عبر انیاں دے ناں داخط

۱۔خدا پہلے زمانیاں وچ نبیاں دی راہیں پیو دادیاں نال گھڑ ی مڑ ی تے طرح طرح کلام کیتا ۔
۲۔تےا ِہناں چھیکڑ لیاں دناں وچ ساڈے نال بیٹے وی راہیں بولیا۔جہنوں اوس ساریاں چیزاں دا وارث بنا یا تے اُہد ی راہیں اوہن جہاں بنائے ۔
۳۔اُہ اُہدے جلال دی رونق تے اُہد ی ذات دا نقش ہوکے ساریاں چیزاں نوں اپنی قدرت دے کلام نا ل سمبھا لدا ہے اُہ ساڈے گناہاں نوں دھوکے بلندی اُتے جناب باری دے سجے پاسے جا بیٹھا ۔
۴۔تے اُہ فرشتیاں نالوں اینا بہتا بزرگ ہے جنا اوس میراث وچ ا ُہناں نالوں چنگا ناں پایا ۔
۵۔کیونجو فرشتیاں وچوں کدوں کسے نوں اوس آکھیا پئی توں میر ابیٹا ہیں اَج توں میتھوں جمیا ہیں تے پھراِہ وی پئی میں اُہد اباپ ہووانگا تے اُہ میرا بیٹا ہو ویگا ۔
۶۔تے جد پہلوٹھے نوں دنیا وچ پھیر لے آؤند ا ہےتے آکھد ا ہے پئی خدا دے سارے فرشتے اُہنوں سجدہ کرن ۔
۷۔تے فرشتیاں دی بابت اِہ آکھد ا ہے پئی اُہ اپنے فر شتیاں نوں ہو اواں تے اپنے خادماں نوں اگ شعلے بنا ندا ہے۔
۸۔پر بیٹے دی با بت آکھد ا ہےپئی اے خداتیرا تخت سد ا تیکر رہیگا تے تیر ے راج دا سوٹا سچائی دا سوٹا ہے ۔
۹۔توں راستی نال پیار کیتا تے بد کاری نال ویر رکھیا ۔ایسے سبب خدا یعنی تیرے خد اخوشی دے تیل نال تیرے شریکاں نالوں تینوں بہتا مسح کیتا ۔
۱۰۔تے اِہ پئی اے خد اوند توں مدھ تھوں زمین دی نیہہ رکھی تے اسمان تیرے ہتھ دی کار یگر ی نے ۔
۱۱۔اُہ نیست ہوجان گے پرتوں با قی رہیگا تے اُہ سارے کپڑے وانگر پرانے ہوجا نگے۔
۱۲۔ تے اُہ کپڑے وانگر بدل جان گے ۔پرتوں اُہ ہی رہے گا ۔تے تیرےورھیاں دا انت نہ ہوویگا۔
۱۳۔پھیر اوس فر شتیاں وچوں کہنوں کدے آکھیا پئی توں میرے سجے ہتھ بہہ جاجد تیکر میں تیرے ویر یاں نوں تیرے پیراں دی چوکی نہ بناواں ۔
۱۴۔اُہ سارے ٹہل کرن والیاں روحاں نہیں ؟ جہڑیا نجات دی ورثہ پان والیاں دی ٹہل لئی گھلیاں جاندیاں نے ۔

۱۔ایس لئی چا ہید ا ہے پئی اُہناں گلاں اُتے جہڑیاں اساں سنیاں ے ہور وی دل لاکے دھیا ن کر ئیے ۔تا نجو اُُہناں تھوں رُڑھ کے دور نہ لگے جا ئیے ۔
۲۔کیونجو جد اُہ کلام جہڑ افر شتیاں دی راہیں کیتا گیا سی قائم رہیانتے ہر قصور تے بے فر مانی دا ٹھیک ٹھیک بدلہ ملیا ۔
۳۔تاں اینی وڈی نجات تھوں بے پر واہ رہ کے اسیں کیکرا ں بچ سکنے ہاں جہدا بیان پہلاں خدا دی راہیں ہویا تے سنن والیاں تھوںسانوں پکی طرح ثبوت اپڑیا ۔
۴۔تے نال ہی خدا وی اپنی مرضی موجب نشاناں تےکراماتا ں تے طرح طرح دے معجز یاں تے پا ک روح دیاں نعمتاں دی راہیں اُہدی گواہی دیندا رہیا ۔
۵۔اوس آؤن والی دنیا نوں جہدا اسیں ذکر کرنے ہاں او س فر شیتیاں دے ہیٹھ نہیں کیتا ۔
۶۔سگوں اِکی بندے اِک تھاں اِہ لکھیا ہے پئی انسا ن کیہ چیز ہے۔پئی توں اُہدا خیا ل کریں ۔یا آدمی دا پُتر کیہ ہے پئی توں اُہدا دھیان کریں ۔
۷۔توں اہنوں فرشتیاں نالوں کجھ ہی گھٹ کیتا توں اُہدے اُتے جلا ل تے عزت دا تاج رکھیا تے اپنے ہیتھ د ا کماں اُتے اُہنوں مختیار کیتا ۔
۸۔توں ساریاں چیزاں اُہدے پیراں ہیٹھ کردتیاں نےسوجد سب کجھ اُہدے ہیٹھ کردتا تاں کوئی چیزنہ چھڈ ی جہڑ ی اُہدئ ہیٹھ نہ کیتی ۔پر اسیں اجے تیکر ساریاں چیزا اُہدے ہیٹھ نہیں ویکھد ے ۔
۹۔ ہاں اُہنوں ویکھنے ہاں جہڑا فر شیتاں نالوں کجھ ہی گھٹ کیتا گیا ہے یعنی یسوع مسیح نوں جس موت دا دکھ سہ کے جلا ل تے عزتے دا تاج پایا تانجو خدادے فضل نال اُہ ہر اک آدمی دی خاطر موت دا سوا د چکھے ۔
۱۰۔کیونجو جہد لئی ساریا چیزاں نےتے جہدی راہیں ساریاں چیزاں نےا ُہنوں اِہ وی چا ہیدا سی پئی جد ساریاں پُتر اں نوں جلال وچ لے آوے تاں اُہناندی نجات دے بانی نوں دکھاں دے سبب کامل بنائے ۔
۱۱۔ کیونجو پاک کرن والےتے پا ک ہون سارے اک ہی اصل تھو ں نے ایس لئی اُہ اُہناننوں بھر اآکھن تھوں نہیں شرما ند ا ۔
۱۲۔سواُہ آکھد ہے پئی تیرا ں ناں میں اپنے بھراواں اگے بیان کرانگا تے کلیسیا و چ تیر ی وڈیائی دے گیت گا وانگا ۔
۱۳۔تے پھیرا ہ پئی اہدے اُتے بھروسہ رکھا نگاتے پھیرا ہ وی پئی ویکھ میں اُہناں بچیاں سنے جہڑ ے خد امینوں دتے نے ۔
۱۴۔سو جس حا ل بچے خون تے گوشت وچ شریک نےاوسے طرح اُہ اُہناں وانگر آپ وی اُہناں وچ شریک ہویا تانجو اُہ موت دی راہیں اُہنوں جہنوں موت اُتے طاقت ملی یعنی ابلیس نوں بے کار کرے ۔
۱۵۔تے اُہناننوں چھڈ لیے جہڑے ساری عمر موت دی ڈر ناں غلامی وچ پھسے رہے ۔
۱۶۔اُہ فرشتیاں ننوں نہیں سگوں ابراہیم دی نسل نوں سبھنالدا ہے۔
۱۷۔سو اُہنوں ساریاں گلاں وچ اپنے بھراواں وانگر ضرور بننا پیا ۔تانجو اِہ ہناں گلاں وچ جہڑیا ں خد ا نال تعلق رکھد یاں نے اُہ رحم دل تے دیا نتد ارسردارکاہن بنے تےاُمت دے گناہاندا کفارا دے۔
۱۸۔کیونجو خد اوس آپ ہی ازمایشاں دا وکھ سہیا اُہ اُہنا دندی وی مددکر سکدا ہے جہناں د ازمائش ہندی ہے ۔

۱۔سو پا ک بھر اؤ تسیں جہڑے اسمانی بلاوے وچ شریک ہو ۔اوس رسول تے سردار کاہن یسوع اُتے دھیان کرو۔ جہنوں ایسیں مننے ہاں ۔
۲۔اُہ اپنے مقرر کرن والے دے کم م وچ دیانتدار سی جس طرح موسٰی وی اُہدے سارے گھر و چ سی ۔
۳۔ کیونجو موسیٰ نالوں اُہدی عزت اینی ودھ سمجھی گئی جنی گھر بناں والے دی گھر نالوں عزت ودھ ہندی ہے ۔
۴۔تے ہراک گھر دا کوئی نہ کوئی بنان والا ہندا ہے پر جس ساریا چیزاں بنا ئیاں اُہ خدا ہے ۔
۵۔موسےٰ تاں اُہدے گھر وچ نوکروانگر دیا نتداررہیا۔تانجو اگے نوں بیان ہون والیاں گلاندی گواہی دے ۔
۶۔پر مسیح بیٹے وانگراُہدے سارے گھردا مختا ر ہے تے اُہد ا گھر اسیں ہاں پر اِہ شرط ہے پئی اپنی دلیری تے اُمید دا فخر اوڑک تیکر قا ئم رکھئے۔
۷۔جس طرح پاک روح آکھد ہے ۔جے اَج تُسیں اُہدی آواز سنو ۔
۸۔تاں تُسیں اپنے دلاں نوں ڈ ا ھڈ یاں نہ کرو جیکر اں غصہ وان دے ویلے ازما ئش دےدن جنگل وچ ہویا سی۔
۹۔جتھے تہاڈیاں پیودادیاں مینوں جا چپا تے پرکھیا تے چا ھلی ورھے میرے کم ویکھے
۱۰۔ ایس لئی میں اوس پیڑ ھی نال نا راض ہویا تے آکھیا پئی اُہناں دےدل سدا بد راہ ہندے رہندے نےتے اُہناں میریاں راہاں نوں نہیں پچھا یا ۔
۱۱۔تے میں وی اپنے غصے وچ سو نہہ کھادی پئی اِہ میرےآرام وچ داخل نہ ہوسکن گے۔
۱۲۔بھراؤخبردار تہاڈے وچوں کسید ا جہیابھیرا تے بے ایمان دل نہ ہووے جہڑے جیوندے خدتھوں پھر جاوے ۔
۱۳۔سگوں تُسیں روز ہاڑی جد تیکر اِھ دا دن ہی اکھو ند ا ہے ۔آپو وچ اک دوجے نوں نصیحت کریا کرو ۔ تانجو تہاڈے وچوں کوئی گناہ دے فر بت نال سخت دل نہ ہو جائے ۔
۱۴۔کیونجو اسیں مسیح وچ شریک ہوئے ہاں جےاسیں اپنے شروع دےبھر وسے وچ اوڑک تیکر مضبو طی نال قا ئم رہے۔
۱۵۔پئی جے اِج اُہدی آواز سنو تا ں غصہ دوان دے ویلے وانگر اپنے دلاں نوں ڈاھڈیاں نہ کرو ۔
۱۶۔کہناں لوکا ں آواز سن کے غصہ دوایا ؟اُہناں سیاریا ں نہیں دوایا ؟جہڑے موسےٰ دی راہیں مصرو ں نکلے سان؟
۱۷۔تےا ُہ کہناں نال چالی ورھے ناراض رہیا ؟اُہناں نال نہیں جہناں گنا ہ کیتا ؟تے اُہناں دیاں میتاں جنگل وچ پیا ن رہیاں ؟
۱۸۔تے کہناں دی بابت او س سونہہ کھادی پئی اُہ میرے آرام وچ نہ وڑن گے ،بناں اُہنا ندے جہناں بے فرمانی کیتی ۔
۱۹۔تے اسیں ویکھنے ہاں پئی اُہ بے فرمانی دے سبب داخل نہ ہوسکے۔

۱۔پھیرے خد اُہدے آرام وچ وڑن داوعد ہ باقی ہے تاں سانوں ڈرنا چاہیدا ہے پئی تہاڈےوچوں کوئی پچھے رہیا ہویاں معلوم نہ ہووے ۔
۲۔کیونجو سانوں وی اُہناں وانگر خوشخبری سنائی گئی پر سنے ہوئے کلام اُہناں نوں ایس لئی کجھ فائد ہ نہ دتا ۔پئی سنن والیاں دے دلاں وچ ایمان نال نہ رچیا ۔
۳۔کیونجو اسیں جہڑ ے ایمان لیائے اوس آرام وچ داخل ہنے ہاں جیکراں اوس آکھیا پئی میں اپنے غصے وچ سونہہ کھادی پئی اِہ میرے آرام وچ داخل ہون گے بھا نویں دنیا بنن تھوں پہلاں اُ ہدے کم مک گئے سان ۔
۴۔اوس ستویں ون دی بابت کسے تھاں اِہ آکھیا پئی خدا اپنےسارےکماں تھوں وھلیاں ہوکے ستوین دن آرام کیتا ۔
۵۔تے ایسے تھاںوچ پئی اُہ میرے آرام وچ داخل نہ ہون گے ۔
۶۔جد اِہ گل باقی ہے پئی بعضے اوس آرام وچ داخل ہو ن تے جہناں نوں پہلاں خوشخبری سنا ئی گئی سی اُہ بے ایمانی دے سبب داخل نہ ہو سکے۔
۷۔پھیر اِک خاص دن ٹھیرا کے اینی مدت پچھوں داؤ دی کتاب وچ اُہنوں اَج دا دن آکھد ہے جیکراں پہلاں آکھیا گیا پئی جے اَج تُسیں اُہدی آواز سنو تاں اپنے دلاں نوں ڈاھڈیاں نہ کرو ۔
۸۔تے جے یہو شوع اُ ہناں نوں آرام وچ لیا ؤندا تاں اُہ اوس ویلے اہدے پچھو ں اِکد دُجے دن دا ذکر نہ کردا ۔
۹۔سومکدی گل اِہ ہے پئی خدا دے لوکاں واسطے اک خا ص سبت دا ٓرام باقی ہے ۔
۱۰۔کیونجو جہڑ ا اُہدے آرام و چ داخل ہویا ہے اوس وی اپنے کماں نوں پوریاں کرکے آرام کیتا جس طرح خدا وی آرام کیتا ۔
۱۱۔سو بھرا ؤ اسیں اوس آرام وچ داخل ہون دا جتن کر ئیے اجہیا نہ ہو وے پئی اُُہناں وانگر بے فرمانی کر کے کوئی جنا ڈگ پوے ۔
۱۲۔کیونجو خدا دا کلام زندہ تے اثر کرن والے تے ہر اِک دودھاری تلوار نالوں تیزہے ۔تے جان تے روح تےجوڑ جوڑ تےرُکڑ ے رُکڑے وکھرے کرکے لنگھ جاندا ہے تے دیا ں خیا لاں تے ارادتاں نوں جا چدا ہے ۔
۱۳۔جہدے نال سانوں کم ہے اُہدے کولوں دنیا دی کوئی شے چھپی ہوئی نہیں ۔سگوں اُہدیا ں نظر اں وچ ساریاں چیزاں کھلیاں ہو ئیاں تے بے پردہ نے۔
۱۴۔سو جد ساڈا اِجہیا اِک وڈا سردار کاہن جہڑا اسماناں وچ لنگھ گیا ۔یعنی بیٹا تاں اسیں اپنے اقرار اُتے پکے پیر رہیے ۔
۱۵۔کیونجو ساڈا جہیا سردارکاہن نہیں جہڑا ساڈیاں کمزوریاں وچ ساڈ ا دردی نہ ہوسکے سگوں ساریاں گلاں وچ ساڈے وانگر از مایا گیا ۔تد وی بے گناہ رہیا۔
۱۶۔سواسیں فضل دے تخت کول دلیر ی نال چلئے تانجو ساڈے اُتے رحم ہووے تے اُہ فضل پا ئیے جہڑا لوڑدے ویلے مدد کرے ۔

۱۔کیونجو ہر اِک سردار کاہن آدمیاں وچوں چنیا جاکے آدمیای خاطر اُہناں گلاندے لئی مقر ر کیتا جاندا ہےہ جہڑ یا ں خدادے نال تعلق رکھدیاں نے تانجو نذرا تے گنا ہ دیاں قربانیاں چاہڑےئیے ۔
۲۔تے اُہ نادا ناں تے بدراہاں نال نرمی داسلوک کرن جوگا ہندا ہے ۔ایس لئی پئی اُہ اپنی کمزوری وچ پیا رہند ا ہے ۔
۳۔ایس لئی اُہدا فرض ہے پئی جس طرح اُہ اُمت دیاں گناہ داصدقہ قربانی دیوے اوسے طرح اُہ اپنے ولوں وی دیوے ۔
۴۔تے کوئی جنا آپے اِہ عزت نہیں لیندا جد توڑی ہارون وانگر خدا وَلّوں نہ سد یا جائے ۔
۵۔ایسے طرح مسیح وی سر دار کاہن ہون دی بزرگی آپے نہ لئی سگوں اوسے دتی جس اُہنوں آکھیا پئی توں میرا بیٹا ہیں اَج توں میتھوں جمیّا ۔
۶۔تے اِک ہوری تھاں اُہ آکھد ا ہے۔پئی توں ملکِ صدق دے طریق دا اوڑک تیکر کاہن رہے گا ۔
۷۔اُہ جد ایس دنی وچ رہندا سی تد اوس زور نال پکار کے تے اتھر و وگا کے ا ُہد ےکولوں دعاتے منتاں کیتا ں جہڑا اہنوں موت تھوں بچا سکدا سی تے اُہدی خداترسی دےسبب اُہد ی سنی گئی ۔۔
۸۔تے بھا نویں اُہ بیٹا سی تاں وی اوس دکھ سَہ سَہ کے فرمانبرداری سکھی ۔
۹۔تے کامل بنکے اُہناں لئی جہڑ ے اُہدے آکھے لگدے نےسدا دی نجات دا سبب ہویا ۔
۱۰۔تے اوس نوں خدا وَلّوں ملکِ صدق دے طریقے اُتے سردار کاہن دا خطا ب ملیا۔
۱۱۔اہدی بابت اساں بہت ساریاں گلاں آکھنیاں نے جہناں دا سمجھانا مشکل ہے ۔ایس لئی پئی تُسیں اُچا سُنن لگے۔
۱۲۔وقت دا خیال کرکے تہانوں اُستا د ہونا چاہیدا سی سگوں ہن ایس گل دی لوڑ ہے پئی کوئی خدادے کلام دیاں مڈھ والیاں تہا نوں پھیرسکھا ئے تے خوراک دی تھاں تہانوں دوھ وی لوڑپے گئی ۔
۱۳۔کیونجو دواھ پنیدےہوئے نوں راستبازی دے کلام داتجر بہ نہیں ہندا ایس لئی اُہ ایانا ہے ۔
۱۴۔تے سخت خوراک پوری عمردیاں لئی ہندی ہے ۔جہناندی عقل کم کردیاں کردیاں نیکی بدی نوں چنگی طرح نال پچھاں دی سکد ی ہے۔

۱۔سو مسیح دی تعلیم دیاں مڈھ والیاں گلّاں چھڈ کے تے کمال وَل پَیر ودھا ئیے۔تے مردہ کماں تھوں توبہ کرن تے خداوند اُتے ایمان لے آؤن ۔
۲۔تے بپتسمیاں تے ہِتّھ رکھن تے مرد یا ندے جی اُٹھن تے سدا دی عدالت دی تعلیم دی نیہہ دوجی واری نہ دھرئیے ۔
۳۔تے خدا چاہے تےاسیں اہو ہی کر انّگے۔
۴۔کیونجو جنہاں لوکاں د دل اِک وار روشن ہوگئے تے اُہ اسمانی بخششاں دا سو دچکھ چکے تے پا ک روح وچ شریک ہوگئے ۔
۵۔تے خدا دے چنکے کلام تے اگلے جہان دیاں قوتاں دا سو دچکھ چکے ۔
۶۔جے اُہ بھوں جاں تاں اُہناننوں توبہ دےلئی پھیرنواں بنانا ڈاھڈی اوکھی گل ہے ۔ایس لئی پئی خدا دے بیٹے نوں اپنے وَلّوں دوجی وار صلیب دیند ے نے تے اُہدی کھلی بے عزتی کردے نے ۔
۷۔کیونجو جہڑ ی زمین اوس مینہ دا پانی پی لیند ی ہے ۔جہڑ ا ُہدے اُتے گھڑی مڑی دسدا ہے تے اُہناندے ورتن لئی سبزیاں اُگاندی ہے جہناں وِلّوں واہی جاندی ہے۔
۸۔اُہ خدا وَلّوں برکت پدندی ہے تے جے جھاڑیاں تے اونٹ کٹارے اُ گاند ی ہے تاں ردی جاندی ہے تے لعنت دی نیڑے آگئی ہے تے اوڑک نوں ساڈی ساڑی ناندی ہے ۔
۹۔پر پیاریو بھا نویں اسیں اِہ گلاں آکھنے ہاں پرتد وی اسیں تہاڈے کولوں اُہناں تھوں چنگیاں تے نجات والیاں گلادندا یقین کرنے ہاں ۔
۱۰۔ایس لئی خدا بےبیاں نہیں پئی تہاڈے کم تے اوس پیا رنوں بھل جائے ،جہڑا تساں اُہدے نا ل لئی ایس طرح ظاہر کیتا پئی مسیحیاں دی ٹہل کیتی تے اِجے پے کردے ہو ۔
۱۱۔ اسیں ایس گل دی چاہ کرنےہاں پئی تہاڑے وچوں ہر جناں پوری اُمید ے لئی اوڑک تیکر ہر طرح کوشش ظاہر کردارہے۔
۱۲تانجوتُسیں ڈھلے نہ ہوجا ؤ سگوں اُہناں وانگر ہو جہڑے ایمان تے صبر دی راہیں وعدے دے وارث بن دے نے۔
۱۳۔کیونجو جد خدا ابرہیم نال وعد ہ کتیا تے سونہہ کھان لئی کسے نوں اپنے نالوں وڈا نہ ڈٹھا ۔تاں اپنی سونہہ کھاکے۔
۱۴۔آکھیاضرور میں تینوں برکتاں اُتے برکتاں دیا نگا تے تیری نسل نوں بہت ووہا وانگا ۔
۱۵۔تے اوس ایسے طرح صبر کرکے اوس وعد ہ کیتی ہوئی شے نوں لےلیا ۔
۱۶۔ہن آدمی تاں اپنے نالوں وڈے دی سونہہ کھاندے نےتے اُہناندے ہراک جھگڑے دا آخری ثبوت سونہہ ہندی ہے ۔
۱۷۔ایس لئی جد ا خدا چا ہندا سی پئی وعدے دے وار ثا ں اُتے ہو ر وی صفائی نال ظاہر کرے ۔پئی میرا ارادہ بدل نہیں سکدا اوس سونہہ کھادی ۔
۱۸۔تانجو دو نہ بدلن والیاں چیزاں دے سبب جہناندی بابت خدا دا جھوٹھ بولنا ممکن نہیں ساڈی چنگی طرح دل تسلی ہوجائے پئی پناہ لین نوں ایس لئی ودڈے ہاں پئی اوس اُمید کیتی ہوئی شے نوں جہڑ ی اگے رکھی ہوئی ہتھ وچ لے لیے ۔
۱۹۔اوس چیز دی اُمید ساڈی جان دا جہیا لنگر جہڑ اثابت تےقا ئم رہند ا ہے ۔تے پردے دے اندر تیکر اُپڑ جاندا ہے ۔
۲۰۔جتھے یسوع مَلک صدق دے طریقے دا سدا لئی سردارکاہن بنکے ساڈی خاطر اگے ٹر ن والے وانگر وڑیا ہے۔

۱۔اِہ مَلک صدق شالیم دا با دشا ہ خدا تعالےٰدا کاہن سدا کا ہن رہندا ہے جد ابراہیم بادشا ہاں نوں مارکے مڑ یا آؤند ا سی تے اُۃ اہنوں اگوں ملیاتے اُہدے لئی برکت منگی ۔
۲۔اُہنوں ہی ابراہیم ساریاں چیزاں دی سوند دتی ۔تے اِہ پہلاں تاں اپنے ناں دے معنے دموجب نیکی دا بادشاہ ہےتے پھیر شالیم پئی صلح دا باد شاہ
۳۔اُہد انہ پیو تے بہ ماں تے نہ شجرہ ہے نہ مڈھ مول تے نہ انت سگوں خدادے بیٹے وانگر بنیا ۔
۴۔سوچ لو پئی اِہ کیڈا بزرگ سی جہنوں قوم سے بزرگ ابر اہیم لُٹ وچوں چنگے تھوں چنگے مال دی سونددتی ۔
۵۔ہن لیوی د ی نسل وچوں جہڑے کاہن دا عہد پاندے نے اُہناں نوں حکم ہے پئی اُمت لئی اپنے بھرانواں کولوں بھانویں اُہ ابراہیم د ی نسل وچو ں ہون شریعت موجب دسوندلین ۔
۶۔ پر جہد ا خاندان اُہناں تھوں وکھرا ہے اوس ابراہیم کولوں دسوندلئی تےجہدے نال وعدے کیتے گئے سان اُہد ے لئی بر کت منگی ۔
۷۔اِہد ے وچ شک نہیں پئی نکاوڈے کولوں بر کت لیندا ہے ۔
۸۔تے ایتھے تاں مرن والے آدمی دسوند لیندے نے پر اوتھے اُہ ہی لیندا ہے جہدی بابت اِہ گو اہی دتی جاندی ہے پئی جیوندا ہے ۔
۹۔اسیں آکھ سکنے ہاں پئی لیو ی وی جہڑ ا دسوند لیندا ہے اوس ابراہیم وی راہیں دسوند دتی ۔
۱۰۔ایس لئی پئی جس ویلے مَلکِ صدق ابراہیم دے اگوں وہنٹد ی نوں نکلیا اُہ اپنے پیو دے صلب وچ سی ۔
۱۱۔سوجے بنی لیوی کاہناں تھوں کاملیت سکدی سی ( کیونجو اُہناں دی راہیں اُمت نوں شریعت جو ملی سی )تاں پھیر کیہ لوڑسی پئی دوجا کا ہن مَلکِ صدق دے طریقے دا اُٹھ کھلووے۔تے ہارون د ے طریقے د ا نہ گنیا جائے۔
۱۲۔تےجد کاہناں دا طریقہ بد ل گیا ۔تاں شریعت دا وی بد لناں ضرور ہے۔
۱۳۔جہدی بابت اِہ گلاں آکھیاں گیاں سان اُ ہ دوجے فرقے وچوں ہے جہد وچوں کسے قربانگا ہ دی خدمت نہیں کیتی ۔
۱۴۔کیونجو صا ف معلوم ہے پئی ساڈاخدا وند یہو دا تھوں جمیاتے ایس فرقے دی بابت موسیٰ کاہناں دا ذکر کوئی نہیں کیتا ۔
۱۵۔ایس طرح اِہ دعویٰ ہوروی صاف ظارہر ہوگیا جے ملک صدق وانگر اِک ہور اجہیا سردار کاہن اُٹھن والا ہے ۔
۱۶۔جہڑا جسمانی حکماں دی شریعت پچھے نہیں سگوں سداد ی زندگی دی قوت موجب مقرر ہوویگا ۔
۱۷۔کیونجو اُہدی بابت اِہ گواہی دتی گئی ہے پئی توں مَلکِ دے طریقے دج ہمیشہ تیکر کاہن رہینگا ۔
۱۸۔پہلا حکم کمزور تےنکما ہون د اصدقہ ڈھایا گیا ۔
۱۹۔کیونجو شریعت کسےشے نوں کامل نہیں کیتا تےاُ ہدے تھاں اِک چنگی اُمید پیدا ہوئی جہد ی راہیں اسیں خدا دے نیڑے جاسکنے ہاں ۔
۲۰۔جس حال مسیح سو نہہ تھوں بغیر قائم نہیں ہویا ۔
۲۱۔کیونجو اُہ تے بغیر سونہہ تھوں کاہن بنے پر اُہ سونہہ دےنال اُہدے ولوں ہویا جس اُہدی بابت آکھیا خداوند سونہہ کھادی ہے۔تے نہیں مُڑیگا پئی توں ہمیشہ تیکر کاہن ہے ۔
۲۲۔ایس لئی یسوع اِک بہتر عہد دا ضامن ہویا ۔
۲۳۔کیونجو کاہن بہت بن دے سان پرموت دا صدقہ رہ نہیں سان سکدے ۔
۲۴۔ایس لئی پئی اُہ ہمیشہ تیکر جیوندا رہیگا ۔اُہدے کاہن ہون وچ کدی فرق نہیں آویگا ۔
۲۵۔ای واسطے جہڑےاہدے راہیں خدا کول آؤندے نے اُہ اُہناں نوں پوری نجات دےسکدا ہے۔کیونجو اُہ اُہناں دی سفارش ہمیشہ جیوندا رہیگا ۔
۲۶۔کیونجو سانوں ایس طرح دا سردار کاہن چاہیدا سی جہڑ ا پاک تے صاف دل تے بے داغ تے گُنہگا رارں تھوں وکھر ا تے اسمانان تھوں اُچّا کیتا گیا ہووے۔
۲۷۔تے اُہناں سردار کاہناں وانگر ایس گل دا لوڑ وند نہ ہووے پئی روز دہاڑی پہلاں اپنے گناہاں تے پھیر اُمت دے گنا ہاں دے لئی قربانیاں چاہڑے کیونجو اِہ اوس اِکو واری کیتا جد اپنے آپ نوں قربان کیتا ۔
۲۸۔کیونجو شریعت تاں کمزور آدمیاں نوں سردار کاہن بناند ی ہے پر اوس سونہہ داکلام جہڑ ی شریعت دے پچھوں کھادی گئی اوس بیٹے نوں جہڑ اہمیشہ تیکر کامل کیتاگیاسی سردار کاہن ٹھہر اندا ہے ۔

۱۔سوہن جہڑیا ں گلاں اسیں پے آکھنے ہاں اُہناں وچوں وڈی گل اِہ ہے پئی ساڈا جہیا سردار کاہن ہے جہڑا سمانان اتے جناب باری دئےسجے پاسے بیٹھا ہے۔
۲۔تے اوس ہیکل یعنے سچے تبنودا نوکر ہے جہنوں خدا کھلہارایا ہے نہ انسان۔
۳۔تے ایس کرکے پئی سردار کاہن نذراں تےقر بانیاں چاہڑن لئی ہندا ہے ایس لئی ضرورہویا ۔پئی اہدے کول وی کجھ چاہڑن جوگا ہووے ۔
۴۔تے جے اُہ زمین اُتے ہندا تا ں کدی وی کاہن نہ ہندا ایس لئی شریعت موجب نذر چاہن والے تان اگے ہی نے ۔
۵۔اِہ اسماناں دیاں چیزاں دی نقل تےہر چھا نویں دی نوکری کردے نےتے موسٰے وی جد تنبو بنان نوں تیار سی تاں اُہنوں اِ ہ ہد ایت ہوئی پئ ویکھ جہڑ انمونہ پہاڑ اُتے وکھا یا گیا سی اُہدے وانگر ساریاں چیزاں بنائیں ۔
۶۔ہن اُہنوں اینی ودھ چنگی نوکر ی ملی جناں اُہ اُودوں چنگے عہد دا وچولا ہے جہڑا چنگیاں وعد یاں دی نینہ اُتے بنیا۔
۷۔کیونجو جے پہلا عہد بے نقص ہندا تاں دوجے لئی تھاں نہ لبھیا جا ندا ۔
۸۔سواُہ اُہناندے عیب دس کے آکھد ا ہے پئی خدا وند آکھدا ہے ۔ویکھ اُہ دن آؤندے نے پئی میں اسرائیل دے ٹبر ےتے یہودہ د ٹبر ٹور نال اِک نواں عہد بنھا نگا۔
۹۔اِہ اوس عہد وانگر نہ ہو ویکا جہڑا میں اُہناں دے پیو دا دیاں نا ل اوس دن بَد ھا سی جد مصر دے مُلک تھوں کڈھ لیاؤن لئی اُہناں دا ہتھ پھڑیا ایس لئی پئی اُہ میرے عہد اُتے قا ئم نہیں رہے ۔ تے خدا وند آکھدا ہے ۔پئی میں اُہناں دی کجھ پروا ہ نہیں کیتی ۔
۱۰۔پھیر خدا وند آکھدا ہے پئی جہڑ عہد اسرائیل دے گھرانے نال اُہناں دناں پچھوں بنھا نگا اُہ اِہ ہے پئی میں انے قانون اُہناں عقلاں وچ پانگا تے اُہناں دیاں دلاں اُتے لکھا نگا ۔تے میں اُہناں د اخدا ہووانگا تے اُہ میری اُمت ہون گے ۔
۱۱۔تے اُہناں ساریاں نوں ا پنے اپنے وطنی تے اپنے اپنے بھرانوں اِہ تعلیم نہ دینی پوے گی ۔پئی توں خدا وند نوں جان کیونجو نکے توں لے کے وڈے تیکر سارےمینوں جانن گے ۔
۱۲۔ ایس لئی پئی میں اُہناں دیاں بد کاریاں اُتے رحم کرانگا ۔تے اُہناں دے گناہاں نوں پھیر کد ی یاد نہ کرانگا ۔
۱۳۔جدا ُہ اہنوں نواں عہد آکھد ا ہے تاں پہلے نوں پرانا کیتا تے جہڑ ی شے پرانی تے مدت دی ہوجاندی ہے ۔سو اُہ مٹن دے نیڑے ہے ۔

۱۔سوپہلے عہد وچ وی عبادت دے حکم سان تے عبادت داپاک تھاں جہڑ ادنیا داسی ۔
۲۔اِک تبنو بنا یا گیا سی جہد ے وچ ویوڑی تے میز تے نذ ردیاں روٹیا ں سان تے اُہنوں پاک مکان آکھدے نے ۔
۳۔تے دوجے پر دے دے پچھت اُہ تبنو سی جہنوں پا ک ترین آکھد ے نے ۔
۴۔اُہدے وچ سیونے دا دُھو کھ دان تے عہد دا صندوق سبھنیں پاسیں سیونے دا مڑ ھیا ہویا سی اُہدے وچ من نال بھریا ہویا اِک سیونے د ا مرتبا ن تے ہارون دا پھلیا پھلیا ہویا سوٹا تے عہد دیاں تختیاں سان ۔
۵۔تے اُہدے اُتے جلالی فرشتے سان جہڑے کفارے دے تھاں اُتے اُڑے ہوئے سان اُِہناں گلاں دا وکھو وکھر ا بیان کفرند ا اَہ تھاں نہیں ۔
۶۔جداِہ چیزاں ایس طرح بن گئیاں سان تا ں پہلے تبنو وچ کاہن ہرویلے وڑ دتے سان کم بندگی داکم پوریاں کردے سان ۔
۷۔پردوجے وچ نرا سردار کاہن و رھے پچھوں اِکو وار جاندا ہے تے خون بنا نہیں جاندا جہنوں تے اُمت دی بھل چک دے نذکردا ۔
۸۔ایس تھوں پا ک روح دا اِ ہ اشارہ ہے پئی جد تیکر پہلا تبنو کھلو تا ہو یا ہے پا ک مکان دا راہ ظاہرنہ ہویا ۔
۹۔اُہ تبنو ایس و یلے لئی اِک مثال ہے تے اُہدے موجب اجہیا ں نذراں تے قربانیاں چا ہڑ یاں جاندیا ں نے جہڑا یا ں بندگی کر ن والیاں نوں کامل نہیں کرسکدیاں ۔
۱۰۔ایس لئی پئی اُہ نریاں کھابن پین تے نہا ؤن دھون دیاں جسمانی رسماں نے جہڑ یاں سد ہارون دے ویلے تیکر مقر ریوہویا ں ۔
۱۱۔پر جد مسیح آؤن والیاں چنگیاں چیزاں دا سردار کاہن ہوکے آیا یعنے ایدوں وڈے تے کامل تبنودے راہ آیا جہڑ ہتّھاں دا یعنے ایس دنیا بنا یا ہویا نہیں ۔
۱۲۔تے بکر یاں تے وچھیاں دالہو دنہیں سگوں اپنا لہو لے کے آیا تے پا ک مکان و چ اکو وار ڈرگیا تےساڈی وی خلاصی کرائی۔
۱۳۔کیونجو جد بکریاں تے بلدا ں دے لہو تے گلاندای سواہ ناپا کا ں اُتے پا ن ظاہری پا کیزگی ملدی ہے ۔
۱۴۔تاں مسیح دا لہو جس اپنے آپ نوں سدا دی روح دی راہیں خدادے اگے بے عیب قر بان کیتا تہاڈے ولاں نوں مُردے کماں تھوں ضرور ہی پاک کریگا ۔تانجو تُسیں جیو ندے خدا دی بندگی کرو ۔
۱۵۔ تے ایسے سبب اُہ نویں عہد د ا وچولا تانجو اوس موت دی رہیں جو پہلے عہد ے قصوراں دی معا فی لئی ہوئی ہے ۔سد ے ہوئے لو ک وعدے مو جب اُہدی سدا دی ور ثہ پالین ۔
۱۶۔کیونجو جتھے وصیت ہے اوتھے وصیت ہے اُوتھے کرنا والے موت دا ثبوت وی چاہیدا ہے ۔
۱۷۔ایس لئی پئی وصیت مرن دے پچھوں ہی کم دیند ی ہے تے جد تیکر کرن والا جیوندا ہے اُہ کسےکم دی نہیں ۔
۱۸۔ایس لئی پہلا عہد وی خون بناں نہیں بنیا ۔
۱۹۔کیونجو جد موسیٰ ساری اُمت نوں شریعت دے سارےحکم سنا بیٹھا پھیر وچھیا ں تے بکریاں دالہو لے کے پانی ےت لال اُن تے زوفے دے نا ل اوس کتا ب تے ساری اُمت اُتے چھڑک دتا ۔
۲۰۔تے آکھیا پئی اِہ عہد دا خون ہے جہد ا حکم خدا تہانوں دتا ہے ۔
۲۱۔ایس طرح اوس تبنو تے بندگی دیاں ساریاں چیزاں اُتے لہو چھڑ کیا ۔
۲۲۔ تے قریب قریب ساریاں چیزاں شریعت موجب لہو نال پا ک کیتا ں جاند یاں نےتے لہو وگیاں بناں معافی نہیں ہندی ۔
۲۳۔سوضروری سی پئی اسمانی چیزاں دیاں نقلاں اُہناند ی راہیں پاک کیتیاں جاندیاں تے اصلی چیزاں اِہناں نالوں چنگیاں قربا نیاں وی راہیں۔
۲۴۔ کیونجو مسیح اوس ہتھاں نال بنائے ہوئے پا ک مکان وچ نہیں وڑیا جہڑ ا سچے پاک مکان ورگا ہے پر اصلی اسما ن وچ وڑیا تانجو خدا دے اگے ساڈے لئی حاضر ہووے۔
۲۵۔اِہ نہیں پئی اُ ہ اپنے آ پ نوں گھڑی مڑ ی قر بان کرے جس طر ح سردار کاہن پاک مکان وچ ورھے دےورھے دوجے دالہو لے کے جا ندا ہے ۔
۲۶۔نہیں تاں دنیا دے شرع تھوں لےکے اُہنوں گھڑ ی مڑ ی دکھ جھلنا پنیدا پر ہن چھیکڑلے زمانے وچ اکو وار ظاہر ہویا تانجو آپ نُوں قر بان کرن نال گناہ نوں دفع کردے ۔
۲۷۔تے جس طرح آدمیاں نوں اِک وار مرنا پیندا تے مگروں عدالت آؤند ی ہے ۔
۲۸۔ایسے طرح مسیح وی جہڑ ااک وار بہتیاں لوکا ندے گناہ چکن لئی قربانی ہویا دوجی وار گناہ دے بناں نجات لئی اہناننوںوکھالی دیگا جہڑ ے اُہنوں اُڈیکدے نے۔

۱۔کیو نجوشریعت جہڑی آؤن والیاں چنگیاں چیزاند ا پر چھاواں ہے تے اُہناں چیزاں دی اصلی صورت نہیں تے کول آؤن والیاں نو ں کدی وی کامل نہیں کرسکدی جہرے ہرورھے کھنجا یاں بنا ں اکسے طرح دیا ں قر با نیاں چاہڑدے نے ۔
۲۔نہیں تاں نہ بند نہ ہو جاندیاں ؟ ایس لئی پئی جد بندگی کرن والے اِک وار پاک ہوجاندے تاں پھیر اُہنا ندا دل اُہناں نوں الزام نہ دیند ا ؟
۳۔سگوں اُہ قربانیاں ورھے ورھےگنا ہ یا دکرندا یا ں نے ۔
۴۔کیونجو ہو نہیں سکدا پئی بلد اں تے بکر یا ں دالہو گنا ہ نو ں دور کرے ۔
۵۔ایس لئی اُہ دنیا وچ آؤندیاں ہو ئیاں آکھد ہے ۔توں قربانی تے نذراں دی چاہ نہیں کیتی سگو ں میرے لئی اِک جسم تیا ر کیتا ۔
۶۔پوریاں سو ختنی قر بانیاں تے گنا ہ دیاں قر بانیاں تھوں تو خوش نہیں ہویا ۔
۷۔تد میں آکھیا پئی اےخد ا ویکھ میں آیا ہاں کتا ب دے ورقیاں وچ میری بابت لکھیا ہویا ہے تانجو رتیری مرضی پوراں کراں۔
۸۔پہلے تاں اُہ آکھد اہے پئی نہ تو ں قربانیاں تے نذراں تے پوری سوختنی قر بانیاں تے گناہ دیا ں قربانیاں دی چا ہ کیتی تے نہ اُہناں تھوں خوش ہویا ۔حالانکہ اِہو ہی قربا نیاں شریعت موجب چاہڑ یا ں جاندیاں نے ۔
۹۔تے پھیر اُہ آکھد ہے پئی ویکھ میں آیا ہا ں تانجو تیری مرضی پوراں کراں غرض اُۃ پہلے نوں ہٹاندا ہے تانجو دوجے نوں قا ئم کرے ۔
۱۰۔اوسےمرضی دے سبب اسیں مسیح یسوع دے بد ن دے اِکو واری قربا ن ہون دی راہیں پا ک کیتے گئے ہاں ۔
۱۱۔ تے سارے کاہن کھلو کے روز بندگی کردے نے تے اکسے طرح دیاں قر با نیاں گھڑی مڑ ی چاہڑ وے نے جہڑ یا ں کدی وی گنا ہ ہٹا ںن جوگیاں نہیں ۔
۱۲۔پر مسیح سدا لئی گناہ دے بدلے اِکو ہی قربانی چاہڑکے خدا دے سجے پاسے بہہ گیا ۔
۱۳۔تے اوسے ویلے تھوں اُڈیکدا ہے۔پئی میرے ویری میرے پیرا ں دی چوکی بنن ۔
۱۴۔کیونجو اوس اِکو ہی قربانی چاہڑ ن نال اُہناں لوکاں نوں سدا لئی کامل کردتا ہے جہٹر ے پاک کیتے جاندے نے ۔
۱۵۔پاک روح وی اِہو ہی وسد اہے پہلے تاں اِہ آکھد ا ہے۔
۱۶۔پئی خدا وند آکھد اہے جہڑ ا عہد میں اُہناں دناںا پچھوں اُہناں نال بنھا نگا اِہ ہے پئی میں اپنے قانون اُہنا دنےدلاں اُتے لکھا نگا تے اُہنا ندے مناں وچ پا وانگا ۔
۱۷۔تے اُہناندے گناہ تے بدکار یاں نوں پھیر کد ی یاد نہ کرانگا ۔
۱۸۔تے جد اُہناں دی معافی ہو گئی ہے تاں پھیر گنا ہ دی قربانی دا تھاں نہ رہیا ۔
۱۹۔سو بھراؤ جدسانوں یسوع دے لہو دے سبب اوس نویں تے جیوندے راہ پاک مکان وچ وڑن دی دلیر ی ہے ۔
۲۰۔ جہڑا وہن پردے یعنی اپنےجسم وچوں ہوکے ساڈے لئی پاک کیتا ہے ۔
۲۱۔ تےجد ساڈا وڈاکاہن ہے جہڑ اخدادے گھردا مختیار ہے ۔
۲۲۔ تاں پھیر اسیں سچےدل تے پورے ایمان نال تے دل دے الزام نوں دور کر ن لئی د ل اُتےچھٹے مارکے تے بدن نوں چنگے پانی نال صاف کرکے خدادےکول چلئے ۔
۲۳۔تے اپنی امید دے وعدے نوں پکی طرح نا ل پھڑ ی رکھئے کیونجو جس وعدے کیتا ہے اُہ سچا ہے۔
۲۴۔تے محبت تے نیک کماں وَل اُکسا ن لئی اِک دوجے دا خیال رکھے ۔
۲۵۔تے اکٹھے ہون تھوں نہ مڑ ئیے ۔جیکراں کیئیاں لوکاں دی عاد ت ہے سگوں آپو وچ نصیحت کر ئیے تے جناں اوس دن نوں نیڑ ے ہندیاں ویکھ ہواوناں ہی اِہ گلاں ودھ کریا کرو۔
۲۶۔جے سچا ئی نوں پچھا نن دے پچھے اسیں جا نکے گنا ہ کرئیےتاں گناہاں د ے بدلے کوئی ہور اقر بانی باقی نہیں رہندی ۔
۲۷۔سگوں عدالت دی ڈران والی اُمید تے اجہی مچی ہو ئی اگ دی اُمید وی ہے جہڑ ی ویر یاں نوں کھا چھڈ یگی ۔
۲۸۔جہڑ اجنا موسیٰ دی شریعت نوں رودا ہے۔ دُوں ترہوں آدمیاں دی گواہی پچھے بناں رحم ماریا جاندا ہے ۔
۲۹۔تے خیال کرو پئی اوس جنے دی سزا کیڈی کُو ہو ویگی جس خدا دے بیتے نوں گویا پیراں ہیٹھ دبایا تے عہد دے لہو نوں جہد ے نال اُہ پاک ہویاسی ناپاک جاتا تے فضل دے روح دی بے عزتی کیتی۔
۳۰۔کیونجو اسیں اُہنوں جانے ہاں جس اِہ آکھیا پئی بد لی لینا میر اکم ہے میں ہی بدلہ دیا نگا تے پھیرا ِہ وی پئی خداوند اپنی اُمت وی عدالت کریگا ۔
۳۱۔جیوندے خدا دے وس وچ پینا بڑی ڈرن والی گل ہے۔
۳۲۔پر تُسیں اُہناں پہلیا ں دناں داچیتا کرو جہناں وچ تُساں روشن ہون دے پچھوں دکھاں دی وڈی لڑا ئی جھلی ۔
۳۳۔کجھ تےایس سبب پئی طعنے مہنے تے مصیبتاں دے سبب تہاڈے تماشہ بنیا تے کجھ ایس لئی پئی تُسیں اُہناں دےساتھی ہو ئے جہنا ندے نال اِہ بھیڑا سلوک ہندا سی ۔
۳۴۔تےتُساں قید یا ں دا درد کیتا تے اپنے ما ل دا لٹیا جاناوی خوشی نال سہ لیا ۔اِہ جا ن کےپئی ساڈے کول اید و ں چنگی ملکیت ہے جہی اوڑک یتکر رہیگی ۔
۳۵۔اپنی دلیر ی نوں نہ چھڈ ایس لئی پئی اُہد ا بڑا اجر ہے۔
۳۶۔کیونجو تہانوں صبر کر ن دی لوڑ ہے ،تانجو خدادی مرضی پوری کرکے وعد ہ کیتی ہوئی چیز الے لو ۔
۳۷۔تے ہن بہت ہی تھوڑا چر باقی ہے پئی آؤن والا آؤیگا تے چر نہ لا ئیگا ۔
۳۸۔تےمیرا سچا بند ہ ایمان نال جیوندا رہیگا ۔تے جے اُہ پشاں ہٹیگا تاں میرے دل اُہدے نال راضی نہ ہوویگا ۔
۳۹۔اسیں بربادی وَل پشان ہو ن والے نہیں سگوں اُہناں وچوں ہاں جہڑے جان بچا ن لئی ایمان لیا وندے نے۔

۱۔ہن ایمان امید کتیا ں ہویاں چیزاں دا یقین تےنہ ویکھیاں چیزاں دا ثبوت ہے ۔
۲۔کیونجو اُہدی بابت بزرگاں دےحق وچ چنگی گواہی د تی گئی۔
۳۔ایمان نال اسیں معلوم کرنے ہاں پئی جہاں خدادے حکم نال بنے اِہ نہیں پئی جو کجھ دسدا ہے ۔ظاہر چیزاں نال بنیا ہووے۔
۴۔ایمان نال ہا بل قا ئن نالوں چنگی قربانی خدا گے چاہڑی تے اُہدے سبب راستباز ہون دی گواہی ہوئی کیونجو خد اُہدیاں نذراں دی بابت گواہی دتی تے بھا نو یں اُہ مر گیا تدوی اوسےدی راہیں ہن تیکر گل کردا ہے ۔
۵۔ایمان حنوک اُٹھایا گیاتانجو موت نوں نہ ویکھے تے جد خدا اُہنوں اُٹھالیا سی ا ُہ نہ ملیا کیونجو اُٹھا ئے جان تھوں پہلاں اُہدے حق وچ اِہ گواہی دتی گئی سی پئی اُہ خدا نوں پسند آیا سی ۔
۶۔بناں ایمان اُہنوں پسند آؤ اَن ہونی گل ہے۔ایس لئی پئی خدا دے کول آؤن والے نوں یقین کرنا چا ہیدا ہے ۔پئی خدا ہے تے اپنے لبھن والیاں نون اجر دیندا ہے۔
۷۔ایمان نال نوح نوں اُہناں چیزاں دی بابت جہڑ یاں اُودوں تیکر نہیں سان دسد یا ں ہد ایت ہوئی اوس خدا کو لوں ڈردیاں اپنے ٹبرے دے بچا ن لئی بیڑی بنائی جہدے نال اوس دنیا نوں مجرم ٹھہرایا تے اوس راست بازی دا وارث ہویا جہڑی ایمان نال ہندی ہے۔
۸۔ ایمان نال ابر اہیم جد سدیا گیا حکم منکے اوس تھاں ٹرگیا جہڑ ورثے وچ اُہنوں ملن والا سی تے بھا نویں اُہ نہیں سی جاند ا پئی میں کتھے لگا جانا ہاں تد وی ٹرپیا ۔
۹۔ایمان دےنال اُہ اوس وعدہ کیتے ہوئے ملک وچ اوپرا مُلک جان کے رہن بہن لگاتے اضحاق تے یعقوب سنے جہڑ ے اوس وعدے دے اُہدے نا ل وارث سان تبنو وچ رہن لگا ۔
۱۰۔کیونجو اُہ اوس سدا رہن والے شہر وی اُڈیک وچ سی جہنوں اُسارن والا تے بناں والا خدا ہے ۔
۱۱۔ایمان نال سارا عمر لنگھ جان پچھتے حاملہ ہون دی طاقت پائی ایس لئی پئی اوس وعدہ کرن والے نوں سچا جانیا ۔
۱۲۔سو اِک جنے وچوں جہڑ مردے جہیا سی اسمان دے تاریاں دے بر ابر بے انت تے سمندر دی ریت وانگر اَن گنت اولاد پید اہوئی ۔
۱۳۔اِہ سارے ایما ن وچ مرےگئے تے وعدےدیاں چیزاں نہیں سَان لَیاں سگوں دوروں ہی اُہناں نوں ویکھ کے خو ش ہوئے تے من لیا پئی اسیں دنیا اُتے پر دیسی تے راہی ہاں ۔
۱۴۔جہڑے اجہیاں گلاں آکھد ے نے اُہ ظاہر کردے نے پئی اسیں اپنا مُلک لبھنے ہاں ۔
۱۵۔تے جہڑ ےمُلک وچوں اُہ نکل آئے سان جے اُہ اُہدے خیال کردے تاں اوتھے پرت وی جا سکدے سان ۔
۱۶۔پراُہ اِک اُودوں چنگے یعنے اسمانی ملک دی چاہ کرے سان ایس لئی خدا اُہناندا خدا اکھو ان تھوں شرماندا نہیں کیونجو اوس اُہناں لئی اِک شہر وی تیار کیتا ہے ۔
۱۷۔ایمان نال ابر اہیم ازمائش دےویلے اضحا ق نوں نذر چڑ ہایا جس وعد یاں نوں سچیا ئی من لیا سی اُہ اپنے اوس اکلوتے نوں نذر کرن لگا ۔
۱۸۔جہدی بابت اِہ آکھیا گیا سی پئی اضحا ق وچوں تیر ی نسل اکھووئیگی ۔
۱۹۔کیونجو اُہ اِہ سمجھا پئی خد ا مویاں وچوں وی جوال سکداہے تے اصل وچ مویا ں وچوں اُہنوں پھیر ملیا سی ۔
۲۰۔ایمان نال ہی اضحا ق آؤن والیاں چیزاں دی بابت یعقوب تے عیسا ؤ دوہاں نوں دعا دِتّی۔
۲۱۔ایمان نال ہی یعقوب مردیاں ویلے یوسف دے دوہاں پتراں واسطے وکھو وکھ منگی تے اپنے سوٹے دےسرے دا سہارا لے کےسجد ہ کیتا ۔
۲۲۔ایمان نال ہی یوسف جدا ُہ مرن دے نیڑ ے سی بنی اسرائیل دے اوتھوں نکل جان د ا ذکر کیتا تے اپنی ہڈیاں دی بابت حکم دتا ۔
۲۳۔ایمان نال ہی موسیٰ دے مال پیو نےاُہدے جمن پچھو ں اُہنوں ترے مہینے لکا ر رکھیا ۔کیونجو اُہناں ویکھیا پئی منڈا سوہنا ہےتے اُہ باد شاہ دے حکموں نہ ڈرے ۔
۲۴۔ایمان نال ہی موسیٰ وڈیاں ہوکے فرعونن دی دھی دا پُتر ہون تھوں مکریا۔
۲۵۔ایس لئی پئی گنا ہ دا تھوڑے چر دا سواچکھن نالوں خدا دی اُمت نا ماڑا سلوک جھلنا بہتا پسند کتیا ۔
۲۶۔تے مسیح لئی طعنے مہنے جرنامصر دے خزانیاں نالوں وڈی دلت جانیا کیونجو اُہنوں اَجر داخیال سی ۔
۲۷۔ایمان نال ہی اوس بادشاہ دے غصے دا ڈرنہ کیتا تےمصر نوں چھڈدتا ایس لئی پئی اُہ اَن ویکھے نوں گویا ویکھ کے پکے پیر رہیا ۔
۲۸۔ایما ن نال ہی فسح کرن تے لہو چھڑکن اُتے عمل کتیا تانجو پہلوٹھیاں دا مارن والا بنی اسرائیل نوں چھڈ دے ۔
۲۹۔ایمان نال ہی اُ ہ سمندر وچوں ایس طرھ لنگھ گئے جیکر اں سکی زمین اُتوں تے جد مصر والیاں لنگھن دا ارادہ کیتا تاں اُہ ڈب گئے۔
۳۰۔ایمان نال ہی یریحو دی شہر پنا ہ جد ست دن تیکر اُہدے دوالے بھوں چکے ڈگ پئی ۔
۳۱۔ایمان نال راہاب کنجری بے فرماناں نال ہلاک نہ ہو ئی ۔کیونجو اوس جاسو ساں نو ں آرام نال رکھیا سی ۔
۳۲۔ہن ہو رکیہ آکھا ں اینی وہل کتھے پئی گد عون تے بر اق تے شمسون تے یفتہ تے داؤد تے سموئیل تے ہورنا ں نبیاں دا حال بیان کراں ۔
۳۲۔اُہناں ایمان دےنال بادشا ہیاں جت لیاں نیکی دےکم کتیے وعدے دیاں چیزاں نو ں لے لیا شیراں دے منہ بند کیتے ۔
۳۴۔اگ دی تیر ی نوں بجھا یا تے تلوار دی دھار تھوں بچ نکلےکمزوری وچ ز وروالے ہوئے تے لڑا ئی وچ بہا درنکلے۔تے ویریاں دی فوجا ں نوں بھجا دتا ۔
۳۵۔زنانیاں اپنےمُردے پھیر جیوندے لَےلَے بعضے شکنجے وچ کھچے گئے۔پر خلا صی منظور نہ کیتی ۔تانجو اُہناں نوں چنگی قید مل جائے۔ایسےطرح جاچے گئے پئی اُُہناں نال مخول ہو یا تے کوٹلے کھادے سگوں سنگلاں تے قید وچ بدھے گئے۔
۳۷۔اُہناننوں پتھر مارے گئے ۔ارےنال چیرے گئے ازمائش وچ پے تلوار نال مارے گئے بھیڈا ں تے بکریاں دیاں کھلاں اُتے پایا تنگی وچ مصیبت وچ لوکاں دے بھیڑ ے سلوک د ا صدقہ بھو ندے رہے ۔
۳۸۔دنیا اُہناں دے لاےئق نہیں سی اُہ جنگلاں تےپہاڑاں غاراں تے زمین دیاں ٹویاں وچ خجل خوار ہندے رہے ۔
۳۹۔تے بھانویں اہناں سبھناں دی بابت ایمان دے سبب چنگی گواہی دتی گئی تد وی اُہناں نوں وعدے دی چیز نہ ملی ۔
۴۰۔ ایس لئی پئی خدا اگوں ہی ساڈے لئی کوئی بہتر شےسوچی سی تانجو اُہ ساڈے بناں کامل نہ ببن ۔

۱۔سو جد گواہاں دے ایڈتے وڈے بدل سانوں آگھیر یا ہے تاں آؤ اسیں سارے بھاڑے چھڈ کے اوس گناہ نوں جہڑ اسانوں شتابی پھسا لیندا ہے ۔ہٹا کے دوڑ وچ صبر نال ووڑے جہڑی ساڈے اگے آؤندی ہے ۔
۲۔تے ایمان دے بانی تے کامل کرن والے یسوع نوں ویکھدے رہیے جس اوس خوشی دےسبب جہڑ ی اُہدیاں اَکھیاں اگے سی بے عزتی دی پروا ہ نہ کیتی تے صلب دا د کھ جھل کے خدادے تخت دےسجے پاسے جا بیٹھا ۔
۳۔ سو اُہدے ودھیا ن کر وجس اپنے براکرن والیاں دے گناہ د ا ایڈ ا صبر کیتا تا نجو تُسیں بے دل ہوکے ہمت نہ ہارو۔
۴۔تُساں گنا ہ نال اَجے اِجہی لڑ ا ئی نہیں کیتی جہدے وچ لہو وگا یا وے۔
۵۔تے تسیں اوس نصیحت نوں بھل گئے ۔جہڑ ی تہانوں پُترا ں وانگر دتی جاند ی ہے پئی اے میرے پُتر خدا دی جھڑک دی بے پرواہی نہ کرتے جد اُہ تےتینوں ملامت کربے دل نہ ہو ۔
۶۔کیونجو جہنوں خد اوند پیار کردا ہے اُہنوں جھڑ کداوی ہے ےتے جہنوں پُتر بنا ندا ہے ۔اُہنوں کو ٹلے وی ماردا ہے۔
۷۔تُسیں اپنے سوارن لئی دکھ جھلدے ہو ۔خدا پُتر جا ن کے تہاڈے نال سلوک کرداہے ۔اُہ کہڑا پُترہے جہنوں پیو نہیں جھڑ کدا ؟
۸۔تےجے تہانوں اِہ جھرک نہ دتی گئی جہڑ ی ساریاں نوں ملدی ہے تاں اسیں حرامدے ہوئے تے پُتر نہیں ۔
۹۔نالے جد ساڈے جسمانی پیو سانو ں جھڑ کدے سان تےاسیں اُہناں دی عز ت کردےساں تاں روحاں دے پاب دی اید وں ودھ تا بعداری نہ کرئیے ؟تانجو جیوندےرہئے ۔
۱۰۔اُہ تھوڑے چر تیکر اپنی سمجھ نا ک جھڑکدے سان پراہ ساڈے فا ئد ہ لئی کردا ہ ے ۔تانجو ایسیں وی اُہدی پا کیزگی وچ شامل ہوجا ئیے ۔
۱۱۔تے ہن ساریاں جھڑ کاں خوشی دا نہیں غم دا سبب معلوم ہندیاں نےپر جہڑ ے اُہناننوں سہندے سہندے پکے ہوگئے۔اُہناں نوں پچھوں آرام دےنال راست بازی داپھل دیند یاں نے ۔
۱۲۔سوڈھلے ہتھاں تے سُست گوڈیاں نوں ٹھیک کرو۔
۱۳۔ تے اپنے ٹرن لئی سدھے راہ بناؤ تانجو بدراہ نہ ہوجائے سگوں دل کیتا جائے ۔
۱۴۔سبھناں نال میل رکھن دی کوشش کروتے اوس پاکیز گی نوں لبھد جہدے بناں کوئی خدا وند نوں نہ لبھیگا ۔
۱۵۔دھیان نال ویکھدے رہو پئی کوئی جنا خدادےفضل تھو ں خالی نہ رہ جائے۔اجہیا نہ ہووے پئی کوئی کوڑی جڑھ پھٹ کے تہانوں دکھ دےتے اُہدےسبب بہتے لوک پلیت ہوجان ۔
۱۶۔تے نہ کوئی زنامیں تے نہ کو ئی عیسا ؤ وانگر بے دین ہووے جس اِک ویلے دےکھان بدلے اپنا پلیٹھی دا حق ویچ چھڈ یا ۔
۱۷۔کیونجو تُسیں جاندے ہو پئی اُودوں اُہ برکت دا وارث ہونا چاہندا سی پر ردیا گیا ۔بھا نویں اوس اتھر ووگا کے اُہدی بڑی بھال کیتی تد وی اُہنوں نیت بدلن داتھاں نہ ملیا ۔
۱۸۔تُسیں اوس پہاڑ دے کول نہیں آئے ۔جہنوں ہتھ نہیں سی لا سکیدا تے اگ نال بلد سی تے اُہدے اُتے کالی گھٹ تے ہنیرا تے طو فان ۔
۱۹۔تےنر سنگے دا شور تے کلام کرن والے دی اجہی آواز سی جہناں اُہنوں سنیا اُہناں ترلے کیتے پئی ساڈے نال ہورگل نہ کیتی جائے ۔
۲۰۔کیونجو اُہ ایس حکم نوں جھل نہ سکے پئی جے کوئی جانور وی ایس پہاڑ نوں چھوئےتاں پتھراں نال ماریا جائے۔
۲۱۔تے جو کجھ دسیا اُہ اجیہا ڈ راؤ نا سی ہی موسےٰ آکھیا پئی میں ڈرناں تےکمبناں ہا ں
۲۲۔سگوں تُسیں صیون دے پہاڑ تے جیوندے خدادے شہر یعنی اسمانی یروشلیم دے کول آئے ہوتے لکھیان فرشتیاں ۔
۲۳۔تے اُہناں پلیٹھی دیا ند ی عام جماعت یعنی کلیسیا جہنا ندے ناں اسماناں اُتے لکھے ہوئے نے تے ساریاں دےمنصف خدا تےکامل کیتے ہوئے راست باز لوکاں دیاں روحا ں ۔
۲۴۔تے نویں عہد دے وچولے یسوع تے اوس چھٹر کے ہوئے لہو دے کول آئے ہو جہڑ ا ہا بل دے لہو نالوں چنگیاں گلاں کردا ہے ۔
۲۵۔خبردار اوس آکھن والے تھوں نہ مکرو ۔کیونجو جداُہ لوک زمین اُتے ہدایت کرن والے تھوں مکر کے نہ نچ سکے تاں ا سیں اسمان اُتوں ہد ایت کرن والے تھوں منہ موڑ کےکیکراں بچا نگے ۔
۲۶۔اُہد ی اَواز اوس ویلے تاں زمین نوں ہلا دتا سی پرہن اوس اِہ وعد ہ کیتا پئی پھیر اِک واری میں نرا زمین ہی نہیں سگوں اسمان وی ہلا دیا نگا ۔
۲۷۔اِہ گل یعنی پھر اِک واری ۔ایس گل نوں ظاہر کردی ہے پئی ہلائیاں ہو ئیاں چیزا ں ایس کرکے ٹل جا نگیاں پئی بنا ئیاں ہوئیاں نے تانجو جہڑ یا ں نہیں ہلا ئیاں جاند یاں قا ئم رہن ۔
۲۸۔سو اسیں اُہ بادشاہی لیکے جہڑی ہلن والی نہیں اوس فضل نوں نہ چھڈئیے۔جہدے سبب اسیں ادب تے ڈرنال خدا دِی اُ ہ بندگی کر ئیے اُہنوں چنگی لگے ۔
۲۹۔کیونجو ساڈا خد ا ساڑ چھڈ ن والی اگ ہے۔

۱۔بھرانواں نال محبت قا ئم رکھو ۔
۲۔مسافراں دی خاطر تواضح کرنا نہ بھلو کیونجو ایس طرھ یعضیاں بن جانیاں فرشتیاں ننو ں اپنے گھر رکھیا ۔
۳۔قید یاں نوں ایس طرح یاد کرو جیکر اں اُہناندے نال قید ہو تے جہناں نال بھیڑ سلوک ہندا ہے اُہناں نوں وی اِہ سمجھ کےیاد کرو ۔پئی اسیں وی جسم والے ہاں ۔
۴۔ویاں کرنا ساریاں وچ عزت وی گل سمجھی جائے تے کوئی زنا نہ ہووے ایس لئی پئی خدا زنا کاراں تے حرام کاراں دانیاں کر یگا ۔
۵۔روپے دی محبت تہاڈے وچ نہ ہووے جوکجھ تہاڈے کول ہے اُہدے اُتے صبر کرو ۔کیونجو اوس آ کھیا ہے پئی میں تہانوں نہ کد ی وسا رانگا ۔تےنہ
کد ی تہانوں چھڈ انگا ۔
۶۔ایس لئی اسیں دلیری نال آکھنے ہاں پئی خدا وند میرا مد د گار ہے۔میں خوف نہ کرانگا بندے میرا کیہ وگاڑن گے ؟
۷۔جہڑے تہاڈے رہبر سان تے جہناں تہانوں خد ا داکلام سنایا اُہناں نوں یاد روکھو اُہناند ی زندگی دے نتیجے اُتے دھیان کرکے اُہناں جہیے ایما ندار ہوجا ؤ۔
۸۔یسوع مسیح کل تے اَج سگوں سدا تیکر اِکو جہیا ہے۔
۹۔وکھو وکھ تے اوپر یاں تعلیماں پچھے گھُسد ے نہ پھر و کیونجو چنگا ہے پئی فضل نال دل تگڑا رہے اُہناں خوراکاں نال نہیں جہناں دے ورتن والیاں نوں کجھ فا ئدہ نہیں ہویا۔
۱۰۔ساڈی اِک اجہی قربانگا ہ ہےجہدے تھوں تبنو دی ٹہل کرن والیاں نوں کھان د ااخیتار نہیں ۔
۱۱۔کیونجو جہناں دا لہو سردار کاہن پاک مکان وچ گناہ دےبدلے واسطے لَے جاندا ہے ۔اُہناند ے بد ن ڈیریوں باہر ساڑے جاندے نے ۔
۱۲۔ایس لئی یسوع وی لوکاں نوں آپ اپنے لہو نال کرن لئی دروازے دے باہر دکھ سہیا ۔
۱۳۔سو آؤاسیں اُہدی بے عزتی سَہ کے ڈیریوں باہر اُہدے کول چلئے ۔
۱۴۔کیوبجو ایتھے ساڈا کوئی قا ئم رہن والا شہر نہیں سگوں اسیں آؤن والے شہر نوں لبھنے ہاں ۔
۱۵۔سو اسیں اُہدی راہیں شکر دی قر بانی ایعنے اجہے ہوٹھاں دا پھل جہڑے اُہدے نا ں دا اقرار کردے نے خدا دے لئی ہر ویلے چاہڑ یا کر ئیے۔
۱۶۔ تے بھلا کرنا سختی ہونا ہونا نہ بھلو ۔ایس پئی خد ا جہیاں قربانیاں تھوں خوش ہُندا ہے ۔
۱۷۔اپنے راہبراں دےآکھے لگو ے تا بع رہو کیونجو اُہ تہاڈیاں جاناں دے فا ئدے لئی اُہناں وانگر جا گدے رہندے نے جہناں نوں حساب دینا پویگا تانجو اُہ خوشی نال اِ ہ کم کرن نہ دکھ نال کیونجو ایس گل تھوں تہانوں کجھ فا ئد ہ نہیں ۔
۱۸۔ساڈے لئی دعا کرو کیونجو سانوں یقین ہے پئی ساڈ ا دل صاف ہےتے اسیں سبھنیں گلیں نیکی نال جیوندیاں رہنا چاہنے ہاں ۔
۱۹۔میں تہانوں اِہ کم کرن دی ایس لئی ہور وی نصیحت کرنا ہاں پئی میں جھبدے تہاڈے کول پھیر آسکاں ۔
۲۰۔ہن تسلی دا چشمہ خداجس بھیڈاں دے وڈتے ایالی یعنے ساڈے خداوند یسوع نوں ہمیشہ دے عہد د ے لہو دےسبب مُردیاں وچوں جوال کے آند ا ۔
۲۱۔تہانوں ساریاں نیک کماں وچ پوریاں کرے تانجو اُہدی مرضی پوری کرتے جو کجھ اُہنوں پسند آؤندا ہے ۔یسوع مسیح دی راہیں ساڈے سبھناں وچ پیدا کرے جہدی وڈیائی سدا تیکر ہووے ۔آمین ۔
۲۲۔بھراؤ میں تہاڈی منت کرنا ہاں پئی تُسیں ایس نصیحت دے کلام دی برداشت کرو ۔کیونجو میں تہانوں تھوڑیاں گلاں وچ لکھیا ہے۔
۲۳۔تہانوں معلوم ہووے پئی ساڈا بھرا تمیھتس چھٹ گیا ہے جے اُہ جھبدے آگیتاں میں اُہدے نال تہانوں ملانگا ۔
۲۴۔اپنے سارے رہبراں تے سارے مسیحیاں نوں سلام آکھو اطالیہ والے تہانوں سلام آکھد ے نے ۔
۲۵۔تہاڈے سبھناں اُتے فضل ہُندا رہے۔