پطرس د ا پہلا خط عام

۱۔یسوع مسیح دے رسول پطرس وَلّوںاُہناں کھلرے ہوئے اسر ائیلیاں دے ناں جہڑے پنطس۔گلتیہ ۔کپدکیہ ۔آسیہ تے بتھنیا وچ تھا ئیں رہندے نے ۔
۲۔خدا باپ دےعیب دے علم موجب روح دےپاک کرن نال تابعدار ہون تے یسوع مسیح دا لہو چھڑ کےجان واسطے چنے ہوئے نے فضل تےتسلی تہانون مِلدی رہے۔
۳۔ساڈے خدا وند یسوع مسیح دے خدا تےباپ وی وڈیائی ہووے جس یسوع مسیح دےمُردیا ں وچوں جی اُٹھن دا صدقہ اپنی بڑی رحمت نال سانوں زندہ اُمید دے لئی نویں سریوں پیدا کتیا ۔
۴۔تانجو ورثہ جہڑی نہ بگڑن والی نہ نقص والی تے نہ کدی مُکدی ہے ۔
۵۔سگوں اسمان اتُے تہاڈے لئی رکھی ہوئی ہے تہانوں مل جائے جہناں دی را کھی خد اد ی قدرت نال ایمان دی راہیں اوس نجات واسطے ہُندی ہے ۔جہڑی چھیکڑلے ویلے ظاہر ہون والی ہے ۔
۶۔اَہدے تُسیں بڑی کوشش کردے ہو ۔بھا نویں ہن تھوڑے چرتیکر بہت ساریا ں ازمائشاں دا صدقہ تہانوں تکلیف ہوئی ہے ۔
۷۔تے اِہ ایس وااسطے ہویا ہے پئی تہاڈا پرکھیا ہویا ایمان جڑ اگ نال پر کھے ہو ئے فانی سیو نے نالوں بہتے مل واہے ۔یسو ع مسیح دے ظاہر ہو ن دے ویلے وڈیا ئی تے جلا ل تے عزت دا سبب ہووے ۔
۸۔اُہدے نال تُسیں بن ویکھیاں محبت رکھدے ہوتے بھانویں اُہنوں ایس ویلے نہیں ویکھدے پھیروی اُہدے اُتے ایمان لیاکے اجہی خوشی کردے ہو ۔جہڑ ی جلال نال بھری ہوئی ہے تے جہد بیان نہیں ہوسکدا ۔
۹۔تے اپنےایمان دا مطلب یعنی روحا ں دی نجات پاندے ہو ۔
۱۰۔ایسے نجات دی بابت اُہناں نبیاں بڑی بھال تے چھا ن بین کیتی جہناں اوس فضل دی نبوت کیتی جہڑ تہاڈے اُتے ہون والاسی ۔
۱۱۔اُہ ایس گل وی چھا ن بین کردے سان پئی مسیح د اروح جہڑا اُہناں وچ سی اوہن اگیتریاں مسیح دی تکلیفاں دی خبر دتی تے اوس جلال دی وی جہڑ ا اُہناں توں پچھے آؤن سی کہڑے یا کہیوجہے ویلے دی گل دا ذکر کردا سی ۔
۱۲۔اُہناں اُتے اَہ الہا م ہویا پئی اُہناں گلاں وچ ا پنی نہیں سگوں تہاڈی ٹہل کردے سان تے اِہناں گلاں دی خبر تہانوں ہن اُہناند ی راہیں ہوئی ہے جہناں پاک روح دی راہیں جہڑ ا اسمانوں گھلیا گیا تہانوں خوشخبر یک سنائی اہناں گلاں اُتے فرشتے وی دھیا ن کرنا چاہندےنے ۔
۱۳۔ایس واسطے اپنی عقل دالک بنھ کے تے ہوشیار ہوکے اوس فضل وی پوری اُمید رکھو جہڑ ایسوع مسیح دے وکھائی دین دےویلےتہاڈے اُتے ہون والا ہے ۔
۱۴۔تے تابعدار بچیاں وانگر اپنی بیو قوفی دیاں پرُانیاں خواہشاں دی بندش وچ نہ ہو ۔
۱۵۔سگوں جس طرجس تہاڈا سدن والا پاک ہےاوسےطرح تُسیں وی پاک چا ل چلن وچ پاک بنو۔
۱۶۔کیونجو لکھیا ہے پئی پاک بنو ایس لئی جو میں پاک ہاں ۔
۱۷۔تے جد تُسیں باپ کرکے اُہدے کولوں دعامنگد ے ہو ۔جہڑ اہر اِک دے کم موجب رئی بناں عدالت کرداہے تاں مسافری دا یلا خوف نا ل کٹو ۔
۱۸۔کیونجو تُسیں جاندے ہو پئی تہاڈے نکما چال چلن جہڑ اپیو دادیاں تھوں لگا آوند اسی اُہدے تھو ں تہاڈی خلاصی بگڑن والیاں چیزاں یعنے سیونے چاندی نال نہیں ہوئی ۔
۱۹۔سگوں اِک بے نقص تے بیداغ لیلے دے قیمتی لہو نا ل یعنی مسیح دے لہو نال ۔
۲۰ ۔تےخدا نوں دنیا دے بنن تھوں پہلاں اُہد اعلم سی پر تہاڈی خاطر چھکیڑلے ویلے ظاہر کتیا گیا ۔
۲۱۔تےتُساں اُہدی راہیں خد ااُتے ایمان لیا ندا ہے جس اُہنوں مُردیاں وچون جوایا ہے تے جلا ل وی دتا ۔تانجو تہاڈ ا ایمان تے اُمید خدااُتے ہووے ۔
۲۲۔ایس کرکے پئی تُساں سچیائی نوں من کے بھر انواں نال سچی محبت کرن لئی اپنیاں دلاں نوںپاک کیتا ہے دلوں وجوں آپو وچ محبت کرو ۔
۲۳۔کیونجو تُسیں جسمانی تخم تھوں نہیں سگوں روحانی تھوں خدا دے کلام دی راہیں جہڑ ا جیو ند ا تے قا ئم ہےنو یں سریوں جمے ہو۔
۲۴۔پھیر اِہ آیا ہے پئی انسان گھاہ وانگر ہےتے اُہدی ساری شان شوکت گھا ہ دے پھل وانگر ہے گاگھاہ کُرما جاند ا ہے تے پھل ڈگ پیندا ہے ۔
۲۵۔پر خدا وند کلام سداتیکر قائم رہیگا ۔اِہ اُہ ہی خوشخبری دا کلام ہے جہڑ اتہانوں سنایا گیا سی۔

۱۔پھیر ساری بدی تے سارے فریب تے مکاری تےساڑاتے برا آکھنا چھڈ کے ۔
۲۔نویں جمیاں ہویاں نچیاں وانگر کلام دے نرویر روحانی دوھ وی چا ہ رکھو ۔پئی اُہدی راہیں نجات پان لئی ووھدے جاؤ۔
۳۔جے تُساں خدا وند دےمہربان ہون دا سوداچکھیاہے ۔
۴۔اُہدے کول آکے جہڑابندیاں دا رویا ہو یا پر خد اد چنیا تےقمیتی جیوندا پتھر ہے۔
۵۔تُسیں وی جیوند ے پتھراں وانگر روحانی گھر بندےجاندے ہو ۔تانجو کاہناں دا پاک فرقہ بن کے اِجہیاں روحانی قربانیاں چاہڑ و جہڑیا ں یسوع مسیح دی راہیں چنگیاں لگدیاں نے۔
۶۔ایس واسطے پاک کتاب وچ لکھیا ہے پئی ویکھو میں صیون وچ نکر دےسر دا چنیا ہویا تے قمیتی پتھر دھرنا ہاں جہڑ ے اُہدے اُتے ایمام لیاؤند ا ہے ۔اُہنوں کدی نمو شی نہ ہو ویگی ۔
۷۔سو تہاڈے ایما ن لیاؤن والیاں لئی تاں اُہ قمیتی ہے پر نہ منن والیا ن لئی اُہ ن پتھر جہنوں راجاں نےرد کیتا اُہ ہی نکر دےسرے دا پتھر ہوگیا ۔
۸۔تےٹھوکر لگن دا پتھر تے ٹھو کر کھان دی چٹا ن ہویا کیونجو اُہ بے فرمان ہوکے کلام تھوں ٹھوکرکھاندے نے نے تے اِہدے لئی مقرر وی ہوئے سان ۔
۹۔پرتُسیں اِک چنی ہو ئی نسل تے بادشاہی کاہناں دا فر قہ پاک قوم تے اجیی اُمت ہوجہڑی خدا دی خاص ملکیت ہے تانجو اُہدیاں خوبیاں ظاہر کروجس تہانوں ہنیرے وچوں اپنے عجب چانن وچ سدیا ہے ۔
۱۰۔پہلاں تُسیں کوئی اُمت نہیں ساؤ پر ہن خد ا دی اُمت ہو تہاڈے اُتے رحم نہیں سی ہویا پرہن تہاڈے اُتے رحم ہویا ہے ۔
۱۱۔پیار یوں میں تہاڈی منت کرنا ہاں پئی تُسیں اپنےآپ نوں پر دیسی تے مسافر جان کےاُہناں جسم دیاں خواہشاں تھوں بچے رہو ۔جہڑ یا روح نال لڑائی رکھدیا ں نے ۔
۱۲۔تے غیر قوماں وچ اپنا چا چلن نیک رکھو تانجو جہڑ یا ں گلاں وچ اُہ تہانوں بد کار جان کے تہاڈے اُتےعیب لاندے نے تہاڈے نیک کماں نوں ویکھ کے اُہناندے سببو پڑ تال دے دہاڑے خدا دی وڈیائی کرن ۔
۱۳۔خداوند دےلئی انساں دےہراک انتظام دے تابعدار رہو تے باد شاہ دے ایس لئی پئی اُہ سبھناں تھوں وڈا ہے ۔
۱۴۔تے حاکماں دے ایس لئی پئی اُہ بدکاراں وی سزا تے نیکاں دی وڈیائی دے لئی اُہدے ولوں دگھلے ہوئےنے ۔
۱۵۔کیونجو خدا دی اِہ مر ضی ہےئ پئی تُسیں نیکی کرکے جا ہلا ندی نادانی دیاں گلاں نوں بند کردیوں۔
۱۶۔تے اپنے آپ نوں آزاد سمجھو ۔پر ایس آازادی نو ں بدی دا پر دہ نہ بناؤ سگوں اپنے آ پ نوں خدادے غلام سمجھو۔
۱۷۔ساریاں دی عزت کرو برادری نال محبت رکھو۔ خد ا تھوں ڈرو بادشاہ دی عز ت کرو۔
۱۸۔نوکرو بڑے خوف نال اپنے مالکاں دے تابع رہو ۔نہ نر ے نیکاں تے حلیماں ہی دےسگوں ڈاھڈیا ں دےدی ۔
۱۹۔کیونجو جے کوئی خدا داخیال کرکے بےانصافی نا ل دکھ سہے تاں اِہ چنگا ہے ۔
۲۰۔ایس لئی پئی جے تُساں گنا ہ کرکے ہورے کھادے تے صبر کیتاتا ں کیہ وٖڈیائی ہے؟ ہاں جے نیکی کردیاں دکھ پاندے تے صبر کردے ہوتاں اِہ خدا دے اگے چنگا ہے ۔
۲۱۔تے تُسیں ایسے لئی سدے گئے ساؤ کیونجو مسیح وی تہاڈے لئی دکھ پاکے تہانوں اک نمونیہ دےگیا ہ تانجو اُہدے راہ اُتے ٹرو۔
۲۲۔ نہ اوس گناہ کتیا تے نہ ہی اُہدے مُنہ تھون مکر دی وکوئی گل نکلی ۔
۲۳۔نہ اُہ گالیاں لےکے گالیاں دیندا سی نہ ہ دکھ پاکے کسے نوں جھڑک داسی سگو ں اپنےآ پ نوں سچے منصف دے ہتھ سو پند اسی ۔
۲۴۔اُہ آپ ساڈے گناہ نوں اپنے بدن اپنے بدن اُتے چک کے صلیب اُتے چڑ ھ گیا ہ۔تانجو اسیں گناہ ولوں مرکےھ راستبازی ولوں جیوئیے تے اُہدے مار کھان نا ل تُسیں چنگے کیتے گئے ۔
۲۵۔کیونجو پہلا ں تُسیں بھیڈااں وانگر بھلے پھر وے ساؤ پرہن اپنیاں روحا ں د ے ایالی تے نگہنان دے کو ل پھیر آگئے ہو ۔

۱۔زنانیوتُسیں وی اپنے اپنے گھر والیاں دی تا بعدار رہو ۔
۲۔ایس لئی پئی جے کوئی جنا کلام نہ نوں نہ وی منے تد وی زنانی دے پاک چال چلن نال تے خوف نوں ویکھ کے بناں کلام دے کھچے جان ۔
۳۔تےتہاڈی سجاوٹ وکھا لےدی نہ ہووے پئی سر گُند ناتے سیونے دے گہنے تے کپڑے ۔
۴۔سگوں تہاڈے دل وی چھپی ہوئی انسانیت نرمی تے حلیمی دینہ بگڑ ن والی سجاوٹ سجی رہے۔کیونجو خد ادےکول اِہدا بہتا قدر ہے ۔
۵۔تے پچھلے زمانے وچ وی خدا اُتے اُمید رکھن والیاں پاک زنانیاں اپنےآپ نو ں ایسےطرح سواردیاں تے اپنے اپنے گھر والیاں دے حکم وچ رہنددیاں سان ۔
۶۔جس طرح ساراہ ابر اہیم دے حکم وچ رہندی تے اُہنوں خد اوند آکھدی سی تُسیں وی جے نیکی کروتاں کسے ڈراوے تھوں نہ ڈرو تے اُہدیاں دھیاں ہو۔
۷۔گھر والیو! تُسیں وی اپنیاں زنانیاں نال عقل نال وَسّیا کروتے زنانی نوں کمزور جان ک اُہدی عزت کرو تے ایسے طرح سمجھو پئی اسیں دونویں زندگی دی نعمت دے وارث ہاں تانجو تہاڈیاں دعاواں اکُ نہ جان۔
۸۔چھیکڑلی گل اِہ ہے پئی سارے اِک دل تے ہمددر ہو ؤ بھرانواں وانگر محبت کرو نرم دل تے نیویں رہو۔
۹۔بد ی دے بد لے بد ی نہ کرو تے گالی دے بدلے گالی نہ دیو سگوں برکت منگوں کیونجو تُسیں برکت دےوارث ہون لئی سدے گئے ہو۔
۱۰۔جہڑ ا زندگی تھوں خوش ہو نا تے چنگے دن ویکھنے چاہنداہے اُہ زبان نو ں بدی تھوں تےمُنہ نوںمکر دی گل آکھن تھوں موڑے ۔
۱۱۔بدی تھو ں لا نبھے رہےتے نیکی کردا رہے صلح لبھد ا رہےتے اُہد ا پچھا کردا رہے ۔
۱۲۔کیونجو خداوند دیاں اَکھیا ں راست بازاں وَل نے تے اُہدے کن اُہناند یاں دعا واں وَ ل نے پر بد کار خد اوند دی نظر وچ نے ۔
۱۳۔جے تُسیں شوق نانیکی کرو ۔تاں تہاڈے نال بدی کہڑا کرن والا ہے ؟
۱۴۔تے جے راستبازی دی خاطردکھ سہو تاں تُسیں مبارک ہو نہ اہناند ےڈرا ن تھوں ڈروتے نہ گھا برو ۔
۱۵۔ سگو ں مسیح نوں خدا وند جا نکے اپنے دلاں وچ پاک سجھوتے جہڑ اتہاڈے کولوں تہاڈی اُمید دا سبب پچھے اُہد ا جواب دین لئی ہر ویلے تیار رہو پر حلیمی تےخوف نال تے نیت وی نیک رکھو ۔
۱۶۔ تانجو جہناں گلاں وچ تہاڈے اُتے عیب لایا جاندا ہے اُہناں وچ اُہ لوک شرمندے نے ۔کیونجو جہڑےتہاڈے مسیحی نیک روئیے طعنے دیندنے ۔
۱۷۔کیونجوجےخدا دی ایہو مرضی ہووے پئی تُسیں بھلا کر کے دکھ سہو تاں اُہ بُر ا کر کے دکھ سہن نالوں چنگا ہے ۔
۱۸۔ایس لئی پئ مسیح وی راستباز نارا ستاں دے لئی اَکو وار دکھ اُٹھایا تانجو سانوں خدادےکول اپڑ ائے اُہ جسم ولوں ماریا گیا پر روح ولوں جوالیا گیال۔
۱۹۔ایس حال وچ اوس جاکےاُہناں قید ی روحاں وچ منادی کیتی ۔
۲۰۔جہڑیا ں اوس اگلے زمانے وچ بے فرمان سان جدوں خدا نوح دے ویلے صبر کرکے اوڈیکدا رہیا سی تے اُہ بیڑی تیار کیتی جاندسی جہدے اُتے سوار ہو کے تھوڑے جیھے بندے یعنی کل اٹھ جاناں پانی دی راہیں بچیاں ۔
۲۱۔تے ٹھیک اوسےپانی وانگر بپتسمہ وی یسوع مسیح دے جی اُٹھن دی راہیں ہن تہانوں بچا ندا ہے ۔اُہدے تھوں جسم دی میل دور کرنا نہیں پر چنگی نیت جال خدا دا طالب ہونا مراد ہے ۔
۲۲۔اُہ اَسمان اُتے جاکے خدا دے سجے پاسے بیٹھا ہویا ہے تے فرشتے تے اختیار تے قدرتاں اُہدے تا بع کییتا ں گیاں نے ۔

۱۔ جدمسیح ساڈے واسطےجسم دا دکھ اُٹھایا تاں تُسیں دی اوسے طیبعت دے ہتھیار بنو ۔ کیونجو جس جسم د ا دکھ اُٹھا یا اوس گناہ تھوں خلاصی پا ئی ہے ۔
۲۔تانجو تُسیں اگے نوں باقی عمرجسم دیاں خواہشاں وچ نہیں سگوں خدا دی مرضی نال کٹو ۔
۳۔ایس لئی پئی جنا چر پہلاں غیر قوماں دی مرضی
موجب کم کیتا تے جنا چر پہلاں تُساں لُچ پنے تے بریاں خواہشاں شراب پین وچ نا چ رنگ تےنشے بازیاں تے مکر وہ نت پرستی وچ لا یا اونا ہی بہت ہے ۔
۴۔اِہدے اُتے اُہ اچر ج ہندے نے پئی تُسیں اُہناندے نال اَیڈ ی بد چلنی نہیں کردے تے طعنے مہنے دیندے نے۔
۵۔اُہ اوسےنوں لیکھا دینگے جہڑ ا جیوندیاںمردیاں عدالت کرنے نوں تیار ہے۔
۶۔ تانجو مردیاں نوں وی خوشخبری ایسے سنائی گئی سی پئی جسم ولوں آدمیاں وانگر اُہناں دی عدالت ہووے پر روح ولوں اُہ خد دے موجب جیوندےرہن۔
۷۔ساریاں چیزاں ہن مُک چلیا ں نے ایس لئی ہوشیار رہوتے دعا منگن نوں سدااتیار رہو ۔
۸۔ ساریاں نالوں پہلاں اِہ چنگی گل ہے پئی آپو وچ بڑی محبت کرو ۔کیونجو محبت بہتےگناہاں اُتے پردہ پا چھڈ دی ہے ۔
۹۔بُڑ بُڑ کیتیاں بناں آپووچ مسافراں وی خاطر توضع کرو ۔
۱۰۔جنی نعمت کسے نوں ملی ہےاُہ اُہنو جدا دیاں ساریاں نعمتاں دے چنگے نوکراں وانگر دوجے دی ٹہل واسطے ورتیاکرے ۔
۱۱۔ جیکو ئی کجھ آکھے تاں اجہیا آکھے جس طرح خدا دا کلام ہےجے کوئی ٹہل کرے تاں اونی طاقت نال کرے جنی خدا دیند ا ہے تانجو ساریاں گلاں وچ یسوع مسیح دی راہیں خدا دا جلا ل ظاہر ہووے جلال تے سلطنت ہمیشہ تیکر اُہد ی ہی ہے ۔آمین۔
۱۲۔پیار یو جہڑ ی مصیبت دی اَگ تہاڈی ازمائش دے لئی تہاڈے وچ بھڑکی ہوئی ہے ۔اِہ سمجھ کے اچرج نہ ہوؤ پئی اِہ کوئی انوکھی گل ساڈے اُتے ہوئی ہے ۔
۱۳۔سگوں تُسیں خوشی کرو پئی تُسیں مسیح دیاں دکھاں وچ بھنجال ہو تانجو اُہد ے جلال دے ظاہر ہو ن دے ویلے بےاَنت خو شی کرو ۔
۱۴۔جےمسیح دے ناں دے سبسبوں تہانوں طعنے مہنے ملدے نے تاں تُسیں مبارک ہو کیونجو جلا ل دا یعنے خد اداروح تہاٖڈے اُتے رہند ہے۔
۱۵۔تہاڈے وچوں کوئی جناں خونی یا چوریابد کار یا ہورناں دے کم وچ دخل دین والا ہوکے دکھ نہ پا ئے ۔
۱۶۔پر جے مسیحی ہون دا صدقہ کوئی جنا دکھ پائے تاں نہ شرمائے سگوں ایس نال دا صدقہ خد ادی وڈیائی کرے ۔
۱۷۔کیونجو اُہ یلا آ پچیا ہے پئی خدا دےگھر وں عدالت شروع ہووے تےجد ساتھوں ہی شروع ہو ویگی تاں اُہناندا کیہ اوڑک ہوویگا جہڑے خد ادی خوشخبری نوں نہیں مندے ۔
۱۸۔جے راستبازبندے مَساں نجا ت پانگے تاں ےدین تے گناہیں کتھے کھلو نگے ۔
۱۹۔سوجہڑے خدادی مرضی موجب دکھ پاندے نے اُہ راستبازی نال اپنیاں جاناں وفادار خالق نوں سونپ دین۔

۱۔میں اُہناں نوں نصیحت کرنا ہاں جہڑے تہاڈے وچوں بزرگ نے اُہناں وانگر بزرگ تے میں وی ہاں تے مسیح دے دکھاں دا گواہ تے ظاہر ہون والے جلان وچ بھنجا ل ہاں ۔
۲۔پئی خدا دے اوس اِجڑ دی رکھوالی کرو جہڑ تہاڈے وچ ہے لاچاری نال نگہبانی نہ کرو سگوں خوشی ہوکے خدا دی مرضی نال تے نا جا ئز نفع واسطے نہیں سگوں دل وے شوق نال۔
۳۔تےجہڑ ے لوک تہاڈے سپرد نے اُہناں اُتے حکومت نہ جتا ؤ سگوں اِجڑ لئی نمونہ بنو ۔
۴۔تےجدوں وڈا اِجڑی ظاہر ہوویگا تاں تہانوں جلا ل دا جہیا سہر ا ملیگا جہڑ ا کرماندا نہیں ۔
۵۔جوانو!تُسیں وی بز رگاں وی تابع وچ رہو ۔اِک دوجے دی ٹہل واسطے عاجزی نال لک بنھیں رکھو ایس لئی پئی خدا مغر وراں دا سامنا کرداہے ہے پر عاجزاں نو ں فضل دینداہے ۔
۶۔خدادے قوت والے ہتھ دےہیٹھ رہو ۔تانجو اُہ تہانوں ویلے سراُچا کرے ۔
۷۔تے اپناسارا فکراو سے اُتے سُٹ دیو کیونجو اُہنوں تہاڈا فکر ہے ۔
۸۔تُسیں ہوش رکھو تےجا گدے رہو تہاڈ ا ویر ی شیطان گرجن وال شیر وانگر لبھد ا پھر داہے پئی کہنوں پاڑ کھاواں ۔
۹۔تُسیں ایمام وچ پکے ہوکے اُہدے سامنا کرو کیونجو تُسیں جاندے ہوپئی تہاڈے بھراجہڑ ے دنیا وچ نے اجہئے ہی دکھ پے سہندے نے ۔
۱۰۔ہن تہاڈے تھوڑے چر تیکر تکلیف سہن دےپچھوں جہڑ اسارے فضل داخدا ہےجس تہانوں مسیح اپنے سدا دے جلال واسطے سیدیا ہے آپ ہی
تہانوں قائم تے مضبوط کریگا ۔
۱۱۔اوڑک تیکر اوسے دی بادشاہی رہے ۔آمین۔
۱۲۔میں تہانون سلوانس دی راہیں جہڑ امیری سمجھ وچ دیندار بھر اہےتھوں جہیا لکھ کے تہانوں نصیحت کیتی تےاِہ گواہی دتی پئی خدا دا سچا فضل اِہو ہی ہے ۔ایسے اُتے قائم رہو ۔
۱۳۔اُہ کلیسیا جہڑ ی بابل وچ تہاڈے وانگر چنی ہوئی ہے تے میر ا پُتر مرقس وی تہانوں سلام آکھد ےنے ۔
۱۴۔تُسیں اپنے و چ محبت نال اِک دوجے نوں پاک بوسہ دیکے سلام کرو ۔تہانوں سبھنا ننوں جہڑئ مسیح وچ ہو تسلی ملدی رہے۔