نال اُہنُوں من لیندا ہے۔
۲۱۔ اُہ تےجڑا اپنے وِچ نہیں رکھدا پر تھوڑا چر رہندا ہے۔ تے کلام دے سبب دُکھ یا ظلم ہُندیاں ہی جھٹ اُہ ٹھوکر کھاندا ہے۔
۲۲۔ تے اُہ جہڑا کنڈیاں وچ بیجیا گیا سو اُہ ہے جہڑا کلام سُندا ہے۔ تےزمانے دی سوچ فکر تے دولت دا دھوکا کلام نُوں دبا لیندا ہے تے اُہ اپھل ہوجاندا ہے۔
۲۳۔ تے اُہ جہڑا چنگی زمین وچ بیجیا گیا سو اُہ جہڑا کلام سُندا تے سمجھدا ہے اُہ ضرور پھل لیاؤندا ہے۔ تے پیدا واری دیندا ہے۔ کوئی سو(۱۰۰) گنا کوئی سٹھ(۶۰) گُنا۔ کوئی تریہہ(۳۰) گنا۔
۲۴۔ اوس ہوراِک تمثیل لیا کے اُہناں نُوں آکھیا۔ پئی اَسمان دی بادشاہی اوس آدمی وانگرہے۔ جس اپنی پیلی وچ چنگا بی بیجیا۔
۲۵۔ پر جد لوک سوں گئے تد اُہدا ویری آیا تے کنک دے وچ کوڑے دانے بھی بیج کے ٹُر گیا۔
۲۶۔ تے جد انگوری نکلی تے سِٹّے لگے تد کوڑا بوٹا بھی دِس پِیا۔
۲۷۔ تد نوکراں گھر دے مالک کول جا کے اُہنُوں آکھیا اَے خُداوند تُوں اپنی پیلی وچ چنگابِی نہیں سی بیجیا پیھرکوڑے بُوٹے کِتھوں آئے؟
۲۸۔ اوس اُہناں نُوں آکھیا کسےویری آدمی اِہ کم کیتا ہے۔ نوکر اُہنُوں آکھن لگے مرضی ہووے تے اسیں جا کے اُہناں نُوں اِکٹھا کر ئے۔
۲۹۔ اوس آکھیا پئی نا۔ کیتے ایوں نہ ہووے پئی کوڑے بوٹیاں نُوں کٹھیاں کردیاں تُسِیں کنک نُوں اُہدے نال ہی پُٹ لو۔
۳۰۔ واڈھی تیکردوہاں نُوں رلے مِلے ودھن دیو۔ تے واڈھی دے ویلے میں وڈھن والیاں نُوں آکھاں گا پئی کوڑے بُوٹیاں نُوں پہلاں اِکٹھا کرو تے ساڑن لئی اُہناں دیاں بھڑیاں بنادیو تے کنک نُوں میری کوٹھی وچ جمع کرو۔
۳۱۔ اوس اِک ہور تمثیل دِتّی تے اُہناں نُوں آکھِیا پئی اَسمان دی بادشاہی اوس رائی دے دانے وانگر ہے۔ جنہوں اک آدمی لیکے اپنی پیلی وچ بیجیا۔
۳۲۔ اُہ تے بے شک سبھناں بِیاں نالوں نِکّا ہے پر جدوں اُہ اُگ پینداہے اُہ سبزیاں نالوں وڈا ہو جاندا ہے۔ تے رُکھ بن جاندا۔ اِتھوں تِیکر پئی اَسمان دے پنکھیروآکے اُہدیاں ٹہنیاں وچ آہلنے بناندے نے۔
۳۳۔ اوس اہناں نُوں اک ہور تمثیل آکھی پئی اَسمان دی بادشاہی خمیر وانگر ہے۔ جِہنُوں اک جنانی نے لیکے آٹے دے تناں (۳)ٹوپیاں وچ رلا چھڈیا۔ ایتھوں تیکر پئی سارا خمیر ہو گیا۔
۳۴۔ اِہ ساریاں گلّاں یِسُوع تمیثلاں نال لوکاں نُوں آکھیاں تے تمثیل بناں اُہناں نُوں کُجھ نہ آکھیا۔
۳۵۔ تا ں جو جو کجھ نبی دی راہیں آکھیا گیا ہویا سی اُہ پُورا ہووے پئی’’ میں تمثیلاں نال مُنہ کھولا ں گا میں تے اُہ گلاں مُنہوں کڈھاں گا جہڑیاں دُنیادے مُڈھوں لکیاں ہویاں سان۔
۳۶۔ تد اُہ بھیڑنُوں چھڈ کے گھر دے اَندر گیا۔ تے اُہدے شاگرداں اُہدے کول آکے آکھیاپئی پَیلی دے کوڑے بُوٹیاں دی تمثیل سانُوں کھول کے دس۔
۳۷۔ اوس جواب دتا چنگے بِی دا بیجن والا اِبن آدم ہے۔
۳۸۔ تے پیلی دُنیا ہے جہڑا چنگا بی ہے اُہ بادشاہی دے پُترنے۔ تے کوڑے بوٹے بُرے دے پُتر نے۔
۳۹۔ اُہ ویری جس اُہناں نُوں بیج دِتا سی شیطان ہے۔ واڈھی دا ویلا زمانےدا خِیرہے۔ تے وڈھن والے فرشتے نے۔
۴۰۔ سو جس طرح کوڑے بوٹے اکٹھے کر کے اَگ وچ پھُو کے جاندے نے اجہیا ہی زمانے دے اَخیر نُوں ہووے گا۔
۴۱۔ اِبن آدم اپنیاں فرشتیاں نُوں گھلیگا تے اُہ اُہدی بادشاہی وِچوں ساریاں ٹھوکر کھوان والیاں تے بدکاراں نُوں اِکٹھیاں کرن گے۔
۴۲۔ تے اُہناں نُوں بھکھدی بھٹّھی وچ سُٹ دینگے۔ اوتھے رونا تے دند پیہنا ہووے گا۔
۴۳۔ تد نیک لوک اپنے باپ دی بادشاہی وچ سُورج وانگوں چمکن گے جہدے کَن ہون سوسُنے۔
۴۴۔ اَسمان دی بادشاہی اک خزانے وانگوں ہے جہڑا پیلی وچ لُکایا ہویا سی۔ تے اُہنُوں کِسے شخص لبھ کے لُکارکھیا۔ تد خُوشی دے مارے اوس اپنا سبھ کُجھ جا کے ویچ دِتّا تے اوس پیلی نُوں مُل لے لیا۔
۴۵۔ پھیر اَسمان دی بادشاہی اک بیپاری وانگوں ہے۔ جہڑا چنگے موتیاں نُوں لبھدا پھر دا سی۔
۴۶۔ جد اُہنُوں اِک وڈّے مُل دا موتی مِل پِیا تداوس اپنا سبھ کُجھ ویچیا تے اُہنُوں مُل لے لیا۔
۴۷۔ پھیر اَسمان دی بادشاہی اوس جال وانگوں ہے جہڑا سمندر وچ سُٹّیا گیا تے ساریاں جِنساں اکٹِھیاں کر لیاوندا ہے۔
۴۸۔ جد اُہ بھرگیا تد اُہناں اُہنُوں کنڈھے اُتے لیاندا تے بیہکے چنگیاں نُوں بھانڈیاں وچ جمع کیتاتے نکمِیاں نُوں سُٹ چھڈیا۔
۴۹۔ زمانے دے اخِیر وچ ایسے طرح ہووے گا۔ فرشتے آون گے تے بُریاں نُوں نیکاں وچوں اڈکر ن گے۔
۵۰۔ اُہناں نُوں بھکھدی بھٹھی وچ سٹ دینگے اوتھے رونا تے دند پیہنا ہووے گا۔
۵۱۔ اُہ ساریاں گلاں تُساں سمجھ لئیاں نے ؟ اُہناں اُہنُوں آکھیا ہاں۔
۵۲۔ اوس اُہناں نُوں آکھیاایس کر کے ہر اک فقہیہ جہڑا اَسمان دی بادشاہی دا شاگردبن گیا ہے اُہ اوس گھر دے مالک وانگر ہے جہڑااپنے خزانے وچوں نویاں تے پُرانیاں چیزاں کڈھ لیاوندا ہے۔
۵۳۔ تے ایوں ہویاپئی جدیِسُوع اُہ تمثیلاں مُکائیاں تداُہ او تھوں ٹُر پیا۔
۵۴۔ تے اپنے وطن وچ آکےاُہ اُہناں دے عبادت خانے وچ اجہی تعلیم دیندا سی پئی اُہ حیران ہو گئے تے آکھن لگے۔ پئی اِہنُوں اِہ دانائی تے اِہ کراماتاں کتھوں آگئیاں ؟
۵۵۔ اِہ ترکھان دا پُتر نہیں ہے۔ تے اُہدی ماں نُون مریم نہیں آکھدے ؟تے اُہدے بھرا یعقوب تے یُوسف تے شمعون تے یہودا نہیں۔
۵۶۔ تےاُہدیاں ساریاں بھیناں ساڈے کول نہیں ؟ پھیر اُہنُوں اِہ سبھ کُجھ کتھوں آگیا؟
۵۷۔ تے اُہناں اُہدے کولوں ٹھوکر کھادی پر یِسُوع اُہناں نُوں آکھیا پئی نبی اپنے وطن تے اپنے گھر دے بناں کتے بے قدر نہیں ہے۔
۵۸۔ تے اوس اُہناں دی بے ایمانی دے سبب اوتھے بُہتیاں کراماتاں نہ کیتیاں۔

۱۔ اوس سمے چوتھائی دے حاکم ہیرودیس یِسُوع دی آوائی سنی۔
۲۔ تے اوس اپنے نوکراں نُوں آکھیا پئی اِہ یوحنا بپتسمہ دین والا ہے۔ اُہ مُردیاں وچّوں جی اُٹھیا ہے تے ایس لئی اِہ کراماتاں اُہدے ہتھوں کیتیا ں جاندیاں نے۔
۳۔ کیوں جو ہیرودیس اپنے بھائی فلپس دی وہٹی ہیرودیاس دے سبب یوحنا نُوں پھڑکے بدھاتے قید وچ پادتا سی۔ ۔
۴۔کیوں جو یوحنا اُہنُوں آکھیا سی پئی اُہنُوں رکھنا تیرے لئی روا نہیں ہے۔
۵۔ تے جد اُہ چاہندا سی پئی اُہنُوں مروا سُٹاں اُہ لوکاں تھوں ڈریا کیوں جو اُہ اُہنُوں نبی مندے سان۔
۶۔ پر جدہیرودیس دا جنم دن آیا تد ہیرودیس دی دھی سبھناں دے اگے نچ کے ہیرودیس نُوں خوش کیتا۔
۷۔ اوس ویلے سونہہ کھا کے جو کجھ اُہ منگے سو ہی دین دااِ قرار کیتا۔
۸۔ اوس اپنی ماں دے اُبھارن نال آکھیا پئی منیوں ہُنے تھال وچ یوحنا بپتسمہ دین والے دا سر منگوادے۔
۹۔ تے بادشاہ اُداس ہویا۔ پر اپنیاں سونہاں دے سبب تے اُہناں لوکاں کر کے جِہڑے اُہدے نال بیٹھے ہوئے سان دین دا حُکم کیتا۔
۱۰۔ تے آدمی گھل کے قید خانے وچ یوحنا دا سر وڈایا۔
۱۱۔ تے اُہدا سرتھال وچ لیاندا گیا تے کُڑی نُوں دِتّا گیا۔ تے اُہ اپنی ماں کول لے آئی۔
۱۲۔ تے اُہدے شاگرداں آکے لوتھ نُوں چُک لیا تے دفنا دِتّا تد جا کے یِسُوع نُوں خبر دِتّی۔
۱۳۔ جد یِسُوع اِہ سُنیا تَد اُہ اوتھوں بیڑی اُتّے چڑھ کے اک اُجاڑ تھاں وِچ وکھرا ٹُر گیا تے لوک اِہ سُن کے شہر اں وچ پیدل اُہدے مگرٹُر پئے۔
۱۴۔ تے اگانہہ نکل کے اوس بٹری بھیڑ ویکھی۔ تے اُہناں اُتّے ترس کھادا تے اُہناں دے روگیاں نُوں ول کِیتا۔
۱۵۔ تے جاں شام ہوئی شاگرداں اُہدے کول آکے آکھیا۔ اِہ تھاں اُجاڑ ہے تے ویلاہُن بِیت گیا ہے۔ لوکاں نُوں وِدیا کر پئی پِنڈاں وچ جاکے اپنے لئی کھانا مُل لَین۔
۱۶۔ پر یِسُوع نے اُہناں نُوں آکھیا جان دی کوئی لوڑنہیں ہے۔ تُسِیں ہی اُہناں نُوں کھان نُوں دیو۔
۱۷۔ پر اُہ اُہنُوں آکھن لگے پئی ایتھے ساڈ ے کول نِریاں پنج(۵) روٹیاں تے دو(۲) مچّھیاں نے۔
۱۸۔ اوس آکھیا اُہناں نُوں ایتھے میرے کول لیاؤ۔
۱۹۔ تےلوکاں نُوں گھا اُتّے بہہ جان دا حکم دتا تد اوس اُہناں پنجاں (۵)روٹیاں تے دو (۲)مچھیاں نُوں لے لیا تے اَسمان ول ویکھ کے برکت منگی۔ تے توڑ کے روٹیاں شاگرداں نُوں دِتّیاں۔ تے شاگرداں لوکاں نُوں دِتّیاں۔
۲۰۔ تے ساریاں کھادیاں تے رج گئے تے وادُھو ٹکڑیاں دِیاں باراں (۱۲)بھریاں ہوئیاں ٹوکریاں چُکیاں۔
۲۱۔ تےنؤجنانیاں تے بالاں دے بناں کھان والے پنج ہزار(۵۰۰۰) آدمی سان۔
۲۲۔ تے اوسے ویلے اوس شاگرداں نُوں پکّی کِیتی پئی بیڑی اُتے چڑھ کے جد تیکر اُہ آپ لوکاں نُوں وداع نہ کرلئے اَگے اَگےپار جان۔
۲۳۔ تے جاں اوس لوکاں نُوں ٹور دتّا سی تاں اُہ آپ اکلوا نجے دعا مگن لئی پہاڑ اُتے چڑھ گیا تے جد شام پے گئی اُہ اوتھے اکلّا سی۔
۲۴۔ پر بیڑی سمندروچ اپڑ کے ٹھلاں نال ڈولدی سی۔ کیوں جو ہوا سامنی سی۔
۲۵۔ تے رات دے چَوتھے پہراُہ سمندر دے اُتّے ٹُردا ٹُردا اُہناں دے کول آیا۔
۲۶۔ تے جد شاگرداں اُہنُوں سمندر دے اُتے ٹردیاں ڈِٹّھا تد ٹھٹنبرکے آکھن لگے پئی اِہ بُھوتنا ہے تے ڈردے نال چچلان لگے۔
۲۷۔ پر اونویں یِسُوع اُہناں نال کُو پِیا تے آکھیا خاطر جمع رکھو۔ میں ہاں نا ڈرو۔
۲۸۔ تَد پطرس اُہنُوں جواب دِتّا پئی خداوندا جے تُوں ہیں تاں حُکم کر پئی میں پانی دے اُتُوں دی تیرے کول آجاں۔
۲۹۔ اوس آکھیا آجا۔ تد پطرس بیڑیوں اُتر کے یِسُوع کول جان لئی پانی اُتے ٹُرپیا۔
۳۰۔ پرہوا ویکھ کے ڈریا تے جد ڈُبّن لگا تد چچلا کے آکھیا خداوند مینُوں بچالے۔
۳۱۔ جھٹ یِسُوع ہتھ ودھا کے اُہنُوں پھڑ لِیا۔ تے اُہنُوں آکھن لگا او تھوڑے ایمان والیا تُوں کاہنُوں شک لیایا ؟
۳۲۔ تے جد اُہ بیڑی اُتے چڑھ بیٹھے تاں ہوا کھلو گئی۔
۳۳۔ تے جِہڑے لوک بیڑی اتے وچ سان اہنُوں سجدہ کر کے آکھن لگے سچ مچ تُوں خدا دا بیٹا ہیں۔
۳۴۔ تے اُہ پار لنگھ کے گنّیسرت دی زمین نُوں آئے۔
۳۵۔ تے اوس تھاں دے لوکاں اُہنُوں سِہان کے اوس سارے علاقے وچ اَکھوا گھلیا۔ تے ساریاں روگیاں نُوں اُہدے کول لیاندا۔
۳۶۔ تے اُہناں اُہدی منت کیتی پئی نِرا اُہدے کپڑے دا پلّا چھولَین۔ تے جنّیاں چھوئیا سارے ول ہوگئے۔

۱۔ تد فریسی تے فقیہ یِسُوع کول یروشلیموں آکے آکھن لگے۔
۲۔ تیرے شاگردوڈیاں رِیت رِوایت نُوں کاہنُوں ٹال دیندے نے ؟پئی روٹی کھاندے ویلے ہتھ نہیں دھوندے۔
۳۔ اوس اُہناں نُوں جواب دِتا۔ تُسِیں بھی کاہنُوں اپنی رِیت رِوایت دے سبب خدا دے حکم نُوں ٹال دنیدے ہو۔
۴۔ کیوں جو خدا حکم دے کے آکھیا پئی ماں پیودا آدر کر۔ تے جہڑا پیو یا ماں نُوں مندا بولے اُہ جانُوں ماریا جاوے۔
۵۔ پر تُسِیں آکھدے ہو پئی جہڑا کوئی پیو یا ماں نُوں آکھے پئی جو کجھ میتھوں تینُوں حق اپّڑدا سی سو خدا دی نذر ہوگیا۔
۶۔ اُہ بے شک اپنے پیو دا آدر نہ کرے۔ ایس لئی کلام نُوں رد کیتا۔
۷۔ اے مکارو یشعیاہ تُہاڈے حق وچ کہی چنگی نبوت کیتی۔
۸۔ پئی اِہ لوک بُلّاں نال میراا ٓدر کردے نے پر اُہناندا دل میتھوں دُور ہے۔
۹۔ اُہ بے فائدہ میری عبادت کردے نے جِہڑے آدمیاں دیاں حُکماں دی تعلیم دنیدے نے۔
۱۰۔ تے اوس لوکاں نُوں کول سد کے اُہناں نُوں آکھیا۔ گل سنو تے سمجھو۔
۱۱۔ جہڑی چیز منہ وچ جاندی ہے آدمی نُوں پلیت نہیں کردی۔ پر اُہ جہڑی مُنہوں باہر آوندی ہے اوہوہی آدمی نُوں پلیت کردی ہے۔
۱۲۔ تد اُہدے شاگرد نیڑے آکے اُہنُوں آکھن لگے تینُوں معلوم ہے پئی فریسیاں نے اہ گل سن کے ٹھوکر کھادی ہے ؟
۱۳۔ اوس جواب دتا پئی ہر اک بوٹا جہڑا میرے اَسمانی باپ نہیں لایا سو جڑھاں سَنے پُٹیا جائے گا۔
۱۴۔ اُہناں نُوں جان دیو۔ اُہ تےاَنّھیاں دے اَنّھے راہ دسن والے نے۔ تے جےاَنّھا اَنّھےنُوں راہ دَسّے تاں دونویں ٹوئے وچ ڈِگ پین گے۔
۱۵۔ تے پطرس اُگوں اُہنُوں آکھیا سانُوں ایس تمثیل دا مطلب دس۔
۱۶۔ اوس آکھیا بھلا تُسِیں بھی اجے انجاں ہو؟
۱۷۔ تُہانُوں اِہ معلوم نہیں پپئی سبھ کجھ جومُنہ وچ جاندا ہے سو ڈھڈھ وچ پیندا تے روڑی اُتے سٹیا جاندا ہے ؟
۱۸۔ پر جہڑیاں گلاں مُنہوں باہر آوندیاں نے سودل وچوں نکلدیاں نے۔ تے اُہ ہی آدمی نُوں پلیت کردِیاں نے۔
۱۹۔کیوں جو بُر ے خیال ،خون، زناکاریاں ،حرامکاریاں ،چوریاں ، جھوٹھی گوہیاں، کُفر، دِلوں ہی نِکل دے نے۔
۲۰۔ اِہو کم آدمی نُوں پلیت کردے نے پر اَن دھوتی ہتھیں روٹی کھانی آدمی نُوں پلیت نہیں کر دی۔
۲۱۔ تے یِسُوع اوتھوں ٹر کے صور تے صیدا دے علاقے وچ گیا۔
۲۲۔ تے ویکھو اک کنعانی عورت اوس پاسےولوں آکے چچلا کے آکھن لگی پئی اے خداوند داؤد دے پُتر میرے اُتے رحم کر۔ میری دِھی دا جنیت چمبڑن دے سبب بُرا حال ہے۔
۲۳۔ پر اوس اُوہنُوں کُجھ جواب نہ دِتّا۔ تد اُہدے شاگرداں نے اُہدے کول آکے عرض کیتی پئی اُہنُوں و دیا کر کیوں جو اُہ ساڈے مگر کُر لاندی ہے۔
۲۴۔ پر اوس جوان دتا۔ میں اسرائیل دے گھر دیاں گواچیاں ہوئیاں بھیڈاں دے باجھوں ہور کسے ول نہیں گھلیا گیا۔
۲۵۔ پر اُہ آئی تے اُہدے اگے سجدہ کر کے آکھیا۔ خداوند میری مدد کر۔
۲۶۔ تد اوس جواب دتا منڈیاں دی روٹی لیکے کُتیاں اَگے سُٹنی چنگی نہیں۔
۲۷۔ اوس آکھیا ہاں خداوند پر کُتّے بھی اپنے مالکاں دے میز تھوں ڈِگّے ہوئے بھورے بھارے کھا لیندے نے۔
۲۸۔تد یِسُوع اُہنُوں جواب دِتا اے بی بی تیرا ایمان بڑا ہے جویں تُوں چاہنی ہیں تیرے لئی تویں ہووے۔ تے اوسے گھڑی اُہدی دِھی چنگی بھلی ہوگئی۔
۲۹۔ پھیر یِسُوع اوتھوں ٹُر کے گلیل دے سمندر دے نیڑے آیا۔ تے پہاڑ اُتے چڑھ کے اوتھے بہہ گیا۔
۳۰۔ تے بہت سارے لوک لنگیاں ،انھیاں،گونگیاں ، ٹنڈیاں تے ہوربہتیریاں بیماراں نُوں اپنے نال لیکے اُہدے کول آئے۔ تے اُہناں نُوں اُہدے پیراں کول سٹُیا۔ تے اوس اُہناں نُوں ول کیِتا۔
۳۱۔ اِتّھوں توڑی پئی لوک ویکھ کے حیران ہوگئے۔ پئی گونگے بولدے نے۔ تے ٹنڈے ثبوت ہُندے نے۔ تے لنگے ٹُردے پھردے نے۔ تے اَنّھے سُجاکھے ہوجاندے نے۔ تے اُہناں اسرائیل دے خُدا دی وڈیائی کِیتی۔
۳۲۔ تد یِسُوع اپنے شاگردا ں نُوں اپنے کول سد کے آکھیا مینو ں لوکاں اُتے ترس آوندا ہے کیوں جو اُہ تناں (۳)دناں تھوں میرے نال نے۔ تے اُہناں دے کول کھان نُوں کُجھ نہیں تے ہیں اُہناں نُوں بھکھیاں ٹورنا نہیں چاہندا۔ کِتے اجہیا نہ ہووے پئی واٹے ماندے پے جان۔
۳۳۔ تے شاگرداں اُہنُوں آکھیا۔ اُجاڑ وچ اینیاں روٹیاں کِتھوں سانُوں ہتھ آؤن پئی ایڈی بھیڑنُوں رجائیے۔
۳۴۔ تد یِسُوع اُہناں نُوں آکھیا تُہاڈے کول کنِیاں روٹیاں نے ؟اُہناں آکھیا ست (۷)نالے کجھ نکِیاں مچھیاں۔
۳۵۔ تے اوس لوکاں نُوں زمین اتے بیہن دا حکم دِتّا۔
۳۶۔ تےاوس اُہناں سَتّاں(۷) روٹیاں تے مچھیاں نُوں لیا۔ تے شکر کر کے توڑیاں۔ تے شاگرداں نُوں دیتاں۔ تے شاگرداں لوکاں نُوں۔
۳۷۔ سو اُہناں سبھناں نے کھادا تے رَج گئے۔ تے ودھیاں ہوئیاں ٹکراں دیاں ست (۷)ٹوکریاں بھریاں ہوئیاں چُکیاں۔
۳۸۔ تے کھان والے بناں بڈیاں بالاں دے چار ہزار (۴۰۰۰)مرد سان۔
۳۹۔ تے خلقت نُوں وِدیا کرکے اُہ بیڑی اُتّے چڑھ گیا۔ تے مگدن دے علاقے وِچ آیا۔

۱۔ پھیر فریسیاں تے صدوقیاں آکے اُہدے آزمان لئی اُہدے اگّے عرض کیتی پئی سانُوں اَسمانُوں اک نشان وِکھا۔
۲۔ پر’’ اوس اُہناں نُوں جواب دِتّا پئی جد شام پیندی ہے تُسِیں آکھدے ہو کھرا ہو جائے گا ،کیوں جو اَسمان لال ہے‘‘۔
۳۔ تے وڈّے ویلے آکھدے ہو’’ پئی اَج انھیری وگے گی کیوں جو اَسمان لال تے گہرا ہے‘‘۔ اَسمان دی ڈول دی جاچ کرنی تُہانُوں آوندی ہے پرسمیاں دے نشان تُسِیں معلوم نہیں کر سکدے۔
۴۔ بُرے تے زناکار لوک نِشان لبھدے نے۔ پر اِہناں نُوں یُونس دے نِشان دے سوا کوئی نشان دتا نہ جائے گا ۔تے اُہ اُہناں نُوں چھڈ کے ٹُر گیا۔
۵۔ تے شاگرد پار پہنچے تے روٹی نال لینی بُھل گئے سان۔
۶۔ تے یِسُوع نے اُہناں نُوں آکھیا خبردار فریسیاں تے صدوقیاں دے خمیر تھوں ہُشیار رہو۔
۷۔ تے اُہ آپو وچ وچار کر کے آکھن لگے اسیں روٹی جو نہیں لِیائے۔
۸۔ پر یِسُوع اِہ معلوم کر کے آکھیااَے تھوڑے اِیمان والیِو تُسِیں کیوں آپووچ وچار کر دے ہوپئی روٹی اسیں نال نہیں لیائے۔
۹۔ اجے تُسِیں نہیں سمجھدے ؟تے پنجاں ہزار اں (۵۰۰۰)تے پنجاں (۵)روٹیاں دی گل تُہانُوں یاد نہیں نالے اِہ پئی کِنیاں ٹوکریاں تُساں چُکیاں سان؟
۱۰۔ تے نہ اُہناں چونہہ ہزاراں(۴۰۰۰) دیاں ستاں(۷) روٹیاں دی گل تے تُساں کنِیاں ٹوکریاں چک لیاں سان۔
۱۱۔ تُسِیں کیوں نہیں سمجھدے ہو پئی میں تہاڈے نال روٹیاں دی گل نہیں کیتی سی ؟ پر فریسیاں تے صدوقیاں دے خمیر تھوں ہشیار رہو۔
۱۲۔ تد اُہناں نُوں سمجھ آئی پئی اوس روٹی د ے خمیر تُوں نہیں پر فریسیاں تے صدوقیاں دی تعلیم تھوں ہُشیار رہن نُوں آکھیا سی۔
۱۳۔ تے یِسُوع نے قیصر یہ فلپی دے علاقے وچ آکے اپنے شاگرداں نُوں پچھیا پئی لوک کیہ آکھدے نے پئی ابن آدم کون ہے ؟
۱۴۔ آکھن لگے کئی تے یوحنا بپتسمہ دین والا آکھدے نے تے کئی ایلیا تے ہور یرمیاہ یا نیباں وچوں کوئی اِک۔
۱۵۔ اُہ اُہناں نُوں آکھن لگا پر تُسِیں کیہ آکھدے ہو پئی میں کون ہاں ؟۔
۱۶ شمعون پطرس نے جواب دے کے آکھیا۔ تُوں تے مسیح ہیں زندے خدا د ابیٹا۔
۱۷۔ یِسُوع اُہنُوں جواب دے کے آکھیا دھن ہیں تُوں شمعون برؔیونہ دے پُترکیوں جو دِھ تے لہو اِہ گل تینُوں نہیں دسی پر میرے باپ جہڑا اَسماناں وچ ہے۔
۱۸۔ تے میں بھی تینُوں آکھنا ہاں پئی تُوں پطرس ہیں تے میں ایس پتّھر اُتّے اپنی کلیسیا بنانگا۔ تے عالم ارواح دا اُہدے اُتّےوس نہ چلیگا۔
۱۹۔ میں اَسمان دی بادشاہی دیاں کُنجیاں تینُوں دیا ں گا۔ تے جوکُجھ تُوں زمین اُتّے بنھیں گا اَسمان وچ بدھا جائے گا تے جو کُجھ تُوں زمین اُتّےکھولیں گا اَسمان اُتّے کھولیا جائے گا۔
۲۰۔ تد اوس شاگرداں نُوں پکّی کیتی پئی کِسے نُوں نہ آکھن پئی اُہ مسیح ہے۔
۲۱۔ اوس ایلے تھوں یِسُوع اپنے شاگرداں نُوں دسّن لگا پئی ضرور ہے۔ پئی میں یُروشلم نُوں جاواں تے بُزرگاں تے سردار کاہناں تےفقیہاں کولوں بہت دُکھ جھلّاں تے ماریا جاواں تے تر یجے(۳)دہاڑے جیو اُٹّھاں۔
۲۲۔ تَد پطرس اُہنُوں اِک پاسے لے جاکے جھڑکن لگاآکھیا اے خداوند اتیری خیرہووے۔ اِہ تیرے نال کدی نہ ہووے گا۔
۲۳۔ اوس پرت کے پطرس نُوں آکھیا او شیطاناں پچھے ہٹ تُوں میرے لئی ٹھوکر ہیں کیوں جو تُوں خدادی نہیں پر آدمیاں دِیاں گلّاں دادھیان رکھنا ہیں۔
۲۴۔ تَد یِسُوع نےاپنے شاگرداں نُوں آکھیا۔ جے کوئی میرے پچھے آؤنا چاہے تاں اپنے آپ دا اِنکار کرے تےاپنی صلیب چُک کے میرے مگر ٹُر پئے۔
۲۵۔ کیوں جو جہڑ ا کوئی اپنی جان بچانی چاہے اُہ اُہنُوں گوائیگا پر جہڑا کوئی میرے لئی اپنی جا ن گوادیوے اُہ اُہنُوں لبّھے گا۔
۲۶۔ آدمی نُوں کِیہ فائدہ ہے جے ساری دُنیا نُوں کماوے تے اپنی جان نُوں گوادیوے ؟تے آدمی انپی جان دے بدلے کِیہ دیوے گا؟۔
۲۷۔ کیوں جو ابن آدم اپنے باپ دے جلال وچ اپنے فرشتیاں دے نال آوے گا۔ تے اوس ویلے ہر اِک نُوں اُہدی کرنی موجب پھل دیوے گا۔
۲۸۔ میں تُہانُوں سچ آکھنا ہاں پئی اِہناں وِچّوں جہہڑے ایتھے کھلوتے ہوئے نے کئی نے جِہڑے موت دا مزہ نہ چکھنگے۔ جد تیکر ابن آدم نُوں اُہدی بادشاہی وچ آوندیاں نہ ویکھ لین گے۔

۱۔ تے چھیاں(۶) دِناں پِچھوں یِسُوع پطرس تے یقوب تے اُہدےبھرا یُوحنا نُوں نال لیا۔ تے اُہناں نُوں اِک اُچّے پہاڑ اُتّے وکھرے تھاں وچ لے گیا۔
۲۔ تے اُہدا رُوپ اُہناں دے سامنے بدل گیا۔ تے اُہدا مُنہ سُورج وانگوں چمکیا۔ تے اہدے کپڑے چانن وانگوں چٹے ہوگئے۔
۳۔ تےویکھو موسیٰ تے ایلیاہ اہدے نال گلاں کردے اُہناں نُوں وکھالی دِتّے۔
۴۔ تَد پؔطرس نے یِسُوع نُوں آکھیا خداوندا ساڈے لئی ایتھے رہنا چنگا ہے جے تُوں چاہیں تے میں تِن (۳)ڈیرے ایتھے بناواں۔ اک تیرے لئی تے اک موسیٰ لئی۔ تے اک ایلیاہ لئی۔
۵۔ اُہ تے اجے پیا بولدا ہی سی تے ویکھو اِک نورانی بدل اُہناں اتے چھاں کیتی۔ تے بدل وچوں اک آواز اِہ آکھدی آئی پئی ’’اِہ میرا پیار بیٹا ہے جس تھوں میں خوش ہاں۔ اُہدی سُنو‘‘۔
۶۔ تے شاگرد اِہ سُن کے مُونہدڑے منہ ڈِگ پئے تے بُہت ڈرگئے۔
۷۔ تد یِسُوع نیڑے آکے اُہناں نُوں چھویا تےآکھیا اُٹّھوتے نہ ڈرو۔
۸۔ اُہناں اپنیاں اکّھیاں چُک کے ہور کسے نُوں نہیں پر یِسُوع نُوں اِکلّا ڈِٹّھا۔
۹۔ جد اُہ پہاڑوں پئے اُتّر دے سان یِسُوع اُہناں نُوں حکم کیتا پئی جَدتِیکر اِبن آدم مُردیاں وچوں جی نہ اُٹھے۔ ایس گل دا ذکر کسے اگّے نہ کرنا۔
۱۰۔ تے اُہدے شاگرداں نے اُہنُوں پُچّھیا پھر فقیہ کیوں آکھدے نے پئی ایلیاہ دا پہلا ں آؤنا ضرُور ہے ؟
۱۱۔ اوس جواب دِتّا ایلیاہ تے ٹھیک آوے گا تے سبھ کُجھ پھیر بحال کرے گا۔
۱۲۔ پرمیں تہانُوں آکھنا ہاں پئی ایلیاہ تے ہُن آبھی گیا تے اُہناں اُہنُوں نہیں سہاتا۔ سگوں جو کُجھ دل کِیتا سو اُہدے نال کِیتا۔ ایسے طرح اِبن آدم اُہناں دی ہتھیں دکھ پاوے گا۔
۱۳۔ تد شاگرداں نے سمجھیا پئی اوس ساڈے نال یُوحنا بپتسمہ دین والے دی گل کیتی ہے۔
۱۴۔ تے جد اُہ بھیڑ دے کول اپڑے اک آدمی اہدے کول آیا تے اگے گوڈے نوا کے آکھن لگا۔
۱۵۔ خداوند۔ میرے پُتر اُتے رحم کر کیوں جو اُہنُوں مرگی پیندی ہے تے اُہنُوں بڑی تکلیف ہندی ہے۔ اُہ تے بہت واری اَگ وچ ڈگ پیندا ہے۔ تےپانی وِچ بُہت واری۔
۱۶۔ تےمیں تیرے شاگرداں کول اُہنُوں لیایا ساں پر اُہ اُہنُوں چنگا نہیں کر سکے۔
۱۷۔ تد یِسُوع نے جواب دِتّا۔ اے بے ایمان اڑ بنگی نسل میں کدوں تیکر تہاڈے نال ہوواں گا میں کدوں تیکر تہاڈی برادشت کراں گا؟اُہنُوں اِتھے میرے کول لیاؤ۔
۱۸۔ تے یِسُوع اُہنُوں جھڑکیا۔ تے بدرُوح اُہدے وِچّوں نکل گئی۔ تے چھوکرا اوسے گھڑیوں ول ہو گیا۔
۱۹۔ تد شاگرداں نے یِسُوع کول وَکھریاں ہوکے آکھیا۔ اسیں اُہنُوں کیوں کڈھ نہ سکے ؟
۲۰۔ تے اوس اُہناں نُوں آکھیا اپنے ایمان دی کمزوری دے سبب کیوں جو تُہاڈے ٹھیک آکھنا ہاں پئی جے تہاڈا رائی دے دانے جنّاں بھی ایمان ہووے تاں تُسِیں ایس پہاڑنُوں آکھوگے۔’’ اِدھروں ہٹ کے اوتھے ٹُر جا‘‘۔ تاں اُہ ٹُر جائے گا۔ تے تہاڈے اَگّے کوئی کم انہونا نہ ہووے گا۔
۲۱۔ پر اے قسم دعا دے سوا ہور کسے طریقے دے نال نہیں نکل سکدی۔
۲۲۔ تے جد اُہ گلیل وِچ رہندے سان یِسُوع اُہناں نُوں آکھیا اِبن آدم آدمِیاں دے حوالے کِیتا جائے گا۔
۲۳۔ تےاُہ اُہنُوں مار سُٹن گے تے تریجے(۳) دہاڑے اُہ اُٹھایا جائے گا۔ تداُ ہ بہت اُداس ہوئے۔
۲۴۔ تے جد اُہ کفرناحُم وِچ آئے۔ اَدھا مِثقال لَین والیاں پطرس نُوں آکھیا۔ تہاڈا استاد اَدھا مِثقال نہیں دیندا ؟
۲۵۔ اہ آکھن لگاہاں دیندا ہے تے جد اُہ گھر آیا یِسُوع اُگوں ہی اُہنُوں آکھیا شمعون تو کیہ سمجھنا ہیں پئی دنیا دے بادشاہ کناں کولوں کرایہ یا محصول لیندے نے؟اپنیاں پُتراں کولوں یا پرایاں کولوں۔
۲۶۔ جداوس آکھیا پئی پرایاں کولوں۔ یِسُوع نے اُہنُوں آکھیا۔ پھیرتاں پُتر معاف ہوئے۔
۲۷۔ پر ایس کر کے پئی اسیں اُہناں نُوں ٹھوکر نہ کھوائیے تُوں جا کے سمندر وچ کُنڈی پاتےجہڑی مچھی پہلاں نکلے تُوں پھڑے۔ تے اُہدامُنہ کھول کےتُوں اِک مِثقال ویکھیں گا۔ اُہنُوں لیکے میرے تے اپنےواسطے اُہناں نُوں دے۔

۱۔ اوسے گھڑی شاگرد یِسُوع کول آکے آکھن لگے پئی اَسمان دی بادشاہی وچ ساریاں نالوں وڈیرا کون ہے۔
۲۔ تد اوس اِک مُنڈا سدیاتے اُہنُوں اُہناں دے وچگھار کھلا کیتا۔
۳۔ تے آکھیا میں تہانُوں سچ آکھنا ہاں پئی جے تُسِیں نہ مڑو تے بچیاں وانگو نہ بنوتُسِیں اَسمان دی بادشاہی وچ کدی نہ وڑوگے۔
۴۔ سو جہڑا کوئی اپنے آپ نُوں ایس بچے وانگوں نیویاں کرے سوہی اَسمان دی بادشاہی وچ وڈیرا ہَے۔
۵۔ تے جہڑا کوئی اِہوجہےبچے نُوں میرے ناں دے سبب کرکے قبول کر کے سومینُوں قُبول کردا ہے۔
۶۔ پر جہڑا کوئی اُہناں نِکیاں وچوں جِہڑے میرے اُتّے ایمان لیاوندے نے اِک نُوں ٹھوکر کھوائے۔ اوس شخص دے لئی چنگا اِہو ہے پئی چکی دا پُڑاُہدے گل وچ بدھا جائے تے اُہ سُمندر دے ڈُونگھے تھاں ڈو بیا جاوے۔
۷۔ افسوس دُنیا اُتے ٹھوکراندے سبب۔ ٹھوکراں دا لگنا تے ضُرور ہے پرافسوس اوس آدمی اُتّے جہدی راہیں ٹھوکر لگدی ہے۔
۸۔ تے جے تیرا ہتھ یا تیرا پیر تینُوں ٹھوکر کھوائے اُہنُوں وڈھکے اپنے کولوں سُٹ دے۔ ٹُنڈیاں یا لنگیاں ہو کے زِندگی وچ داخل ہونا تیرے لئی ایس نالوں چنگا ہے پئی تُوں دو ہتھ یا دو پیر ہندیاں ہمیشہ دی اَگ وچ سٹُیاجاویں۔
۹۔ تے جے تیری اَکھ تینُوں ٹھوکر کھوائے اہنُوں کدھ کے اپنے کولوں سُٹ دے۔ کانیاں ہو کے زِندگی وچ داخل ہونا تیرے لئی ایس نالوں چنگا ہے پئی دو اکھیاں ہندیاں تُوں اَگ دے دوزخ وِچ سُٹّیا جاویں۔
۱۰۔ خبردار اُہناں نِکّیاں وِچّوں کِسے نُوں ماڑا نہ جانو۔ کیوں جو میں تُہانُوں آکھنا ہاں۔ پئی اُہناں دے فرشتے اَسماناں وِچ ہمیشہ میرے باپ دا مُنہ جہڑا اَسماناں وِچ ہے ویکھدے نے۔
۱۱۔ کیوں جو اِبن آدم گواچیاں ہویا نُوں لبھن آیا تے نجات دِین آیا اے۔
۱۲۔ تُسِیں کیہ سمجھدے ہو جیکر کسی جنےدیاں سو(۱۰۰) بھیڈاں ہون تے اہناں وچوں اِک گواچ جائے اُہ اُہناں نڑنّویاں (۹۹)نُوں چھد کے تے پہاڑاں اُتّے جاکے اوس گواچی ہوئی نُوں نہ لبھے گا؟
۱۳۔ تے جیکراجہا ہووے پئی اُہ اُہنُوں لبھ لیاوے میں تُہانُوں سچ آکھنا ہاں پئی اوسے دےلَئی اُہ بُہتا خُوش ہُنداہے۔ اُہناں نڑنّویاں (۹۹)نالوں جہڑیاں گواچ نہیں سان گئیاں۔
۱۴۔ ایسے طرح تُہاڈے باپ دی جہڑا اَسماناں اُتے ہے مرضی نِہیں ہے پئی اِہناں نِکیاں وچّوں اِک بھی برباد جائے۔
۱۵۔ تے جے تیرا بھرا تیرا گُناہ کرے تُوں جا اُہدے نال ہو کے اُہنُوں وکھریاں سمجھا۔ جیکر اُہ تیری سُنے تاں تُوں اپنے بھرا نُوں کھٹ لیا۔
۱۶۔ پر جیکر اُہ تیری نہ سُنے تاں اپنے نال ہور اک یا دو (۲)جنے لے تاں جو دو (۲)یا تن (۳)گواہاں دے مُنہوں ہر اِک گل ثبُوت ہو جائے۔
۱۷۔ تے جیکر اُہ اُہناں دی گل نہ مَنّے تاں کلیسیا نُوں آکھ۔ پر جے کِلیسیا دی بھی نہ مَنّے تاں اُہ تیرے لئی اِجہیاہووے جہیا کوئی غیر قوم محصُولیہ۔
۱۸۔ میں تُہانُوں سچ آکھنا ہاں پئی جو کجھ تُسِیں زمین اُتّے بنّھو گے سواَسمان وچ بدھا جائے گا۔ تے جو کُجھ تُسِیں زمین اُتّے کھولوگے سواَسمان وچ کھولیا جائے گا۔
۱۹۔ پھیرمیں تُہانُوں آکھنا ہاں جے تُہاڈے وچّوں زمین اُتّےدو(۲)جنے کسےکم واسطے رلکے دعا منگن گے اُہ میرے باپ ولوں جہڑا اَسماناں وچ ہے اُہناں دے لئی کِیتا جائے گا۔
۲۰۔ کیوں جو جِتّھے دو(۲) یا تن(۳) میرے ناں اُتے اکٹھے نے اوتھے میں اُہناندے وچ ہاں۔
۲۱۔ تد پطرس نے کول آن کے اُہنُوں آکھیا خداوندا میرا بھائی کنی واری میری تقصیر کردا جاوے تے میں اہنُوں معاف کراں ؟ ست (۷)واری تیکر ؟
۲۲۔ یِسُوع اُہنُوں آکھیا میں ست (۷)واری تیکرنہیں آکھدا پر ستہراں(۷۰) دی ست (۷)واری تیکر۔
۲۳۔ کیوں جو اَسمان دی بادشاہی اِک بادشاہ وانگوں ہے جہڑا اپنے نوکراں تھوں لیکھا لینا چاہندا سی۔
۲۴۔ جد لیکھا لَین لگا اِک جنے نُوں اُہدے کول لے آندا جہڑا دس ہزار(۱۰۰۰۰) توڑیاں دا قرضائی سی۔
۲۵۔ پر دین نُوں اُہدے پلے کجھ نہیں سی اُہدے مالک حکم دتا پئی اُہ تے اُہدی وہٹی تے اُہدے بال بچے تے سبھ جو کجھ اہدے ہووے ویچیا جائےتے قرض بھر لیا جائے۔
۲۶۔ تد اوس نوکرنے پیریں پیکے متّھا ٹیکیا تے آکھیا خداوند ا مینُوں مہلت دےتے میں تیرا سب کجھ بھردیا ں گا۔
۲۷۔ اوس نَوکردے مالک نُوں رحم آیا تے اوس اُہنُوں چھڈدِتّا تے قرض بھی اُہنُوں بخش دِتّا۔
۲۸۔ پر جد اہ نوکر باہر نکلیا تاں اہدے نال دیاں نوکراں وچّوں اک اُہنُوں لبھ پیا جہڑا اُہدا سو(۱۰۰)دینار دا قرض دار سی۔ اوس اہنُوں پھڑ ک اُہدا سنگھ گھٹیا تے آکھیا دے جو تُوں میرا دینا ہے۔
۲۹۔ تد اُہدے نال دے نوکر پیریں پیکے اُہدی مِنّت کیتی پئی مینُوں مہلت دے میں تیرا قرض دیا ں گا۔
۳۰۔ پر اوس نہ منیا سگوں جاکے اُہنُوں قید وچ پا دتا جد تیکر اُہ قرض نہ لاہ دے۔
۳۱۔ سو جد اُہدے نال دیاں نوکراں اِہ حال ڈٹھا تد اُہناں بڑا غم کھادا تے جاکے اپنےمالک اگے ساری حقیقت دسّی۔
۳۲۔ تد اُہدے مالک اُہنُوں اپنے کول سدکے اُہنُوں آکھیا اے شریر نوکر میں تینُوں اُہ قرض سارا چھڈدِتّا۔ جد تُوں میری منت کیتی۔
۳۳۔ اِہ تینُوں نہیں سی چاہیدا پئی جس طرح میں تیرے اُتے رحم کیتا تیوں تُوں بھی نالدے نوکر اُتےرحم کردوں۔
۳۴۔ سو اُہدے مالک غُصّے ہو کے اُہنُوں دُکھ دین والیاں دے حوالے کیتا جِنا چِر اُہ سارا قرض بھر نہ دے۔
۳۵۔ ایسے طرح میرا اَسمانی باپ تُہاڈے نال بھی کرے گا۔ جے تُسِیں سبھ اپنے اپنے بھائیاں نُوں اپنے دلو ں معاف نہ کرو۔

۱۔ تےجد یِسُوع اِہ گلّاں مکائیاں تے ایوں ہویا پئی اُہ گلیلوؔں ٹر پیا۔ تے یردن دے پار یہودیہ دیاں حداں وچ آیا۔
۲۔ تے بہت سارے لوک اُہدے مگر ٹر پئے۔ تےاوس اُہناں نُوں اوتھے ہی ول کیتا۔
۳۔ تےفریسی اُہدے ازمان لئی اُہدے کول آئے۔ تے اُہنُوں آکھیا اِہ رواہے پئی آدمی پر گلے اپنی وُہٹی نُوں چھڈ دیوے۔
۴۔ اوس اُہناں نُوں جواب دِتّا۔ تُساں نِہیں پڑھیا پئی جس اُہناں نُوں بنایا اوس اُہناں نُوں مُڈھوں نرتے ناری پیدا کیتا۔
۵۔ تے آکھیا ’’ایس لئی آدمی اپنے ماں پیونُوں چھڈے دے گا تے اپنی وُہٹی نال مِلیا رہے گا۔ تے اُہ دوویں اِک بدن ہوجان گے‘‘۔
۶۔ ایس کر کے اُہ دونہ رہے پر اک بدن نے سو جو کجھ خدا نے جوڑیا ہے اُہنُوں آدمی وکھ نہ کرے۔
۷۔ اُہ اُہنُوں آکھن لگے پھیر موسیٰ نے کیوں حکم دِتا پئی طلاق نامہ دے کے اُہنُوں چھڈ دے ؟
۸۔ اُہ اُہناں نُوں آکھن لگا موسیٰ تے تہاڈی سخت دلی دے سبب تُہانُوں اپنیاں وُہٹیاں نُوں چھڈ دین دی اِجازت دِتّی پر مُڈھوں ایس طرح نہیں سی ہویا۔
۹۔ تے میں تُہانُوں آکھناہاں پئی جہڑا کوئی اپنی وہٹی نُوں زناکاری دے سوائے ہور کسےگل بدلے چھڈ دیوے تے دُوجی نال وِیاہ کرے اُہ زناکردا ہے۔
۱۰۔ شاگِرد اُہنُوں آکھن لگے۔ جےوُہٹی نال مرددا اِہ حال ہے تاں وِیاہ کرنا ہی چنگا نہیں۔
۱۱۔ پر اوس اُہناں نُوں آکھیا سبّھے ایس گل نُوں قبول نہیں کرسکدے۔ پر جہناں نُوں دِتّا گیا ہے۔
۱۲۔ کیوں جو بعض کھسرے اجہے نے جِہڑے ماں دے گربھوں اِجہےجمے نے۔ تے اِجہےکھسرے بھی نے جِہناں اَسمان دی بادشاہی دی خاطر اپنےآپ نُوں کھسریاں کر لِیا ہے۔ جِہڑا قبول کر سکدا ہے اُہ ہی وقُبولے۔
۱۳۔ اوس ویلے اُہدے کول بچے لیاندے گئے پئی اُہ اُہناں اُتّے اپنے ہتھ رکھے تے دُعا کرے۔ شاگرداں اُہناں نُوں جِھڑکیا۔
۱۴۔ پر یِسُوع آکھیا بچیاں نُوں کجھ نہ آکھو تے نہ اُہناں نُوں میرے کول آؤن تھوں روکو کیوں جو اَسمان دی بادشاہی اِہو جہیاں دی ہے۔
۱۵۔ تے اُہ اُہناں اُتے ہتھ رکھ کے اوتھوں ٹُرگیا۔
۱۶۔ تے ویکھو اِک جنے اُہد ے کول آن کے آکھیا اے اُستادمیں کہڑا بھلاکم کراں پئی ہمیشہ دی زندگی مینُوں ملے؟
۱۷۔ اوس اُہنُوں آکھیا بھلیائی دی بابت میتھوں کیوں پُچھنا ہیں؟ بھلا تے اک ہے۔ پر جے تُوں زندگی وچ داخل ہونا چاہنا ہیں تاں حکماں نُوں من۔
۱۸۔ اوس اُہنُوں آکھیا کہڑیاں نُوں ؟یِسُوع آکھیا اِہ پئی تُوں خون نہ کر۔ زنا نہ کر۔ چوری نہ کر۔ جھوٹھی گواہی نہ دے۔ اپنے ماں پیودی آدر کر۔ تے اپنے گواندھی نُوں اپنے جہیا پیار کر۔
۲۰۔ اُہ جوان اُہنُوں آکھن لگا میں اِہناں ساریاں گلّاں نُوں مندا آیا ہاں۔ اجے ہورکاہد ے وِچ میں گھٹ ہاں۔
۲۱۔ یِسُوع نے اُہنُوں آکھیا جے تُوں کامِل ہونا چاہنا ہیں تاں جا کے اپنا سب کجھ ویچ تے غربیاں نُوں دے تے تینُوں اَسمان اُتے خزانہ ملے گا۔ تَد آکے میرے مگرٹُرپو۔
۲۲۔ جداوس جوان اِہ گل سنی تداُداس ہو کے ٹُرگیا۔ کیوں جو اُہ بڑا مالدار سی۔
۲۳۔ تد یِسُوع اپنے شاگرداں نُوں آکھیا میں تہانُوں سچ آکھنا ہاں پئی دولتمند آدمی اَسمان دی بادشاہی وچ مشکل نال داخل ہووے گا۔
۲۴۔ تے پھیر میں تہانُوں آکھنا ہاں پئی سوئی دے نکےوچوں اُوٹھ دا لنگنا ایس نالوں سکھالا ہےپئی دولتمند آدمی خدادی بادشاہی وچ داخل ہووے۔
۲۵۔ اِہ سُن کے شاگرد بڑے حیران ہوئے تے آکھن لگے پھیرکون نجات پا سکدا ہے۔
۲۶۔ یِسُوع نے اہناں ول ویکھ کے آکھیا آدمیاں تھوں اِہ گل ان ہونی ہے۔ پر خدا تھوں سب کُجھ ہو سکدا ہے۔
۲۷۔ تد پطرس نے جواب دِتّا۔ ویکھ اساں سب کجھ چھڈیا تے تیرے مگر ٹرپئے ہاں پھیرسانُوں کیہ مِلے گا ؟
۲۸۔ یِسُوع اُہناں نُوں آکھیا میں تُہانُوں سچ آکھنا ہاں پئی جد اِبن آدم نِویں پیدایش وچ اپنے جلال دے تخت اُتے بہیگا تُسِیں بھی جِہڑے میرے مگر ٹر پئے ہو بارھاں(۱۲) تختاں اُتےبہو گے تے اسرائیل دے بارھاں(۱۲) گھرانیاں دی عدالت کرو گے۔
۲۹۔ تے جہن گھراں یا بھراواں یا نہناں یا ماپیاں یا بال بچیاں یا زمین نُوں میرے ناں دی خاطر چھڈ دتا ہے اُہنُوں سو(۱۰۰)حصے ودھ ملے گا۔
تے اُہ ہمیشہ دی زندگی دا وارث ہووے گا۔
۳۰ پر بہتیرے جِہڑے پچھلے نے پہلے ہون گے۔ تے پہلے پچھلے ہون گے۔

۱۔ کیوں جو اَسمان دی بادشاہی اِک گھر دے مالک وانگرہے۔ جہڑا سویلے باہر نکل گیا پئی اپنےانگور دے باغ وچ مزدوری اُتّے کامے لائے۔
۲۔ تےجداوس کامیاں نال اک اک دینار دہاڑی چُکا لیا تد اُہناں نُوں اپنے باغ گھل دِتا۔
۳۔ تےپہر دِن چڑھے باہر جاکے اوس ہورناں نُوں بازار وچ وہلیاں کھوتے ڈِٹّھا۔
۴۔ تے اُہناں نُوں آکھیا تُسِیں بھی انگور دے باغ وِچ جاؤ تے جو کجھ حق ہووے گا میں تُہانُوں دیا ں گا تے اُہ ٹُر پئے۔
۵۔ پھیراوس دُوجے (۲)تےتیجے (۳)پہر باہر جاکے ایسے طرح کیتا۔
۶۔ تےاِک گھنٹا دِن رہندیاں اوس ہورناں نُوں کھلوتیاں ڈِٹّھا تے اُہناں نُوں آکھیا۔ تُسِیں کیوں سارا دن ایتھے وہلے کھلوتے رہے ہو؟
۷۔ اُ ہ اُہنُوں آکھن لگے۔ ایسں لئی پئی سانُوں کسے دہاڑی نہیں لایا۔ اُہ اُہناں نُوں آکھن لگا تُسِیں بھی انگوردے باغ وچ جاؤ؟
۸۔ تے جد شام پئی تد انگور دے باغ دے مالک اپنے مختیار نُوں آکھیا۔ کامیاں نُوں سَدّتےپچھلیاں تھوں لیکے پہلیاں تیکر اہناں نُوں مزدوری دے۔
۹۔ تے جد اُہ آئے جِہڑے گھنٹا دِن رہندیاں کم لگے سان۔ اہناں نُوں اک اک دینار ملیا۔
۱۰۔ تے جد پہلے آئے اُہناں اِہ سمجھیا پئی سانُوں ودھ مِلے گا۔ پر اُہناں نُوں بھی اک اک دینار ملیا۔
۱۱۔ تے اُہنُوں لیکے اُہ گھر دے مالک اتے کُڑکُڑائے تے آکھیا۔
۱۲۔ پئی اُہناں پچھلیاں تے اِکو ہی گھڑی کم کِیتا تے تُوں اُہناں نُوں ساڈے برابر کردِتّا جہناں سارے دن دابھار تےدُھپ سہی۔
۱۳۔ پر اوس اُہناں وِچّوں اک نُوں جواب دے کے آکھیا بھائی میں تیرے نال کوئی بے انصافی نہیں کردا۔ تیرا میرے نال اک دنیار نہیں سی چُکیا؟
۱۴۔ جو تیرا ہے سو لے۔ تے ٹُر جا۔ پر میری مرضی ہے پئی جِنّا تینُوں دیناں اُناں ہی ایس پچھلے نُوں بھی دیاں۔
۱۵۔ میرااختیار نہیں ہے پئی میں اپنے مال نال جو چاہاں سو کراں ؟یا تیری اَکھ ایس کر کے بُری ہے پئی میں چنگا ہاں ؟
۱۶۔ ایسے طرح پچھلے پہلے ہون گے تے پہلے پچھلے ہون گے۔
۱۷۔ تے یِسُوع یروشلیم نُوں جاندیاں ہوئیاں باراں (۱۲)شاگرداں نُوں وکھریاں لے گیا تے راہ وچ اُہناں نُوں آکھیا۔
۱۸۔ ویکھو اسِیں یروشلیم نُوں جانے ہاں تے اِبن آدم سردار کاہناں تے فقیہاں دے حوالے کیتا جائے گا تے اُہ اُہدے اُتےموت دا فتویٰ دین گے۔
۱۹۔ تے اُہنُوں غیرقوماں دے حوالے ایسں کر کے کرن گے۔ پئی اُہنُوں ٹھٹھے کروان تے کوٹڑے مروان تے صلیب اُتے چڑھوان۔ تےترتجے(۳) دہاڑے اُہ اُٹھالیا جائے گا ۔
۲۰۔ اوس ویلے زبدی دے پُتراں دی ماں اپنے پُتراں سَنے اُہدے کول آئی تے اُہدے اَگّے اِک عرض کیتی۔
۲۱۔ اوس اُہنُوں آکھیا تُوں کیہ چاہنی ہیں۔ اُہ اُہنُوں آکھن لگی۔ تُوں حکم دے پئی میرے اِہ دویں پُتر اِک تیرے سجے تے اک تیرے کھبے تیری بادشاہی وچ بیہن۔
۲۲۔ یِسُوع جواب دیکے آکھیا۔ تُسِیں نئیں سمجھدے پئی کیہ منگدے ہو۔ اُہ پیالہ جہنُوں میں پنیا ہے تُسِیں پی سکدے ہو؟اُہ اُہنُوں آکھن لگے ہاں پی سکنے ہاں۔
۲۳۔ اُہ اہناں نُوں آکھن لگا۔ میرا پیالہ تے تُسی ضرور پیوگے پر سجے تے کھبے بہانا میرے ہتھ وِچ نئیں ہے کسے نُوں دے دیاں۔ پر اُہناں نُوں بخشیا جائے گا۔ جہناں واسطے میرے باپ کولوں مُقرر کیتا گیا ہے۔
۲۴۔ تے دساں نے سُن کے اُہناں دوہاں بھراواں دی بابت غصہ کیتا۔
۲۵۔ پر یِسُوع اُہناں نُوں اپنے کول سد کے آکھیا تُسِیں جاندے ہو پئی غیر قوماں دے حاکم اپیناں اُتّے دب کے حکومت چلاندے نے۔
۲۶۔ اجہیا تُہاڈے وچ نہ ہووے گا۔ سگوں جہڑا کوئی تُہاڈے وِچ وڈّا بننا چاہے سو تُہاڈا ٹہلیا ہووے گا۔
۲۷۔ تے جِہڑا کوئی تُہاڈے وِچ سردار ہونا چاہے سو تہاڈا کاماں ہوئے گا۔
۲۸۔ جس طرح ابن آدم ٹہل کران نہیں سگوں ٹہل کران تے بُہتیاں واسطے اپنی جان دین نُوں آیا ہے۔
۲۹۔ تےیریحوتھوں نکل دیاں اُہدے پچھے بڑی بھیڑ ہوٹُری۔
۳۰۔ تے ویکھودو اَنّھے آدمی راہ دے کنڈھے بیٹھے ہوئے سان۔ جد اُہناں اِیہ سُنیا پئی یِسُوع لنگھدا جاندا ہے تاں چلّا کے بولے اے خداوند داؤد دے بیٹے ساڈے اُتّے رحم کر۔
۳۱۔ تے لوکا ں نے اُہناں نُوں جِھڑکیا پئی چُپ کر جان۔ پر اُہناں ہور بھی چلا کے آکھیا۔ اے خداوند داؤد دے بیٹے ساڈے اُتے رحم کر۔
۳۲۔ تد یِسُوع کھلوگیا تے اُہناں نُوں سد کے آکھیا تُسِیں کیہ چاہندے ہو پئی میں تُہاڈے لئی کراں ؟
۳۳۔ اُہ اُہنُوں آکھن لگے خداوند اساڈیاں اکھیاں کُھل جان۔
۳۴۔ تے یِسُوع ترس کھا کے اُہناں دیاں اکھیاں نُوں چُھوہیا تے اوسے ویلے اُہ سُجا کھے ہوگئے۔ تےاُہدے مگر ٹُر پئے۔

۱۔ تے جداُہ یروشلیم دے نیڑے اپڑے تے بیت فگے وِچ زتیوناں دے پہاڑ کول آئےتد یِسُوع دوں(۲) شاگرداں نُوں گھلیا۔ تے اُہناں نُوں اکھیا۔
۲۔ تُسِیں سامنے والے پنڈ وچ جاؤ۔ تے وڑدیاں سار تُہانُوں اِک کھوتی بدھی ہوئی مِلیگی تے بچہ اُہدے نال۔ اُہنُوں کھلو لکے میرے کول لے آؤ۔
۳۔ تے جے کوئی تُہانُوں کجھ آکھے تاں آکھناں پئی خداوند نُوں اُہناں دی لوڑ ہےتے جھٹ اُہ اُہناں نُوں گھل دے گا۔
۴۔ اِہ ایس لئی ہویا پئی اُہ گل جہڑی نبی دی راہیں آکھی گئی سی پُوری ہووے۔
۵۔ ’’پئی صیون دی دھی نُوں آکھو۔ ویکھ تیرا بادشاہ غریبی نال کھوتی اُتے سگوں کھوتی دے بچے اُتے چڑھ کے تیرے کول آوندا ہے ‘‘۔
۶۔ سو شاگرداں جا کے جس طرح یِسُوع نے اُہناں نُوں حکم دِتّا سی اوسے طرح کیتا۔
۷۔ تے کھوتی تے بچے نُوں لے آنداتے اُہناں اپنے کپڑےاُہناں دے اُتّے پا دِتّے۔ تےاُہ اُہناں دے اُتّے چڑھ بیٹھا۔
۸۔ تے بھیڑ وچوں بُہتیاں اپنے کپڑے راہ وچ وچھائے تے ہورناں رُکھاں دیاں ٹہنیاں وَڈھ کے راہ وچ وچھا دیتاں۔
۹۔ تے بھیڑ جِہڑی اُہدےاگّے پچھے چلی جاندی سی اُچّی آواز نال آکھدی سی ’’ہوشعناداؤد دے بیٹے نُوں دِھن ہے اُہ جہڑا خُداوند دے ناں اُتےآؤندا ہے اَسماناں وچ ہو شعنا‘‘۔
۱۰۔ تے جاں اُہ یروشلیم وِچ وڑیا تاں سارا شہراِہ آکھ کے ہل گیا پئی اِہ کون ہے ؟
۱۱۔ تے بھیڑ آکھن لگی۔ اِہ اُہ نبی ہے یِسُوع گلیل دے ناصرۃ دا۔
۱۲۔ تے یِسُوع خُدا دی ہَیکل وِچ گیا تے ساریاں نُوں باہر کڈھ دِتّا جِہڑے ہیکل وِچ ونج بپار کردے سان تے صرافاں دے تختے تے کبوتر ویچن والیاں دیاں چونکیاں اُلٹا سُٹّیاں۔
۱۳۔ تے اُہناں نُوں آکھن لگا پئی لکھیا ہویا ہے’’ میرا گھر دُعا بندگی دا گھر اکھوا ئے گا ‘‘پر تُسِیں اُہنُوں ڈاکوآں دی کھوہ بناندے ہو۔
۱۴۔ تے ہیکل دےاندر اَنّھے تے گونگے اُہدے کول آئے تے اوس اُہناں نُوں ول کیتا۔
۱۵۔ پر جَد سردار کاہناں تے فقیہاں نے اُہناں اچرج کماں نُوں ڈِٹّھا جِہڑے اوس کیتے تے نالے ہیکل وِچ اُہناں مُنڈیاںُ نُوں جِہڑے اُچّی اُچّی آکھدے سان ’’داؤد دے بیٹے نُوں ہوشعنا‘‘۔ تد اُہناں نُوں غصہ چڑھیا۔
۱۶۔ تےاُہنُوں آکھیا تُوں سُننا ہیں پئی اِہ کیہ آکھدے نے ؟یِسُوع اُہناں نُوں آکھیا ہاں۔ تُساں کدی اِہ نہیں پڑھیا پئی ایانیاں تے دُدّھ پین والیاں دے مُنہوں تُوں وڈیائی پُوری کرائی۔
۱۷۔ تےاُہناں نُوں چھڈ کے اُہ شہروں باہر بیت عنّیانُوں گیا تے اوتھے رات رہیا۔
۱۸۔ تے سویرے شہرنُوں پرتدیاں ہویاں اُہنُوں بُھکھ لگی۔
۱۹۔ تے راہ دے کنڈ ھے اک پھگواڑے دا بُوٹا ویکھ کے اُہدے کول گیا تے اُہدے وچ بِناں پتّراں دے ہور کجھ نہ ملیا تے ُاہنُوں آکھیا ہُن تھوں لیکے تیرے اُتے کدی بھی پھل نہ ہووے تے اوسے ویلے پھگواڑے دا بوٹا سُک گیا۔
۲۰۔ تے شاگرداں نے ویکھ کے تے تعجب کر کے آکھیا۔ کیڈی چھیتی اُہ پھگواڑے دا بُوٹا سُک گیا ؟تے یِسُوع اُہناں نُوں جواب دِتّا۔
۲۱۔ میں تُہانُوں سچ آکھناہاں پئی جے کر یقین کروتے شک نہ کرو تاں تُسِیں نِرااِ ہوہی نہ کروگےجس طرح پھگواڑے دے بُوٹے نال ہویا۔ پرجے ایس پہاڑ نُوں بھی آکھو گے پئی اُٹھ تے سمندر وچ جاپو تاں ہوجائے گا۔
۲۲۔ تے سبھ کجھ جو تُسِیں یقین کر کے دعاوچ منگو گے سو تُہانُوں ملے گا۔
۲۳۔ تے جد اُہ ہیکل وِچ آیا تے تعلیم پیا دیندا سی تَد سردار کاہن تے قوم دے بزرگ اُہدے کول آئے تے آکھن لگے۔ تُوں کِہڑے خِیال نال اِہ کم کرنا ہیں ؟تے کِس اِہ اخیتار تینُوں دِتّا ہے۔
۲۴۔ یِسُوع اُہناں نُوں جواب دِتّا۔ میں بھی تُہاتھوں اِک گل پُچھناں ہاں جے تُسِیں اُہ مینُوں دسّوگے تاں میں بھی تُہانُوں دسّاں گا پئی کہڑے ِاخیتار نال اِہ کم کرنا ہاں۔
۲۵۔ یوحنا دا بپتسمہ کِتّھوں سی اَسمانُوں یا آدمیاں ولّوں ؟تے اُہناں اِہ آپو وِچ وِچار کیتی پئی جے اسیں آکھئے اَسمانُوں تد اُہ سانُوں آکھے گا۔ پھر تُساں اُہنُوں کیوں نہیں منیا ؟
۲۶۔ پر جے آکھئے۔ آدمِیاں ولّوں تاں لوکاں کولوں ڈرنے ہاں کیوں جو سبھے یُوحنّا نُوں نبی مندے نے۔
۲۷۔ تد اُہناں یِسُوع نُوں جواب دِتا اسیں نہیں جاندے۔ اوس بھی اہناں نُوں آکھیا میں بھی تُہانُوں نہیں دسدا پئی کِہڑے اِخیتار نال میں اِہ کم کرنا ہاں۔
۲۸۔ پر تُسِیں کیہ سمجھدے ہو ؟ کسے جنے دے دو پُترسان تے اوس وَڈّے کول آکے آکھیا پُتر جا کے اج انگور دے باغ وچ کم کر۔
۲۹۔ اوس جواب دِتّا میرا جی نہیں کردا پر مگروں پچھتا کے اُہ ٹُر گیا۔
۳۰۔ پھر دوجے کول آکے ایسے طرح آکھیا۔ اوس جواب دِتّا خداوند میں جانا ہاں۔ پرگیا نہیں۔
۳۱۔ اُہناں دوہاں وچوں کس پیؤ دی مرضی پُوری کیتی ؟اُہ آکھن لگے پہلے نے۔ یِسُوع اُہناں نُوں آکھیا۔ میں تُہانُوں سچ آکھنا ہاں پئی محصولے تے کنجریاں تُہاتھوں اگے خدا دی بادشاہی وچ جاندےنے۔
۳۲۔ کیوں جو یوحنا نیکی دی راہ تُہاڈے کول آیا تے تُساں اُہنُوں نہ منّیا پر محصُولیاں تے کنجریاں نے اُہنُوں مَنّ لیا۔ پر تُسِیں اہ ویکھ کے پچھوں بھی نہیں پچھتائے پئی اُہنُوں مَنّ لیندے۔
۳۳۔ اک ہور تمثیل سُنو۔ اک گھر دا مالک سی جس انگور دا باغ لایا۔ تے اُہدے چو پھیڑے واڑ دِتّی۔ تے مالِیاں دے ہتھ سونپ کےپر دیس ٹُر گیا۔
۳۴۔ جد پھل دی بہار نیڑے آئی اوس اپنے نوکراں نُوں مالیاں کول اُہدا پھل لین واسطے گھلیا۔
۳۵۔ تے مالیاں اُہدے نوکراں نُوں پھڑ کے کسے نُوں کٹیا۔ کسے نُوں وڈھیا تے کسے نُوں پتھر مارے۔
۳۶۔ پھیر اوس ہور نوکراں نون گھلیا جِہڑے اگلیاں نال ودھیرے سان تے اُہناں اُہناں نال بھی اوسے طرح کیتا۔
۳۷۔ پر اوڑک نُوں اوس نے اپنا پُتر اُہناں کول اِہ آکھ کے گھلیا پئی اُہ میرے پُتر دی تاں آدر کرن گے۔
۳۸۔ جد مالیاں نے بیٹے نُوں ڈِٹّھا تد آپو وچ آکھن لگے۔ وارث تے اِہو ہے۔ آؤ اِہنُوں مار سُٹئے تے اُہدی ورثہ سانبھ لئے۔
۳۹۔ تے اُہنُوں پھڑ کے انگور دے باغوں بنّے کڈھیا تے مار سُٹّیا۔
۴۰۔ سو جد باغ دا مالک آوئے گا اُہناں مالیاں نال اُہ کیہ کرئے گا۔
۴۱۔ اُہ اُہنُوں آکھن لگے اُہناں بُریاں دا بُری طرح ناس کرئے گا۔ تے انگور دا باغ ہورناں مالِیاں نُوں سونپے گا۔ جِہڑے ویلے سر اُہنُوں پھل پچاو ن گے۔
۴۲۔ یِسُوع اُہناں نُو ں آکھیا تُساں کِتاباں وچ کدی نہیں پڑھیا ’’پئی جِہڑے پتّھرنُوں راجاں نےنا پسند کیتا اُہوئی نُکرّ دا سِرا بنایا گیا‘‘؟ اِہ گل خداوند ولوں ہوئی تے ساڈی نظر وچ اَچرج ہے۔
۴۳۔ ایس لئی میں تُہانُوں آکھنا ہاں پئی خُدا دی بادشاہی تُہاتھوں کھُتی جائے گی۔ تے اِک قَوم نُوں بخشی جائے گی جہڑی اُہدا پھل لِیایا کرے۔
۴۴۔ تے جِہڑا کوئی ایس پتھر اُتّے ڈِگ پوے سو چُور چُور ہو جائے گا پر جِہدے اُتّے اُہ ڈِگّے اُہنُوں گھٹّے وانگوں اُڈادے گا۔
۴۵۔ تےجَد سردار کاہناں تے فریسیاں نے اُہدیاں اِہ تمثیلاں سُنیاں تد اُہناں نُوں معلوم ہویا پئی اُہ تاں ساڈی بابت پِیا آکھدا ہے۔
۴۶۔ تے جاں اُہ اُہنُوں پھڑنا چاہندے سان تاں لوکاں تھوں ڈرے کیوں جو اُہ اُہنُوں نبی جاندے سان۔

۱۔ تے یِسُوع نے پھیر تمثیلاں وچ اُہناں نُوں جواب دتا۔
۲۔ پئی اَسمان دی بادشاہی اک بادشاہ وانگر ہے جس اپنے بیٹے دا ویاہ کِیتا۔
۳۔ تےاوس اپنے نوکراں نُوں گھیلا۔ پئی میل والیاں نُوں ویاہ وچ سدّن۔ پراُہ آون نُوں راضی نہ ہوئے۔
۴۔ پھر اوس ہور نوکراں نُوں اِہ آکھ کے گھلیا۔ پئی میل والیاں نُوں آکھو۔ پئی ویکھو میں اپنا کھانا تیار کر لیا میرے ڈھگے تےموٹے جانور کو ہے گئے نے تے سبھو کُجھ تیّار ہے۔ تُسِیں ویاہ وچ آؤ۔
۵۔ پراُہ بے پروائی کر کے چلے گئے۔ اک اپنی پیلی وَل دوجا اپنے ونج بپار نُوں۔
۶۔ تے باقِیاں نے اُہدے نوکراں نُوں پھڑیا تے اُہناں دی پت لاہی تے مار سُٹّیا۔
۷۔ تد بادشاہ نُوں غصہ آیا تے اوس اپنی فوج نُوں گھل کے اُہناں خونیاں دا ناس کروا دِتّا تے اُہناں دا شہر پھُوک دِتّا۔
۸تے اپنے نوکراں نُوں آکھیا وِیاہ دی تیاری تے ہوئی پر اُہ جِہڑے سدے ہوئے سان نالائق نِکلے۔
۹۔ سو تُسِیں چورستیاں وچ جاو تے جنے تہانُوں مِلن ویاہ وچ سدّ لِیاؤ۔
۱۰۔ تے اُہ نوکر باہر جاکے راہا ں اُتے بُرے بھلے جنّے ٹکرے سبھناں نُوں اکٹّھے کر کے لَے آئے تے ویاہ والا گھر پر وہنیاں نال بھر گیا۔
۱۱۔ تے جد بادشاہ پر وہنیاں نُوں ویکھن لئی اندر آیا اوس اِک آدمی نُوں اوتھے ویکھیا جس ویاہ والا کپڑا پایا ہویا نہیں سی۔
۱۲۔ تے اُہنُوں آکھن لگا بھائی تُوں ویاہ والے کپڑے باجھوں ایتھے کِیکر آوڑیا۔ اُہ تاں چپ رہ گیا۔
۱۳۔ تد بادشاہ نوکراں نُوں آکھیا۔ اِہدے ہتھ پیر بنّھکے اِہنُوں باہر اَنھیرے وِچ سُٹ آؤ۔ اوتھے رونا تے دند پیہناں ہووےگا۔
۱۴۔ کیوں جو سدّے ہوئے تے بُہت نے پر چُنے ہوئے تھوڑے۔
۱۵۔ تد فِریسیاں جا کے صلاح کیتی پئی کسے طرح اُہنُوں گلّاں وِچ پھسائیے۔
۱۶۔ تے اُہناں اپنیاں شاگرداں نُوں ہیرودیاں سَنے اُہدے کول گھلیا پئی اُہنُوں آکھن اے اُستاد سانُوں معلُوم ہے۔ پئی تُوں سّچا ہیں تے سچائی نال خدا دا راہ دسنا ہیں تے تینُوں کسے دی پر واہ نہیں کیوں جو تُوں آدمیاں دے مُنہ دا لحاظ نہیں کردا۔
۱۷۔ سانُوں دس تُوں کِیہ سمجھنا ہیں۔ پئی قیصر نُوں جزیہ دنیا چاہِیدا ہے کہ نہیں۔
۱۸۔ پر یِسُوع نے اُہناں دی شرارت جانچ کے آکھیا اے مکار و تُسِیں مینُوں کیوں آزماندے ہو؟
۱۹۔ جزیے دا سکہ مینُوں وکھاؤ۔ اُہ اُہدے کول اِک دِنیار لَےآئے۔
۲۰۔ تے اوس اُہناں نُوں آکھیا۔ اِہ مُورت تے اِہ لکھت کہدی ہے ؟
۲۱۔ اُہ اُہنُوں آکھن لگے قیصر دی۔ تد اُہ اُہناں نُوں آکھن لگا۔ پھیر جو قیصردا ہے قیصر نُوں دیو تے جو خُدا دا ہے خُدانُوں۔
۲۲۔ تے اُہناں اِہ سن کے تعجب کیتا تے اُہنُوں چھڈ کے ٹُر گئے۔
۲۳۔ اوسے دِن صدّوقی جِہڑے آکھدے نے پئی قِیامت نہیں ہونی ہے اُہدے کول آئے تے اِہ آکھ کے اُہدے کولوں سوال پُچھیا۔
۲۴۔ پئی ا ےاُستاد !موسیٰ نے آکھیا سی پئی جد کوئی اوترا مرجائے تد اُہدا بھرا اُہدی وُہٹی نُوں کر لئےتے اپنے دے لئی نسل پیدا کرے۔
۲۵۔ سو ساڈے وچ ست(۷) بھر سان۔ تے پہلا ویاہ کرکے مرگیا پر اُہدی کوئی نسل نہیں سی اُہ اپنی وُہٹی نُوں اپنے بھرا لئی چھڈ گیا۔
۲۶۔ تے ایسے طرح دوجے(۲) کیتا تے تیجے(۳) بھی ستویں(۷) تیکر۔
۲۷۔ تے ساریاں دے پچھوں اُہ عورت بھی مرگئی۔
۲۸۔ سو قیامت نُوں اِہ اُہناں ستا ں(۷) وِچّوں کہدی وُہٹی ہووے گی ؟کیوں جو ساریاں اُہنُوں کیتا سی۔
۲۹۔ تُسِیں بُھلدے ہو کیوں جو تُسِیں کِتاباں تے خدا دی قدرت تھوں ناواقف ہو۔
۳۰۔ کیوں جو قیامت وچ نہ ویاہ کردے نے تے نہ ویاہے جاندے نے۔ پر اَسمان دے فرشتیاں وانگوں نے۔
۳۱۔ پر مُردیاں دی قیامت دی بابت تساں اہ نہیں پڑھیا جو خُدا تُہانُوں آکھیا۔
۳۲۔ پئی ’’میں ابراہیم دا خدا تے اضحاق دا خُدا تے یعقوب دا خدا ہاں ‘‘ خدا مردیاں دا نہیں جیوندیاں دا خدا ہے ۔
۳۳۔ تے لوک اِہ سُن کے اُہدی تعلیم تھوں حیران ہوگئے۔
۳۴۔ تے فریسیاں جد سنیا پئی اوس صدوقیاں دا منہ بند کردیا تد اُہ اک تھاں اکھٹے ہوگئے۔
۳۵۔ تے اہناں وچوں اک نے (جہڑا شریعت سکھان والا سی )اُہدے ازمان لئی سوال پچھیا۔
۳۶۔ پئی اے استاد شریعت وچ وڈا حکم کہڑا ہے۔
۳۷۔ اوس اُہنُوں آکھیا پئی تو ں خُداوند اپنے خدا نُوں اپنے سارے دل نال تے اپنی ساری جان نا ل تے اپنی ساری عقل نال پیار کر۔
۳۸۔ وڈاتےپہلا حکم اِہوہی ہے۔
۳۹۔ تے دوجا جہڑااُہدے وانگوں ہے اِہ ہے پئی تُوں اپنےگوانڈھی نُوں اپنے جہیا پیار کر۔
۴۰۔ اُہناں دوہاں حُکماں وِچ ساری شریعت تے نبی آجاندے نے۔
۴۱۔ تےاجے فریسی اکھٹے ہی سان جد یِسُوع اُہناں کولوں اہ آکھکے سوال پچھیا۔
۴۲۔ پئی مسیح دی بابت تہاڈا کیہ خیال ہے۔ اُہ کہدا بیٹا ہے ؟ اہ اہنُوں آکھن لگے داؤد دا۔
۴۳۔ اہ اُہناں نُوں آکھن لگا۔ پھیر کس طرح داؤد رُوح دی راہیں اُہنُوں اِہ آکھکے خداوند آکھدا ہے ؟
۴۴۔ ’’پئی خداوند نے میرے خداوند نُوں آکھیا تُوں میرے سجے پاسے بیہہ جاجد تیکر میں تیرے ویریاں نُوں تیرے پیراں ہیٹھ نہ کر دیواں‘‘۔
۴۵۔ سو جد داؤداُہنُوں خُداوند آکھدا ہے۔ تاں اُہ اہدا بیٹا کیکر ہویا؟
۴۶۔ پر ایس گل دا جواب کوئی اُہنُوں دے نہ سکیا۔ تے نہ اوس دن تھوں کسے دا حوصلہ پیا پئی اُہدے کولوں سوال پُچّھے۔

۱۔ تد یِسُوع نے لوکاں نُوں تے اپنے شاگردا ں نُوں آکھیا۔
۲۔ پئی فقیہہ تے فریسی موسیٰ دی گدی اُتّے بیٹھے ہوئے نے۔
۳۔ ایس لئی سبھ کجھ جواُہ تُہانُوں آکھن تُسِیں عمل کرو تے منّو پر اُہناں جہے کم نہ کرو کیوں جو اُہ آکھدے نے پر عمل نہیں کردے۔
۴۔ ہاں اُہ بھاریاں پنڈاں جِہڑیاں ۱وکھیاں چُکیاں جاندیاں نے بنھ چھڈ دے نے۔ تے آدمیاں دے موڈھیاں اُتے رکھدے نے۔ پر آپ اُہ اپنی اُنگل نال اُہناں نُوں کھسکانا نہیں چاہندے۔
۵۔ تے اُہ تے اپنے سارے کم لوکاں نُوں وکھان لئی کردے نے اُہ تے اپنے تعویذ چوڑے تے اپنے چوغے دی جھالز وڈی بناندے نے۔
۶۔ تےمہانیاں وچ اُچے تھاں تے عبادت خانیاں وچ اگلیاں کرسیاں چاہندے نے۔
۷۔ تے بازاراں وچ سلام لین تے لوکاں کولوں ربی اکھوان دے بُھکے نے۔
۸۔ پر تُسِیں ربّی نہ اکھواو۔ کیوں جو اک ہی تُہاڈا اُستاد ہے تے تُسِیں سارے بھائی ہو۔
۹۔ تے زمین اُتّے کِسے نُوں اپنا باپ نہ آکھو۔ کیوں جو اک ہے تہاڈا باپ جہڑا اَسمانُوں اُتے ہے۔
۱۰۔ تے نہ تُسِیں ہادی اکھواو کیوں جو اک ہے تُہاڈا ہادی یعنی مسیح۔
۱۱۔ پر جہڑا تُہاڈے وچوں وڈا ہے سو تہاڈا ٹہلیا ہووے گا۔
۱۲۔ تے جہڑا کوئی اپنے آپ نُوں اُچّیاں کرئے گا سونِیواں کیِتا جائے گا تے جِہڑا کوئی آپ نُوں نِیویاں کرئے گا۔ سو اُچّا کیتا جائے گا۔
۱۳۔ پر ہاے افسوس تُہاڈے اُتے فقیہوتے فریسیومکارو۔ ایس لئی پئی تُسِیں اَسمان دی بادشاہی نُوں لوکاں دے اگّےبند کردے ہو۔ تُسِیں تے نہ آپ وِچ وڑدے تے نہ وڑن والیاں نُوں وڑن دیندے ہو۔
۱۴۔ پر ہاے افسوس تہاڈے اتے فقیہوتے فریسیو مکارو۔ ایس لئی پئی تُسِیں بیواؤں دے گھرا نُوں انپے بنابیٹھے اُہ تے وکھاوے دی نماز نُوں ودھا دیندے ہو۔ تہانُوں بہتی سزا ہووے گی۔
۱۵۔ پر ہاے افسوس تُہاڈے اُتّے فقیہو تےفریسیو مکّارو ایس لئی پئی تُسِیں اک آدمی نُوں اپنے دِین وچ لے آون واسطے سُمندر تے زمین گاہ مار دے ہو۔ تے جد آگیاتاں تُسِیں اُہنُوں اپنے نالوں دونا جہنم دا پُتر بناندےہو۔
۱۶۔ پر ہائے افسوس تُہاڈے اُتّے اَنّھے راہ دسّن والیو جِہڑے آکھدے ہو پئی ’’جے کوئی ہیکل دی سونہہ کھائے تاں کوئی گل نہیں پر جے کوئی ہیکل دے سونے دی سونہہ کھائے تاں پُوری کرنی پَوے گی‘‘۔
۱۷۔ مُورکھوتے اَنّھیو۔ وڈا کِہڑا ہے ؟سونا؟کہ جس سونے نُوں پاک کیتاہے ؟
۱۸تے جے کوئی قُربان گاہ دی سونہہ کھائے تاں کوئی گل نہیں۔ پرجے کوئی اوس چڑھاوے دی جہڑا اُہدے اُتّے ہےسونہہ کھائے تاں اُہنُوں پُوری کرنی پَوے گی‘‘۔ اُہ اُہدا دین دارہے۔
۱۹۔ اَنّھیو وڈّا کِہڑاہے ؟ چڑھاوا کہ قُربان گاہ جِہڑی چڑھاوے نُوں پاک کردی ہے ؟
۲۰۔ ایس لئی جہڑا قُربان گاہ دی سونہہ کھاندا ہے۔ اُہ اُہدی تے نالے ساریاں چیزاں دی بھی جِہڑیاں اُہدے اُتّے نےسونہہ کھاندا ہے۔
۲۱۔ تے جہڑا ہیکل دی سونہہ کھانداہے اُہدی تے جہڑاہیکل وچ رہنداہے اُہدی بھی سونہہ کھاندا ہے۔
۲۲۔ تے جہڑااَسمان دی سونہہ کھاندا ہے۔ اُہ خدا دے تحت دی تے اُہدے اُتے بیہن والے دی بھی سونہہ کھاندا ہے۔
۲۳۔ ہاے افسوس تُہاڈے اُتے فقیہو تےفریسیو مکارو ایس لئی پئی تُسِیں پودنے تے سؤیاں تے زِیرے اُتّے دہ یکی لاندے ہو۔ پر شریعت دیاں بھاریاں بھاریاں گلّاں نُوں (یعنی عدالت تے رحم تے ایمان نُوں )تُساں چھڈدِتا ہے۔ چاہیدا سی پئی تُسِیں اِہناں نُوں کردے تے اُہناں نُوں بھی چھڈدے۔
۲۴۔ اَنّھے راہ دسّن والیو جِہڑے مچھر نُوں پُن کے کڈھ چھڈدے ہو تےاُوٹھ نُوں کھا جاندے ہو۔
۲۵۔ ہاے افسوس تُہاڈے اُتے فقیہو تےفریسیو مکارو۔ تُسِیں کٹورے تے تھالی نُوں اُتُوں صاف کردے ہو پر اندروں لُٹ تے بد پرہیزی نال بھرے ہوئے نے۔
۲۶۔ اَے اَنّھے فریسی پہلاں کٹورے تے تھالی دا ر صاف کر تا اُہ با ہروں بھی صاف ہوجاوے۔
۲۷۔ ہاے افسوس تُہادے اُتّےفقیہو تے فریسیو مکّارو ایس لئی پئی تُسِیں چُونہ پھیری ہوئی قبراں وانگوں ہو جہڑیاں باہروں تے بڑیاں سوہنیاں جایدیاں نے۔ پر اندروں مُردیاں دیاں ہڈّیاں نال تے ہر طرح دی پلیتی نال بھریاں ہویاں نے۔
۲۸۔ ایسے طرح تُسِیں بھی باہروں تے لوکاں نُوں دھرمی جاپدے ہو۔ پر اندروں مکرتے بےدینی نال بھرے ہوئے۔
۲۹۔ ہاے افسوس تُہاڈے اُتّے فقِیہوتے فریسیو مکّارو ایس لَئی پئی تُسِیں نبیاں دیاں قبراں بناندے ہوتےنیکاں دیاں مقبریاں نُوں سنواردے ہو۔
۳۰۔ تے آکھدے ہو پئی جے اَسِیں اپنے پیو دا دیاں دے دِناں وِچ ہُندے تاں اَسِیں اُہناں نال نبیاں دے خُون وِچ شریک نہ ہُندے۔
۳۱۔ سو تُسِیں آپ اپنے اُتّے گواہ بندے ہو پئی اَسِیں اُہناں لوکاں دے پُتر ہاں جہناں نبیاں نُوں مار سُٹّیا۔
۳۲۔ اپنے پیو دادیاں دے پیمانے نُوں بھردیو۔
۳۳۔ اے سپّو۔ سپّاں دے بچّیو۔ تُسِیں جہنّم دی سزا تھوں کس طرح بھجوگے ؟
۳۴۔ ایس کر کے ویکھو میں نبیاں تے داناواں تے فقیہاں نُوں تُہاڈے کول گھلنا ہاں۔ اُہناں وِچّوں کئیاں نُوں تُسِیں مار سٹّو گے تے صلیب دیوگے۔ تےکئیاں نُوں اپنے عبادت خانیاں وچ کوٹڑے ماروے گے تے شہروں شہربھجا کے اوکھیاں کروگے۔
۳۵۔ تاں جو نیکاں دا لہُوجِنّازمِین اُتّے وگایا گیا۔ نیک ہابیل دے لہُو تھوں لیکے برخیادےپُترزکریا دے لہُو تیکر جہنُوں تُساں ہیکل تے قربان گاہ دے وچگھار ماردِتّا سی۔ سبھوکُجھ تُہاڈے اُتے آجاوے۔
۳۶۔ میں تُہانُوں سچ آکھنا ہاں اِہ سبھ کُجھ ایسں زمانے دے لوکاں اُتے آوے گا۔
۳۷۔ اے یروشلیم اے یروشلیم نبیاں نُوں مارسٹّن والی تے اُہناں نُوں پتھراؤ کرن والی جِہڑ ے تیرے کول گھلے گئے سان۔کِنی واری میں چاہندا ساں پئی تیرے بچیاں نُوں اوسےطرح اکٹھے کراں۔ جِس طرح کُکڑی اپنے چُوچیاں نُوں کھنباں ہیٹھ اِکٹّھے کردی ہَے پر تُسِیں نہیں ساؤ چاہندے۔
۳۸۔ ویکھو تُہاڈا گھر تُہاڈے لئی اُجاڑ چھڈیا جاندا ہے۔
۳۹۔ کیوں جو میں تُہانُوں آکھنا ہاں پئی ہُن تھوں تُسِیں مَینُوں پھیر نہ ویکھو گے جَد توڑی اِہ نہ آیکھو گے پئی دھن ہے اہ جہڑا خداوند دے ناں اُتّےآوندا ہے۔

۱۔ تے یِسُوع ہیکلوں نِکل کے لگا جاندا سی تے شاگرداُہدےکول آئے پئی ہیکل دیاں عمارتاں اُہنُوں دسّن۔
۲۔ پر اوس اُہناں نُوں اِہ جواب دتا۔ تُسِیں اِہ ساریاں چیزاں نہیں ویکھدے ؟میں تُہانُوں سچ آکھنا ہاں ایتھے پتّھردے اُتّے پتّھر چھڈیا نہیں جاناں جہڑا ڈیگیا نہ جائے گا۔
۳۔ تے جَد اُہ زیتوناں دے پہاڑاُتّےبیٹھا ہویا سی اُہدے شاگِرداں وکھریاں ہو کے اُہدے کولوں پُچّھیا سانُوں دس اِہ گلّاں کدوں ہون گِئیاں ؟ تے تیرےآون داتے ایسں زمانے دےمُک جان داکِیہ نشان ہے۔
۴۔ تے یِسُوع اُہناں نُوں جواب دتا۔ پئی ویکھو تُہانُوں کوئی نہ بھلاوے۔
۵۔ کیوں جو بہتیرے میرے ناں اُتّے اِہ آکھدے ہوئے آؤن گے پئی ’’میں مسیح ہاں ‘‘تے بُہتیاں نُوں بدراہ کردینگے ۔
۶۔ تےتُسِیں لڑائیاں تے لڑائیاں دیاں اوائیاں سُنُوں گے۔ خبردار کتے گھابر نہ جانا۔ کیوں جواِہ گلّاں تے ہونیاں ہی نے۔ پر اخیر نہیں ہے۔
۷۔ کیوں جو قوم قوم دے تے بادشاہی بادشاہی دے برخلاف اُٹھ کھلووے گی۔ تے تھاں تھاں کال تے بھونچال ہون گے۔
۸۔ پر اِہ سارِیاں چیزاں مُصِیبتاں دا شروع ہی ہون گیاں۔
۹۔ تَد اُہ تُہانُوں دُکھ دین لئی پھڑوادینگے تے تُہانُوں مارسُٹن گے تے میرے ناں دے سبب ساریاں وقوماں تُہاڈے نال ویر رکھن گیاں۔
۱۰۔ تے اوس ویلے بُہتیرےٹھوکر کھا جان گے۔ تے اک دوجے نُوں پھڑوا دین گے تے اک دوجے نال ویر رکھن گے۔
۱۱۔ تے بہت جھوٹے نبی اُٹھن گے تےبہتیریاں نُوں بدراہ کر دین گے۔
۱۲۔ تے بے دینی دے ودھ جان نال بہتیریاں دی مُحبت ٹھنڈی ہو جاوے گی۔
۱۳۔ پرجہڑااخیر توڑی قائم رہے گا سو ہی نجات پائے گا۔
۱۴۔ تےبادشاہی دی ایس خُوشخبری دی منادی ساری دنیا وچ کیتی جائیگی۔ تاں جو ساریاں قوماں نُوں گواہی ہووے تد اخیرآوے گا۔
۱۵۔ سو جس ویلے تُسِیں اوس اُجاڑن والی گندی چیزنُوں جہدی خبردانی ایل نبی دِتّی ہے پاک مکان وِچ کھلوتی ہوئی ویکھوگے (جوپڑھے سوسمجھ لوے )
۱۶۔ تد اُہ جِہڑے یہودیہ وچ ہون پہاڑاں اتے بھج جان۔
۱۷۔ جہڑا کوٹھے اُتےہووے اپنے گھر دا اسباب کڈھن واسطے ہیٹھاں نہ اُتر ے۔
۱۸۔ تے جہڑا پیلی وچ ہووے اپنے کپڑے لین نُوں پِچھاں نہ مڑے۔
۱۹۔ پر افسوس اُہناں اُتّے جہڑیاں اُہناں دناں وچ گربھ والیاں تے جہڑیاں دُدھ پیان والیاں ہون گِیاں۔
۲۰۔ سودُعا منگو پئی تُہاڈا بھجناں نہ سِیال وِچ تے نہ سبت دے دِن ہووے۔
۲۱۔ کیوں جو اوس ویلے ایڈی بھاری مُصیبت ہووے گی جہڑی دُنیاں دے مُڈھوں لَیکے ہُن تِیکر نہ ہوئی۔ تے نہ کدی ہووے گی۔
۲۲۔ تےجےاُہ دن گھٹائے نہ جاندے تاں اک جی بھی نہ بچدا پر چُنیاں ہوئیاں دی خاطِر اُہ دِن گھٹائے جان گے۔
۲۳۔ اوس ویلے جے کوئی تُہانُوں آکھے پئی ویکھو مسیح ایتھے یا اوتھے ہے تاں سچ نہ منّو۔
۲۴۔ کیوں جو جُھوٹھے مسیح تے جُھوٹے پیغمبر اُٹھنگے۔ تے بھارے نشان تے کراماتاں وکھان گے۔ اِجہے پئی ہوسکے تاں اُہ چُنیاں ہویاں نُوں بھی بدراہ کرلین۔
۲۵۔ ویکھو میں تُہانُوں اگیترے دس دِتّا ہے۔
۲۶۔ ایس لئی جے تُہانُوں آکھن پئی ویکھو اُہ جنگل وچ تاں باہر نہ جانا۔ جے آکھن ویکھو اندرلیاں کوٹھڑیاں وچ ہے تاں نہ منّو۔
۲۷۔ کیوں جو جس طرح بجلی چڑھدیوں نکل کے لہندے تیکر لِشک ماردی ہے اودیں ہی ابن آدم دا آونا ہووے گا۔
۲۸۔ جتّھے کتے مُردار ہے اوتھے ہی گرِجھاں اکٹّھیاں ہون گیاں۔
۲۹۔ تے اُہناں دِناں دی مُصِیبت دے پِچّھوں جھٹ سُورج ہنیرا ہو جائے گا۔ تےچن اپنا چانن نہیں دیوے گا تے تارے اَسمانُوں ڈِگ پَین گے۔ تےاَسمان دِیاں قُوتاں ہلائیاں جان گیاں۔
۳۰۔ تے اوس ویلے ابن آدم دانشان اَسمان اُتّے نظر آوے گا تے تد زمِین دے سارے گھرانے پٹنگے تےاِبن آدم نُوں قُدرت تے بڑے جلال نال اَسمان دیاں بدلاں اُتے آوندیاں ویکھن گے۔
۳۱۔ تےتُرہی دی بڑی آواز نال اُہ اپنے فرشتیاں نُوں گھلیگا تے اُہ اُہدیاں چُنیاں ہوئیاں نُوں اَسمان دے ایسں سرے تھوں اکٹّھے کرن گے۔
۳۲۔ ہن انجیردے رکھ تھوں تمثیل سکھوپئی جداہدی ٹہنی نرم ہُندی ہے تے پتّر پُھٹدے نے تُسِیں جان لیندے ہوپئی گرمی دی بہار نیٹرے ہے۔
۳۳۔ ایسے طرح جد تُسِیں اِہ سب کجھ ویکھو تدجان لو پئی اُہ نیڑے سگوں بُوہے اُتّے ہے۔
۳۴۔ میں تُہانُوں سچ آکھناں ہاں۔ پئی اِہ پیڑھی گُزر نئیں جائے گی۔ جد تِیکر اِہ سبّھو کُجھ نہ ہوجائے۔
۳۵۔ اَسمان تے زمین ٹل جان گے پر میریاں گلّاں کدی نہ ٹلن گیاں۔
۳۶۔ پر اوس دِن تے اوس گھڑی نُوں باپ دے سِواکوئی نئیں جاندانہ اَسماناں دے فرشتے نہ بیٹا۔
۳۷۔ پر جس طرح نُوح دے دِن سان اوسے طرح ابن آدم دا آونا ہووے گا۔
۳۸۔ کیوں جو جس طرح اُہناں دِناں وچ پرلو تھوں اگّے لوک کھاندے پیندے تے ویاہ کردے تے کراندے سان اوس دن تیِکر پئی نُوح کشتی اُتے چڑھ گیا۔
۳۹۔ تےاُہناں نُوں خبر نہ ہوئی جد تیکر پرلو آکے اُہناں سبھناں نُوں روہڑے کے نہ لے گئی۔ ایسے طرح ابن آدم دا آؤنا ہووے گا۔
۴۰۔ اوس ویلےدوجے پیلی وچ ہون گے اِک پھڑیا تے دوجا چھّڈیا جائے گا۔
۴۱۔ دوجنانیاں چکّی پیہندیاں ہون گیاں۔ اک پھڑی تے دوجی چھڈی جائے گی۔
۴۲۔ ایس لَئی جاگدے رہو پئی تُسِیں نہیں جاندے پئی تُہاڈا خُداوند کِہڑے دِن آؤنداہے۔
۴۳۔ پر اِہ جانو پئی جئے گھر دے مالِک نُوں خبرہُندی پئی چورکہڑے پہر آوے گا۔ تاں جاگدا رہندا تے اپنے گھرنُوں سَنھ لگن نہ دیندا۔
۴۴۔ ایس کر کے تُسِیں بھی تیار رہو۔ کیوں جو جس گھڑی تہانُوں کوئی چت چیتا نہ ہووے اوس گھڑی اِبن آدم آوے گا۔
۴۵۔ اُہ وفادار تے سیانا نوکر کہڑا ہے پئی جِہنُوں اُہدے مالِک اپنے سارے ٹہل کرن والیاں اُتّے مختیار کیتا پئی ویلے سِراُہناں نُوں رست دیوے؟
۴۶۔ دھن ہے اُہ نوکر جِہنُوں اُہدا مالک جد آوے اِجہیا ہی کردیاں ویکھے۔
۴۷۔ میں تُہانُوں سچ آکھناہاں اُہ اُہنُوں اپنے سبھ کاسے اُتّے مختیار کردے گا۔
۴۸۔ پر جے اُہ خراب نَوکر اپنے دل وچ آکھے پئی میرا مالک چر لاندا ہے۔
۴۹۔ تے اپنے نال دیاں نوکراں نُوں مارن لگے تے شرابیاں نال کھائےپئے۔
۵۰۔ تاں اوس نوکر دامالک اجہے دن آوے گا جد اُہنُوں اُہدی اُڈِیک نِہیں ہے۔ تےاجہی گھڑی پئی اُہ نہ جانے۔
۵۱۔ تے اُہنُوں دو ٹوٹے کردے گا۔ تے اُہدا حصہ مکاراں نال ٹھیراوے گا۔او تھے رونا تے دند پیہنا ہووے گا۔

۱۔اوس ویلے اَسمان دی بادشاہی دساں (۱۰)کواریاں وانگرہووے گی جہڑیاں اپنیاں مسالاں لیکے لاڑے دے مِلن نُوں نِکلیاں۔
۲۔ تے اُہناں وِچّوں پنج(۵) مورکھ تے پنج(۵) ہشیار سان۔
۳۔ کیوں جوجہڑیاں مورکھ سان اُہناں اپنیاں مسالاں تےلے لیاں۔ تے تیل اپنےنال نہ لیا۔
۴۔ پر ہُشیار اں نے اپنیاں اپنیاں بھانڈیاں وچ مسالاں نال تیل لے لیا۔
۵۔ تے جد لاڑےچر لایا۔ سبّھے اُنگلاون لگ پیاں پئی تے سوں گیاں۔
۶۔ پرادّھی رات نُوں رولا پیا پئی ویکھو لاڑا آؤندا ہے اُہدی اگّوں والی لَئی چلو۔
۷۔ تداُہناں ساریاں کواریاں اُٹھ کے آپو اپنیاں مسالاں ٹھیک کیتیاں۔
۸۔ تد مورکھاں نے ہُشیار اں نُوں آکھیا۔ اپنے تیل وِچّوں سانُوں وی دِیو کیوں جو ساڈِیاں مسالاں بُجھدیاں جاندایاں نے۔
۹۔ پر ہُشیار اں اِہ جواب دتا نہ۔ کتے ساڈے تے تُہاڈے لئی تُھڑ نہ جائےتُسِیں ویچن والیا ں کول جاکے اپنےلئی مُل لَو۔
۱۰۔ تے جَداُہ مُل لَین گئیاں لاڑاآگیا۔ تے جہڑیاں تیار سان اُہدے نال وِیاہ وچ اندرگیاں تے بُوہا ماریا گیا۔
۱۱۔ تے مگروں دوجیاں کواریاں بھی آئیاں تے آکھن لگیاں پئی خداوند خداوند ساڈے لئی بوہا لاہ دے۔
۱۲۔ پر اوس اُہناں نُوں جواب دِتّا۔ میں تُہانُوں سچ آکھنا ہاں پئی میں نہیں تُہانُوں جاندا۔
۱۳۔ ایس لَئی جاگدے رہو کیوں جو اوس دِن تےاوس گھڑی نُوں تُسِیں نہیں جاندے۔
۱۴۔ کیوں جو جس طرح اک آدمی نے پردیس نُوں جان لگیاں اپنے گھر دیاں نوکراں نُوں سدّیا تے اپنا مال اُہناں نُوں سونپیا۔
۱۵۔ تے اِک نُوں اوس پنج(۵) توڑے دتے۔ دوجے نُوں دو(۲)۔ تے تریجے نُوں اک۔ ہر اک نُوں اہدی اپنی طاقت مُوجب۔ تے پردیس ٹُرگیا۔
۱۶۔ سو جس پنج (۵)توڑے لئےسان اوس جا کے اُہناں نال ونج پیار کِیتا۔ تےپنج (۵)توڑے ہور کمائے۔
۱۷۔ ایسےطرح اوس بھی جس دو (۲)لئے سان دو(۲) ہور کھٹّے۔
۱۸۔ پرجس اک لیا سی اوس جاکے زمین پٹی۔ تےاپنے مالک دے روپے نُوں لُکا دِتّا۔
۱۹۔ تےبہت چِرپِچّھوں اُہناں نوکراں دا مالک آیا تے اُہناں کولوں لیکھا لَین لگا۔
۲۰۔ سوجس پنج(۵) توڑے لئے سان اوس نیڑے آکے ہور پنج (۵)توڑے اَگّے لیا رکّھے تےآکھیا خداوند تُوں مینُوں پنج (۵)توڑے سونپ گیا سیں۔ ویکھ میں پنج(۵) توڑے ہور کھٹ لئے نے۔
۲۱۔ اُہدے مالک نے اُہنُوں آکھیا شاباش چنگیا تے وفادار نوکرا۔ تُوں تے تھوڑے وِچ وفادار نِکلیا۔ میں تَینُوں بُہت سارے اُتّے اِختِیار دیا ں گا۔ تُوں اپنے مالِک دی خُوشی وِچ داخِل ہو۔
۲۲۔ تےجس دو(۲) توڑے لئے سان اوس بھی نیڑے آکے آکھیا خُداوند تُوں مینُوں دو (۲)توڑے سونپ گیا سیں۔ ویکھ میں دو(۲) توڑے ہور کھٹ لئے نے۔
۲۳۔ اُہدے مالِک اُہنُوں آکھیا شاباش چنگیا تے وفادار نوکرا۔ تُوں تے تھوڑےوِچ وفادار نِکلیوں۔مَیں تینُوں بہت سارے اُتے اِختِیار دیا ں گا۔ تُوں اپنےمالک دی خُوشی وِچ داخل ہو۔
۲۴۔ پھیرجس اک توڑا لیا سی اوس بھی نیڑے آکے آکھیا خداوند میں تینُوں جاندا ساں پئی تُوں کرڑا آدمی ہیں۔ جِتّھے تُوں نہیں بیجیا او تھوں تُوں وڈّھنا ہیں۔ تے جتھے تُوں نہیں کھلاریا۔ اوتھوں تُوں اکٹّھا کرنا ہیں۔
۲۵۔ سو میں ڈریا تےتیرے توڑے نُوں زمین وِچ لُکا دِتّا۔ ویکھ تینُوں مِل گیا۔
۲۶۔ پر اُہدے مالک اُہنُوں جواب دِتّا اے بھیڑے تے نکمے نوکر تُوں جاندا سیں پئی جِتّھے میں نہیں بیجیا اوتھوں وڈّھنا ہاں تے جِتّھے مَیں نہیں کھلاریا اوتھوں اِکٹّھا کرنا ہاں ۔
۲۷۔ ایس لئی تینُوں چاہیدا سی پئی میرے روپے ساہُوکاراں نُوں دیندوں تا ں جو میں آکے اپنا مال بِیاج سَنے لے لیند۔
۲۸۔ سو اُہدے کولوں اِہ توڑا کھوہکے جہدے کول دس (۱۰)توڑے نے اُہنُوں دے دیو۔
۲۹۔ کیوں جو ہر اک جہدے کول کُجھ ہے اُہنُوں دِتّا جائے گا۔ تے اُہداوادھا ہو جائے گا۔ پر جہدے کول نہیں اُہدے کولوں جو کجھ اُہدا ہے اُہ بھی کھوہ لیا جائے گا۔
۳۰۔ تے ایس نکمے نوکرنُوں باہر ہنیرے وچ سُٹ دیو۔ اوتھے رونا تے دند پیہنا ہووے گا۔
۳۱۔ جد اِبن آدم اپنے جلال وِچ آئے گا تے سارے فرشتے اُہدے نال تداُہ اپنے جلال دے تخت اُتّے بہے گا۔
۳۲۔ تے ساریاں قوماں اُہدے اگے اکھٹیاں کیتیاں جان گیاں۔ تے جویں ایالی بھیڈاں نُوں بکریاں تھوں وکھریاں کرلینداہے تویں اُہ اُہناں نُوں اِک دوجے تھوں وکھ کرئے گا۔
۳۳۔ تے بھیڈاں نُوں اپنے سجے تے بکریاں نُوں اپنے کھبے پاسے کھلا کرئے گا۔
۳۴۔ تد بادشاہ اپنے سجے پاسے والیاں نُوں آکھے گا۔ اَے میرے باپ دے مُبارک لوکو آؤ۔ اوس بادشاہی دے وارث بنو جِہڑی دُنیا دے مُڈھوں ہی تُہاڈے لئی تیار کیتی گئی سی۔
۳۵۔ کیوں جو میں بُھکھّا ساں تے تُساں مینُوں کھان نُوں دِتّا میں ترہایا ساں تُساں مینُوں پانی پیایا۔ میں اوپرا ساں تے تُساں مینُوں اپنے گھررکھیا۔
۳۶۔ ننگا ساں تے تُساں مینُوں کپڑا دِتّا۔ میں ماندا ساں تے تُساں میری خبر لئی۔ میں قید وِچ ساں تے تُسِیں میرے کول آئے۔
۳۷۔ تد نیک لوک اُہنُوں جواب دین گے خداوندا کدوں اساں تینُوں بُھکیاں ڈِٹّھا تے کھوایا؟یا تر ہایا تے تینُوں پیایا ؟
۳۸۔ کدوں اساں تینُوں اوپرا ڈِٹّھا تے اپنے گھررکھّیا۔ ننگاڈِٹّھا تے کپڑادِتّا؟
۳۹۔ اساں کدوں تینُوں ماندا یا قید وچ ڈِٹّھا تے تیرے کول آئے ؟
۴۰۔ تے بادشاہ اُہناں نُوں جواب دے گا۔ میں تُہانُوں سچ آکھنا ہاں پئی جَد تُساں میرے اِہناں سبھناں تھوں نکّیاں بھراواں وِچّوں اِک نال اِہ کیتا تاں میرے نال کتیا۔
۴۱۔ تد اُہ کھبے پاسے دالیاں نُوں بھی آکھے گا۔ اے لِعینو میرے اگّوں اوس ہمیشہ دی اگ وِچ جاؤ جِہڑی شیطان تے اُہدیاں فرشتیاں دے لئی تیار کیتی ہوئی ہے۔
۴۲۔ کیوں جو میں بُھکھا ساں تے تُساں مینُو ں کھان نُوں نہ دِتّا۔ میں ترہایا ساں تے مینُوں نہ پیایا۔
۴۳۔ میں اوپرا ساں تے تُساں مینُوں اپنے گھرنہ رکھّیا۔ ننگا ساں تے تُساں مینُوں کپڑا نہ دِتّا۔ ماندا تے قیدوِچ ساں تُساں میری خبر نہ لئی۔
۴۴۔ تد اُہ بھی جواب دین گے۔ خُداوندا کدوں اساں تینُوں بھکّھیاں یا ترہایا ں یا اوپریاں یا ننگیاں یا ماندیاں یا قید وِچ ویکھیا تے تیری ٹہل نہیں کیتی ؟
۴۵۔ تد اُہ اُہناں نُوں جواب دیو ے گا۔ پئی میں تُہانُوں سچ آکھنا ہاں پئی جد تُساں اِہناں سبھناں تھوں نِکیاں وِچّوں اِک نال اِیہ نہیں کِیتاتاں میرے نال بھی نہیں کیتا۔
۴۶۔ تے اُہ ہمیشہ دی سزا وِچ جان گے پر نیک ہمیشہ دی زندگی وچ۔

۱۔ تے اَیوں ہویا پئی جد یِسُوع اِہ سارِیاں گلّاں مُکائِیاں۔ اوس اپنے شاگِرداں نُوں آکھیا۔
۲۔ تُسِیں جاندے ہو ۔پئی دو (۲)دِناں دے پچّھوں فسح دی عِید ہووے گی تے اِبن آدم صلیب دتّے جاندے واسطے حوالہ کیتا جاندا ہے۔
۳۔ تد سردار کاہن تے قوم دے بزرگ کا ئفاناں سردار کاہن دے دیوان خانے وچ جمع ہوئے۔
۴۔ تے صلاح کیتی پئی یِسُوع نُوں فریب نال پھڑ کے مارسُٹّئے۔
۵۔ پر اُہناں آکھیا پئی عید دے دن نُوں نہیں۔ متے لوکاں وچ بلوا ہو جائے۔
۶۔ تے جد یِسُوع بیت عنیا وِچ شمعُون کوڑھے دے گھر وِچ سی۔
۷۔ اک جنانی اُہدے کول آئی جِہدے کول اِک بڑے مُل والے عِطر دی سنگ مرمر دی عِطر دانی سی۔ اوس اُہنُوں اُہدے سِر اُتّے جَد اُہ کھانا پیا کھاندا سی اُلٹا دِتّا۔
۸۔ پر شاگِرداِہ ویکھ کے بڑے کھج گئے۔ تے آکھن لگے۔ اِہ نقصان کاہنُوں ہویا؟
۹۔ اِہ عِطربڑے مل نُوں وک سکدا تے غریباں نُوں دِتّا جا سکدا سی۔
۱۰۔ پر یِسُوع نے اِہ جان کے اُہناں نُوں آکھیا ایس جنانی نُوں کیوں دُکھ دیندے ہوکیوں جو اوس میرے نال چنگا کم کیتا ہے۔
۱۱۔ غریب لوک تے سدا تُہاڈے نال نے۔ پر میں سدا تُہاڈے نال نہیں ہاں۔
۱۲۔ پئی اِہ جو اوس میرے بدن اُتّے عطرپایا سو کفنان دفنان لئی کِیتاہے۔
۱۳۔ میں تُہانُوں سچ آکھنا ہاں پئی سارے جہان وِچ جتّھے کِتے ایس خوشخبری دی منادی ہووے گی اوتھے اِہ بھی جو اوس کیتا ہے اُہدی یاد گیِری لئی آکھیا جائے گا۔
۱۴۔ تد اُہناں بارھاں(۱۲) وچوں اک نے جہدا ناں یہوداہ اسکریوتی سی سردار کاہناں کول جاکے آکھیا۔
۱۵۔ جے اُہنُوں میں تُہانُوں پھڑا دیاں تاں تُسِیں مینُوں کیہ دیو گے؟تے اُہناں اُہنُوں تریہہ(۳۰) روپے دِتّے۔
۱۶۔ تے اوسے ویلے تھوں اُہ داء لبھدا سی پئی اُہنُوں پھڑوا دیاں۔
۱۷۔ تے فطیری روٹیاں دی عِید دے پہلےدن شاگرداں نے یِسُوع کول آکے آکھیا۔ تُوں کِتّھے چاہنا ہیں پئی اسِیں تیرے کھان لئی فسح تیار کریئے ؟
۱۸۔ تد اوس آکھیا شہر وِچ فُلا نے جنے دے کول جاکے اُہنُوں آکھو پئی اُستاد آکھدا ہے۔ پئی میرا ویلا نیڑے آگیا ہے۔ میں تیرے گھر اپنے شاگِرداں نال فسح دی عید کرنی ہے۔
۱۹۔ تے جس طرح یِسُوع نے اُہناں نُوں حُکم دِتّا سی اُہناں کِیتا۔ تے فسح تیار کیتی۔
۲۰۔ تے شام ویلے اُہ اپنے بارھاں (۱۲)شاگرداں نال کھانا کھان بیٹھا ہویا سی۔
۲۱۔ تےجد اُہ پَئے کھاندے سان اوس آکھیا مَیں تُہانُوں سچ آکھنا ہاں پئی تُہاڈے وِچّوں اک مینُوں پھڑوائے گا۔
۲۲۔ تد اُہ بہت اُداس ہوئے تے ہر اک اہنُوں آکھن لگا خداوندا مَیں اُہ ہی ہاں ؟
۲۳۔ اوس جواب دتا۔ جس میرے نال تھالی وچ ہتھ پایا ہے۔ اُہ مینُوں پھڑوائے گا۔
۲۴۔ اِبن آدم تاں جاندا ہے جویں اُہدےحق وچ لکھیاہویا ہے۔ پر ہاے افسوس اوس آدمی اُتے جہدی راہیں اِبن آدم پھڑوایا جاندا ہے۔ اوس آدمی لئی بھلا ہندا جےاُہ نہ جمدا ۔
۲۵۔ تد یہودا جِہڑا اُہدا پھڑان والا سی بولیا اے اُستاد میں اُہ ہی ہاں ؟اوس اُہنُوں آکھیا تُوں آپ آکھ دِتّا۔
۲۶۔ تے جد اُہ پئے کھاندے سان تَد یِسُوع روٹی تے برکت دےکے اپنے شاگرداں نُوں آکھیا۔ لو کھاو اِہ میرا بدن ہے۔
۲۷۔ تے اوس پیالہ لے کےشکر کیتا تے اُہناں نُوں دے کے آکھیا تُسِیں سارے اِہدے وِچّوں پِیو۔
۲۸۔ کیوں جو عہد دا اِہ میرااُہ لہُو ہے۔ جہڑا بہتیاں دی خاطِر گُناہاں دی معافی لئی وگایا جاندا ہے۔
۲۹۔ تےمیں تُہانُوں آکھنا ہاں پئی ایدوں اگّے میں ایسں انگور دی رس نہ پِیا ں گا اوس دن تیکر جدوں تیکر اپنے باپ دی بادشاہی وچ میں اُہنُوں تہاڈے نال نویں سر نہ پیاں۔
۳۰۔ تےگیت گاؤں کے اُہ زیتُوناں دے پہاڑ نُوں نکل گئے۔
۳۱۔ تد یِسُوع اُہناں نُوں آکھیا اَج رات تُسِیں میری بابت ٹھوکر کھاو گے کیوں جو اِہ لِکھّیا ہے۔ ’’پئی میں آجڑی نُوں ماراں گا تے اِجّڑدِیاں بھیڈاں کِھلّر جان گیاں۔
۳۲۔ پر میں اپنے جی اُٹّھن دے مگروں تُہاتھوں اگّے گلیل نُوں جاں گا۔
۳۳۔ تد پطرس اُہنُوں جواب دِتّا۔ بھانویں سارے تیری بابت ٹھوکر کھان پَرمَیں ٹھوکر کدی نہ کھاں گا۔
۳۴۔ یِسُوع اُہنُوں آکھیا میں تینُوں سچ آکھناں ہاں پئی تُوں اَج رات کُکڑدی بانگ دین تھوں پہلاں تن(۳) واری میرا انکار کریں گا۔
۳۵۔ پطرس نے اُہنو ں آکھیا بھانویں تیرےنال مینُوں مرنا بھی پوے تاں بھی میں تیرا اِنکار کدی نہ کراں گا۔ تے سارے شاگرد ایسے طرح آکھن لگے۔
۳۶۔ تد یِسُوع اُہناں دے نال گتسمنی ناں اک جگہ وچ آیا تے اپنے شاگرداں نُوں آکھیا تُسِیں ایتھے بہو جناں چر میں اوتھے جاکے دُعا منگاں۔
۳۷۔ تےپطرس تےزبدی دے دوہاں پُتّراں نُوں نال لیکے اُہ دُکھی تےبہت غمگین ہون لگا۔
۳۸۔ تد اُہ اُہناں نُوں آکھن لگا میرا جی بہت دُکھی ہے مرن دے درجہ تِیکر۔ تُسِیں ایتھے ٹھیرو تے میرے نال جاگدے رہو۔
۳۹۔ تے تھوڑا اگّے ودھکے منہ پرنےڈگ پِیا۔ تے دُعا منگدیاں ہویاں اِہ آکھیا اے میرے باپ جے کر ہو سکےتاں اہ پیالہ میتھوں ٹل جائے۔ تاں بھی نہ جس طرح میں چاہناں ہاں پرجس طرح تُوں چاہناہیں۔
۴۰۔ پھیراُہ شاگرداں کول آیا تے اُہناں نُوں ستیاں ہویاں ویکھکے پطرس نُوں آکھیا۔ تُسِیں اِک گھڑی وی میرے نال نہ جاگ سکے؟
۴۱۔ جاگو تے دُعا منگو تاں جو تُسِیں آزمائش وچ نہ پوو۔ روح تے تیار ہے پر بدن کمزور ہے۔
۴۲۔ پھیر اوس دوجی وار جاکے دُعا منگی تے آکھیا اےمیرےباپ جیکر اِہ میرے پیتیاں بناں میتھوں نہیں ٹل سکدا تاں تیری مرضی ہووے۔
۴۳۔ تے اوس پھیرآکے اُہناں نُوں ستیاں ہوئیاں ڈٹھا کیوں جو اُہناں دیاں اَکھّیاں بھاریاں ہوئیاں ہوئیاں سان۔
۴۴۔ تے اُہناں نُوں پھیر چھڈکے اُہ ٹُرگیا۔ تےتریجی(۳) واری مڑاُہوئی گل آکھکے دُعا منگی۔
۴۵۔ تد شاگرداں کول آیا تے اہناں نُوں آکھیا۔ ہُن سُتّے رہو تے آرام کرو۔ ویکھو ویلا آگیا ہے تے ابن آدم گُنہگاراں دے ہتھ پھڑوایا جاندا ہے۔
۴۶۔ اُٹھو چلئے ویکھو میرا پھڑان والا نیڑے آگیا ہے۔
۴۷۔ تے اُہ اجے پیا آکھدا ہی سی تے ویکھو یہودا (جہڑا اُہناں بارہاں(۱۲) وِچّوں اک سی )آگیا تے سردار کاہناں تے لوکا ں دے بُزرگا ں دے وَلوں اک وڈی بھیڑ تلواراں تےڈانگاں لیکے اُہدے نال آپہنچی۔
۴۸۔ تے اُہدے پھڑان والے نے اُہناں نُوں اِہ آکھ کے پتا دِتّا سی پئی جِہنُوں میں چُمّاں گا اُہو ہی ہے اُہنُوں پھڑلینا۔
۴۹۔ تے سِدّھیاں یِسُوع کول آکے اوس آکھیا ’’اے ربّی سلام‘‘ تے اُہنُوں چُمیاں۔
۵۰۔ تے یِسُوع نے اُہنُوں آکھیا بھائی جس کم واسطے تُوں آیا ہیں کر لے۔ تد اُہناں نیڑے آکے یِسُوع نُوں پھڑلیا۔
۵۱۔ تے ویکھو یِسُوع دے ساتِھیاں وِچّوں اک نے ہتھ ودھا کے اپنی تلوارکھچی تے سردار کاہن دے غُلام نُوں مار کے اُہدا کن اُڈا دِتّا۔
۵۲۔ تد یِسُوع اُہنُوں آکھیا اپنی تلوار میان کر کیوں جو جِہڑے تلوار کھِچدے نے تلوار نال مارے جان گے۔
۵۳۔ تُوں اِہ سمجھنا ہیں پئی میں اپنے باپ دی مِنّت نہیں کر سکدا تے اُہ بارہاں(۱۲) نالوں بھی وَدھ فرشتیاں دیاں فوجاں میرے کول ہنے حاضر نہ کرئے گا ؟
۵۴۔ پھیر اُہ نوشتے پئی ایسے طرح ہونا ضرور ہے ؟ کیکر پورے ہندے؟
۵۵۔ اوسے ویلے یِسُوع لوکا ں نُوں آکھیا تُسِیں مینُوں چور سمجھ کے تلواراں تے ڈانگاں لیکے پھڑن لئی باہر نکلے ہو؟ میں روز ہیکل وچ بہکے تعلیم دیندا ساں تے تُساں مینُوں نہ پھڑیا۔
۵۶۔ پر اِہ سب کجھ ایس لئی ہویا پئی نبیاں دے نوشتے پُورے ہون۔ تد سارے شاگرداُہنُوں چھڈ کے بھج گئے۔
۵۷۔ تے یِسُوع نُوں پھڑن والے اُہنُوں قائفا ناں سردار کاہن کول لے گئے۔ جتھے فقیہ تے بُزرگ اکٹھے ہوئے ہوئے سان۔
۵۸۔ تے پطرس دُور دُور اُہدے مگر مگر سردار کاہن دے دیو ان خانے تِیکر گیا تے اندر جا کے پِیادیاں نال بہہ گیا پئی اخِیر نُوں ویکھے۔
۵۹۔ تے سردار کاہن تے سار ی پنچایت یِسُوع دے بر خلاف جھوٹی گواہی لبھدے سان پئی اُہنُوں جانُوں مارن۔
۶۰۔ پر نہ لبّھی بھانویں جھوٹے گواہ بہتیرے آئے۔ پر اوڑک نُوں دو (۲)جنیاں اگے ہو کے آکھیا۔
۶۱۔ پئی اوس آکھیا ہے پئی میں خدا دی ہیکل نُوں ڈھا سکنا ہاں تے تناں (۳)دناں وچ بنا بھی سکنا ہاں۔
۶۲۔ تے سردار کاہن اُٹھ کھلو کے اُہنُوں آکھیا۔ تُوں جواب نہیں دیندا ؟اِہ تیرے اُتے کِیہ کُجھ بھگتاندے نے ؟
۶۳۔ پر یِسُوع چپ ہی کر رہیا۔ تے سردار کاہن اُہنُوں آکھیا میں تینُوں زندہ خدا دی سونہہ دیناں ہاں۔ پئی جے تُوں مسیح خدا دا بیٹا ہیں تاں سانُوں دس۔
۶۴۔ یِسُوع اُہنُوں آکھیا تُوں آپے آکھ دِتّا ہے پھیر بھی میں تُہانُوں آکھنا ہاں پئی ایدوں اگّے تُسِیں اِبن آدم نُوں قدرت دے سجے ہتھ بیٹھیاں ہوئیاں تے اَسمان دے بدلاں اتے آوندیاں ویکھو گے۔
۶۵۔ تد سردار کاہن اپنے کپڑے پاڑ کے آکھیا ایس کُفر آکھیا ہے۔ ہُن سانُوں گواہاندی کِیہ لوڑہے ؟لَوہُن تُساں بھی کُفر سُن لیا ہے۔
۶۶۔ تُہانُوں کیہ سمجھدا ہے۔ اُہناں جواب دے کے آکھیا اُہ موت دے لائق ہے۔
۶۷۔ تد اُہناں اُہدے مُنہ اُتّے تُھکیا تے اُہنُوں مکّے مارے تے ہورناں نے دھپّے مار کے آکھیا۔
۶۸۔ مسیحا سانُوں نبوت نال دس تینُوں کس ماریا ؟
۶۹۔ تے پطرس باہر دیوان خانے وچ بیٹھا ہویا سی تے اک چھوکری اُہدے کول آکے آکھیا تُوں بھی گلیل دے یِسُوع نال سَیں۔
۷۰۔ اوس سبھناں دے سامنے مُکّر کے آکھیا میں نہیں جاندا پئی تُوں کیہ آکھنی ہیں۔
۷۱۔ تے جداُہ باہر ڈیوڑھی وِچ گیا تاں دُوجی اُہنُوں ڈِٹّھا۔ تے اُہ اُہناں نُوں جِہڑے اوتھے سان آکھن لگی اُہ بھی یِسُوع ناصِری دے نال سی۔
۷۲۔ تد اُہ سونہہ کھاکے پھیر مُکر پیا پئی میں اوس آدمی نُوں نہیں جاندا۔
۷۳۔ تے تھوڑے چر پِچھّوں اُہناں نے جِہڑے اوتھے کھلوتے سان پطرس دے کول جاکے آکھیا ٹھیک تُوں بھی اہناں وچوں ہیں۔ تیری بولی پئی دسدی ہے۔
۷۴۔ تد اُہ لعنتاں پان تے سونہہ کھان لگ پیا۔ پئی میں اوس شخص نُوں نہیں جاندا تے اُونویں کُکڑ نے بانگ دتّی۔
۷۵۔ تدوں پطرس نُوں یِسُوع دی اُہ گل جِہڑی اوس اُہنُوں آکھی سی یاد آئی۔ پئی کُکڑ دے بانگ دین تھوں پہلاں تُوں میرا تن(۳) واری اِنکار کریں گا۔ تےاُہ باہر جا کے ڈھائیں مار مار کے رویا۔

۱۔ جدوں دِن چڑھیاسارے سردار کاہناں تےقوم دے بُزرگاں نے یِسُوع دے برخلاف صلاح پکائی پئی اُہنُوں جانوں مارن۔
۲۔ تے اُہنُوں بنھ کے لے گئے۔ تے پیلاطوس حاکم دے حوالے کر دِتّا۔
۳۔ تد یہودا جس اُہنُوں پھڑوایا ویکھ کے پئی اُہدے اُتّے سزا دا حُکم ہو گیا ہے۔ پچھتایا۔ تے اُہ تریہہ(۳۰) روپے سردار کاہناں تے بُزرگاں دے کول موڑلِیایا۔
۴۔ تے آکھیا مَیتھوں گُناہ ہوگیا ہَے پئی بے قُصُور نُوں مروان لئی پھڑوا دِتّا۔ پر اُہناں آکھیا سانُوں کیہ؟تُوں جان۔
۵۔ تد اُ ہ روپے ہیکل وچ سٹ کے ٹُر گیا تے جاکے آپ پھاہ لے لیا۔
۶۔ تے سردار کاہناں روپے لے کے آکھیا۔ پئی اِہناں نُوں خزانے وچ پانا روا نہیں ہے کیوں جو خُون دا مُل ہے۔
۷۔ تےاُہناں صلاح کر کے اُہناں نال گھُمیار دی پیلی پردیسیاں دے دبّن لئی مُل لَے لئی۔
۸۔ ایس کر کے اَج تِیکر اُہ پیلی خُون دی پیلی اکھواندی ہے۔
۹۔ تد اُہ گل پُوری ہوئی جِہڑی یرمیاہ نبی دی راہیں آکھی گئی سی پئی اُہناں تریہہ(۳۰) روپے لئے اُہدامُل جہڑا پایا گیا سی (اُہدامُل بنی اسرائیل وچوں کئیاں نے پادتّاسی )
۱۰۔ تےگھمیاری دی پیلی واسطے اُہناں دے دِتّا۔ جس طرح خُداوند نے مینُوں حکم کیتا سی۔
۱۱۔ تے یِسُوع حاکم دے اگّے کھلا سی تے حاکم نے اُہدے تھوں اہ پچھیا۔ تُوں یہودیاں دا بادشاہ ہیں ؟یِسُوع اُہنُوں آکھیا تُوں آکھنا ہیں۔
۱۲۔ تے جد سردار کاہن تے بزرگ اُہدے اُتّے پئے الزام لاندے سان اُہ کُجھ جواب نہیں سی دیندا۔
۱۳۔ تد پیلاطوس اُہنُوں آکھیا تُوں سُندا نِہیں پئی اِہ تیرے بر خلاف کِنّیاں گواہیاں دیندے نے ؟
۱۴۔ پر اوس اُہنُوں اِک گل دا بھی جواب نہ دِتّا۔ اِتّھوں تِیکر پئی حاکم بڑاتعجب کِیتا۔
۱۵۔ تے حاکم دا دستُورسی۔ پئی عیدنُوں لوکاں دی خاطر اِک قَیدی جہنُوں اُہ چاہن چھڈدا ہوندا سی۔
۱۶۔ تے اودوں اُہناں دا برابّا ناں اک مشہورقیدی سی۔
۱۷۔ سو جد اُہ اکٹّھےہوئے پیلاطُوس اُہناں نُوں آکھیا۔ تُسِیں کہنُوں چاہندے ہو پئی میں تہاڈی خاطر چھڈ دیا ں؟برابّانُوں یا یِسُوع نُوں جِہڑا مسیح اکھونداہے ؟
۱۸۔ کیوں جواُہ جاندا سی پئی اُہناں کھار دے مارے اُہنُوں حوالے کیتا ہویا ہے۔
۱۹۔ تےجد اُہ عدالت دے تخت اُتّےبیٹھا ہویا سی اُہدی وُہٹی اُہنُوں اکھوا گھلیا پئی تُوں اوس نیک آدمی نال کجھ واسطہ نہ رکّھیں کیوں جو اَج سفنے وِچ مَیں اُہدے سبب بڑا دُکھ پایا ہے۔
۲۰۔ پر سردار کاہناں تے بزرگاں نُوں چُکّیا پئی برابّا نُوں منگ لین تےیِسُوع نُون مرواسُٹّن۔
۲۱۔ پھیر حاکم اُہناں نُوں جواب دِتّا۔ تُسِیں دوہاں وِچّوں کہنُوں چاہندے ہو۔ پئی مَیں تہاڈے واسطے چھڈدیاں ؟اُہ آکھن لگے برابّا نُوں۔
۲۲۔ پیلاطوس نے اُہناں نُوں آکھیا۔ پھریِسُوع نُوں جِہڑا مسیح اکھوندا ہے میں کیہ کراں ؟اُہ سارے آکھن لگے اُہنُوں صلیب دے۔
۲۳۔ اوس آکھیا بریائی اوس کیہ کیتی ہے ؟ پر اُہناں نے ہور بھی ڈنڈ پاکے آکھیا اہنُوں صلیب دے۔
۲۴۔ جد پیلاطوس ویکھیا پئی کجھ نہیں بن دا سگوں ہور بھی رَولا پنیداجاند ہے تد اوس پانی لیکے لوکاں دے سامنے اپنے ہتھ دھوتے۔ تےآکھیا۔ میں ایس نیک آدمی دے خون تھوں بے گناہ ہاں۔ تُسِیں جانو۔
۲۵۔ تے ساریاں لوکاں دے جواب دِتّا۔ اُہدا خُون ساڈے تےساڈی اولاد دے سِر اُتّے ہووے۔
۲۶۔ تد اوس برابّا نُوں اُہناں دی خاطر چھڈدِتّا تے یِسُوع نُوں کوٹڑے مارےکے حوالے کیتا۔ پئی صلیب اُتّے چڑھا یا جائے۔
۲۷۔ تد حاکم دےسپاہیاں نے یِسُوع نُوں دِیوان خانے وچ لے جاسکے ساری پلٹن اُہدے دوالے اکٹّھی کِیتی۔
۲۸۔ تے اُہدے کپڑے لاہ کے قِر مزی چوغا اُہنُوں پایا۔
۲۹۔ تے کنڈیاں دا تاج بنا کے اُہدے سراُتّے رکھیا۔ تے اِک کانا اُہدے سجے ہتھ وچ دِتّا تے اُہدے اَگّے گوڈے نوا کے تے اُہنُوں ٹھٹّھا مار کے آکھیا اے یہودیاں دے بادشاہ سلام۔
۳۰۔ تے اُہناں اُہدے اُتّے تُھکّیا۔ تےکانا لے کے اُہدے سر اُتے ماریا۔
۳۱۔ تےاُہناں جاں ٹھٹّھا کرلیا تاں اُہناں نے اوس چوغے نُوں اُہدے اُتّوں لاہ لِیا۔ تے اُہدےاپنے کپڑے اُہنُوں پاکے اُہنُوں صلیب اُتے چڑھان لے گئے۔
۳۲۔ تے جدوں اُہ باہرجاندے سان اُہناں نُوں اِک قرینی آدمی شمعون ناں ٹکریا۔ اُہناں اُہنُوں وگاری پھڑیا پئی اُہدی صلیب چُک کے لےچلے۔
۳۳۔ تےجَد اُہ اوس تھاں جہدا ناں گلگتا سی (جہڑا کھوپڑی دا تھاں اکھوندا ہے)اپڑے۔
۳۴۔ اُہناں انگُور دی رس پت وچ رلاکے اُہنُوں پین لئی دِتّی۔ تے جد اوس چکھی اُہ پینا نہیں سی چاہندا۔
۳۵۔ تے جد اُہناں اُہنُوں صلیب اُتے چڑھایا۔ تد گُنے پاکے اُہدے کپڑےونڈ لئے ۔
۳۶۔ تے بہہ کے اوس تھاں اہدی راکھی کِیتی۔
۳۷۔ تے سروں اُتّےکرکےاُہناں اُہدا الزام لکھا کے ٹنگ دِتّا اِہ یِسُوع یہودِیاں دا بادشاہ ہے۔
۳۸۔ اودوں ہی اُہناں اُہدے نال دوڈاکو صلیب اُتے چڑھائے۔ اِک سجے تے اک کھبے پاسے۔
۳۹۔ تےجِہڑے لنگھدے جاندے سان مہناں مارے کے سرہلاہلا کے آکھدے سان۔
۴۰۔ تُوں جِہڑا ہیکل نُوں ڈھا کے تناں (۳)دِناں وِچ بنانا ہیں اپنے آپ نُوں بچالے۔ جے تُوں خدا دا بیٹا ہیں۔ تاں صلیب اُتّوں اُتر آ۔
۴۱۔ ایسے طرح سردار کاہناں بھی فقہیاں تےبُزرگاں سنے مِل کے ٹھٹّھا ماریا تے آکھیا۔
۴۲۔ اوس ہورناں نُوں بچایا۔ پر اپنے آپ نُوں نہیں بچا سکدا۔ اِہ تاں اسرائیل دا بادشاہ ہے صلیبوں ہُن اُتر آوے تےاسِیں اُہدے اُتےایمان لیاواں گے۔
۴۳۔ اُہ خُدا اُتے بھروسہ رکھدا ہے۔ جے اُہ اُہنُوں چاہندا ہے تَد ہُن اُہنُوں چُھڈ اوے کیوں جو اوس آکھیا۔ پئی میں خُدادا بیٹا ہا ں۔
۴۴۔ تےاُہ ڈاکوبھی جِہڑے اُہدے نال صلیب اُتے چڑھائے گئےسان اِہو ہی طعنہ ماردے سان۔
۴۵۔ تے ووپہروں لیکے تریجے پہر تیکر ساری زمین اتےہنیرا ہو گیا۔
۴۶۔ تے تریجے پہر یِسُوع اُچی آواز نال پکار کے آکھیا۔ ’’ایلی ایلی لما سبقتنی ‘‘جہدے معنی اِہ نے اَے میرے خُدا اَے میرے خُدا تُوں مینُوں کیوں چھڈدتا؟
۴۷۔ تے اُہناں وِچّوں جِہڑے اوتھے کھلوتے سان کئیاں اہ سن کے آکھیا پئی اُہ ایلیاہ نُوں آواز ں ماردا ہے۔
۴۸۔ تے جھٹ اُہناں وِچّوں اِک نے بھج کے اسفنج لیا تے سِر کےوچ بھینویاں تے کانے اُتے رکھ کے اُہنُوں پیایا۔
۴۹۔ پر دوجیاں آکھیا رہن دے ویکھئے ایلیاہ اُہنُوں بچان واسطے آوندا ہے کہ نہیں۔
۵۰۔ تے یِسُوع پھیر اُچی آواز نال چلّا کے جان دِتّی۔
۵۱۔ تے ویکھو ہیکل دا پردا اُپروں لَے کے ہیٹھاں تیکر پاٹ گیا تے زمین کنبی۔ تے پتھرتڑک گئے۔
۵۲۔ تے قبراں کُھل گئیاں تے پاک لوکاں دِیاں جِہڑے سُتّے پئے سان لوتھاں اُٹھائیاں گئیاں۔
۵۳۔ تے اُہدے جی اُٹّھن دے پِچھّوں اُہ قبراں وِچّوں نِکل کے پاک شہر وچ جاوڑیاں تے بُہتیاں نُوں وِکھالی دِتّی۔
۵۴۔ تے صُوبے دار تے اُہدے نال دے جِہڑے یِسُوع دی راکھی کردے سان بھُچال تے ساراحال ویکھ کے بہت ڈرگئے تے آکھن لگے اِہ سچ مُچ خدا دا بیٹا سی۔
۵۵۔ تے اوتھے بہت جنانیاں دُوروں پئیاں ویکھ دِیاں سان۔ جِہڑیاں یِسُوع دی ٹہل خِدمت کردیاں اُہدے مگر مگر گلیلوں آئیاں ہوئیاں سان۔
۵۶۔ اُہناں وچ مریم مگدلینی سی۔ تے نالے اُہ مریم جہڑی یعقوب تے یوسیس دی ماں تے نالے زبدی دے پُتّراں دی ماں۔
۵۷۔ تے جد شام پئی۔ اک دولت مند آدمی ارمتیاہ دا جہدا ناں یوسف سی آیا تے اُہ آپ یِسُوع دا شاگرد سی۔
۵۸۔ اوس پیلاطس کول جاکے یِسُوع دی لوتھ منگی۔ تد پیلاطس نے حُکم کِیتا پئی اُہ دِتّی جاوے۔
۵۹۔ تے یوسف لوتھ نُوں لے کے اُہنُوں صاف ململ دا کفن دِتّا۔
۶۰۔ تے اپنی نویں قبر وچ جِہڑی اوس نے پتّھر وچ کُھدوائی ہوئی دی دفنایا۔ تے اک وڈّا سارا پتّھرقبر دی مُنہ اُتّے دھر کے ٹُرگیا۔
۶۱۔ تے مریم مگدلینی تے دوجی مریم اوتھے قبر دے سامنے بٹیھیاں ہوئیاں سان۔
۶۲۔ تے اگلے بھلک جِہڑا تیاری دے دِن دے پِچّھوں ہے سردار کاہن تے فِریسی اِکٹّھے ہو کے پیلاطوس دے کول آئے۔
۶۳۔ تے آکھن لگے سانُوں یاد ہے۔ پئی اُہ فریبی اپنے جیوندے جی آکھ گیا سی پئی میں تناں(۳) دِناں پِچھّوں جی اُٹّھا ں گا۔
۶۴۔ ایس لئی حکم کر پئی تریجے(۳) دن تِیکر قبر دی پُختیائی کِیتی جائے۔ تےمتے اُہدے شاگرد آکے اُہنُوں چُرالے جان مُڑلوکاں نُوں آکھن پئی اُہ مُردیاں وِچّوں جی اُٹّھیا ہے تے پچھلی بُھل پہلی نالوں بُری ہوجاوے گی۔
۶۵۔ پیلاطوس نے اُہناں نُوں آکھیا تُہاڈے کول پہرے والے نے جاؤ جس طرح جانوں اُہنُوں پکّا کرو۔
۶۶۔ تد اُہ گئے تے پہرے والیا ں دے نال اُہناں پتّھراُتّے مُہر لائی تے قبر نُوں پکّا کیِتا۔

۱۔ سبت دےاخِیری ویلے۔ ہفتے دے پہلے دِن جدوں دِن چڑھن والا سی۔ تد مریم مگدلینی تے دوجی مریم قبر نُوں ویکھن آئیاں۔
۲۔ تے ویکھو اک بڑا بھُچال آیا ایس لئی پئی خُداوند دا فرشتہ آسمانُوں اُتّر کے نیڑے آیا۔ تے اوس پتّھر نُوں رہڑکے اُہدے کول بہہ گیا۔
۳۔ اُہدی صُورت بِجلی جہی سی تے اُہدے پوشاک برف جہی چِٹّی سی۔
۴۔ تے اُہدے ڈر نال راکھے کنب گئے تے مُردیاں وانگُوں ہوگئے۔
۵۔ پر فرِشتے جنانیاں نُوں اگّوں آکھیا۔ تُسِیں نہ ڈرو کیوں جو میں جاننا ہاں پئی تُسیں یِسُوع نُوں جِہڑا صلیب اُتّےچڑھایا گیا سی لبھ دِیاں ہو۔
۶۔ اُہ ایتھے ہے نِہیں کیوں جو جِہیا اوس آکھیا سی اُہ جی اُ ٹّھیا ہے آؤ اُہ جگہ ویکھو جتّھے خداوند پیا ہوئیا سی۔
۷۔ تے چھیتی جاکے اُہدے شاگرداں نُوں آکھو۔ پئی اُہ مردیاں وچوں جی اُٹھیا ہے تے ویکھو اُہ تُہاڈے اَگے گلیل نُوں جاندا ہے۔ اُہنُوں تُسِیں اوتھے ویکھو گے لو میں تُہانُوں دس دِتّا۔
۸۔ تے اُ ہ ڈر تے بڑی خُوشی نال قبر کولوں چھیتی ٹُر گئیاں تے اُہدے شاگرداں نوں خبر دین بھجیاں گئیاں۔
۹۔ تے ویکھو یِسُوع اُہناں نُوں اگوں ہو کے مِلیا تےآکھیا سلام۔ تے اُہناں اُہدے کول آکے اُہدے پیر پھڑے ،تے اُہنُوں سجدہ کِیتا۔
۱۰۔ تد یِسُوع اُہناں نُوں آکھیا ڈرو نہ۔ جاؤ میرے بھراواں نُوں آکھو پئی گلیل نُوں جان تے اُہ اوتھے مینُوں ویکھن گے۔
۱۱۔ جد اُہ لِگیاں جاندیاں سان ویکھو پہرے والیاں وچوں کئیاں شہروچ جاکے سبھ کُجھ جو ہوئیا سی سردار کاہناں نُوں دیسا۔
۱۲۔ تے اُہناں بُزرگاں نال اکٹھ کر کے آپو وِچ صلاح کیتی تے سپا ہیاں نُوں بہت سارا روپیہ دِتّا تے آکھیا۔
۱۳۔ تُساں اِہ آکھنا پئی ساڈے سُتّیاں ہویاں اُہدے شاگرد رات نُوں آئےتے اُہنُوں چوری کڈھ کے لَے گئے۔
۱۴۔ تے جے اِہ گل حاکم دے کنّاں تِیکر اپڑ ے گی۔ تاں اسِیں اُہنُوں منا لاں گے۔ تے تُہانُوں بے فِکر کر دیا ں گے۔
۱۵۔ تے اُہناں روپے لَے کے اُہ ہی کیتا۔ جس طرح اُہناں نُوں سکھایا گیا سی تے اِہ گل یہودِیاں وچ مشہور کیتی گئی اَج ےتِیکر لگی جاندی ہے۔
۱۶۔ پر یارہاں (۱۱)شاگرد گلیل نُوں ٹُر گئے۔ اوس پہاڑ ول جِتّھے یِسُوع اُہناں نال ٹھہرایا ہوئیا سی۔
۱۷۔ تے اُہناں اُہنُوں ویکھ کے سجدہ کِیتا۔ پر بعضیاں نے شک کِیتا۔
۱۸۔ تے یِسُوع کول آکے اُہناں دے نال گل کیتی۔ تے آکھیا پئی اَسمان وچ تے زمین اُتےسارا اخیتار مینُوں دِتا گیا ہے۔
۱۹۔ ایس کر کے تُسِیں جاو تے ساریاں قوماں نُوں شاگرد بناؤ۔ تے اُہناں نُوں بپتسمہ دئیو۔
۲۰۔ تے اُہناں نُوں سکھاو پئی اُہناں سارِیاں گلّاں نُوں منن جِہناں دا میں تُہانُوں حُکم دِتّا سی۔ تے ویکھو دُنیا دے اوڑک تِیکر ہر ویلے میں تہاڈے نال ہاں۔