یو حنا دا دوسرا خط

۱۔میرے بُزرگ وَلّوں اوس چُنی بی بی تے اُہدے پُتّراں دے ناں جہناں نال میں اوسسچیائی دا صدقہ سچی محبت رکھنا ہاں جہڑ ی ساڈے وچ قا ئم رہندی ہے تے سدا تیکر ساڈے نال رہیگی ۔
۲۔تے اِکّو مَیں ہی نہیں سگوں اُہ سارے لوک وِی محبت کردے نے جہڑ ے سچیائی نوں جاندے نے۔
۳۔خد ا باپ تے باپ دے بیٹے یسوع وَلّوں سچیائی تے محبت سَنے فضل تے رحم تے تسلی ساڈے رہیگی ۔
۴۔میں بہت خوش ہویا جدوں میں تیرے کئی مُنڈیاں نوں اوس حکم اُتے سانوں باپ وَلوںملیا سی ٹھیک ٹھیک ٹردیاں ڈٹھا ۔
۵۔ہن بی بی میں تینوں کوئی نواں حکم نہیں سگوں اُہ ہی جہڑا مڈھوںساڈے کول ہے لکھنا ہاں تے تیری منت کرنا ہاں پئی اسیں اِکدوجےدے نا ک محبت کریئے ۔
۶۔تے محبت اِہ ہے پئی اسیں اُہدے حکماں اُتے چلئے اِہ اُہی حکم ہے جہڑا مڈھوں تُساں سنیا پئی تہانوں اُہدے اُتے چلنا چاہید اہے ۔
۷۔کیونجو کئی بدراہ کرن والے دنیا وچ آگئے نے جہڑے یسوع مسیح دادِہ دھاری ہو کے آؤناں نہیں مندے دھوکھا دین والا تے مسیح داویری ایہو ہی ہے ۔
۸۔پئی جہڑی محنت اَساں کیتی ہے اُہ تہاڈے راہیں بگڑ نہ جانے سگوں تہانوں پُورا بدلہ ملے۔
۹۔جہڑ ااَگے ودھ جاندا ہے تےمسیح د ی تعلیم اُتے قائم نہیں رہندا اُہدے کول خدا نہیں جہڑا اوس تعلیم اُتے پکا رہندا ہے اُہدے کول باپ وِی ہےتے بیٹا وِی ۔
۱۰۔جیکوئی تہاڈے کول آوے تے اِہ تعلیم نہ دے اُہنوں گھر وچ نہ وڑن دیو نے نہ سلام کرو ۔
۱۱۔کیونجو جہڑا اجہے آدمی نوں سلام کردا ہے اُہ اُہدیاں بریاں کماں وچ ساتھی ہندا ہے ۔
۱۲۔میں بہت ساریاں گلاں تہانوں لکھنیاں نے ہر کاغذ تے سیا ہی نال نہیں لکھدا سگوں تہاڈے کول آکے آمہوں سامہنے گل کتھ کرن دی اُمید رکھنا ہاں تانجو تہاڈی خوشی پوری ہووے ۔
۱۳۔تیری چُنی ہوئی بہن دے پُتر تینوں سلام آکھد ے نے ۔