پولس رسُول دا دوجا خط تھسلُنیکیاں دے ناں

۱۔پولس تے سلوانس تے تھمتھیس وِلّوں تھسلُنیکیاں دی کلیسیا دےنا ل جہڑی ساڈے باپ تےخدا خدوند یسوع مسیح و چ ہے ۔
۲۔تہانوں خدا با پ تے خداوند یسوع مسیح وَلوں فضل تےتسلی ملد ی رہے۔
۳۔بھراؤ تہاڈےوَلّوں ہرویلے خدا دا شکر کرنا ساڈے اُتے فرض تے چا ہیدا وی ہے ۔کیونجو ایمان بہت ودھد جاند ا ہے تے تہاڈی ساریاں دی محبت آپو وچ بہت ودھد جاندی ہے ۔
۴۔ایتھو ں تیکر پئی اسیں آ پ خد ادکلیسیا واںوچ تہاڈے ولوں فخر کرنے ہاں پئی جنے ظلم تے مصیبتاں تُسیں سہندے ہو اُہناں ساریاں وچ تہاڈا صبر تے ایمان ظاہر ہندا ہے ۔
۵۔اِہ خد دی سچی عدالت دی صاف نشانی ہے تانجو تُسیں خدادی باد شاہی دے لا ئق ٹھیرو جہدے لئی تسیں دکھ وی سہند ے ہو۔
۶۔کیونجو خدادے اگے اِہ نیاں ہے پئی بد لے وچ تہاڈے دکھ دین والیاں نوں دکھ ۔
۷۔تے تہانوں دکھ سہن والیاں نوساڈے نا ل آرام دیو ے ۔اوس ویلے جدوں خداوند یسوع اپنیاں زور آورفر شتیاں نال بھڑکد ی ہوئی اگ وچ اسمانوں ظاہر ہوویگا ۔
۸۔تے جہڑے خدانوں نہیں پچھاندے تے ساڈے خداوند یسوع دی انجیل نو ں نہیں مند ے اُہناننوں بدلہ دیگا ۔
۹۔ اوہ خداوند دے چہرے تے اُہدی قدرت دے جلال کولوں دور ہو کے سدا ادی ہلا کت دی سزا پانگے ۔
۱۰۔اِہ اوس د ن ہوویگا جدوں اُہ اپنے مسیحیاں وچ جلال پان تے ساریاں ایمان لیاؤن والیاں وچ عجو بہ ہون لئی ہوویگا ۔ کیونجو تُساں ساڈی گواہی اُتے ایمان لیاند ا۔
۱۱۔ ایس لئی اسیں تہاڈے لئی ہرویلے دعا وی منگدے رہنے ہاں پئی ساڈے خدا تہانوں ایس بلاوے دے لایق جانے تے نیکی دی ہر خواہش تے ایمان دےہرکم نوں قدرت نال پوریاں کرے۔
۱۲۔تانجو ساٖڈے خدا تے خداوند یسوع دے فضل موجب ساڈے خداوند یسوع مسیح داناں تہاڈے وچ جلا ل پاوے تے تُسیں اُہدے وچ ۔

۱۔بھراؤ اسیں اپنے خداوند یسوع مسیح دے آؤن تے اُہدے کول اپنے اکٹھے ہون دی بابت تہاڈی منت کرنے ہاں ۔
۲۔جے کسے روح دی گل یا کوئی کلام یا اجہیا خط آوے جہٹرا گویا ساڈے ولوں ہے تاں اِہ سمجھ کے پئی خداوند دا دن آگیا ہے تہاڈی عقل جھٹ پٹ نہ ماری جائے تے نہ تُسیں گھا بر جاؤ ۔
۳۔کیونجو اُہ دن نہیں آؤنا تیکر پہلا ں بر گشتگی نہ ہووے تےاُہ گنا ہ شخص یعنی ہلاکت د ا پترنہ ظاہر نہ ہووے ۔
۴۔جہڑا مخالالفت کردا ہے تے ہرا ک کولوں جہڑا خدا کھواندا ہے یاجہد ی منتا ہندی ہے اپنے آپ نوں اُچا کردا ہے ایتھوں تیکر پئی اُہ خدا دے مقدس وچ بیھ کے اپنے آپ نون خدا ظاہر کردا ہے ۔
۵۔تہانوں یا د نہیں پئی جد میں تہاڈے کول ساں تد میں اِہ گلاں تہانوں آکھد اُہناں ساں ۔
۶۔تے ہن جہڑ ی چیز اُہنوں ڈکد ی ہے پئی اُہ اپنےویلے ظاہر ہووے تُسیں جاندے ہو ۔
۷۔کیونجو بےدینی دا بھیت ہن وی وعمل پیارا کردا ہے پرہن اک ڈکن والا ہےتے جد تیکر اُہ ہٹا یا نہ جا ئے ڈکدا رہیگا ۔
۸۔تے پھیر اُہ بے دین شخص جہنوں خداوند یسوع اپنے منہ دی پھو ک نال ہلا ک تے اپنے آؤن سےدے جلو ے نال فنا ہ کر یگا ظاہر کیتا جا یئگا ۔
۹۔یعنی اُہ شخص جہدا نا شیطان دی تاثیر موجب ہرطرح دی طاقت تے نشانیاں تے جھو ٹتے عجوبیاں نال ۔
۱۰۔تے ہلاک ہو ن والیاں لئی ناراستی دے ہرطرح دے دھو کے نال ہوویگا ایس لئی پئی اُہناں سچیا ئی دی محبت نوں قبول نہ کیتا جہدے نال اُہنا ندی نجات ہندی ۔
۱۱۔ یس لئی خدا اُہناں اُتے بد راہی دی تا ثیر گھلیگا تانجو اُہ جھوٹھ نوں سچ نانن ۔
۱۲۔تےجنے سچیائی دا یقین نہیں سان کردے سگوں باراستی نوں پسند کردے سان اُہ سارے سزاپان ۔
۱۳۔پر بھر اؤخدا دے پیار ا ساڈا فرض ہے پئی ہرویلے تہاڈے وَلّوں خداد ا شکر کرئیے۔کیونجو خدا مڈھوں تہانوں چن لیا ۔پئی روح دی راہیں پاک بن کے تے سچیا ئی اُتے یمان لیا کے نجات پاؤ۔
۱۴۔جہدے لئی اوس تہانوں ساڈی انجیل دی راہیں سدیا تانجو تُسیں ساڈے خداوند یسوع مسیح داجلال حاصل کرو ۔
۱۵۔سو بھر اؤ تگڑے ہو کے کھلے رہو ۔تے جہناں رو اتیا ں دی بابت تُساں ساڈی زبانی یا ساڈے خط دی راہیں تعلیم پا ئی اُہناں اُتے قا ئم رہو۔
۱۶۔ہن ساڈا خداوند یسوع مسیح آپ تے ساڈا باپ خدا جس ساڈے نا ل محبت رکھی تےفضل نال سدا دی تُسلی تے ا چھی اُمید سانوں بخشی ۔
۱۷۔تہاڈے دلاں نوں تسلی دے تے ہر نیک کم تے گل وچ پکیاں کرے ۔

۱۔سوبھر اؤ ساڈے جق اندر دعا کرو ۔پئی خدا دا کلام ایڈ ی چھیتی پھیل جا ئے تے جلا ل پا ئے جس طرح تہاڈے وچ ۔
۲۔پُٹھے تے برے آدمیاں تھوں بچے رہو کیونجو ساریاں وچ ایمان نہیں ۔
۳۔پر خدا وفادار ہے اُہ تہانوں مضبوط رکھیگا تے اوس شریر تھوں تہاتھوں تہاڈی راکھی کریگا ۔
۴۔تے سانوں تہاڈے ولوں خداوند وچ وسا ہ ہے پئی حکم اسیں تہانوں دینے ہاں تُسیں اُہناں اُتے عمل کردے ہوتے کردے دی رہو گے ۔
۵۔تے خداوند تہاڈے دلا ننوں خدا دی محبت تے مسیح دے صبر ول ہدایت کرے۔
۶۔ہن بھراؤ اسیں اپنے خداوند یسوع مسیح دے ناں وچ تہانوں حکم دینے ہاں پئی اجہیے ہراک بھرا تھوں بچے رہو۔جہڑ ا بے قاعد ہ ٹر دا ہے تے اوس روایت اُتے عمل نہیں کردا جہڑی اہنوں ساڈے ولوں ملی ہے ۔
۷۔کیونجو تُسیں آپ جاندے ہو پئی تہانوں ساڈے وچ بیقا عدہ نہیں ساں ٹر دے ۔
۸۔تے نہ کسے و ی روٹی مفت کھاندے ساں سگو ں محنت مشقت نال راتیں دنے کم کردے ساں تانجو تہاڈے وچوں کسے اُتے بھا رونہ ہووئیے ۔
۹۔ایس لئی نہیں پئی سانوں اختیار نہیں سی پر ایس واسطے پئی اسیں اپنے آپ نون تہاڈے لئی نونہ بنا ئیے تانجو تُسیں ساڈے وانگر نبو ۔
۱۰۔جد اسیں تہاڈے کول ساں اَساں تہانوں اِہ حکم دتا سی پئی جہڑ ا کم نہ کرے اہنوں کھانا وی نہ ملے ۔
۱۱۔کیونجو اسیں سننے ہاں پئی تہاڈے وچوں بعضے بے قاعد ہ لڑدے نے تے کوئی کم نہیں کردے سگوں ہورناں دےکم وچ ہتھ پا ندے نے ۔
۱۲۔ہن اجیہاں نوں اسیں خداوند یسوع مسیح وچ حکم دیند ے تے نصیحت کرنے ہاں پئی چپ چاپ کم کرکے اپنی ہی روٹی کھاؤ۔
۱۳۔تےتُسیں بھراؤنیک کم کرن وچ تھک نہ جاؤ۔
۱۴۔تےجہڑا ساڈے ایس خط دی گل نہ منے اُہدے ول خیا رکھو۔ اُہدے نال نہ بہوؤ نہ کھلوؤ تانجو اُہ شرمند ہ ہووے ۔
۱۵۔اُہنوں ویری نہ سمجھ سگوں بھرا سمجھ کے نصیحت کرو۔
۱۶۔ہن تسلی دا خداوند آپے تہانوں ہمشہ تے ہرطرح نال تسلی بخشے خداوند تہاڈے سبھناں نا ل رہے۔
۱۷۔میں پولس اپنے ہتھ نال سلام لکھناں ہاں ہر خط وچ میری ایہو نشانی ہےمیں ایسے طرح لکھنا ہناں ہاں ۔
۱۸۔ساڈے خداوندیسوع مسیح دا فضل تہاڈے سبھناں اُتے ہووے۔