یوحّنادا پہلا عام خط

۱۔اوس زندگی دے کلام با بت جہڑ ا مڈ ھوں سی تے جہنوں اَساں اسنیا تے اپنیاں اَکھیا ں نا ل ڈٹھا سگوں چنگی طرح ڈٹھا ۔تےاپنیاں ہتھا ں نا ل چھُویا ۔
۲۔(اِہ زندگی ظاہر ہوتی اسا ں اُہنوں ویکھیاتے اُہدے اُتے گواہی دینے ہاں تے اوسے سدا دی زندگی دئ تہانوں خبر دینے ہاں جہڑ ی باپ دےنال سی تے ساڈے اُتے ظاہر ہوئی۔)
۳۔جو کجھ اساں ویکھیا تے سُنیا ہےتہانوں وی اُہ سنے ہاں تانجو تُسیں وِی ساڈے نال سنگت رکھو ۔تے ساڈی سنگت با پ دے نال تے اُہدے بیتے یسوع مسیح دے نال ہے ۔
۴۔تے اِہ گلاں اسیں ایس لئی لکھنے ہاں پئی ساڈی خوشی پوری ہوجائے ۔
۵۔جہڑ ا سنہیا اسیں اُہدے کولوں سن کے تہانوں دینے ہاں اُہ اِہ ہے ۔پئی خد ا چانن ہے تے اُہدے وچ کجھ وی ہنیرا نہیں ۔
۶۔جے اسیں آکھنے ہاں پئی ساڈی اُہدے نال سنگت ہےتے پھیر ہنیرے وچ ٹرنے ہاں تے اسیں جھوٹےہاں تے سچائی اُتے عمل نہیں کردے ۔
۷۔پرجے اسیں چانن وچ ٹرنےہاں جس طرح اُہ چانن وچ ہےتاں ساڈی آپو وچ سنگت ہےتے اُہدے بیٹے یسوع مسیح دا لہو سانوں ساریاں گنا ہاں تھوں پا ک کردا ہے ۔
۸۔جسے اسیں آکھئے پئی ساڈے وچ گنا ی نہیں تاں اسیں اپنےآپ نوں دھوکا دینے ہاں تے سادے وچ سچائی نہیں ۔
۹۔جے اپنے گنا ہ من لئی تاں اُہ ساڈے گناہ معاف کرن تے سانوں ساری بریائی تھوں پاک کر ن وچ سچا تے نیا ئیں ہے۔
۱۰۔جے آکھئے پئی اساں گنا ہ نہیں کیتا تاں اُہنوں جھوٹھا بنانےہاں تے اُہدا کلام ساڈے وچ نہیں ۔

۱۔بچیواِہ گلاں میں تہانوں ایس لئی لکھنا ہاں پئی تُسیں گنا ہ نہ کرو تے جیکوئی گناہ کرے تاں باپ دےکو ل ساڈا اِک مد دگار رہندا ہے۔تے یسوع مسیح ہےجہٹر راستباز ہے ۔
۲۔تے اُہ ساڈے گنا ہاں دا کفارہ ہے تے نر ے ساڈیا ں دا ہی نہیں سگوں ساری دنیا دا وی ۔
۳۔جےاسیں اُہدے حکماں نوں منئے تاں سانوں پتہ لگدا ہے پئی اسیں اُہنوں جاننے ہاں ۔
۴۔جہڑ ااِہ آکھدا ہے پئی میں اُہنوں جاننا ہا ں تے اُ ہدے حکماں نوں نہیں مندا اُہ جھوٹھا ہےتے اُہدے وچ سچیا ئی نہیں ۔
۵۔ہاں جہڑا اُہدے کلام نوں مند ا ہے سچی مچی اُہدے وچ خدا دی محبت پوری ہوگئی ہے ایس تھوں پتا لگد اہے پئی اُسیں اُہدے وچ ہاں ۔
۶۔جہڑا اِہ آکھد ا ہے ۔ پئی میں اُہدے وچ رہناہاں تاں اُہنوں اوسے طرح ٹر نا چاہید ا جیکر اں اُہ ٹر دا ہند سی ۔
۷۔پیار یو میں تہانوں کوئی نوں حکم نہیں لکھدا سگوں اُہ ہی پرانا حکم مڈھوں تہانوں ملیا سی اِہ حکم اُہ ہی کلام ہے جہڑا تساں سنیا سی ۔
۸۔پھیر تہانوں اک نوں حکم لکھنا ں ہا ں تے اِہ گل اُہدے اُتے تہاڈے اُتے ٹھیک آؤندی ہے ۔کیونجو ہنیرا ہٹداجاند اہے تےسچا چانن چکن لگ پیا ہے۔
۹۔ جہڑا اِہ آکھدا ہےپئی میں چانن وچ ہاں تے اپنے بھر انا ل ویر رکھد اہے اُہ اجےکر تیکر ہنیرے وچ ہی رہندا ہے ۔
۱۰۔تے جہٹراپنے بھر انال محبت رکھدا ہے اُ ہ چانن وچ رہند ہے تے اُہنون ٹھیٹد ا نہیں لگدا ۔
۱۱۔پرجہڑا اپنے بھر انال ویر رکھدا ہے اُہ ہنیر ے وچ ٹر دا ہے تے اُہنوں پتہ نہیں پئی میں کتھے لگا جاناں ہاں کیونجو ہنیرے اُہدایاں اَکھیاں
اَنھیا ں کر چھڈیا ں ۔
۱۲۔بچیوں میں تہا نوں ایس کرکے لکھنا ہاں پئی اُ ہدے ناں دے واسطے تہاڈے گنا ہ معاف ہوئے ہوئے نے ۔
۱۳۔بزرگو میں تہانوں ایس کرکے لکھنا ہاں پئی جہڑا مڈ ھو ن ہے اُہنوں تُسیں جاندے ہو ۔جوانوں میں تہانوں ایس کر کے لکھنا ہاں پئی تساں شریر نوں جتیا ہویا ہے ۔منڈیوں تہانوں ایس کرکے لکھنا ہے پئی با پ نوں جاندے ہو ۔
۱۴_بزرگو میں تہانوں ایس کرکے لکھیا ہے۔ پئی جہڑ ا مڈ ھوں ہے اُہنوں تُسیں جان گئے ہوجوانو میں تہانوں ایس کر کے لکھیا ہے پئی تُسیں تگڑ ے ہوتے خدا دا کلام تہاڈے وچ رہند اہے تے تساں شریر نوں جُت لیا ہے ۔
۱۵۔نہ دنیا نال محبت رکھو نہ اُہناں چیزاں نا ل جہڑیاں دنیا وچ نےجہڑا دنیا نال محبت رکھد ا ہے ۔اُہدے وچ با پ دی محبت نہیں ۔
۱۶۔کیونجو دنیا وچ جہٹر یا ں چیزاں نے یعنے جسم دی خو اہش تے اِکھیاں دی خو اہش تے زندگی دی شخیی اُہ باپ ولوں نہیں سگوں دنیا وَلّوں نے ۔
۱۷۔دنیا تے اُہد ی خواہش ٹل جا ن گئیاں پر جہڑ ا خدا دی مرضی اُتے ٹر دا ہے اُہ سداتیکر رہندا ہے ۔
۱۸۔مُنّڈیو اِہ چھیکڑلا ویلا ہے تے جہیا تُساں سنیا ہے پئی مسیح د ا ویر ی آؤن والا ہے سوہن وی مسیح دے بہت سارے ویر ی اُٹھ کھلوتے نے ایس توں اسیں جاننے ہاں پئی اِہ چھیکڑ داویلا ہے ۔
۱۹۔بکلے تے اُہ ساڈے وچوں ہی سان پرساڈے نہیں سان ایس لئی پئی جےاُہ ساڈے ہندے تاں ساڈے نال رہندے پرایس لئی نکل گئے تانجو لگ جائے پئی اُہ سارے ساڈے نہیں ۔
۲۰۔پر تُسیں اوس قدوس وَلّوں مسیح کیتےگئے ہوتے تُسیں سبھو کجھ جاندے ہو ۔
۲۱۔میں تہانوں ایس کرکے نہیں لکھیا پئی تُسیں سچائی نوں نہیں جاندے سگوں ایس کرکے پئی اُہنوں جاندے ہو تے ایس لئی پئی کوئی جھوٹھ سچیا ئی وَلّوں نہیں ۔
۲۲۔جہڑ ایسوع دےمسیح ہون تھو مکر دا ہے ۔اُہدے سوا ہور کون جھو ٹھا ہے ؟مسیح د اویری اُہو ہی ہے جہڑے باپ تے بیتےتوں مکر دا ہے ۔
۲۳۔جہڑ ا بیٹے دا انکاری ہے اُہدے کول با پ وی نہیں جہڑا بیٹے نوں مَندا ہے اُہدے کول باپ وی ہے ۔
۲۴۔جہڑی گل تُساں مڈھوسنی ہے اُہ ہی تہاڈے وچ رہے تے جہڑ ی گل مڈ ھوں تساں سنی ہے جے اُہ تہاڈے وچ رہے تاں تُسیں وی بیٹے تے باپ وچ رہوگے ۔
۲۵۔تے جہڑ ی گل د اوس ساڈے نال وعد ہ کیتا ہے اُہ سد ا دی زندگی ہے ۔
۲۶۔میں اِہ گلا ں تہا نوں اُہناں لوکاں دی بابت لکھیاں نےجہڑ ے تہانوں گھسا ندے نے ۔
۲۷۔تے تہاڈا اُہ مسح جہڑ ا اُہدے وَلّوں کیتا گیا تہاڈے وچ قا ئم رہندا ہے تے تہانوں ایس گل و ی لوڑ نہیں پئی کوئی تہانوں سکھائے سگوں جس طرح اُہ مسح جہڑ ا اُہدے وَلّوں تہاڈے اُتے کیتا گیا تہانوں ساریاں گلاں سکھاند ا ہےتے سچا ہےتے جوٹھا نہیں تے جس طراوس تہانوں سکھا یا ہے اوسے طرح اُہدے وچ قا ئم رہو ۔
۲۸۔سو بچیو اُہدے وچ قا ئم رہو ۔تانجو اُہدے ظاہر ہون دے ویلے سانوں دلیر ی ہووے تے اُہدے آؤن دےویلے اُہدے اَگے سانوں نموشی نہ ہووے ۔
۲۹۔جے تُسیں اِہ جاندے ہو پئی اُہ راستباز ہےتاں اِہ وی جاندے ہو پئی جہڑ ا راست بازی کردا ہے اُہ اُہدے تھوں جمیا ہے ۔

۱۔ویکھو باپ ساڈے نال کیڈی محبت کیتی ہے پئی اسیں خدادے پتر اکھوائیے تے اسیں ہاںوی دنیا سانوں ایس لئی نہیں جاندی پئی اساں اُہنوں نہیں جاتا ۔
۲۔پیار یو اسیں ہن خدا دے پتر ہاں تے اجے تیکر اِہ ظاہر وی نہیں ہویا پئی کیہ ہو وانگے ایناں جاننے ہا ں پئی خدوں اُہ ظاہر وویگا تاں اسیں وی اُہدے وانگر ہووانگے کیونجو جہا اُہ ہے تہا ہی اُہنوں ویکھا نگے ۔
۳۔تے جہٹرا اُہدے تھوں اِہ اُمید رکھد ہے اپنےآپ نوں تہا ہی پا ک کردا ہے جہیوجہیا اُہ پاک ہے۔
۴۔جہڑ ا گنا ہ کردا ہےاُہ شریعت دے اُلٹ کردا ہے تے گنا ہ شریعت دا لُٹ ہے ۔
۵۔تے تُسیں جاند ہے ہو پئی اُہ ایس لئی ظاہر ہو یا پئی گنا ہ نوں چُک لے جائے تے اُہدی ذات وچ گنا ہ نہیں ۔
۶۔جہٹر ا اُہدے وچ رہنداہے اُہ گنہ نہیں کر دا جہڑ ا گناہ کرد ا ہے اوس ہنوں نہیں ڈٹھا ۔نہ اُہنوں جاندا ہے ۔
۷۔بچیو کوئی تہانوں نہ گھسا ئے جہڑ ا نیکی دے کم کردا ہے اُہ ہی اُہدے وانگوں راستباز ہے ۔
۸۔جہٹر آدمی گنا ہ کرد ا ہےشیطان وَلّوں ہے کیونجو شیطان مڈھوں ہی گناہ کردا ہے ایسے واسطے خدا دا بیٹا ظاہر ہو یا پئی شیطان دےکماں دانا س کرے ۔
۹۔کیونجو اُہد ا بی اُہدے وچ رہندا ہے سگوں اُہ گنا ہ کرہی نہیں سکدا کیونجو اُ ہ خدا تھو ں جمیا ہویا ہے۔
۱۰۔ایسے تھوں خدا دے پُتر تے شیطان دے پُتر ظاہر ہُندے نےجہڑ ا راستبازی نہیں کردا اُہ خد اتھوں نہیں تے اُہ وی خد ا تھوں نہیں جہڑ ا اپنے بھر ا نال محبت نہیں رکھدا ۔
۱۱۔کیونجو جہڑ سُنہیا تساں مڈھوں سُنیا اُہ اِہ ہے پئی اسیں اِک دُوجے نال محبت رکھئے ۔
۱۲۔تے قا ئین وانگر نہ بنئے جہڑ ا شریر وَلّوں سی تے جس ا پنے بھرانوں مار چھڈیا سی تے اوس کس کرکے اُہنوں مار چھڈ یا سی ؟ پئی اُہدے اپنے ہی کم بھیڑے سا ن تےبھرادےکم راست با ز سان ۔
۱۳۔بھرا ؤ جے دنیا تہاڈے نال ویر رکھدی ہے ۔تاں اچر ج نہ ہو ؤ۔
۱۴۔ایس کرکے سانوں معلوم ہے پئی اسیں موت وچوں نکل کے زندگی وچ آئے ہوئے ہاں کیونجو اسیں بھرانواں نال محبت کرنےہاں جہڑ ا محبت نہیں کردا اُہ موت وچ رہندا ہے۔
۱۵۔جہڑ ا پنے بھرا نال ویر رکھدا ہے اُہ خونی ہے تے تُسیں جاندے ہو پئی کسے خونی وچ سد ا دی ز ند گی نہیں ہند ی ۔
۱۶۔اساں محبت نوں ایتھو ں ہی پہچانیا ہے پئی اوس ساڈے لئی جان دے دتی سانوں وی بھر انواں لئی جا ن دینی چاہید ہے۔
۱۷۔پرجہد ے کول دنیا دا مال ہے تے اُہ اپنے بھرا نوں کنگا ل ویکھ کے اُہدے اُتے ترس نہیں کردا تاں اُہدے وچ خدا دی محبت کتھے رہند ی ہے ؟۔
۱۸۔بچیواسیں گلاندی تے زبان دی محبت نہ کر ئیے ۔سگوں عمل تے سچا ےی دی محبت کرئیے ۔
۱۹۔ایس تھوں سانوں پتہ لگ جائےگا ۔پئی سچائی دے ہاں تے جہڑی گل دا الزام ساڈے اُتے د ل لاند ا ہے اُہدے اَگے سانوں اوسے گل تُسلی ہوجائے گی ۔
۲۰۔کیونجو خداساڈے دِل نالوں وڈا ہےتے سبھو کجھ جاندا ہے۔
۲۱۔پیاریوجے ساڈ دل ساڈے اُتے الزام لاند ا تاں سانوں خدا اگے حو صلہ ہو جانداہے ۔
۲۲۔تے جوکجھ اسیں منگنے ہاں سو اُہدے ولوں سانوں ملدا ہے کیونجو اسیں اُہدے حکماں نوں مننے ہا ں تے جو کجھ اُہنوں پسند آؤند اہے اہوہی کرنے ہاں ۔
۲۳۔اُہداُ حکم اِہ پئی اسیں اُہدے بیتے یسوع مسیح دے ناں اُتےایمان لیاوئیے تےجہیا اوس سانوں حکم دتا ہےتہیا اِکدو جےنال محبت کرئیے ۔
۲۴۔تے جہڑ ااُہدے حُکما ں نو ں مندا ہے اُہ اُہدے وچ رہند ا ہے تےا ُہ اُہدے وچ تے اوس روح تھوں جہڑ ا اوس سانوں دتا ہے اسیں جاننے ہا ں پئی اُہ ساڈے وچ رہند ا ہے ۔

۱۔پیار یوں ساریاں روحاں نوں سچیا ئی نہ منو سگوں روحاں نوں پرکھو پئی خداوَلّوں نے کہ نہیں کیونجو بہت سارے جھوٹھے بنی دنیا وچ آگئے نے ۔
۲۔خدادے روح نوں تسیں ایس طرح پچھا ن سکدے ہو پئی جہڑ ی روح اقرار کر دی ہے پئی یسوع مسیح دہ دہای ہو کے آیا اُُہ خدا وَلّوں ہے۔
۳۔ تے جہڑ ی روح یسوع دا اقرار نہ کرےاُہ خدا وَلّوں نہیں تے ایہو ہی مسیح دے و یر ی دی روح ہے جہد ی خبر تُساں سن لئی ہے ۔
۴۔بچیو تسیں خدا وَلّوں ہوتے اُہناننوں جُت لیا ہے کیونجو جہڑ ا تہاڈے وچ ہے اُہ اُہدے نالوں وڈا ہے جہڑ ادنیا وچ ہے ۔
۵۔اُہ دُنیا وچوں نے ایسو اسطے دنیا وانگربولدے نےتے دنیا اُہناند ی سند ی ہے ۔
۶۔اسیں خد ا وَلّوں ہا ں جہڑ ا خدا نوں جاندا ہے اُہ ساڈی سند ا ہے جہڑ ا خدا ولوں نہیں اُہ ساڈی نہیں سندا یسے تھوں اسیں سچیا ئی دی روح تےبدراہی د ی روح نوں پچھا ن لینےہاں ۔
۷۔پیار یواسیں اِکد وجے نوں محبت کرئیے کیونجو محبت خدا وَلّوں ہے تے جہڑ محبت کرددا ہے اُہ خدا تھوں جمیا ہے تے خدا نوں جاندا ہے ۔
۸۔جہڑ ا محبت نہیں کردا اُ ہ خدا نوں نہیں جاند ا کیونجو خدا محبت ہے۔
۹۔ خدا دی محبت جہڑی ساڈ ینا ل ہے ۔ایس گل تھوں ظاہر ہند ی ہے پئی خدا اپنے اکلوتے بیٹے نوں دنیا وچ گھلّیا ہے ۔تانجو اسیں اُہد ی راہیں جیو ند ے رہیے ۔
۱۰۔محبت اِہدے وچ نہیں پئی اَساں خدا نال محبت کیتی ہےسگوں اِہدے وچ ہے پئی اوس ساڈے نال محبت کیتی تے ساڈے گنا ہاندے کفارے لئی اپنے بیٹے نوں گھلیا ۔
۱۱۔پیا ریوجد خدا ساڈے نال اجہی محبت کیتی تا ں سانوں وی اِکد وجے نال محبت کرنی چاہید ی ہے ۔
۱۲۔خدا نوں کدے کِسے نہیں ویکھیا جے اسیں اِکدوجےنوں محبت کرنے ہاں تاں خدا ساڈے وچ رہند ا ہے تے اُہدی محبت ساڈیاں دلاں وچ پوری ہندی ہے ۔
۱۳۔ایس گل تھو ں پئی اُہ سانوں اپنے روح وچوح دیندا ہے اسیں جاننے ہاں پئی اسیں اُہدے وچ رہنے ہاں تے ساڈے وچ ۔
۱۴۔تے اساں ویکھ لیا ہے تےگواہی دینے ہا ں پئی باپ بیٹے نوں دنیا دا نجات دین والا ہون واسطے گھلیا ۔
۱۵۔جہڑ امندا ہے پئی یسوع خدا دا بیٹا ہے خدا ُہدے وچ تے اُہ خدا و چ رہندا ہے ۔
۱۶۔جہڑ ی محبت خدا دِی ساڈے نال ہے اُہنوں اَساں جانیا ہےتے اُہدے اُتے ساڈا یمان ہے خدا محبت ہے تے جہڑ ا محبت وچ رہند ہے اُہ خدا وچ رہنداہے تے خدا اُ ہدےوچ رہند ا ہے ۔
۱۷۔ایس کرکے محبت ساڈے وچ پوری ہندی ہے پئی سانوں عدالت دے دن حوصلہ ہووے کیونجو جہیا اُہ ہے تہے دنیا وچ اسیں وی ہاں ۔
۱۸۔سگوں پُوہری محبت ڈرنوں کڈھ دیندی ہے کیونجو ڈرتھوں دکھ ہندا ہے تےکوئی ڈران والا محبت وچ پورا نہیں ہویا ۔
۱۹۔اسیں ایس لئی محبت کرنے ہاں پئی پہلاں اوس ساڈے نال محبت کیتی ۔
۲۰۔جے کوئی آکھے پئی میں خدا نال محبت کرناہاں تے اُہ پنے بھر ا نال ویر رکھےاُہ جھو ٹھا ہے کیونجو جہڑ اپنے بھرانا ل جھنوں اوس ڈٹھا ہے محبت نہیں کردا اُہ خد ا نا ل وی جہنوں اوس نہیں ڈٹھا محبت نہیں کر سکدا ۔
۲۱۔تے سانوں اُہدے وَلّوں اِہ حکم ملیا ہے پئی جہڑ ا خدا نال محبت رکھدا ہے اُ ہ اپنے بھر ا نال وی محبت رکھے۔

۱۔جہدا یمان ہےپئی یسوع ہی مسیح ہے اُی خدا تھوں جمیا ہےتے جہڑ ا کوئی با پ نال محبت کر دا ہے اُہ اُہدے بچیا ندے نا ل وی محبت کر داہے ۔
۲۔جدوں اسیں خدا دےنال محبت کر نے ہاں تے اُہدےحکما ں نوں پوریاں کرنے ہاں تاں اُہدے توں معلوم ہندا ہے پئی خدا دے پُتر اں نال وِی محبت کرنے ہاں ۔
۳۔تے خدا دی محبت اِہ پئی اسیں اُہدے حکماں نوں پوریاں کرئیے تے اُہدے حکم اوکھے نہیں ۔
۴۔جہڑ ا خداتھوں جمیا ہویا ہے اُہ دنیا نوں جت لیند اہے تے اُہ فتح جہدے نال دنیا جتی گئی ہے ساڈا ایمان ہے ۔
۵۔اوس آدمی دے سو اجہدا ایمان ہے پئی یسوع خدا دا بیٹا ہے دنیا جتن والا کون ہے ؟
۶ْ۔اِہ اُہ ہےجہڑ ا پانی تے لہودوہاں دی راہیں آیا سی یعنی نرا پانی دے راہیں نہیں ۔سگوں پانی تےلہو دوہاندی راہیں ۔
۷۔تے روح ہی گواہی دین والا ہے کیونجو روح سچیا ئی ہے۔
۸۔تے گواہی دین والے ترے نےروح تے پانی تےلہو تے اِہ ترے اِکو گل وچ رلدے نے۔
۹۔جے اسیں بندیا ں دی گواہی منظور کرلینے ہاں تاں خدا دی گواہی اُودوں ودھیک ہےتے خدادی گواہی اِہ ہے پئی اوس اپنے بیٹے دےحق وچ گواہی دتی ہے ۔
۱۰۔جہڑ ا خدا دے بیتے اُتے ایما ن لیاؤندا ہے گواہی اُہدے وچ ہی ہے تے جس خدا دی گواہی نہیں منی اوس اُہنوں جُھوٹھا بنا یا کیونجو اوس گواہی اُتے جہڑ ی خدا اپنے بیتے دی با بت دتی اوہن ایمان نہیں لیا ندا ۔
۱۱۔تے اُہ گوا ہی اِہ ہےپئی خدا سانوں سدا دی زندگی دِتی ہے تے اِہ زندگی اُہدے بیٹے وچ ہے ۔
۱۲۔جہدے کول بیٹا ہے اُہدے کو ل زندگی ہے تے جہد ے کول خدا دا بیٹا نہیں اُہدے کول زندگی بھی نہیں ہے ۔
۱۳۔میں تہانوں جہڑے خدادے بیٹے دے ناں اُتے ایمان لیائے ہو ااِہ گلاں ایس لئی لکھیاں پئی تہانوں معلون ہووے پئی سدا دی زندگی تہانوں ملی ہے ۔
۱۴۔ تے اُہدے اَگے ساڈا اہوہی حو صلہ ہے پئی جے اُہدی مرضی جوجب کجھ منگئے اُہ ساڈی سندا ہے۔
۱۵۔تےجے اسیں جاننے ہاں پئی جو کجھ اساں منگیا ہے ساڈی سند ا ہے تاں اِہ وی جاننے ہاں پئی جوکچھ اساں اُہدے کولوں منگیا ہے اساں لبھ لیا ہے ۔
۱۶۔جیکو ئی اپنے بھرا نوں اجہیان گناہ کردیاں ویکھے جہڑاموت دا گناہ نہ ہو وے تا ں دعا منگے خدا اُہدی راہیں اُہناں لوکاں نوں زندگی دیو یگا جہیاں اجہیا گناہ نہیں کیتا جہڑا موت دا گناہ ہووے گنا ہ اجہیا وِی ہے جہد پھل موت ہے ا ُہدے لئی میں دعا منگن نوں نہیں آکھد ا ۔
۱۷۔پر اجہیا گناہ وِی ہے جہڑا موت تیکر نہیں اپڑاندا ۔
۱۸۔اسیں جاننےہاں پئی جہڑا خد ارتھوں جمیا ہویا ہے ۔اُہ گناہ نہیں کردا سگوں اُہ اُہدی راکھی کرداہے جہڑا خدا تھو ں جمیا ہویا ہےتے اُہ شریر اُہنوں نہیں چھوندا۔
۱۹۔سانوں پتہ ہے پئی اسیں خدا وَلّوں ہاں تے ساری دنیا اوس شریر دے ہتھ وچ پئی ہوئی ہے ۔
۲۰۔تےاِہ وِی جاننے ہاں پئی خدا دا بیٹا آگیا ہےتے اوس سانوں سمجھ دتی ہے تانجو اُہنوں جہڑا اصلی ہے جانئے تے اسیں اُہدے وچ جہڑا اصلی ہے یعنے اُہدے بیتے یسوع مسیح وچ ہاں اصلی خدا تے ہمیشہ دِی زندگی اِ ہ ہے۔
۲۱۔ بچیو بتاں تھوں بچے رہو۔