پطرس دا دُوجا خط عام

۱۔شمون پطرس وَلّوں جہڑ ایسو ع مسیح دا غلام تے رُسول ہے اُہناں لوکاں دےناں جہناں ساڈے خداتے نجات دین والے یسوع مسیح دی راستبازی دی راہیں ساڈے وانگر قمیتی ایمان پایا ہے ۔
۲۔خداتےساڈے خداوندیسوع دی پہچان دی راہیں تہانوں بہتا فضل تے تسلی ملدی رہے۔
۳۔کیونجو اُہدی اکہٰی قدرت نےاُہ ساریاں چیزاں جہڑیاں زندگی تے دینداری دیاں ہندیاں نے سانوں اُہد ی پہچان دی راہیں دتیاں جس سانوں اپنےخاص جلال تے نیکی دی راہیں سیدیا ۔
۴۔تےاُہناندی راہیں اوس ساڈے نال قمیتی تےبہت بڑے وعدے کیتے ۔تانجو اُہناندی راہیں تُسیں اوس خرابی تھوں چُھٹ کےجہڑی دنیا وچ بری خواہش داصدقہ ہے ۔اُہناں دی راہیں ذات اِلہی وچ بھنجال ہوجاؤ۔
۵۔سو ایس کرکے تُسیں اپنے ولوں بڑی کوشش کرکے اپنے ایمان اُتے نیکی ودھاؤتے نیکی اُتے خدا داعلم ۔
۶۔خد ادے علم اُتے پر ہیز تے پر ہیز اُتے صبر تے صبر اُتے دینداری ۔
۷۔تے دینداری اُتے بھرانواں دی محبت تے بھر انواں دی محبت اُتے وی محبت ودھاؤ۔
۸۔کیونجو جے اِہ گلاں تہاڈے وچ ہون تے ودھدیاں جان تاں ساڈے خدا وند یسوع مسیح دے پچھا نن وچ تہانوں بیکار تے بے پھل نہ ہون دین گیئاں ۔
۹۔تے جہدے وچ اِہ گلاں نہ ہون اُہ اَنھا تے مٹھی نظر والا ہے تےاپنے پرانے گناہ تھوں پاک ہونا بھل گیا ۔
۱۰۔سوبھراؤ اپنے بلا وے تے بزگزیدگی نوں ثابت دی ودھ کے کوشش کروکیونجو جےتُسیں ایس طرح کرو تاں کدی وی ٹھیٹدا نہ کھا ؤ گے ۔
۱۱۔ سگوں ایس تھوں تُسیں ساڈے خدا وند تے نجات دین والے یسوع مسیح وی سدا دی بادشاہی وچ بڑ ی عزت نال داخل کیتے جاؤگے۔
۱۲۔ایس لئی میں تہانوں اِہ گلاں یا ددوان نوں سدا تیار رہانگا ۔بھا نویں تُسیں اُہناں نوں جاندے ہو تے اوس سچی گل اُتے قا ئم ہو جہڑ ی تہانوں ملی ہوئی ہے ۔
۱۳۔تےجد تیکر میں ایس تنبو وچ ہاں تہانوں یاد دوا دوا کے اُبھارنا واجب سمجھنا ہاں ۔
۱۴۔کیونجو ساڈے خد اوند یسوع مسیح دے وسن نال مینوں پتہ ہےپئی میرے تنبو دے ڈھ جان دا ویلا چھیتی آؤن والا ہے ۔
۱۵۔سو میں اجہی کوشش کرانگا پئی میرے مرن پچھوں تُسیں اِہناں گلاں نوں سدایا د رکھ سکو ۔
۱۶۔کیونجو جد اساں تہانوں اپنے خدا وند یسوع مسیح دی قدرت دے آؤن تھوں واقف کیتا سی تاں دھوکےبازی دیاں بنا یا ں ہو ئیاں کہا نیاں دی پیر وی نہیں سی کیتی سگوں آپ ہی اُہدی مہماں نوں ویکھیا سی۔
۱۷۔پئی اوس خدا باپ تھوں اوس ویلے عزت تے جلا ل پایا جد اوس بڑے جلا ل وچوں اُہنوں اِہ آواز آئی پئی اِہ میرا پیارا بیٹا ہے جہدے تھو ں میں خوش ہاں ۔
۱۸۔تےجدوں اسیں اُہدے نال پاک پہاڑ اُتے ساں تاں اسمان اِہ آواز آؤند ی سی سنی ۔
۱۹۔تےساڈے کول نبیا ندا اُہ کلام ہے جہڑا ودھ اعتبار والا ہے تے تُسیں چنگا کردے ہوجو اِہ سمجھ ک اُہدے اُتے دھیان کردے ہو ۔پئی اُہ اِک دیواہے جہڑ ا ہینرے تھاں وچ چانن دینداہے ۔جد تیکر دن نہ چڑتے صبح دا ستارہ تہاڈے دلاں وچ نہ چمکے۔
۲۰۔تے پہلاں اِہ جان لو پئی پاک کتا ب دی کسے نبوت دابیان کسے دے ذاتی اختیار و چ نہیں ۔
۲۱۔کیونجو کوئی نبوت بندیا ں دی مرضی نال نہیں ہوئی سگو ں آدمی پاک روح دے دسن نال خد اولوں بولدے سان۔

۱۔تےجس طرح اوس اُمت وچ جھوٹھے بنی اُٹھے سان ایسے طرح تہاڈے وچ وی جھوٹھے اُستاد جہڑ ے لک چھپ کے ہلا ک کرن والیاں بدعتاں کڈھن گے تے اوس مالک دا انکار کر ن گے جس اُہناں نوں مل لیا سی تے اپنےآپ نوں شتابی ہلاکت وچ سُٹن گے ۔
۲۔تے بہت سارے اُہناں دے لُچ پنے مگرٹرن گے جہناں دے سبب سچائی دے راہ دی بد نامی ہوویگی ۔
۳۔تے اُہ لالچ نال گلاں بناکے تہانوں اپنا سودا بنا چھڈ ن گے ۔تے جہڑ امڈھوں اُہناندی سزا داحکم ہوگیا ہے اُہدےآؤن وچدکوئی چرنہیں تے اُہنا ند ی ہلاکت سوندی نہیں ۔
۴۔کیونجو جد خدا گنا ہ کرن والیاں فرشتیاں نوں نہ چھڈ یا سگوں جہنم وچ گھل کے ہینرے کھو ہ وچ سُٹیا تانجو عدالت دےدن تیکر ڈگے رہن ۔
۵۔تے نہ پہلی دنیا نوں چھڈ یا سگوں جس ویلے بید ین دنیا اُتے طوفان گھلیا سی راستبازی دی منادی کرن والے نوح نوں ہور ستاں آدمیاں سنے بچا لیا ۔
۶۔تے سدوم عمورادے شہر اں نوں خاک سیاہ کردتا تےاُہناں نوں ہلاکت د ی سزا دتی تےآؤن والے زمانے دے بید نیاں لئی اِک مثال قا ئم کردتی ۔
۷۔تےراستباز لوط نوں جہڑا بید نیاں دے پلیت چال چلن تھوں اکیا ہویا سی خلا صی بخشی
۸۔( تے اُہ نیک آدمی اُہناں وچ رہ کے تے اُہناں دے بے شریعت کم ویکھدا تے سندا ہُند ا سی روز اُہد ا راستباز دل اوکھا ہندا سی )
۹۔تے خد ادند دین دا راں نوں ازمائش وچوں کڈھ لینا تے بد کاراں نوں عدالت دے دن تیکر سز ا وچ رکھنا جا ندا ہے ۔
۱۰۔خاص کر اُہناننو ں جہڑے پلیت خواہشاں نال جسم دی پیروی کردے نے تے حکومت نوں کجھ نہیں جاندے تے اُہ گستا خ تے ہٹھ کرن والے نے تے عزت والیاں نوں طعنے مہنے مارن تھوں نہیں ڈردے ۔
۱۱۔پر فرشتے جہڑے طاقت تےقدرت وچ اُہناں نالوں وڈے نے خد اوند دے سامنے اُہناں اُتے طعنے مارکے نالش نہیں کردے۔
۱۲۔سگوں اِہ لوک بے عقل جانوراں وانگر جہڑےپھڑے جان تے ہلاک ہون لئی پیداہوئے نےجہناں گلاں تھوں نا واقف نے اُہناں دی بابت ہورناں نوں طعنے مہنے دیندے نے پر اپنی خرابی وچ آپ ہی خر اب کیتے جان گے۔
۱۳۔دوجیاں دا براکرن دے بدلے اِہناں ہی دا براہوویگا اِہناننوں دندہاڑے عیاشی کرن وچ سودا آؤندا ہے اِہ داغ تے عیب نےجدوں تہاڈے نال کھاندے پیندے نے تے اپنے دلوں محبت دی ضیافت کرکے عیش تےعشرت کردے نے ۔
۱۴۔اُہناں دیاں اَکھیاں جہناں وچ زناکار عورتاں وسیاں ہویاں نے گناہ تھوں اُک نہیں سکدیاں اُہ ڈانواں ڈول دلاں نوں پھساندے نےاُہناں دادل لالچ نال بھریا ہو یا ہے اُہ لعنت دی اولاد نے ۔
۱۵۔اُہ سدھا راہ چھڈ کے بدراہ ہوگئے نے تے نعوردےپُتر بلعام دے راہ اُتے ٹرے جس نا راستی دی مزدوری نوں پیارا جا نیا ۔
۱۶۔پئی اِک بے زبان کھو تی آدمی وانگر بول کے ایس بنی نوں احمق پُنے تھوںموڑیا ۔
۱۷۔اُہ ڈَل نےتے اَجہے بّدل جہناں نُوں احمق ہنیری اُڈا دنید ی ہے ۔اُہناں لئی بےحد ہنیری رکھیا ہویا ہے ۔
۱۸۔اُہ مغروری دیاں واہتات گلاں بک بک کے لُچ پُنے دی راہیں اُہناں لوکاننو ں جسمانی خواہشاں وچ پھسا ندے نےجہٹرے بدراہاں وچوں مساں مساں پئے نکلدے نے ۔
۱۹۔اُہ اُہناں نال تے آزادی دا وعدہ کردے نے تے آپی خرابی دے غلام بنے ہوئے نے کیونجو جنا جس کسے دا دبیا ہویا ہے اُہ اوسےد ا غلام ہے ۔
۲۰۔تے جد اُہ خد اوند تےنجات دین والے یسوع مسیح دی پہچان داصدقہ دنیا وی پلیتی توں چھُٹ کے پھیر اُہدے وچ پھسے تے دبے گئے تاں اُہناندا چھیکڑلا پہلاں نالوں برا ہویا۔
۲۱۔کیونجو راست بازی دے راہ دانہ اُہناں دے لئی اِہدے تھوں چنگا ہندا پئی اُہنوں جان کے اوس پاک حکم تھوں پھر جاندے جہڑ ے اُہناں نوںملیا سی ۔
۲۲۔اُہناں اُتے اِہ سچی مثال ٹھیک آوندی ہے پئی کتا اپنی قے وَل ویکھد ہے تےانہائی وئی سورنی چکڑ وچ پھیر لیٹن لگ پیندی ہے ۔

۱۔پیاریو ہن میں اِہ دواجا خط تہانوں لکھنا ہاں تے یاد دوان لئی دوہاں خطاں تھوں تہاڈے صاف دلاں نُوں جوش دواناہاں ۔
۲۔پئی تسیں اُہناں گلاں نو ں جہڑ یاں پاک بنیاں دپہلاں آکھیا ں نے تے خداوند تےنجات دین والے دےاوس حکم نوں یا د رکھو ۔جہڑ ا تہاڈے رسولاں دی راہیں آیا سی ۔
۳۔تےاِ ہ پہلاں جان لئی چھیکڑلےدِناں وچ اجہے مخولئے آؤن گےجہڑے اپنیاں خواہشاں موجب ٹر نگے ۔
۴۔تے آکھن گے پئی اُہدے آون د ا وعد ہ کتھے گیا ہ ؟کیونجو جدوں تھوں پیو دادے سوں گئے نے اوس ویلے تھوں ہن تیکر سب کجھ اوسے طرح ہی ہے ۔ جس طرح خلقت دے شروع تھوںسی ۔
۵۔اُہ تھوں جان بجھ کے بھل جاندے نے پئی خدادے کلام دی راہیں اسما ن مڈ ھوں ہی موجود نے تے زمین پانی وچ بنی تے پانی وچ قائم ہے۔
۶۔اِہدے سبب اوس ویلے وی دنیا ڈُب کے ہلاک کوئی ۔
۷۔سگوں ایس ویلے دے اسمان تےزمین اوسےکلام دی راہیں ایس لئی رکھے ہوئے نے پئی ساڑے جان تے اُہ بےدین آدمیاں دی عدالت تے ہلاکت دے دن تیکر سا نبھے رہن گے ۔
۸۔ پیاریواِہ گل نہ بھلوپئی خداوند دے اَگے اِک دن ہزار ورھے جہیاہے تے ہزار ورہا اِک دن جہیا ہے ۔
۹۔خدا وند اپنے وعدے چرچ نہیں لاند اجیکر اں بعضے سمجھدےنے سگوں تہاڈی بابت صبر کردا ہے ۔ایس لئی پئی اُہ کسے دی ہلاکت نہیں چاہندا ۔سگوں اِہ چااہند ا ہے پئی سارے توبہ کرن ۔
۱۰۔پر خد اوند دا دن چور وانگر آویگا اوس دن اسمان بڑے شور نال برباد ہوجان گے تے عناصر ڈاہڈی گرمی نال پگہر جان گے۔تے زمین تے اُہدے کم سڑ جانگے ۔
۱۱۔جد اِہ ساریاں چیزاں ایس طرح پگھر ن والیاں نےتاں تہانوں پاک چال چلن تے دنیداری وچ کہیو جہیا ہو نا چاہیدا ہے ۔
۱۲۔تےخدادےاوس دن دے آؤن تیکر چاہ تے اوڈیک کنی چاہندی ہے جیدےسبب اَسمان اَگ نال پگھر جان گے تے عناصر ڈاہڈی نا گل جانگے ۔
۱۳۔پراُہدے و عدے اسیں نویں اسمان نویں زمین دی اوڈیک وچ ہاں جہدے وچ راستبازی وسدی ہے ۔
۱۴۔سوپیار یو ایس کرکے پئی تُسیں اِہناں گلاندی اُڈیک وچ ہو اُہدے اگے تسلی دی حا لت وچ بنا داغ تے بے عیب ہون وی کوشش کرو۔
۱۵۔تےساڈے خداونددے صبر نوں نجات سمجھو جیکر اں ساڈے پیارے بھر اپولوس وی اوس حکمت موجب جہڑی اُہنوں ملی تہانوں لکھیا ہے ۔
۱۶۔تے اپنے ساریاں خطاں وچ اِہناں گلاں دا ذکر کیتا ہے جہناں وچ کئی گلاں اجہیاں نے جہناں دا سمجھنا مشکل ہے تے جاہل تے ڈاواں ڈول لو ک اُہناں دے مطلب نوں وی ہو نا ں صحیفیا ں وانگر کھچ کھچ کے اپنے لےہلاکت پیدا رکردے نے ۔
۱۷۔سوپیار یو ایس کرکے پئی تُسیں اِہناں گلاں نوں اگیترے جاندے ہو خبر دار ہوتا نجو بید یناں دی بد راہی ول کچھے جا کے اپنی پختیائی چھڈ نہ دیو ۔
۱۸۔سگوں ساڈے خدا وند تے نجات دین والے یسوع مسیح دے فضل تے پہچان وچ ودھدے جاؤ اوسے دا جلال ہن وی ہووے تےسد اتیکر رہے ۔آمین۔